من رافق السلتان عاف الرياجيل ...... أهل الشجاعه والفخر والحميه

طي
X
 
  • التوقيت
  • إظهار
مسح الكل
المشاركات الجديدة
  • شبل حرب
    عضو
    • Feb 2011
    • 1

    #1

    من رافق السلتان عاف الرياجيل ...... أهل الشجاعه والفخر والحميه

    من رافق السلتان عاف الرياجيل
    أهل الشجاعه والفخر والحميه

    فريس نجد وشاربين الفناجيل
    وفي داخل اعتيبه لهم مقدريه

    هاك القروم الطيبين الحلاحيل
    وكم شيخ قومن طاح فالمهمهيه

    أنشد مطير وحرب وسليم وهذيل
    وتخبرك شمر وين راع العبيه

    ورح لقحطان وتعلمك فالمشاكيل
    وقبيايل العجمان والهاجريه

    أسمن لمع قدم العرب كنه سهيل
    ياطيبهم طيباه في ذي عطيه

    سمو صواعق نجد في ماضي الجيل
    كم واحدن ودوه حوض المنيه

    خيالتن في وقتهم هم هل الخيل
    صالو وجالو وسط نجد العذيه

    كسابتن للبل وذباحة الحيل
    وقضاه لاجى فالقبيله قضيه

    في مدحهم يازين جر المواويل
    وأرسلت قيفاني عليهم هديه
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    صح لسااااااااااااانه
    التوقيع

    محمد الذيابـــي

    تعليق

    العمل...