الشعر الفضائي

طي
X
 
  • التوقيت
  • إظهار
مسح الكل
المشاركات الجديدة
  • السويلم
    عضو فعال
    • Feb 2005
    • 142

    #1

    الشعر الفضائي

    قصيدة للشاعر ناصر تريحيب العتيبي
    موجهة للشاعر ضيف الله بن سويلم

    يارسولي تولم فوق وارد رضا= من جديد المواتر خل عنك القديم
    فورد لنكون فريدٍ لؤلؤي ابيضا=في وصوفه غريب وفي زمانه يتيم
    من صناعة نصارىً جعلهم للقضا=طوعوالاجل صنعه كل علم وعليم
    المكينه ذهب والنور برقٍ أضا=والمرايا جواهر والمراتب يديم
    والمهمه جديده وقتها ما مضا=ولايوصا رسولٍ يارسولي حكيم
    الرساله وكتبت بين ميمٍ وضا=ووجهت يارسولي بأسم ضيف الرحيم
    أسعد الله مساه بكل خير ورضا=وأسعد الله صباحه بالفرح والنعيم
    شاعرٍ بالكلام العذب فاز وحضا=بالقوافي حكيم وللمعاني فهيم
    يفتل النقض والمفتول له ينقضا=حاز كل المعارف بالمعازف غشيم
    اما عواض ابرسل له بنات النضا=مايجيني برايه غير حرٍ هميم
    شاعرٍ كل حرف لحضرته ينهضا=للسوالف أمير وبالروايه زعيم
    والقضيه بسيطه ياقضاة القضا=ودي اسمع جواب المستشار الحليم
    مثل ما تاكل النيران رمث وغضا=اجمعت ساحة الشعار غث وعظيم
    كيف بالشعر نسمو في عصور الفضا=ياهل العرف والراي السديد السليم
    وكان عود رسولي بالخبر ما احمضا=العوض عند ربي والمعوض كريم

    والرد من الشاعر القدير / ضيف الله سويلم العتيبي


    عد نبت الربيع وعد ماروضا=مرحبا بالرساله عد ذار النسيم
    سايق الفورد ماوقف ولا غمضا=وصّل مهمته مع خطه المستقيم
    مافي دربه غراز ولا في دربه عضا=مع خطوط سريعه مثل طرق القصيم
    ثم سلم وكلم بعد ما ريضا=وقلت له يا هلابك وأمس واصبح واقيم
    يوم ناصر تهيض ليش متهيضا=ينقد الشعر والشعار كنه خصيم
    وانت شاعر مع الشعار ومحضضا=تنظم الشعر ماتحتاج سينٍ وجيم
    من قضا في مجال الشعر والا اقتضا=مثل سارٍ مع الحره بليلٍ عتيم
    لو حكمنا ترى ما حكمنا مُرتضا=من بغى يحكم الشعار أمه عقيم
    فيه رواد شعر وفيه ناس امرضا=كل واحد بوادي في طريقه يهيم
    وفيه شاعر كما دابٍ متى ما المضا=ومن تعرض لسم الداب يصبح سقيم
    أخذ وجهة نظر فالشعر ما نفرضا=ولانحاول نشب النار وسط الهشيم
    واعذاب الذي مأواه نارٍ لضا=يالله اني دخيلك من عذاب الجحيم
    ولا تحاول تعارض كل متعرضا=عقل بعض الاوادم مثل عقل الفطيم
    ولا تجي في نحا سيلٍ ليا فيضا=واتجه للذي يحيي العظام الرميم
    وقل لعواض انا من دونه مفوضا=والنيابه تجوز عن الصديق الحميم

    ولكم تحياااااااتي
  • ((الدلبحي))

    رابطة محبي الهيلا

    • Mar 2003
    • 6010

    #2
    السويلم

    لاهنت على المشاركه وتسلم يمناك وصح السانك والسان الشعراء ناصر تريحيب العتيبي
    وضيف الله بن سويلم وقصايد جزله وتمثل شعراء كبار

    تحياااااااااااااااتي

    تعليق

    • السويلم
      عضو فعال
      • Feb 2005
      • 142

      #3
      الأخ الدلبحي
      شكراًلمرورك ولردك
      وصح بدنك
      وتمنى دائماً أن أوفق
      في نشر مايحوز على أعجابكم
      ولكم تحيااااااتي

      تعليق

      العمل...