العشاير في هواهن تعبني الشاعر بدر القوس

طي
X
 
  • التوقيت
  • إظهار
مسح الكل
المشاركات الجديدة
  • الرااقي
    عضو نشيط
    • Oct 2010
    • 57

    #1

    العشاير في هواهن تعبني الشاعر بدر القوس

    العشاير في هواهن تعبني ** تعبني وابعدني عن هوايه

    هيضني بالقوافي يوم اغني ** والطيور يجاوبني في غنايه

    في فياض(ن)نبته(ن)طال متثني ** طايل(ن)نبته وعود بنحنايه

    يم قذله والمجاذم ربعني ** ربعن شهرين مرباع(ن)كفايه

    ويوم شان الارض عنهن شرقني ** واكملن مرباعهن بأتم غايه

    في نفودن تحجب الصمان عني ** من جنوب اليا شمال بعرض جايه

    في خببها القود دايم يرتعني ** مدهل البدوان قبلي بالبدايه

    ويوم طاح الصيف يمه سندني ** وباشرن النبت في وقت استوايه

    بالشفا مربا العشاير صيفني ** كل وحده نيها مثل البنايه

    كالهضاب النايفات اليا زمني ** كسب اهلنا ماخذوهن بالشرايه

    مثل ضلع النير سود(ن )يعجبني ** معدن البل ماعلي من الدعايه

    ياخذن القلب معهن لامشني ** كل ملحاً شيٌفه غاية منايه

    الاذاني بالصناقر يجذبني ** مثل اذان الذيب فيهن احلايه

    وجهها ضافي من اللي يرغبني ** طافحن غضروفها مابه وطايه

    ورقبتها كامله من كل فني ** منوة الوبال مافيها حكايه

    صدرها سناد ماهوب الادني ** والسنام موسطن فيه اعتلايه

    فاهقن يم الحجب وينوشهني ** والفقار مجمله عالم خفايه

    ذيلها ضافي وعرقوب متحني ** ماتصد العين عنها بالغضايه

    والخفاف اكبار والمشي متوني ** من جميع الزين فيها كل شايه

    طولها عنها الايادي يقصرني ** وجنبها تسعه وفيهنه رهايه

    منوة الحلاب ترزم ماتحني ** والحليب اصطول والطبع الهدايه

    واسمحولي واسمع الاوصاف مني ** واعذروني كان مخطي في خطايه

    لشاعر بدر عبدالرحمن القوس
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صح لسااااااااااااانه
    التوقيع

    محمد الذيابـــي

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      صح لسان الشاعر / بدر القوس ..


      ولاهنت على النقل الرائع ..


      تحيتي لك
      ..
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • الرااقي
        عضو نشيط
        • Oct 2010
        • 57

        #4
        صح بدنك اخوي محمد الذيابي

        تعليق

        • الرااقي
          عضو نشيط
          • Oct 2010
          • 57

          #5
          صح بدنك اخوي محمد العتيبي

          تعليق

          العمل...