قصيدة لشاعر عبدالله العصيمي

طي
X
 
  • التوقيت
  • إظهار
مسح الكل
المشاركات الجديدة
  • ابو فارس 511
    عضو فعال
    • Jan 2009
    • 101

    #1

    قصيدة لشاعر عبدالله العصيمي

    الدمعه اللي حدرت في ضحى العيد
    _________ خنقتـهـا.. خنقتـهـا.. واخنقتـنـي

    ثم فيضت واسقت قفـار جراهيـد
    _________ لكنهـا تحـت المدامـع كوتـنـي

    والحقتهـا ونـه وحنـه وتنهـيـد
    _________ وضربت صدري من كثر مابلتنـي

    كثـروا علـي مدوريـن المناقيـد
    _________ نـاس تـدور زلتـي واشتمتـنـي

    لو ان بعض الهرج مثل العباريـد
    _________ قدمه صخر لو صابنـي مانحتنـي

    والهرجه اللي جات من زيد وعبيد
    _________ طمرتهـا طنخـه ولا عذربتـنـي

    اكحـل العـذال واكـيـد للكـيـد
    _________ واقدح بزنـدي واتعصـى بمتنـي

    ناسٍ تقول العشق ماظـن بـه فيـد
    _________ وكلن على همـه وشوفـه نعتنـي

    ماذاقوا اللي ذقت من شـرد الغيـد
    _________ سكـرات حـب وعلـةٍ طاولتنـي

    لاني عشقت من الظبى قايد الصيد
    _________ عنقاً سبت كل الغـلا ثـم سبتنـي

    مدعوجة العينيـن منتوقـة الجيـد
    _________ اللـي تمنـى فرحتـي واهبلتنـي

    لاجيت اعلمها من الشعـر وازيـد
    _________ ثم اهمست واغضت بعيـنٍ بلتنـي

    تقول يفدونـك جميـع القواصيـد
    _________ واقول انا فـدوة عيـون اهبلتنـي

    واليوم دون القرب حل التصاديـد
    _________ ويش السبب واللي هوتني جفتنـي

    العيـد راح وخلـد الهـم تخليـد
    _________ من يومهـا غابـت ولا وادعتنـي

    كانـت تقـول ايامنـا كلهـا عيـد
    _________ واليـوم زل العيـد مـا عايدتنـي
  • أبو مرحبا
    مشرف عــام
    • Jan 2005
    • 8037

    #2
    [align=center]

    ماذاقوا اللي ذقت من شـرد الغيـد
    _________ سكـرات حـب وعلـةٍ طاولتنـي


    وش هذا الحب ياشيخ

    صح السانك والسان الشاعر عبدالله العصيمي

    لاهنت على النقل

    ملاحظة
    بس ياليت تحفظ الحقوق لشاعرها لاني وجدت ان القصيدة منتشرة في جميع المنتديات

    بدون ذكر اسم الشاعر عبدالله العصيمي
    [/align]
    [align=center]



    [/align]
    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
    [align=center][/align]

    تعليق

    • محمد بن روق الاسعدي
      عضو فضي
      • Jun 2010
      • 233

      #3
      صح لسان الشاعر عبدالله العصيمي
      لاهنت على النقل

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        صح لساان الشاعر الرائع / عبدالله العصيمي



        ولاهنت يالغالي على النقل المميز ..



        تحيتي
        ..
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        العمل...