الـــــــبــــــــــانـــــــــــــــــــــــــدا

طي
X
 
  • التوقيت
  • إظهار
مسح الكل
المشاركات الجديدة
  • ابن جعيلان
    عضو
    • Mar 2005
    • 7

    #1

    الـــــــبــــــــــانـــــــــــــــــــــــــدا




    هذه القصيده للشاعر الكبير/ حمود بن زايد السليس العتيبي وهو شاعر يمتاز بقوة شاعريته ودقة وصفه وهو
    بعيد كل البعد عن الإعلام وقصيدته هذه في (الباندا وقصته المشؤمه) واليكم القصيده :


    عز الله أني من شقا الوقت محتار *** حـيـارة يـاويـهـا من حياره
    وقت المصايب دق بالقلب مسمار *** واودع لسان الـكبـد يغـلي حـراره
    قضيـة الارهـاب جـا دونـهـا العار *** وعـزي لـرجـال يضيـع لـعـاره
    قصة فـتاة الـبـاندا سـم الافـكـار *** ونار الـفـتن تـصدر بـقدح الشراره
    واقولها يـاهـل الوفـا سـر وجهـار *** من لاجزع فالدين عـرفـه خـسـاره
    في مجتمعنا الـبانـدا شـب لـه نـار *** ما عاد راع الـديـن يـا من بـجـاره
    ما ظن عقب اللي حصل خبث واضرار *** الـستـر هـذيـه بـدايـة دمـــاره
    والخـيـب الـلـي ساعة الضيق ينهار *** والطيب احرص مـن رقـيب الـوباره
    ما عنـدنا للـهون هـاين وسـمـسـار *** ولا عـندنا لأهـل لـلـتـفكـك سفاره
    رجـل يـدع الـعار فـي سوق الأخطار *** مثل الـذي يرقـد بـوسـط الـخبـاره
    حـنـا هـل الـتوحيـد لو صار ما صار *** وحنا هل الـثـنـتـين دين وحـضـاره
    وحـكـامـنـا خـدام للـدين وانصار *** وشيوخنـا يـومـا عـلـينـا نـهـاره
    اللـه أحـد عـلام تـسـبـيح الاشجار *** فـي سـاعـة الـشـده نـلـوذ بجواره
    ياهـل الـشـكاله مامنع قطر الامطار *** إلا الـمعـاصـي والخـنـا والـسـفاره
    نـقـطـع حـدود الـرب والـرب ستار *** من رحمتـه مـضـفا علـيـنا سـتـاره
    وان غـاب عـود يـطـلب وقت الاسحار *** جـتنـا الـزلازل والمـحـن والـكـداره
    جانا مـن الـرحـمـن تنـبـيـه وانـذار *** وان ما عرفنا الـعـلـم ذقـنـا الـمـراره
    شفنا الـمذلـه قـبـل قـصـاف الاعـمـار *** وعـقـبه فتـح لأهـل الخـنـا بـاب نـاره
    ظـهـر بـنـا فـي تـالـي الـوقـت جهار *** بـث الـفـتـن فـالخـلق عـنـده تـجـاره
    راع الـخـبـايث صـار لـلـخبث حـمّـار *** ومـنـدوبـتـه فـالـخـبـث مـثـل الحماره
    فيـد الخـنا يركض ورى جمع الاوزار *** حـــتـى رسـول الـمـوت يـمـسك وزاره
    وفعـل المعاصي بالبشر مثل الاعصار *** ومـن لا حـفـظ سـاسـه تـصـدع جــداره
    والنمـر نمـر وعادة الفار حفـار *** لـكـن مـا يـقــرب بـيـوت الـنـماره
    قـطـارنـا فـوق الـمـنـيـفـات سـيار *** ياهل الشيم لا يـخـتـلـف عـن مـسـاره
    وش عــذرنا مـن يـم عـلام الاسـرار *** إن كـان ديـن الـسـتـر نـزل شـعاره و
    لـلـخــيـر تيـار ولـلـشـر تيـــار *** والـلـي يـمـيـن الـفصل واللي يساره
    وياويل من يحـمـل على الـلـوح بوار *** الـهـاويـة نـزلـه وشـربه عـصـاره
    وياللـه لاتـبـقـي عـلـى الارض ديار *** من أهل الـفسـاد محـفـرين الجـحـاره
    وصـلـوا عـلـى الـمختـار ما هل مدرار *** واعـداد مـا يـنـبت بـحـرف الـقـراره



    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
  • رعد
    عضو نشيط
    • Feb 2005
    • 89

    #2
    قصيدة ممتازة ومعبرة

    حبيت اسجل شكري الخاص لك يابن عجيلان على هذا الاختيار

    تعليق

    • داهية عتيبة
      عضو مهم
      • Jul 2003
      • 961

      #3
      ابن جعيلان

      صح السانك والسان السليس وماقصرت

      تحياتي

      تعليق

      • الــوآفــي
        عضو اداره
        • Mar 2003
        • 3629

        #4
        الشاعر حمود بن زايد السليس من الشعراء المعروفين

        وقصيدته رائعه كالباقيات من قصائده

        وبصوته تكون اروع

        شكرا لك على الموضوع الجميل
        [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



        [align=center]



        [align=center]ليا جاء طاري الهيــــــلا يفز القلب فزة شوق[/align]






        ألبوم صور



        مدونه مميزه



        [/align][/align]

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          ابن جعيلان

          صح السانك والسان الشاعر حمود زايد

          يعطيك العافيه وفرحين بتواجدك

          تحياااااااااااااتي

          تعليق

          • ابن جعيلان
            عضو
            • Mar 2005
            • 7

            #6
            لا هنتوا وشكراً على مروركم

            تعليق

            • صـويب الرمـــش*
              عضو ماسي
              • Jan 2004
              • 419

              #7
              صح لسان ابو عمر والله يطول في عمره وعمر الجميع
              وتسلم يمينك ياابن جعيلان على الموضوع الرائع ,,,
              تحياتي

              تعليق

              العمل...