مقتطفات ,,!! للمبدع : محمد طلال المقاطي العتيبي

طي
X
 
  • التوقيت
  • إظهار
مسح الكل
المشاركات الجديدة
  • عبدالمجيد العطاوي
    شـــاعــر
    • Apr 2008
    • 844

    #1

    مقتطفات ,,!! للمبدع : محمد طلال المقاطي العتيبي

    [align=center]

    ,,

    مساكم الله بالخير والسموحة على الغياب لكن الدراسة الجامعية ما خلت احد على كيفه ,,
    واليوم جبت لكم بعض من درر اخوي العزيز / محمد طلال بدر المقاطي العتيبي وانشالله تحوز على رضاكم واستحسانكم ,,
    [/align]

    [poem=font="simplified arabic,4,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
    تـل قلبي تـل دلـوٍ مـن أعماق القليب =آردوا لـه يـوم فـازو قـراحـه من وغـاه
    زوع كبدي زوع حرن جناحه مستصيب=يـطلـع أن شـاف الـحباري ولايـدرك مـناه
    الـقـدر قـرب بـعـيــدي وبـعـدلـي قـريـب=العليم الله والـغـيــب مـدري وش وراه
    مـن يـقول الـجرح يـاخذ ليالي ثم يطيب =والله أن يـاخذني الموت والـجرح فـ طراه
    الحشر يـومـه يـجـازي طليبٍ من طـليب=في نـهاره كـل زولٍ يـبـي يـلـقـا جـزاه
    رح وانـا مـا آحـاسبك ربـي اللي لك حسيب =ربـــنـــا جــلا تـعـالـى ولا نـعـبــد سـواه
    عالمن شاللي نـجـيبـه ونـجـهل وش يجيب =كـل عـمرن مـن على اللوح قد دون قضاه
    لاصـديــق ولاعــدو لاقـريـب ولا حـبـيـب=المـهـبــّا لـو وفـا سنـيـن مـازولـن بـغـاه
    ياوجودي لا ابـتـدا اللـيـل من عقب المغيب =وجـد مـن حـده زمـانـه على اللي قد عطاه
    راجين بـنـك الجـمايـل في مقطوع النصيب =وخابت الـهقوات يـوم انـقطع حبل الـنـجـاه
    يابري حالي على الـلـي بـلا سـبـه يـغـيـــب=لـي ثـمـان سـنين آجـامـل وطاول في جفاه
    عقب خلي فيه بيتن معا أفـكـاري صحيب=تـل قـلـبي مـن حناياه ثـــم مـّزع شــواه
    الليالي شـيبت بـي قـبـل حــل الـمشيــب=لاعطيت الـوقـت وجـهـي يـلقـيني قـفــاه[/poem]


    [align=center],,[/align]


    [poem=font="simplified arabic,4,firebrick,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
    قال من قوله على الهضب بالشلفا نحت =تـمضي الاجـيال قــولــه على ملـفوفهـا
    مـل عيـنن تسـهر اللـيل مـايوم فـرحـت=الـفـجـايــع شــوفـهـا والـصـدوف تـحوفها
    دمـعــتـي لاهــود الــلــيـل والناس أمرحت=سـاقـت الـهـاجوس حــدرا تخيل طيـوفها
    يـا هـجوسن بـالوهم رحبت ثم مـالـحـت=أسـقي الضـامي عــيونـن تــردا شـوفهـا
    دنـيتن لـو زانــت الــيوم بــكره كــوسحت=اللــيــالي تــســعدك ثــم تــحد سـيوفهـا
    كـن فـي كـبدي خلوجن معا الذود سرحت=درهـمت بـالـهــون وانسـت خبط خفوفها
    واهنـي الـنـاس بــالحض لامـنهـا افـلحـت=ولا انـا في الليل جـدواي صفق كفـوفهـا
    لا حسـد ياللـه لا الـناس سـارت ونـجحت=لا تـنشـد يـاحــمد خــلـهــا بــضروفــهــا
    من يبدلنـي بـحضـه لـيـا مـن كـلـحـــت=والـلـه ان أمــوت منسـا مـعي معـروفهـا
    اضـحـك ومـاكـن بقـعا على قلبي انتـحت=قـانعن حـكـم الـلــيالي وضـلـم صـدوفها
    الـلـيالي خـطو خـيلـن علـى الحض جمحت=حـكمت الله في الليالي تـخّفي صـروفهـا
    ااخـذ الـعـالم بــميــزان ولـيا مــرجحــت=أعــرف عــزاز الـقبـيلـه وأعرف ضعوفها
    أعـشق النفس الـسموحـه لـيـامنها دمحت=طــبــها فـي حبــهــا سعد عين ضيوفهـا[/poem]


    [align=center],,[/align]


    [poem=font="simplified arabic,4,green,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
    ونـتـي ونـت يـتيمن بـلاه اللـي ولاه=شـاف ضـيمـه مـن عمـامه ولادانـا الـخوال
    مـاجـداه الــلا الــدعـاوي ليا أقام الصلاه=ولاتشافا بـالـدعــاوي وهـــمــه لايــزال
    ما شكا ضـيــم الزمـن ساترن ضحكه بكاه=مـرتـخـا لــصـدوف بــقـعـا لـيا شال الثقـال
    الـولـي لا اعـطـا عـيـالـه نـهره ولا عـطـاه=يمسي ويصبـح فـقــيرن ولايـمـلــك ريــال
    يـــاوجـودي يوم قلـــبــي غيـابـه مـاقــواه=وجــد عـودن فـي الـرعــايـه تبروه العيال
    أدري انـي بــاتـوفــى وانــا مبغـي ســواه=مابغا وصـلـي عشــيري ونـسـيانـه محـال
    حبكم في الروح مـنـقوش في راحة صفـاه=ماتحزحها الهبايـب ولا تــمـحـا الــرمـال
    واللـه ان يـبــطي عــشيري وانـا أطري غلاه=غـيـر قــولـولـه يــسير لـيـا جـا له مـجال[/poem]


    [align=center],,[/align]


    [poem=font="simplified arabic,4,sienna,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
    لـو الـسـعـوديـه درت عـن سـفرهــا=خـطرن تـشكل من على الشعب زلزال
    مــالــوم عــيـنـي لابـــلاهـا سـهـرهــا=تـلطمبهـا الـفرقـا من الجال للـجــال
    زولـن يـصـافـيـهـا وزولـن قــهـرهــا=تـحـتــال بـالـدنـيـا ولاهـيـب تـحـتـال
    في بـو ثـمـان(?_) دوب نقطف ثمرها=دقـيق رمـشـه وادعج العين فـنـجــال
    بـريـقـهـا تـســقــي بــواذر زهــرهــا=تروي لـيـان الـعـود في وزن مكـيـال
    خمسه شبر عرض النحر مع ضـهرها=يكـسيه لـيلـن مـعترض فـيـه مشـوال
    آلـيـا خـذتــنــي فـي طـراوة نـحـرهــا=مـالي سـوا جــر آلـنـسم قبل الآمـثال
    ردفــه بـعـض اعـضاء جسمه دمـرهـا=الساق مـهـمـا يّـدرج فيـه مـا احـتال
    خـــدودهـا من حـين سـالـت عـبــرهــا=ضـاع فحـــمـار خـدودهـا حبة الـخـال
    لاقـالــت اف وفـيـه شــيـن نــهــرهــا=لـو شـافها الـمفتي سمحلي بالاسبال
    والله يـلـولا الـعـيـب لا اجـمـع مـهـرهـا=غـيـر الـبـلا عـارن يــجـي مـنّهـا عـيـال
    وانـا اللـذي كـبـدي بــلاهـا فــطـرهـــا=مـدري الـبـلا فــيـنـي أو أنه فـالانــذال
    اصـحـابــنـا قـفـّو وجـبــنــا خـبــرهـــا=عـقب آلقسا صـارو هــلا كيف الاحوال
    مـن كثـر مـاجـربـت قــاسي عـبــرهــا=بـنــك الـجـمـايـل خـيـر من بنك الآموال[/poem]


    [align=center],, [/align]

    [poem=font="simplified arabic,4,darkblue,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]

    الا وان كـان فـي صـدك عـذابـي=جـفـا الـغـالـين مـن قبلك عثـابي
    على الفجعات من صغري مضـرا=فـمال اللـه قـبـل اطـوي زهـابـي
    جفا شـروك مـالـه غـيـر كـلـمـه =فـمـال الــهـم يـامـال الـذهـابـي
    عـلـى ابـن أعبـود مـافاد الـتـردد=وسـيـع الـعـرف مـاشالا صـوابـي
    علـيـك الـلـه دام انــك مــعـــزم=تـذكـر عـشـرتـي وانـسـا عـتـابـي
    اذا الـهـاجـوس فـي لـيلـه سـرا بك=فـنـا الـهـاجـوس مـن مبطي سرا بي
    لـيـا مـن رحـت ضـامـي في سرابـك=تـــــذكــرنــي ولا تــــتـبـع سـرابــي
    مـخـيـل الـمقـفـيه لـوهـي دنـتـبــي =كـتــوم الــــــهــم مـازولـن درابــي
    ولا مـــن جـاب طـاريـنـا عـذولــي=علـيـك الــلـه وبـــخ مـن حــكــابــي
    فـريـت الـضـلـع فـي سـاعة وداعــك=قسمت الـكـبـد وأركـيـت الـجـنـابـي
    لـيـــــا مـن شـفـت خــلانــك تـردو =تـعـرف الـفـرق لا ذلـــك غــيـــابــي[/poem]


    [align=center],,[/align]


    [poem=font="simplified arabic,4,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
    أن مااحتميت الصحيب وسقت دمي لـه=عقبني الـطيب والـقـعـدان والـدلــه
    وان كـان ابن عـمـنـا ما أفديت عيني لـه=ياجـعـل كـبـدي شـواهـا تـونس الـمـلـه
    ليـا لـفـا الـضـيف فــوحـنـا مـعـاميـلــه=يـقـفـي وهـو مـن شحـمـنـا أيديـه مبتلـه
    وش خـانـت الـرجـل لـو مـايذكره جيـلـه=حـتـى لـيـا مـات كـلـــن يــدمـح الـزلــه
    مـيــر الـهـوا يـلـوي الـقــرم فـمـحـابـيله=يـجـعـل خـيـار الـنـشـامـا فـيـه مـخـتـلـه
    كـم مـن شـجـيـعـن دمـوعـه في مناديـلـه=وجـيوش الأوهـام فـي سـلـواه مـحـتـلــه
    البارحـه دمـع عـيـنـــي جــاريـــن سـيـلـه=مـابـيـن يــمـكـن واكـيـد وبـــيــن لابــلــه
    ثـلاثــت سـنــيـن مـاجـتـنـي مـراسيــلــه=وكــل الـجــوراح عـلـى رجـواه مـنـشـلــه
    كـان نـكــرت السنين في يــوم وفـ لــيــلــه=يــاويــن تـلــقــا بــدالــي يـــبـري الـعـلــه
    مـحــمــد الـيـــوم مــاتـاصـل مـواصـيلــه=أبــتــعـرف الــفـرق لاانــحـديـت لـلـذلــه
    وشـلـون نــوفــي وكــلـن يـلعب بــذيـلــه=مـحـال يـصفـي الـهــوا لا صــار بـه شلـه
    أردف عـلـى الــصـوت بــالاهـات واشـيلـه=كــون الـحـنـايــا بــقــلـص الـهــم مـنـتـلــه
    قـال الـمـقاطــي وثــنـا فــي مــواويــلـــه=بـيـتـن حـبـكتـه وبــهـديــه الـعـمر كــلــه
    أن محتـميــت الصحيب وسقـت دمي لـه=عــقبـنــي الـطـيـب والـقـعـدان والـدلــه[/poem]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    لاهنت يالعطـــــــــــاوي
    التوقيع

    محمد الذيابـــي

    تعليق

    • عزارم

      رابطة محبي الهيلا

      • Dec 2010
      • 2691

      #3
      اشكرك على هذا الجهد المبذول من جمع القصائد ونشرها

      لاهنت قصائد جزلة ولاهان قايلها

      صح لساااااااااااااااااان الشاعر محمد طلال المقاطي

      تقبل خالص تحياتي

      تعليق

      • مشاري الحبردي
        ذيـب الـهـيـلا
        • Aug 2006
        • 4888

        #4
        من طول الغيبات جاب الغنايم


        صح لسان محمد


        وسلمت يمناك يالعطاوي

        تعليق

        • ابن مصلح
          عضو
          • Mar 2009
          • 16

          #5
          [align=center]

          الله الله الله الله

          لله دررررررك يابن طلآلآل قصائد تكتب بماء الذهب




          آآآآآبو نمرر ::

          من طوّل الغيبات جاب الغنايم على قولتهم هههههههههه الله يلعنها من دراسة اللي بعّدتك عنّا ياخووك


          لآهنت تقبل تحياتي


          اخخوووك : عبدالرحمن مصلح
          [/align]

          تعليق

          • عبدالمجيد العطاوي
            شـــاعــر
            • Apr 2008
            • 844

            #6
            [align=center]
            ,,


            يالرررررربع معليش تعدل بسيط في القصيدة الاخيرة :[/align]




            [poem= font="simplified arabic,4,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
            قال المقاطـي وثنـا فـي مواويلـه=بيتن حبكتـه وبهديـه العمـر كلـه[/poem]


            [align=center]التعديل[/align]


            [poem= font="simplified arabic,4,darkblue,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
            قال المقاطـي وثنـا فـي تماثيلـه=بيتن حبكتـه وبهديـه العمـر كلـه[/poem]

            تعليق

            • عبدالمجيد العطاوي
              شـــاعــر
              • Apr 2008
              • 844

              #7
              [align=center]
              ,,,


              مشكووووورين جميعا على المرور والله لآ يهينكم وصحّت ابدانكم بالنيابة ,,[/align]

              تعليق

              العمل...