ماجد النصيف +مرزوق المقاطي+عبدالله بن عون

طي
X
 
  • التوقيت
  • إظهار
مسح الكل
المشاركات الجديدة
  • سعد الرويس العتيبي
    عضو ذهبي
    • Jun 2011
    • 362

    #1

    ماجد النصيف +مرزوق المقاطي+عبدالله بن عون

    ماجدالنصيف


    [poem=font="simplified arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ماجد النصيف و مرزوق المقاطي ومجاراة بن عون كتب يوم 19 يونيو, 2011 بواسطة المحرر



    ماجد النصيف
    شغّل يابو ثامر قدم يسري الليل=نبا نزور اللي للأنظـار لافـت

    عبدالله ابن عون ذخر المشاكيل=اللي ليا جيته جروحي تشافـت

    اللي يحط الحشو والعود والهيل=وبيته علاه امّة محمـد تهافـت

    ابرك لنا من مجلس القال والقيل=ومهبّلٍ ماضيّفـت واستضافـت

    ليا جوهم الاجناب ولا الرياجيل=قامت بعضها في بعضها تلافت

    مرزوق المقاطيياحيّ نور البـدر عقـب القناديـل=وّ طلعت قمـراه والعيـن شافـت

    عينٍ مغار تراقب الجـدي وسهيـل=خواطرٍ وسط الضمايـر تخافـت

    تلعـب هجينيـات ولا مـواويـل=اليا تلافت فـي ضميـري تلافـت

    افرح ليا وردت على شاطي النيـل=واعاف منهـا لا تـورّت وعافـت

    اخذت درس من الزمان وغرابيـل=اكثر سنين العمر ولّـت وطافـت

    ماباقيٍ مـن عمـري الاّ شماشيـل=وازريت اعافت جور وقتي معافت

    وطراة عمر الرجل شوف الحلاحيل=زال الليالـي دونـهـم ماتقـافـت

    لا جيتهم طاب السمـر والتعاليـل=النايفات اللي علـى القيـل نافـت

    امـا فعـول مورديـن المصاقيـل=ربعٍ نهار الهـوش ماقـطّ خافـت

    ولاّ بدا ابو نايـف الهـرج والقيـل=وحتى جروحي مع جروحك تعافت

    عبدالله بن عونقربلي الدله من النار يـا شعيـل=يوم الجنوب عن المضاجع تجافت

    لا اخذت لي منها ثلاثة فناجيـل=ردت علي هجوسي الي تقافـت

    لا صرت مشتاقن لرد المراسيـل=لاهل القلوب الي بذكري تصافت

    ربعن لهم عندي كرامه وتفضيـل=ومعزتن عن كل ما نـاف نافـت

    ماجد فتح بابن وسيـع المداخيـل=للنور فيه اشعاع ماهوب خافـت

    ومرزوق سوى للمداخيل تجميـل=واحيا تمو اشجارهاعقب هافت
    ببيوته اللي بالبلاغه معها محاميل =هجوسن هايفت واستهافت
    ياللي معك عن نقوة القيل تحليل=القيل جزله مايجي بالمعافت
    [/poem]
  • سلمان المرشدي
    عضو ماسي
    • Jun 2011
    • 520

    #2
    صحت السنتهم و صح لسان هرم الشعر ابن عون

    والشكر موصول لك يااخي سعد الرويس

    تعليق

    • فهد العازمي العتيبي

      مشرف ديار واخبار القبيله

      • Mar 2003
      • 5407

      #3
      ..


      صحت ألسنتهم جميعا

      وشعار كبار ومعروفين

      ولاهنت اخوي ،،،
      للتواصل على تويتر

      https://twitter.com/falotaibi5115


      ،،

      تعليق

      • سعد الرويس العتيبي
        عضو ذهبي
        • Jun 2011
        • 362

        #4
        بارك الله بكم

        سليمان المرشدي

        فهدالعازمي


        تحيتي

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          ,’



          صحة السنتهم جميعا



          وشكرا ياسعد على نقل المفيد
          التوقيع

          محمد الذيابـــي

          تعليق

          • أبن نافه العطاوي
            عضو فضي
            • Aug 2011
            • 279

            #6
            صح ألسنتهم أشكرك على الايراد

            تعليق

            • عـقـــــــــــاب

              رابطة محبي الهيلا

              • Jul 2011
              • 1002

              #7
              صحة السنتهم جميعاً

              لاهنت ع النقل ياسنايدي

              تعليق

              العمل...