قصيدة خلف سالم الأسعدي في اجتماع الاساعده

طي
X
 
  • التوقيت
  • إظهار
مسح الكل
المشاركات الجديدة
  • بدر محمد الاسعدي
    عضو نشيط
    • Mar 2008
    • 65

    #1

    قصيدة خلف سالم الأسعدي في اجتماع الاساعده

    [align=center]قصيدة للشاعر خلف بن سالم بن مزعل الأسعدي العتيبي من أهالي بقعاء
    القاها في أحتفال واجتماع الأساعده السنوي
    والمقام هذه السنه بمدينة رهاط في يوم الاربعاء 29/2 / 1432هـ
    [/align]

    [poem=font="simplified arabic,5,white,bold,normal" bkcolor="darkblue" bkimage="" border="ridge,4,burlywood" type=1 line=0 align=center use=sp num="0,black"]
    باسم الله الوالي عليه إتكلنا= أوباسمه عقدنا العزم وباسمه مشينا
    من جال بقعاء للجنوب إقتبلنا= وميميين الوجة اللي نوينا
    للديرة اللي ما بعرفه جَهَلْنا= محفوظ اسمه من قديم السنينا
    الديرة اللي حدروا منها أهلنا= معروفة لو ما لأرضه وطينا
    نفخر بها دايم إليا من سئلنا= أوبه نعتزي لا من تعزوى حدينا
    أونقول من جاله بعزٍ نزلنا= مثل الخيال الي ربابه غشينا
    منها تحدرنا وسقنا جملنا= نرعى قفاقيف الفلا مرتعينا
    بين العرب بالعز صلنا وجلنا= أولعدود نجد الصافية شاربينا
    أوسقنا الضعن حتى بقعاء حللنا= جيناه لا ساكن ولا ساكنينا
    جاه وتقدم واستحله بطلنا= سعد بن حتروش ذرب اليمينا
    اسس بها بنيان أوغرس نخلنا= أومنها توزوا والملا عارفينا
    ما دوَّن التاريخ ما عنه علنا= أو بين القبايل ما ذكر مثبتينا
    يشهد لنا التاريخ من يوم جلنا= أو مسيرنا معروف يا الغانمينا
    واليوم طاب الفال في محتفلنا= جينا لكم زوار ومسلمينا
    جينا لكم تشريف حبٍ واملنا= حبل المواصل بيننا لا يلينا
    أنتم لنا أخوان ومنكم أصلنا= نفخر بدعوتكم نجي لا دعينا
    نجي لداعيكم ونترك عملنا= لأعمالنا من شانكم مجلينا
    العمر يمضي والله أعلم بأجلنا= ومن لا أغتنم فرصات عمره حزينا
    الفعل لا قال المسولف فعلنا= ما يدركه يا كود عقل رزينا
    يلزم علينا الشكر للي شملنا= بالأمن والإيمان له طالبينا
    وإنه يجمل قولنا يوم قلنا= أو يجعله مقبولٍ من السامعينا
    ويديم حكمٍ بالرعاية كفلنا= وأمن لنا أمنٍ وأمانٍ ودينا
    ونقول يالله استجب لإبتهلنا= احفظ ملكنا قايد المسلمينا
    وإحفظ حكومتنا وأغفر زللنا= وأمن وطنا من بلا الطامعينا
    وصلوا على الهادي بهديه عدلنا= نبينا المعصوم عن كل شينا [/poem]
  • سيف نت
    عضو ماسي
    • Feb 2009
    • 933

    #2
    صح لسااااااااااانه

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      صح لساااااااااااااانه
      التوقيع

      محمد الذيابـــي

      تعليق

      العمل...