الشاعر مرزوق الثبيتي

طي
X
 
  • التوقيت
  • إظهار
مسح الكل
المشاركات الجديدة
  • عـقـــــــــــاب

    رابطة محبي الهيلا

    • Jul 2011
    • 1002

    #1

    الشاعر مرزوق الثبيتي

    السلام عليكم ورحمة الله وبركاته

    هذه القصيده للشاعر مرزوق بن محمد بن غانم الثبيتي

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الا ياشين طبعك يازماني=علامك قمت للشين تحداني
    اخفي عنك هم مايخفى=وما بالقلب يبديه اللساني
    اخفي عنك هاجوس الضماير =واسلي خاطري والعمر فاني
    ولا ياطير لاتزعج بصوتك=تغني ماطواك اللي طواني
    تجر الصوت وتغني ولكن=انا اعد الدقايق و الثواني
    سهرت الليل ماغمضت عيني=انا والجدي وسهيل اليماني
    اجاهد لي هموم في ضميري=وعيني من عناها الهم جاني
    عقب ماجيت مدهال الجماعه=مداهل ربعي طوال اليماني
    لقيته صحصحٍ تذري هبوبه=وهجوسٍ رجعن عشؤي ثماني
    وخالية مداهيله وعده=ماكنه داج فيه المودماني
    وتنهت ضامري واسفل بدمعه=وقلبي يستحس ولا يداني
    ولا ياطير ان بنشدك وابغى =جواب للضمير اللي شعاني
    ضمير فيه وللي يشوفه=يشوف الغبن عيان بياني
    وابا رد الْناس في سوالي =وابا هرج الحقيقه بالضماني
    ولا ياطير ماعينت ربع=على اللافي يسوقون التهاني
    منازلهم هنيا قبل مده=الا يازين هذيك المباني
    بيوت للضيوف بها كرامه=وحيل في نظيفات الصياني
    مشاكيل تكرم من لفاها=تعز الضيف وتعز العواني
    رجال ماتلين لهول بقعاء=مهابتهم رفيعه ماتهاني
    ولهم من طيب معدنهم مواري=صبر فالزمان القلباني
    رجال حافظين حقوق ربي=وباقي فروظهم باعلى مكاني
    ضمايرهم نظيفه ماحواها=شكوك مثل بعض الخيبلاني
    رجال بجارها تكمل حقوقه=يموت الجار ماشاف الهواني
    يعزز جانبه عن كل ميله=ويدرى عن كلام السيفهاني
    رجال سدهم مابان غيبه=ماغاب السد عن عوج المحاني
    يعزون الرفيق ويكرمونه=ويدله مع رفيعين المعاني
    يبى يدله غريب الدار معهم=يبى ينسى غرابيل الزماني
    ليا شاف الزحول اللي توده=نسى ماكان له لو كان جاني
    رياجيل على درب المراجل=يسوقون الخطا سوق السواني
    حشام مايجيك الشين منهم=عزاز مايخاوون الهداني
    كرام كل علم زين فيهم=جبال للذرى فيها مكاني
    طحاطيح يعزون القبيله=سيوف فاللقا تروي السناني
    ليا ركبو على شرد الاصايل =حياض الموت ماعنها ثواني
    ياكم من فارس منهم تأثر=بكت انثاه عقب الموت حاني
    وياكم من فارس راحن قلاعه=اخَذوها عريبين المجاني
    جهاهيل بوقت الجاهليه=على جهل خفى ولا بياني
    الا يازين جو نازلينه=ليا ساقاه همال الغشاني
    ليا هبت ذعاذيع الهبايب=وجا للطير بارجاها غواني
    بوسط الخايع اللي ريح نبته=شذا عنبر ومسك وزعفراني
    وحس نجورهم والنار تشعم =من ليا دنت عقب صوت الاذاني
    ليا دنه وقام النجر يقنب =بها زيج ماتبغى ترجماني
    تنادي للمسير والمسير=ليا اوحاها يجي للصوت عاني
    هذا ياطير ثلث وصوف ربعي=وباقي وصوفهم يعجز لساني
    تبى تعجز مراديف القوافي=لبن لعبون ولا الهرمزاني
    ضحك ثم لد فيني وقال راحوا=وانا من عقبهم هذا مكاني
    مراح ماوراه اليوم رجعه=فانا والعمر يامرزوق فاني
    تبى ترضيك دورات الليلي=تبى ترضيك لو كنت زعلاني
    وهلت دمعتي واقفيت سات=وزواني من زماني ما زواني
    عقب راحوا عطيبين الضرايب=وجو ناس رضوا عيش الطماني
    عقب دنيا الفنى دارت رحاها=خذت من وسيعين البطاني
    وجاك اللي ليا شاف السواده=يشورف بالعيون وبالاذاني
    وتبعها مثل ورع يتبع امه=وبذ المسلمه مخطي و جاني
    يطب السوق لو ماله دواعي =ومن دكان في دكان ثاني
    عسى جنسه مع العلم قليل=ردي العرف ملعون المجاني
    يدن مسجله من قل عرفه =بمياسه و بنت المشعلاني
    يرز العمر والمنسب يخونه=وقال انا فلان بن الفلاني
    لو ان المرجله بالمال تشرى =حكرها الراجحي والبهبهاني
    لكن دربها صعب على اللي=ليا جاء لازمه عنها متواني
    ضعيف كل علم شين حازه=مضيعته حلومه والاماني
    يدوج الليل ماتصهر عضوده=من المغرب لين الصبح باني
    وهو يفتر من شارع لشارع=مع الدشير قاصي وداني
    دشير كل شي حافظينه=عسى ربي عن الشين يحماني[/poem]

    وسلامتكم
  • مشاري الحبردي
    ذيـب الـهـيـلا
    • Aug 2006
    • 4888

    #2
    صح لسان مرزوق


    وسلمت يمناك ياعقاب

    تعليق

    • هجاد الثبيتي
      عضو ذهبي
      • Nov 2010
      • 385

      #3
      صح السااان مرزوق ولا هنت ع النقل ياعقاب

      تعليق

      • (مہودع دنہيأهہ)

        رابطة محبي الهيلا

        • Mar 2011
        • 1026

        #4
        صــــــــــح لسااااااااانه. وبيض الله وجهك على النقل ولاهنت.



        تقبل مروري:وننتضر جديدك


        أخووووووووك

        تعليق

        • عـقـــــــــــاب

          رابطة محبي الهيلا

          • Jul 2011
          • 1002

          #5
          تم النشر في الأصل بواسطة مشاري الحبردي عرض المشاركة
          صح لسان مرزوق


          وسلمت يمناك ياعقاب
          صح بدنك بالنيابه

          ولاهنت ع مرورك

          تعليق

          • عـقـــــــــــاب

            رابطة محبي الهيلا

            • Jul 2011
            • 1002

            #6
            تم النشر في الأصل بواسطة هجاد الثبيتي عرض المشاركة
            صح السااان مرزوق ولا هنت ع النقل ياعقاب
            صح بدنك بالنيابه

            ولاهنت ع مرورك ياهجااد

            تعليق

            • متعب الند
              عضو ماسي
              • May 2011
              • 643

              #7
              صح السانك ...........مرزوق الثبيتي .... شاعر كبير......... وشكر على النقل المميز


              وتقبل تحياتي

              تعليق

              • عـقـــــــــــاب

                رابطة محبي الهيلا

                • Jul 2011
                • 1002

                #8
                تم النشر في الأصل بواسطة (مہودع دنہيأهہ) عرض المشاركة
                صــــــــــح لسااااااااانه. وبيض الله وجهك على النقل ولاهنت.



                تقبل مروري:وننتضر جديدك


                أخووووووووك
                صح بد~~~~~~نك . ووجهك ابيض ع التعليق ولاتهوون

                تعليق

                • عـقـــــــــــاب

                  رابطة محبي الهيلا

                  • Jul 2011
                  • 1002

                  #9
                  تم النشر في الأصل بواسطة متعب الند عرض المشاركة
                  صح السانك ...........مرزوق الثبيتي .... شاعر كبير......... وشكر على النقل المميز


                  وتقبل تحياتي
                  صح بدنك.............. بالنيابه............. والعفو ولاهنت يامتعب الند

                  تعليق

                  • عـقـــــــــــاب

                    رابطة محبي الهيلا

                    • Jul 2011
                    • 1002

                    #10
                    وهذه قصيده اخرى قالها في بدايته وهي تحكي عن الشعر الحداثي

                    واليكم القصيده


                    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
                    كريم يابرقٍ لمع في خياله=شعلة سناه تشق روس الاداعيب
                    هيضتني من عقب مانيب داله=ياذيب ياللي للعشاء تدعي الذيب
                    الكافر الليل حال قتله وماله=لا يشغل المسلم بشذب العراقيب
                    والشعر بذه اكثر الناس حاله=بالمنطق السيئ وشين الاساليب
                    واعزتي للشعر مما جراله=من عالم ماتعرف الشين والعيب
                    حثالةٍ يا ويها من حثاله=الشعر يبغونه بروس المشاعيب
                    قد قالها ملفي واكرر مقاله=اللي كسب من هول بقعاء تجاريب
                    لا جاك واحدهم تقارع نعاله=ماكنه الا كاسبٍ شمّخ النيب
                    يعذرب العالم وهو قد حاله =يدور المضرب وكله مضاريب
                    كذب و صدق كذبته من هباله=يقول انا الشاعر وراع المواجيب
                    واصبح على الشعار والشعر عاله=جسم بليا عقل والساس تركيب
                    يامن شراله علةٍ من حلاله=هذاه يبغاله عن الشعر تاديب
                    وغنى ضعيف العقل مما طراله=يقولها يبغى يطول المراقيب
                    اما تغزل فالحبيب و جماله=ولا مدح مدحٍ على غير توجيب
                    ولا يذم اهل الوفا والشكاله=اللي مهابتهم تهد الاصاعيب
                    ثم قال انا شاعر وميّل عقاله=وهو صاير للشعر هم و عواقيب
                    هرجٍ على وزن وقوافي ولاله=يعنى ولا حصل ياكود الاتاعيب
                    بيوتٍ هزيله ماتعرف الجزاله=لا مطلعٍ كايف ولا حسن ترتيب
                    وليا نصحته قلت هذي جهاله=جنب وخل الملعبه للواعيب
                    قال انت حاسدني وغره خباله=وانا من الشعار غصبٍ بلا طيب
                    قام يتطشم كن ماحدٍ قباله=كنه ولد ابن بصيص تراحيب
                    هذاه مالي مع جنابه زماله=لالي ولاله من ورايه مطاليب
                    نذرٍ علي اني لعقد حباله=و ورده عدٍ خفيف المشاريب
                    وعيفه طاري القصيد ومجاله=وجنبه عن ساحة الشعر تجنيب
                    فالرجل مجلاسه على العز لاله=اخير من عمرٍ على غير توجيب
                    وارضٍ خلا فيها البنادم لحاله=افضل ولا خوة قريب المحاضيب
                    والجانب اللي مايضلل ضلاله=ماجيه لو تكثر علي اللواهيب
                    وانشدك عن عودٍ يزوج عياله=بناتهم من دون شكٍ ولا ريب
                    الام وحده جت بليا حماله=بنتٍ لبوهم علم مافيه تكذيب [/poem]

                    وسلامتكم
                    تم التعديل الأخير بواسطة عـقـــــــــــاب؛ 08-Jul-2011, 01:35 AM.

                    تعليق

                    • عزارم

                      رابطة محبي الهيلا

                      • Dec 2010
                      • 2691

                      #11
                      صح لسانك وتسلم يمناك ياسنايدي

                      تعليق

                      العمل...