ديوان الشاعر الكبير/عبدربه عتيق العازمي

طي
X
 
  • التوقيت
  • إظهار
مسح الكل
المشاركات الجديدة
  • احمد منير الواصل
    عضو ماسي
    • Mar 2009
    • 945

    #1

    ديوان الشاعر الكبير/عبدربه عتيق العازمي

    [align=center][align=center][align=center]ديوان الشاعر الكبير / عبدربه بن عتيق بن سالم العازمي


    --------------------------------------------------------------------------------


    ((الله من راس غزاه الشيب ))

    [poem=font="simplified arabic,5,purple,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    الله من راسٍ غزاه الشيب=فأعلى الصوابر ولّعت ناره
    جاني بلا موعد ولا ترتيب=ضيفٍ تغارب وقت مسياره
    نوّخ مناخ اللي ماعاد ايطيب=من ضربة العبرود في زاره
    سلّم ولا ردّيت بالترحيب=قال المعزّب ريف خطّاره
    قلت أنت في جيّتك شك وريب=علمك هذا دوّر لنا غاره!
    قال انتبه ياذيب جاك الذيب=مار انشد الطرقي عن أخباره
    قلت أدري إن الشيب ماهو عيب=العيب غدر الجار للجاره
    والعيب ترك المرجله والطيب=والعيب ذمّ الدين وأنصاره
    والعيب لا جوا فوق عوص النيب=يبغون كيف البن وبهاره
    وأم الشحم ومقابلٍ بالطيب=فالبر وألاّ داخل الحاره
    ثم صوتوا وليا أن ماش امجيب=عنهم ربض خيبان في غاره
    والعيب الآخر لا ابتدا التصويب=واصتكّت الغاره مع الغاره
    في موقفٍ فيه العقول اتغيب=والحرب ثار وعنكب اغباره
    مافيه يا أمّا اتصيب وألا اتخيب=لازم هدفك اتحقق اعياره
    ثم جنّب الفيده عنه تجنيب=لو كان اخو شمّا وأخو ساره
    ما عند الاقشر غار فري الجيب=لو قدّم ايمينه على ايساره
    يالله لا تجعل لمثله صيب=نسل الردي محدن بمختاره
    والعيب الآخر هيّنٍ واصعيب=راع النمايم لا عِمِر داره
    وظيفته ود الهروج وجيب=بين القرايب يركز الشاره
    خرّب علاقات العرب تخريب=ومن فعله الايام غدّاره
    يهيب ياراع النفاق .. ايهيب=عند الخلايق طايحٍ كاره
    ما خاف من عالم خفايا الغيب=ولا قدّر ابن آدم بمقداره
    وابليس شكله مستحيل ايطيب=لو جمّل عيونه بنظّاره
    واخذت أغنّي واللحون اتشيب=والضيف لا راغب ولا كاره
    قلت انتهى ما عندنا ياذيب=والقاف غلّق معك مشوراه
    قال أشهد إنك لا سبحت اتجيب=جواهر اللولو ومحّاره
    وانا ترا مالي وراك اذهيب=ألاّ إن مثلك ياجب إنذاره
    قلت الفضل لله .. ثم للويب=والخط للكيبورد والفاره
    وألاّ علومي كلها تقريب=عندي يشوب العلم تكراره
    وليا حفظت الدرس كله غيب=أمشي معي مزهب ومطّاره
    واحجز محلّي فأول الترتيب=يوم إن كلٍ تشخص ابصاره
    يامرحبا ياضيف غصب وطيب=وأبرك ضيافه .. وأسعد زياره
    أخطيت في حقك بدل ما أصيب=مار المعزّب دوك معذاره
    فالجيّه المستعجله مانيب=حاسب كبار العلم وصغاره
    احسب لكل امْخبّطٍ توضيب=لو باد توجد قطعة اغياره
    من قلة التفكير والتجريب=ندله وننسى الموت وأخطاره
    وهاذي سببها يِعْجز التطبيب=طول الامل والنفس غرّاره
    تنسيك هول القبر والتعذيب=لان النعش يندق مسماره
    واثر العمار ليا زواها الشيب=تصبح هشيمٍ ولّعوا ناره[/poem]






    ((ياقلم شف وش بقول ))

    [poem=font="simplified arabic,5,green,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    ياقلم شف وش بقول .. ولا وصلك العلم سجّل=سجّل الأبيات واكتب فوقها تقرير عاجل

    لا تلهوث فالحروف وفالنتيجه لا تعجّل=لاتعجّل لين يصف الجو وأمطاره تهاجل

    وأن نشدك أحْدٍ متى الإعلان عنها قل موجّل=ريّضه مادام بين الشرق والمغرب مساجل

    صفقةٍ يعلن بها الرادي ويخفيها المسجّل=جلجلت في قندهار .. وفالعراق الْها جلاجل

    عمّت الوجه القبيح وعمّت الغرّ المحجّل=قلب منها مطمئن .. وقلب منها عاش واجل

    أشقر الريش العديم ليا بغا يَشْهَرْ تخجّل=والحجل ما تستحي من مشيها قامت تحاجل

    غَرْزَتْ الفاطر يصرَّرْ ديسها وألا يهجّل=هَبّْ ياوقت الشقاء عوّد بك الخيّال راجل

    عقب ماهو عندنا الحبّوب والشيخ المبجّل=انتهى مفعول صيته .. واختفى مع صيت زاجل

    هو ترجّل طيب وألاّ الغصب خلاّه ايترجّل=غار ظلمه واضطهاده ماعينا له مراجل

    بالدعاء في كل بادي ليل مع يومه ينجّل=مايفيده في نهار الحشر " خيّال الزناجل "

    دقّت الساعه وبان الهرج الأبيض والمدجّل=مار سجّل ياقلم عمّا حصل .. تقرير عاجل ![/poem]







    ((يامنشدني))

    [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    يا منشّدني وش آخر ماطلع بـ أنتاجي=لا تنشّدني ترا فكري غرز منتوجه
    اقنع اقنع والقناعة كنز ما يحتاجي=لا يهقويك البحر منته بويّا موجه
    ما دريت إنّك لا زدت العلم .. زدت أحراجي=بس أجامل والهموم بضيقتي ممزوجة
    يشهد الله ما لقيت اللي يفل حجاجي=متعبٍ فكري وعنّيت القدم بالدوجة
    ما بغيت أزعجك لو إنّك بغيت أزعاجي=السعة زانة وربّي ما تضيق فجوجه
    طبعي الثابت لزوم ايثبّته منهاجي=ما تركته لو أمير الفوج يترك فوجه!
    قبل مدخالي لزوم أعْرف سنع مخراجي=لجل ما ألقا الحجة اللي دايماً مفلوجة
    مار خذ هرجٍ قراح ينومس الهرّاجي=قبل ما أبدابه وأشيّد عاليات بروجه
    استعنت بخالقي وأشعلت ضو سراجي=وعن مجال أهل الهوى ملزوم أفرّْ الموجة
    واختصرته وصط قافٍ للكبود علاجي=الكبود اللي من أحداث الزمن مرهوجة
    وفي ثنايا القاف لا ما دح ولا ني هاجي=يستريح الخبل والتاجر يصك دروجه
    والصراحة نور وألاّ الكذب ليلٍ داجي=والرجل تكشف عن اللي في حشاه هروجه
    الله الله والحقيقة صبحها ما انباجي=لفّها ثوب الظلام بحلّةٍ منسوجة
    حالةٍ تشكا على اللي يرتجيه الراجي=يا عرب في تالي الأيام شفنا عوجة
    وش فعلتوا غار كنز المال فـ الأدراجي=والغزل فـ الخفرة اللي عينها مدعوجة
    ما استفدتوا حرف ممّا قاله الحجّاجي=كذبة الصحّاف ما هزّت قلوب علوجه
    ليه الأقصى من دنس شارون ماهو ناجي=والرّمادي يشكي أحواله على الفلّوجة
    والعرب مقتول ومشرّد وأسير .. ولاجي=واقعٍ خلاّ العقول الصاحية مرجوجة
    صار دمّ المسلم أرخص من مرقة الماجي=كربةٍ ما أظنّها " ياعريبيا " مفروجة
    لو لبستوا مع ثلاث نجوم سيف وتاجي=وامتلكتوا منزلٍ فارِه وطفل وزوجة!
    زال مشهاب الحسد بقلوبكم وهّاجي=والمعاصي والكباير في جميع الأوجه
    مار أفيقوا من سباتٍ طايلٍ منعاجي=وأخْلِصُوا لله .. وخلّونا لدينه نوْجِه
    رجّعوا ذكرى صلاح الدين والمعراجي=وابشروا بالنصْر من ربٍّ ماشئ ايحوجه
    غصب يهزم واحدٍ قلبه سوات الصاجي=شرط .. مايرجع ولد عمهوج مع عمهوجة
    هاذي آخر مانظمته من صميم انتاجي=يالله اجعل ما زرعته يثمر بمنتوجه[/poem]







    ((بغيت ازينها ))

    [poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    بغيـــت أزيّنــها وعيّـــت لا تــــزيـــن=مــــع واقــــع المكتـــوب حظٍ مرتدي
    وأكبر خـــراب العلّم فعــل الحاسدين=ناسٍ على فـــرق الشـــمل تذبح فدي
    تقـدر على هـــدم الشعــوب بكلمتين=( صاحبك ما يبغاك ) خلاّك اتغدي
    ترا ضحاياهـــم قلـــوب العاشـــقين=تابـــس ويطويها الهيام السرمـــدي
    لكن يامالك خفـــوقي مـــن سنيـن=لا يخدعـــك هرج الملعّـــن يابعدي
    تحذيــر شعـــري لا تطيع العاذلين=أهْل القلوب الســود .. بيضان البدي
    يجيك واحـــدهم بسيما الصالحيـــن=من شاف شكله قال و ش هالأجودي
    لوَّ أعجبك بالهرج والطبع الحسين=( حدّه على المسجد ترا دينه ردي )
    قال المثل محــدن يجي بين الثنين=ياكـــود شيطــانٍ يضـــل المهتدي
    وأنت الذي في خاطري مالك وزين=أعرف بمقصودك وتعْـرف مقصدي
    مــنته محلّــفني .. هــذا ديــنٍ يمين=في مهجتي والله تــرا مالك لـــدي
    يكفيك حبّي لك على العهـــد المتـين=وإن جيتني تمشي .. مجيّي لك عدي
    حبٍّ مايعْـــرف لا يســار ولا يميــن=على المعـــزّة والبســــاط الأحــمدي
    مافي عيوني غــار زولك كــل حين=وألاّ على غــارك تـرا شوفي قدي
    والأذن فيها طيـــن والأخرى عجين=عن هــرجة الحاسد .. قبل لا تبتدي
    أخْذ الحقيقة من " عشيــر الغانمين "=في ذمتي والله ما أخونك يابعــدي [/poem]







    ((آه من هم جحيمه توقد في حشاي))

    [poem=font="simplified arabic,5,teal,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    آه من همٍ جحيمه توقد في حشاي=مثل نارٍ في هشيمٍ تولوه العزيب
    ونحروها الذاري اللي من أقصى الغرب جاي=لين قام الجمر فيه يتوهجرواللهيب
    كل ما جيت أتسلى وأريّح من عناي=اعترض لي هاجس الشوق مع وقت المغيب
    ياهل المرقاب لا تنشدوني عن بلاي=علتي يحتار فيها المطوع والطبيب
    ياعرب ماعاد أفرّق صباحي من مساي=فالسعودية وكني ورى لندن غريب
    صح أنا مخطي وياكبر ياعالم خطاي=يوم قلت أنا المهلهل وأطارد في كليب
    قلت أجرب سيرة الحب وأعشق وش وراي=دامت الدنيا كذا فانية مافيه عيب
    واحتزمت بوارد الهند والسيف وعصاي= يوم قالوا مايضد الحريب الا الحريب
    والشجاعة كنز وأدحم بها عني عداي=والنصيب يصيب وأمرار يخطي مايصيب
    لعنبو فقرٍ يوجل غداي ليا عشاي= وجعل راسٍ ما يعدي عن امتونه يغيب
    أحسب إني صامل زنود وبعيدٍ مداي=وإن بدالي لازم أنصاه لوإنه صعيب
    أتحدى راع الأربعمية وأفرش سراي=ذيبٍ أمعط وأتحدى مية مليون ذيب
    وأثرني من طول وقتي وأنا أمشي في عماي=لين شاب الراس والجرح عيا لا يطيب
    عقب هاذي بان للناس طيبي من رداي=وانكشف سرٍ دفنته تحت جم القليب
    يارحيم ياذراعي لك أوجه نداي=الهوى شيب براسي قبل وقت المشيب
    والرجاء فالله ولا خاب في مثلك رجاي=افهم الموضوع ياصاحب القلب اللبيب
    لن ماغيرك يابن روق يعرف لمعناي=شاعرٍ لك باع فالملعبة مبدع وأديب
    ماوطاك العام ياصاحبي بيح خفاي=يوم تنخا حمود وتقول أنا جرحي عطيب
    من سنة90 و1000 و300 وجاي=مالقيت اللي شعاني مثل عين القضيب
    بالرموش اللي لويشوفها مودي نجاي=ضيع الأهداف واللعب لو إنه لعيب
    ولبةٍ فيها سطع بدر جوٍٍ هاي هاي=وأشقرٍ يكسي ردوفه يشادي للسبيب
    أتلع الجيدافتردني عن الناس لخلاي=ناحلٍ خصره وعوده كما الغصن الرطيب
    حب خلي غير قيد الهوى كلبش يداي=عشرةٍ ماهيب عشرة سميرة مع نجيب
    دائماٍ ذكرى خياله تعيش بمحتواي=أحسب إنه مخلصٍ معي وأنا له حبيب
    وأثر لي رايٍ ولصويحبي عشرين راي=كيف سوا بي كذا ياعجايب ياعجيب؟‍‍‍‍‍‍‍‍‍‍‍‍‍‍‍‍‍‍‍‍‍
    الكريم بداي ياكثر بخله في دواي=حسبي الله فوق هاف الحشا الرب الحسيب
    يارحيم علم الزين يمشي في هواي=علمه يوفي طليبه تراني له طليب
    علمه تكفى تراني وصلت لمنتهاي=عان قبري بين ضلع الدفينة والذويب
    بين ضلع وبين وادي تبا تلقى مناي=في محلٍ بين حد السهول من الجذيب
    وأنت تعرف مستوى العاشقين ومستواي=صاحبي عن ديرتك لا بعيد ولا قريب
    ساحل الدمام عن شوفته بعد خطاي=مايجيبه لا ثريا ولا هاتف رهيب
    مايجيبه غير أبو ترس ومساعد وياي=أحدث الجيبات عز الرفاقة والصحيب
    معك أمانة يارحيم قبل يظلم سماي=وصّل المكتوب للزين جعلك ماتشيب
    إن نشدته واعترف كامل الزين بغلاي=قله إني واصله مير ظنه لا يخيب
    مامنعني لا آصله غير خوفي مع حياي=وأدري إن الحب بلوى وعيب وشق جيب
    وإن تنكر جعل دربه خضر عطني حذاي=ليش أهين النفس مادام لي عظمٍ صليب
    عنه أبا أبعد قبل جور الهوى يلعن ثواي=كان ماهومن نصيبي بلاش من النصيب
    ساعةٍ في عز وآصل بها قمة ر ضاي=خير من عشرين عامٍ تودي ماتجيب
    والختام الله يجبر عزا الزين وعزاي=والسموحة ياهل العرف والساس العريب
    كلمتين مع السلامة تعادل باي باي=واضحة عند العرب واضحة عند الصليب[/poem]






    ((حيا الله اللي يواعدنا ويخلفنا))

    [poem=font="simplified arabic,5,orangered,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    حيّا الله اللي يواعدنا ويخلفنا=فعايله فيّْ ما تمْحا ليا الدفنة
    لو انضبط له شهر .. ياخذ ويلغفنا=صارت سواياه لا زانة ولا عفنة
    ياليتنا ياوليفي ما توالفنا= يمدي عشيرك ماطار النوم عن جفنه
    وألاّ على أقلّ حاجة .. ما تعارفنا=وَلاَ عشقنا بحر حبك .. وَلاَ سِفـْنِه
    في حب شرواك بالله وش مكلّفنا=لو أجمع اللي تمدّه ما يجي حفنة
    تضحك علينا وفي ساعة تصرّفنا= لكن أبا أفـْني غرامي مِعْك وأنت أفـْنه
    خلّيت كل العرب تعْرف سوالفنا=وهْـيَة منوّل عن الحسّاد مندفنة
    طبيعي إن مات حبّك ماتحسفنا=مير البلاء كيف بس أقدر على دفـْنه
    يصبر بليهان فوق الجور .. لو يفنا=ما يشكي الضيم لو يبرك على الثفنة[/poem]


    يــــــــــــــتبــــــــــــــــــــــع
    [/align][/align]
    [/align]
  • احمد منير الواصل
    عضو ماسي
    • Mar 2009
    • 945

    #2
    [align=center][align=center]
    ((علاك الله وامانة ياقصيدي))

    [poem=font="simplified arabic,5,sienna,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    علاك الله وأمانِه ياقصيدي=من الزلات وهروج البليدي
    أبا أبدع بك طروقٍ سامرية=لحنها يجذب اللي من بعيدي
    ماغناّها عبادي وأبو نورة=ولا خالد ولا عبد المجيدي
    لكنك لا تفشّلني دخيلك=تراني معتبرك أغلى رصيدي
    ما أباك من المعاني هرج فاضي=ولا عذرٍ لمن يطلب جديدي
    أباك تصير ذخرٍ لاعدمتك=وسيفٍ مثل سيف ابن الوليدي
    وأباك ليا نشدني عنك خيِّر=تفيده كان يبغا يستفيدي
    تفيده بالحكم وألاّ النصايح=وعطه العلم والراي السديدي
    وقلّه ياولد دنياك هاذي=تراها مثل تكوين الجليدي
    لعنها الله وأبغضها رسوله=ياكم فيها شقي وكم سعيدي
    مايمدحها سوى رجَّال جاهل=يجمّعها لعله مايفيدي
    ولا منّك طلبته شئ عيَّا=شحيحٍ ما يمد ألاَّ الزهيدي
    عن الماجوب ماغير ايتدسّس=وعلى الغرّات شيطانٍ مريدي
    سوات الحصني اللي طول عمره=يروّغ لا يصاد ولا يصيدي
    وحكيم العقل يعرف خاتمتها=تواعدنا وتكذب في الوعيدي
    متاعٍ عند خلق الله موقَّت=كما وقتٍ يجي فيه الزبيدي
    مافيها غير ثنتينٍ خيارا=وثالثهن ترى ماهوب أكيدي
    ذكر ربي ومحبوبه محمَّد=هي أفضل شئ في دنيا العبيدي
    وثالثهن ليا ماخاب ظنّي=مخوّة طيّب الأصل الفريدي
    هذاك اللي يعزّك مايذلّك=لاصارت خوّته خوّة رشيدي
    بدون قصور في باق القبائل=هل الطالات والفعل الحميدي
    هذا عرفي وما يمليه رايي=وعرفي كان ما ينقص يزيدي
    لكنه مايزيد اعن العوارف=أنا أردا واحدٍ عرف وقصيدي
    أقوله ماعليّ من الملامة=أنا أعرف وش رداي ووّيش جيدي
    ولا أخشى من فلان ولا فلاني=ولا أناديه ياعمي ياسيدي
    ما أخاف ألا من الخلاّق وحده=غفور الذنب وعقابه شديدي
    ترا هاذي نصيحة واقبلوها=مادام الموت في حبل الوريدي
    وخير القول كله طاعة الله=ياويل اللي عن اكتابه يحيدي[/poem]







    ((والله اني كل ماقلت...))

    [poem=font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    والله إني كل ما قلت زانت واسترحت=خربوها اللي عساهم ياعايض للذهاب
    عالمٍ قمة رضاها تزيد إن كان طحت=كل ما أفتح باب سدوا لهم تسعين باب
    يفرحون بضيقتي يزعون ليا فرحت=زمرةٍ فعل الخطا عندهم مثل الصواب
    مار أنا من سم هاك العقارب مانجرحت=دايماً فنحورهم سم حية سم داب
    فالبهايم ما أذكر إني هجيت ولا مدحت=ولا رجيت من اليتاما طعام ولا شراب
    ياضميري صد عنهم دقيقة لو سمحت=لا تقوم تكسر حساب وتجبر حساب
    أنت عارف وقت جدي وتعرف لا مزحت=مثل ما بين الثريا ومابين التراب
    درستني شهب الأيام لان إني نجحت=واستفدت من التجارب وصميت الكتاب
    مار لو طبقت معظم دروس الوقت صحت=صيحة اللي سم داب الحنيني فيه ذاب
    ماجمعت من أصدقاية سنة .. ساعة طرحت=خيط مسباحٍ قطع ثنوته سن الذباب
    كل جسمٍ يلبس السحت ويغذا بسحت=لو دعا في ليلة القدر ماله مستجاب
    ولو نحت سيسان بيته من أعلى طويق نحت=عامر السلك الدقيّق مصيره للخراب
    من سياق البيت معناه واضح لو شرحت=للفهيم اللي عرف ويش مقدار النصاب
    والغشيم ليا نصحته يعدك ما نصحت=ما عرف مبدا عذابه ولا مبدا الثواب
    باح صبري من زماني وبالأسرار بحت=والسموحة ياهل العرف شيبان وشباب‍‍‍‍‍‍ّ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍[/poem]







    ((الصمت حكمة))

    [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    الصمت حكمة وأكثر الحكمة تراها فالكلام=ليا وزن هرجه بن آدم من قبل لا يطلعه
    على ماقال الكرشمي ( فرّاج ) وأصحاب المقام=أهل الكلام اللي يصيب المستمع في مسمعه
    اللي مثايلهم تخلّدها الليالي والعوام=تطبع بصدر اللي سمعها مثل طبع المطبعة
    من قو معناها وحكمتها مضاربها جسام=إن كان للجزلات مصنع .. هم تراهم مصنعه
    ما كنّها ألاّ السيف أبو حدين بتّار العظام=راع الطمان تطمّنه .. واللي تعلاّ ترفعه
    وأنا على منهاجهم قدت المطيه بالخطام=أمشي على جرّة وسيع العرف لان أجلس معه
    شاعر وأحب الشعر وألحّم بيوته باللحام=لو كان ما جبت الجديد بكل طاروق ابدعه
    والشعر هرجٍ ما يضوّي لا شراب .. ولا طعام=إن زان قلنا ياهلا .. وإن شان يالله تقلعه
    على خريطة كوكب أهل الشعر وكبار الأسام=عرفت وشهو موقعي بين العقول المبدعة
    لا نيب فالصف الأخير .. ولا ني خلاف الامام=خير الأمور اللي تبعّدني عن أرض المعمعة
    ولا ني على اردوف الذلول ولا تعلّيت السنام=مالي ورا حب الظهور ومن سعى له مطمعة
    عدو للأضواء وأحب أعيش في كنف الظلام=لقيت مافي ساحة الشهرة ولا أيّة منفعة
    ارافق العزلة وأواطنها ولا أحب الزحام=ساكن طبيعة وأنزعج لا أوحيت حولي قرقعة
    طبعي كذا ما أداني الزحمات من سن الفطام=دام الدعاوي في يد الرجّال يازين السعة!
    وليا بلاك الله بفيد غليص ملعون الرسام=قدّام لا يصقعك فوق الراس والوجه اصقعه
    حطّه غداً لك لا يحطّك له عشاّ ماله يدام=موتٍ بعز ولا حياةٍ بالمذلة مشبعة
    هذا الصحيح ولا عليّه يوم أقوله من ملام=ومن لا نفعه الله .. ترا هرج البشر ماينفعه
    اليوم أشوف الناس ماتفرق حلالٍ من حرام=ديس المسوح ليا عطف .. مليوون واحد يرضعه
    جيل الحداثة زايم الموروث يامال الزيام=يشلخ ويملخ له كلامٍ ماعرفنا مرجعه
    يارد على عد الصحافة مثل ميراد الحيام=لا فاد له هرجٍ هزيل .. اضعيف .. جاهم يزبعه
    يركض ورا الشهرة نهار وليل طاويه الهيام=سوات شقرا الخيل ماهو عارفٍ وين اسنعه
    وليا نصحته قال أنا شاعر .. ومعْي الحظ قام=كنّه يفر الكون كلّه في دقيقة بصبعه
    ياكبر شرهتنا على اللي قلدوا جيده وسام=غرّوه وانغرّ بكلام مجامليٍّ وخدعه
    يوم إن للكلمة نظامٍ .. ما تقيّد بالنظام=ياوجد حاله لو عن أشكاله تطير الأقنعة
    وليا رجعنا للحقيقة والله إنّه مايلام=مادام في سلك الصحافة مالقا من يردعه
    قلته وأنا مالي من أهدافه ولا ربع الجرام=لو إن رزقي من ورا شرواه والله ما أتبعه
    واللي نشدني ليش فالمرقاب شيّدت الخيام=في منتداً يكتظ بالزوّار دايم موقعه
    وأيضا سمعنا لك بيوتٍ عبر أثير ( أحلى الكلام )=هذا تناقض .. والتناقض من طبوع الأمّعة
    أقول جيت ( لمنتدى المرقاب ) حباً للحشام=اللي مقابلهم يزيد العمر لو جاء مصرعه
    وعشقٍ لشخصية ( محمّد ) جعل خدّه للرحام=وحبٍ لمن وسّس كيانه .. والوفاء فيه ازرعه
    لن (السديري ) كان من يزبن جنابه ما يضام=( وابن دغيّم ) سمعته فأعلى العلا متربعة
    ( وأذاعة البحرين ) أكن لها مودة واحترام=أذاعةٍ فيها العلوم النافعة والمقنعة
    من ضمنها ( البرنامج ) اللي كل روّاده تمام=واللي يديرونه نشاماّ بالجزايل مولعة
    ساقوا لي الدعوة وأنا لبّيتها مثل السلام=وعلى الهواء جبت البيوت مثومنة ومروبعة!
    لكن هنا .. وألاّ هناك إنسان مجهول المرام=البوم يدرج لك عيونه .. والحرار مبرقعة
    وعلى ماقال الشاعر : (( حبيّب )) قبل عشرين عام= (الأرض كيلو متر والضلعان ما غير أربعة)
    يا أهل المعرفة سامحوني فالبداية والختام=من غلطة الأفكار وألاّ غلطةٍ فالمطبعة[/poem]




    ((ياصاحبي طول غيابك))

    [poem=font="simplified arabic,5,green,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    ياصاحبي طوَّل غيابك والسهر والنوح طال=وأنا على شوفك وقربك يابعد روحي شفيق
    زودٍ على هجرك وبعدك وانقطاع الاتصال=والحظ الأقشر والظروف اللي لها عييت أطيق
    من دونك اللي تسقي الدم الحمر عطشا السلال=في ماقفٍ ما ينعرف فيه العدو من الصديق
    ليا ذكرت افعولهم قررت عنك الإعتزال=وليا سهيت أقول أزورك لو أولعها حريق
    حطوك في عيني حرامٍ وأنت أحلّْ من الحلال=وخلوني أشكّك بعهدك وأنت أبو عهدٍ وثيق
    وأصبحت في بحر الروابع عايمٍ طول الليال=ربع المية يمكن نجيت وباقي المية غريق
    تلعب بي أسرار الرجاوي والمناوي والآمال=بين الحقيقة والخيال أزريت يالمجمول أفيق
    ماغير أهوجس وأنتظر شوفتك ياعنق الغزال=مثل انتظار اللي سكن غزة لخارطة الطريق!
    وش قيمة النفس الشقية كان شوفي لك محال؟=أنا أشهد إن العيش من دونك كذيّا مايليق
    ياراس مال اللي ماعنده في حياته راس مال=ياحسنة اللي مات ماله لا عيال ولا شقيق
    كني ملكت أموال وأرصدة الوليد بن طلال!=دامك عشيقٍ لي وأنا لك ياهوى بالي عشيق
    ياعين حرٍّ ماكره فـ أعلى شواهيق الجبال=درة بحر مسكانها في غبة الموج الغميق
    ماقلّبت في لاهب الكنة ولا جت فـ الرمال=ولا بيّعت فـ أطراف سوق الحب والا فـ السويق
    ماهي من القطم القصار ولا النعانيع الطوال=العود ناعم لا متين ولا عريض ولا دقيق
    وباقي وصايفها تعجز من كتب فيها وقال=الزين كبتن والعذارا كلهن عنده فريق
    وإن كان ما الله جابها بالسلم والا بالقتال=أبا أنتحر ثم قولوا الله يرحمك يابو عتيق[/poem]







    ((ياصاحبي خربت الصحبة كلام وكاد))

    [poem=font="simplified arabic,5,orange,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    ياصاحبي خربت الصحبه كلامٍ وكاد =لاعاد تنشد عن الموضوع و يش الجديد

    لاعاد تشغل ضميرك قدّر الله وأراد= كثر التوجّاد مع حكم القدر مايفيد

    من مبطي الوضع بادٍ لي علاه انتقاد=لكن أجامل .. وأقول أكيد ماهوب أكيد

    واليوم جبت المطمّه لان ثار الزناد= مالك بعدها سوى نارٍ تذيب الحديد
    وانت السبب فـ القدايم والسبب فـ الجداد= وياليتها بس هاذي مير هل من مزيد
    وأنا ماعاد استطيع اصبر على الاضطهاد= أحيا على عز والا اموت لـ جلك شهيد

    والله ماخليك فـ عيوني تذر الرماد = وأنا أعرف العلم و أمشي لي برايٍ سديد


    خلقني الله كاين حي عكس الجماد= وأخذت حكمه من أقوال الزلامي ( رشيد )


    النمله ليا نواها الله بعلم النفاد= ركــّب عليها جناااح و قال طيري بعيد

    وشعيل من خلقته ماشال هم القراد=مهما يدبدب يبا يمشي وعزمه شديد

    وأنته بعد مانخدعت بزَيْن صورة جواد=مدري وش تقول لو جت لك سميره سعيد

    ياعنك منتب رشيد ولنت ويّا الرشاد=من يامنك لا تخم الصبح عبدالمجيد

    روّح وحسبي علاك الله ولي العباد=ياعبد منت ابـ مكلـّف في ومور العبيد


    لو طاح كار المسامه مايطيح الشداد=امدك ابـ جزل وأنت تمدّني بالزهيد

    ياعزتي للذي من خدمته ماستفاد= الفقر يجري معه حتى بـ دم الوريد
    عز الله إنه يبا يقعد كلامٍ وكاد=وان قال يافزعة الله قيل له لاجديد [/poem]






    ((كل ماجيت اتوب امن المحبة واهون))

    [poem=font="simplified arabic,5,firebrick,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
    كل ماجيت اتوب امن المحبه واهوّن=ردني صاحبي يم الهوى والمحبه

    والمحبه يقولون العوارف تكون=من ثلاثة محاور بين كل الأحبه

    الغلا والولا للعشره اكبر مموّن=والتواصل عنا القلب المهايم وطبه

    خص .. لا صار قلبٍ بالخضار امتلوّن=وطاح له في هوى غروٍ غرير ولعب به

    ذخر اهل عطفةٍ تاريخهم ينتدوّن=غض .. ( لاعاريٍ عوده ولا هوب دبه )

    اترك اللي ليا طاحن بمجلس تثون=عندهن دايم اوضاع الهوى مستتبه

    والغنادير فهل اهل الصيت ياويش سون؟=كم وكم من شجيعٍ مات باسباب حبه

    وانت ياللي وجودي من وجودك مكون=لا تعلّق عشيرك فالغرام .. وتكبه

    انت مسلم ومن دين السلام امتمون=منتب اللي بعدوانه نسي خوف ربه

    لا تحش العروق اللي بوصلك ترون=ماطفالك لهيب الشوق من شان اشبه

    بانيٍ لك بيوتٍ فالحشاء ماتطوّن=انت فيها الخطيب .. وكل بيتٍ بقبه

    عنك لو كثروا العذال ماني مهون=والله إني لطنشهم وانا عبدربه ![/poem]







    ((ياهل الوفاء والجميل مطوعين الصعاب))

    [poem=font="simplified arabic,5,orange,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    ياهل الوفا والجميل مطوعين الصعاب=قطاعةالفرجة اللي مبـعدٌ دوها
    ياهل الأمانات لاجاء في الزمان انقلاب=واهل سدودٍ على الأسـرار ياقوها
    ودوا سلامي لابوفيصل عزيـز الجنـاب=النادر اللي دلاله مـاطفا ضـوها
    يمناه فيها كرم حاتـم وشلفـا ذياب= وراثةٍ لـه قديمة مـاهـي بتـوها
    تحيـةٍ عـد براق الدجى في السحـاب= في عارض المزنة اللي مرزمٍ نـوها
    تحية أعجاب فيها الشهد سلسل وذاب=والعود الأزرق بعطره غامرٍ جوها
    وقولوله إن الليالي لوعليها حجاب= يبين لـه ذيبـها ويبين لـه بوها
    السالفة ياحبيـب بين ضـرسٍ ونـاب =مادام حسن النوايا ماغلب سوها
    جتنا علوم الطراقي جعلهم للذهاب=أحيان ياكثرها وأحيان يا شوها
    قالوا بعضها خطا والبعض الآخر صواب= وقلنا ياباني بيوت المعرفة طوها
    بابٍ يجي ظاهره رحـمة وبطنـه عـذاب = وبقعا ترى الشر بسفلها وبعلوها
    اللي منول تعـزه مـن معـزة حبـاب=اليوم خالط علومه ربـدها حـوها
    النذل عينه ما يمـلاها ياكود التراب=وياللي تسرح رعية مصـطفى ضـوها
    هـاك الحـقيـقة تمعـنها ورد الجـواب =ومجمل عزومك على رد البرا قـوها
    والمعذرة ياطويل العمر والقاف شاب=والغلطة اللي تجي من عندنا سوها[/poem]



    [/align]
    [/align]

    تعليق

    • احمد منير الواصل
      عضو ماسي
      • Mar 2009
      • 945

      #3
      [align=center][align=center]
      ((قلت الأسامي))


      [poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
      قلت الأسامي ترا يابنت ماهي شعار= الـرجـل يعــرف بطيبـــه عــود وألا ولـــد

      كم واحدٍ عفتي إسمه لو فعوله خيار= وكم واحد إسمه فهــد لكن ماهــو فهــد

      وأنا سواتي كذا بالغصب دون اختيار= كله على شـان مايــدري بالأســرار أحــد

      لني هويت الهنوف اللي هواها دمار= عشقتها عشق صادق واخلفت فالوعــــد

      لو إن ابه غيرها دورت في كل دار= لكــن مـافـالــبلــــد ياكود هــذا الولــــد

      وأقفت وأنا مالي ألا الصبر والانتظار=ماوالله أعشق ســواها لو يطول الأمــد


      وأخذت مدة وجاني علم تالي النهار= قالوا عشــيقتــك من حامد تروح لحمـد

      قلت الله الله على جور البني الصغار= تحبك الســبت وتخونــك نهــار الأحـــد

      وأنا رجل وأعرف اليمنى وأعرف اليسار= ماحسب حساب الضعيف إن قام وألا قعد

      ربعي لهم في سنام المجد عرش و و قار=من يلتجي في حماهم عاش عيش السعــد

      (حايل) و (عايل) بقبضتهم شملها الدمار= يابنت كلٍ لماضـــين الفعـــايل شهــــد

      من غير زودٍ عن الشجعان فنحا الديار= ما يخفي النـور غار اللي بقلبه حســــد

      عبدت ربي عليم صغارها والكبار=الواحد اللي له المســـلم ركع ثم سجـــد

      واساله العتق من نارٍ حطبها الحجار=ياربي اجعــل لنا منـها وعنها مصـــد

      ابنت هاذي تراها قصتي بختصار= فهمتي الشرح وألا أعيدها (بالعدد)[/poem]






      ((ياعيني اللي))

      [poem=font="simplified arabic,5,green,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
      ياعيني اللي كل بادي ليل مو ذيها السهر=و ياقلبي اللي من وراء الحدب الحنايا يصطفق
      من قلة الحيلة وعمس الراي وأعوان الدهر= وكثر الهموم اللي على قلبي مثل ضرب التفق
      ليا بغيت أسج لوهي نصف ساعة في الشهر= جاني بلاي وقمت أشوف الموت في عرض الأفق
      ما والله أستأنس بفرقا الضيم كله والقهر=وآرد على النـهـر الـمـصـفـى عـقـب ميـراد الخفق
      وأقطف زماليق النفل والورد وأنواع الزهر= الا لـيامـنـه تـولـى الـسالـفـة حـضـرة ’’شـفـــــق’’
      وأعلن بها من عقب ما هي خافية تصبح جهر= وإن سكــــرت كــل الدروب أبـو هـنا مثــل النفق
      يابو هنا عندي علوم ن في ضميري تدهر=سـوالــف ن يـــامســـنـدي والله عليــهـا ينـشفق
      ماقلتها والله يابن عاصي على شان أشتهر= ألا بعــد مـا غــابــت الأنــوار بغيــاب الــشــفـق
      بنت الهلالي لو خطبناها وقدمنا المهر= فـي تالـي الـمشوار تـنحــاس العــلوم وتـنـصفق
      سبة عيال البطن مدري سبة عيال الظهر=مـدري تبا اللي صــفقتــه تعــرف لـيا منــه صفق
      هاذي حقيقة ياوسيع المعرفة لا تنبهر=لـــكـن أمـانـتـك الــــبـنـيـة دمـــهـــا لا يتنـدفـق
      واخذ من القذافي الحكمة عشاء والا ظهر=يابـو هـنـا لا نـتفـق علـى انـــــنــــا لا نـــــتـفـق[/poem]







      ((ماعاد بيني وبينك))

      [poem=font="simplified arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
      ما عاد بيني وبينك يا أريش العين= من ما مضى ما يسر العين والبال

      إن كان قلبك وسيع يشيل شخصين= قلبي يشيل الهموم ألوان وأشكال

      وإن كان زينك ما مثله في العرب زين=العين ما تنخدع في شوف الأزوال

      السدر ياصاحبي ما يشبه التين=لو كان فيه الحكم تضرب والأمثال

      لا صار ما بك حيا لا أخلاق لا دين= ترى جمالك مغر صورة وتمثال

      روّح وتلقى بدلنا ناس( ثانين)=تلقى مع الناس لك عم ن ولك خال

      الحب ماهو بلعبوبة وراعين= ولا هو بسلعة يباع بقرش وريال

      الحب معروف في سلم الثقلين= نقش بحجر لو يطول الوقت ما نزال

      ويجري مع الدم وعروق الشرايين= وفي ثومة القلب له ماكر ومنزال

      كم مرةٍ نزّل أرقاب السلاطين= وكم مرةٍ حد طراده على الجال

      وأنته تحسب إن حبك سور برلين= حبك يامغرور مثل الفي لا مال

      مجنون واللي يحبونك مجانين=والجاهل اللي يوالف ناس جهال

      مع السلامة ترانا اليوم ماشين= وأقول كرّمكم الله فالك عقال

      قفلت صفحتك وأعلنها من الحين= ماعاد لك عندنا ممسا ومقيال

      ماعاد أبا منك لا زينٍ ولاشين= حتى سلام’ عليكم كيف الأحوال[/poem]







      ((قبل مبدا الكلام اذكر ولي العباد))

      [poem=font="simplified arabic,5,orangered,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
      قبل مبدا الكلام أذكر ولي العباد=خالق الآدمي من نطفةٍ من علق

      المعز .. المذل .. الهادي الى الرشاد=جاعل الليل ساتر فاضحه بالفلق

      وطالبه يغفر ذنوبي بيوم المعاد=وعايذٍ به يكافيني غثا ماخلق

      والسوالف جديده والليالي جداد=وكل عمرٍ يبيد .. وللفنا ينطلق

      وكل نارٍ ليا شبّت تعوّد رماد=غار نار الحسد طول الزمان اتعلق

      علةٍ مالها دكتور من عصر عاد=لا بقفل القفول .. ولا بكسر الحلق

      صلّط الله على اهل الحسد علمٍ وكاد=شلّةٍ ماجنت غار التعب والقلق

      دايماً بالحكي تنقل سيوفٍ حداد=ودايماً تسلك الدرب العسير الزلق

      عن دروب المعزه كن فيها قياد=وتنفلت للردا مثل انفلات السلق[/poem]






      ((قال من شاف الهوايل))

      [poem=font="simplified arabic,5,purple,bold,italic" bkcolor="transparent" bkimage="" border="none,4,gray" type=0 line=0 align=center use=sp num="0,black"]
      قال من شاف الهوايل فـ الزمان التالي= عقب مازاغت عقول العالم المتـّزنه

      كل مايلحظ كثير الفرق فـ الأجيالي= يصفق كفوفه على الماضي ويعلن حزنه

      ليت كلٍّ يحفظ الأولاد حفظ المالي= ماحدٍ شانيه لو ايحطهم فـ الخزنه

      جوّد الذريّه اللي كل منهم غالي=وقل لـ صيبك لا أتـّزن خلك على هالوزنه

      لا تفكّه ثم تذوق المر عقب الحالي= مايفيدك كثر قول الله يرحم مزنه

      جعل من جنّب عن أهل الدين ماله والي=لو تثاقل جثّته عندي خفيفٍ وزنه [/poem]







      ((فات لي وقت عسى الله مايعوده))
      [poem=font="simplified arabic,5,teal,bold,italic" bkcolor="transparent" bkimage="" border="none,4,gray" type=2 line=0 align=center use=sp num="0,black"]
      فات لي وقتٍ عسى الله مايعوده=حيث ماحصّلت منه الا النقايد
      كنت جاهل فالزمن بيضه وسوده=منخدع فالامن يوم الامن سايد
      نيتي دايم على الطيب امعقوده=وامتمسّك بالسلوم وبالعوايد
      احسب إن كل الرياجيل امعدوده=واضحك من اللي يقول النعم كايد
      واثر الأنفس كلها خلقت جحوده=مابقي لأهل الوفاء الصادق شرايد
      كود من يقدح على الطاله زنوده=وإن وعد تلقاه وافٍ فالوعايد
      لاتعاين فالرخاء نقصه وزوده=مايبين الصاحب الا فالشدايد
      والجمل يمشي وجمّاله يقوده=والقياده ماتليق لكل قايد
      والرخامه والضعافه والبروده=ميزةٍ تعرف بها وجيه الرفايد
      الوجيه اللي عن الطيب امحدوده=جعلها فدوة وسيعين البنايد
      لايظن العبد في دايم وجوده=كل شئٍ غير وجه الله بايد
      من بغا الدنيا فقط ياقل فوده=لاتخيّرها كذا ماهوب فايد
      مايفيده فعل اباه ولا جدوده=كان مايخشى بها حر الوقايد
      ومن حفظ الاسلام واستوفى بنوده=واخلص لمولاه يبشر بالفوايد
      انصح اللي عنك مايعلن صدوده=لاتقف فالمجتمع موقف محايد
      وقل لراع البيت لايطرح عموده=ثم يضيعن البناجر والقلايد
      لايخليها خروج بدون عوده=يفرح الله .. كان عبده جاه عايد[/poem]

      ---------------------------

      لي رده اخرى لما تبقا لقصايد شاعرنا عبدربه

      واتمنى التثبيت من الاداره [/align]
      [/align]
      تم التعديل الأخير بواسطة احمد منير الواصل؛ 27-Sep-2010, 05:09 AM.

      تعليق

      • خلف الروقي

        رابطة محبي الهيلا

        • Jun 2009
        • 6080

        #4


        من أجزل القصايد تستحق الاشادة والتدوين


        عبدربه شاعر له مكانته الشعرية بس مظلوم أعلامياً ولم أعلم لماذا ؟


        صح لسانه وسلمت يمناك يا أحمد وننتظر ماتبقى لديك


        اشكرك لا عدمناك

        تعليق

        • محمد العتيبي

          مشرف منتدى شعراء قبيلة عتيبه

          • Mar 2005
          • 10789

          #5
          الله الله



          ديوان شعري امتلأ بالأصاله والجزاله الشعريه ..



          صح الله لسان الشاعر الرائع : عبد ربه العازمي العتيبي ..



          ولك خالص الشكر ياأحمد



          وسيثبت ديوان الشاعر مع دواوين شعراء عتيبه الموجوده بأعلى القسم ..


          تحيتي لك
          ...
          [align=center][/align]








          [align=center]للتواصل عبر twitter تويتر


          al_bargawy@
          [/align]

          تعليق

          • احمد منير الواصل
            عضو ماسي
            • Mar 2009
            • 945

            #6
            اخوي خلف الله لايهينك
            سلمت على مرورك وان شاء الله اكمل ماتبق من قصايد الشاعر عبدربه
            يعطيك العافيه على مرور

            تعليق

            • احمد منير الواصل
              عضو ماسي
              • Mar 2009
              • 945

              #7
              سلمت وتشرفت بمرورك اخوي محمد الله لايهينك وشكرآ لك على تثبت ديوان الشاعر
              يعطيك العافيه

              تعليق

              • ولدعساف

                مشرف سابق

                • Sep 2008
                • 4749

                #8
                بيض الله وجهك يابن العم .. ولاهنت ع تجميع قصائد الشاعر عبد ربه العازمي وإنشاء ديوان له !!

                ,,

                محبك

                [flash=http://assa97.jeeran.com/azzoz.swf]WIDTH=450 HEIGHT=350[/flash]




                قال أبوبكر الصديق - رضي الله عنه -
                ( الموت أهون مما بعده، و أشدّ مما قبله )



                حسبي الله ونعم الوكيل

                كتبت وقد أيقنت يوم كتابتي .. بأن يدي تفنى ويبقى كتابها
                فإن كتبت خيراً ستجزى بمثله .. وإن كتبت شرا عليها حسابها

                تعليق

                • تركي السريح
                  عضو فضي
                  • Jun 2010
                  • 269

                  #9
                  اقووول سلمت ولاهنت على النقل00

                  شيء شيء(جرح ثاني)0

                  مبدع ابن عاصي00


                  تقبلووا مروووري000



                  السريـــــــــــــــح

                  تعليق

                  • زيزوم الروقه
                    عضو نشيط
                    • Sep 2010
                    • 70

                    #10
                    صح لسان الشاعر والله لا يهينك على النقل اخوي

                    تعليق

                    • احمد منير الواصل
                      عضو ماسي
                      • Mar 2009
                      • 945

                      #11
                      الله لايهينكم جميعآ وشاكر على مروركم
                      ولد عساف
                      السريح
                      زيزوم الروقه

                      تعليق

                      العمل...