قصيده للشاعر " زيد الهجيري العضياني " في مدح " قبيلة العوازم من عتيبه "

طي
X
 
  • التوقيت
  • إظهار
مسح الكل
المشاركات الجديدة
  • فهد العازمي العتيبي

    مشرف ديار واخبار القبيله

    • Mar 2003
    • 5407

    #1

    قصيده للشاعر " زيد الهجيري العضياني " في مدح " قبيلة العوازم من عتيبه "

    قصيده للشاعر المعروف / زيد الهجيري الثعلي العضياني الروقي العتيبي

    والتي قالها في مدح قبيلة العوازم من عتيبه وذلك عندما نزلوا من الحجاز إلى نجد

    وكان الأمير مرزوق بن عتقان ابن جزعاء العازمي أول من نزل من العوازم من عتيبه إلى نجد

    وابنه الشيخ عبدالله بن مرزوق ابن جزعاء العازمي أول من نزل في وادي جهام احد اودية نجد الشهيره وتملك فيه

    وأسس أول هجره لقبيلة العوازم من عتيبه وهي هجرة العازميه مع أشقائه ابناء الامير مرزوق بن عتقان ابن جزعاء العازمي ،،،


    علماً بأن القصيده اطول من ذلك :



    [poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
    آلاد عاصي يا جبر عطبة الشظى = ليا حولت عقبانها مع صقورها
    أهل المتارس يشهد الله لفعلهم = ليا قامت الهيجاء ودلت وزورها
    هم ربعنا بالخص دون غيرهم = يوم انهم في الدار يا كثر نورها
    والله مانرضى بجار بدالهم = ما دامت الدنيا على قرن ثورها
    اليوم منهم خاليات ركونها = عاين منازلهم تحاوم نصورها
    شدوا ولا في دبرة الرب حيله = يوم اجزلوا عنها تعلوا ظهورها
    راحوا كما نو تقافت سحايبه = ليا هبت العليا وقامت تكورها
    آلاد عاصي عز من يعتزي بهم = ليا حام حايمها وفارت قدورها
    ضلت منازلهم ورانا ودونا = تلطم سبور القوم عنا سبورها
    مشاعل بالليل يمشى بضاحهم = اهمه اسود الدار وهمه نمورها
    الطيب مقسمهم من اول جدودهم = وحياة من يعلم خفايا سرورها
    رجالهم كل اللوازم يسدها = يشفيك لو جالت وطالت دهورها
    حمولة يا ويها من حمولة = في كل درب وافيات شبورها
    نعم بها غصب على الغيض والرضى = يوم الفتن وابليس مفتاح سورها
    لطامة العايل وحماية الوطن = زحازيح يوم الغيض يملى صدورها
    ليا ناحرت نار المعادي لنارهم = ضياغم روس النشامى نقورها
    ليا خيلت بالسم والطارق الخفي = تركز لعيدان البلنزا نحورها
    مثل الجمال اللي تضارس لحيها = كم واحد حطوا بعينه ذرورها
    كم شيخ قوم من طرفهم منيته = خلي عشا لسباعها مع طيورها
    عاين منازلهم وعاين زرابهم = فيها ليا وقت البعث مع نشورها
    في الصبح نواس على ذاري الخلى = وبالليل تسهر في المجالس نجورها
    تشهد لهم السكين والقدر والصحن = والجار عقب الضيف يشبع بسورها
    ما قلت فيهم كذب والشاهد الله = جابة صدوق ما تقطع عقورها
    هذا ويا راكب على وسق حرة = حمرا بعيد الكوع عن ضد زورها
    اما سدس ولا على شق نابها = شناح صدر وينكس وينكب الني كورها
    لها ثمان سنين ما دارها الجمل = يوم الجمال تهيج حزة هدورها
    ما فوقها يكود قربة ومزودة = ودلة نجر وستر ربي يسورها
    تسرح صلاة الصبح وايضا ولا اوجبت = من قصر ابن ثعلي سريع حدورها
    ركابها ما غير راسه وراسها = راسين والراسين فيها نعورها
    وليلة ثلاث ليال توصلك بالرهى = وادي جهام ولك تيسر امورها
    وحزة تجيهم يا نديبي مباشرة = رد السلام وشف ترا ويش شورها
    اضنهم شافوا وعافوا وبرقوا = في ديرة قامت تخلف بدورها
    يبغون نجد ونجد راحت جمايله = راحت طراته ما بقى إلا خدورها
    تلقى الرجال يقابلونك بمرحبا = واهلا وسهلا بانشراحة صدورها
    واقلط على صفر الدلال المكرمة = برية والهيل دايم بهورها
    صفر حبايب قربهن نجر مثلهن = في مجلس والعود الازرق بخورها
    من عقبها عليك قم للمناسف = مفطحات كني انظر وقورها
    يا مال هجر العين ياما ويا ما = تصعب علي ان جيت اعدد نشورها
    ورد السلام من الهجيري وخصهم = كل الجميع غيابها مع حضورها
    و ختامها مني صلاة على النبي = اعداد ما خط القلم في سطورها[/poem]
    للتواصل على تويتر

    https://twitter.com/falotaibi5115


    ،،
  • مخلد بن ماشع
    عضو ماسي
    • Jun 2007
    • 449

    #2
    أخي العزيز فهد

    بيض الله وجهك على الموضوع الاكثر من رائع وعلى القصيدة الي يستاهلونها العوازم الاد عاصي

    والله يرحم الشيخ عبدالله ويسكنه جنات النعيم

    تعليق

    • فهد علي العازمي
      شــــاعــر
      • Oct 2005
      • 3683

      #3
      كفو يا أبن جزعاء بيض الله وجهـــــك
      وبيض الله وجه الهجاري شاهد الأحداث دائما
      وكنت أبي أقرن معها موضوع له صلة
      قلت من الأفضل طرحه في صفحة كاملة
      وهو قصيدة شيخ سليم ((ياروق من دونكم عازوم ضلع بتيل .........الخ

      قريبا إن شـــــــــــاء الله


      كل الشكرررررر يالغاااااااااااالي

      تعليق

      • فهد العازمي العتيبي

        مشرف ديار واخبار القبيله

        • Mar 2003
        • 5407

        #4
        تم النشر في الأصل بواسطة مخلد آل مبارك عرض المشاركة
        أخي العزيز فهد

        بيض الله وجهك على الموضوع الاكثر من رائع وعلى القصيدة الي يستاهلونها العوازم الاد عاصي

        والله يرحم الشيخ عبدالله ويسكنه جنات النعيم
        لاهنت اخوي مخلد العازمي على المرور الطيب ،،،
        للتواصل على تويتر

        https://twitter.com/falotaibi5115


        ،،

        تعليق

        • فهد العازمي العتيبي

          مشرف ديار واخبار القبيله

          • Mar 2003
          • 5407

          #5
          تم النشر في الأصل بواسطة فهد علي العازمي عرض المشاركة
          كفو يا أبن جزعاء بيض الله وجهـــــك
          وبيض الله وجه الهجاري شاهد الأحداث دائما
          وكنت أبي أقرن معها موضوع له صلة
          قلت من الأفضل طرحه في صفحة كاملة
          وهو قصيدة شيخ سليم ((ياروق من دونكم عازوم ضلع بتيل .........الخ

          قريبا إن شـــــــــــاء الله


          كل الشكرررررر يالغاااااااااااالي

          لاهنت اخوي فهد علي العازمي

          على المرور الطيب ،،،
          للتواصل على تويتر

          https://twitter.com/falotaibi5115


          ،،

          تعليق

          • خلف الروقي

            رابطة محبي الهيلا

            • Jun 2009
            • 6080

            #6
            من قدم الطيب يستاهل الطيب

            ولا يضيع الطيب والجيرة الطيبة بين اهل الكرم والمروه

            صح لسان العضياني قصيدة وافية في من يستحقها بلا شك

            وتسلم يمينك يافهد وبيض الله وجهك

            تعليق

            • فهد العازمي العتيبي

              مشرف ديار واخبار القبيله

              • Mar 2003
              • 5407

              #7
              تم النشر في الأصل بواسطة خلف الروقي عرض المشاركة
              من قدم الطيب يستاهل الطيب

              ولا يضيع الطيب والجيرة الطيبة بين اهل الكرم والمروه

              صح لسان العضياني قصيدة وافية في من يستحقها بلا شك

              وتسلم يمينك يافهد وبيض الله وجهك


              لاهنت اخوي خلف على المرور الجميل ،،،
              للتواصل على تويتر

              https://twitter.com/falotaibi5115


              ،،

              تعليق

              • مشاري الحبردي
                ذيـب الـهـيـلا
                • Aug 2006
                • 4888

                #8
                ونعم والله يالاد عاصي

                ويسدك الاسم




                وصح لسان الشاعر

                تعليق

                • فهد العازمي العتيبي

                  مشرف ديار واخبار القبيله

                  • Mar 2003
                  • 5407

                  #9
                  تم النشر في الأصل بواسطة مشاري الحبردي عرض المشاركة
                  ونعم والله يالاد عاصي

                  ويسدك الاسم




                  وصح لسان الشاعر
                  ماعليك زود يالحبردي

                  ومشكور على مرورك الرائع ،،،،
                  للتواصل على تويتر

                  https://twitter.com/falotaibi5115


                  ،،

                  تعليق

                  • عيد العازمي
                    شـــاعــر
                    • Nov 2007
                    • 4228

                    #10
                    نعم الجيره والقبيله يالعضيان بدون قصور فالقبائل


                    ورحم الله الشيخ مرزوق بن جزعاء وعياله الذين ملكو العوازم في نجد


                    وصح لسان العضياني قصيدة وافية في من يستحقها بلا شك

                    وتسلم يمينك يافهد وبيض الله وجهك
                    [poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
                    ليت الافكار مركب والهواجيس مينا=كان ماسج ريمه غير ركّاب ريمه!! [/poem]




                    العازمي

                    تعليق

                    • فهد العازمي العتيبي

                      مشرف ديار واخبار القبيله

                      • Mar 2003
                      • 5407

                      #11
                      تم النشر في الأصل بواسطة العازمي عرض المشاركة
                      نعم الجيره والقبيله يالعضيان بدون قصور فالقبائل


                      ورحم الله الشيخ مرزوق بن جزعاء وعياله الذين ملكو العوازم في نجد


                      وصح لسان العضياني قصيدة وافية في من يستحقها بلا شك

                      وتسلم يمينك يافهد وبيض الله وجهك


                      شرفتنا شاعرنا الرائع / عيد العازمي

                      ولاهنت على مرورك العطر ،،،
                      للتواصل على تويتر

                      https://twitter.com/falotaibi5115


                      ،،

                      تعليق

                      • عبدالمجيد النفيعي
                        مشرف القسم الإسلامي والاقسام العامة
                        • Jul 2007
                        • 2048

                        #12
                        ونعم والله في قبيلة العوازم‘آلاد عاصي‘ ونعم العزوه و صح الله لسان الشاعر الذي يتضح لنا قوة فقدانه لجيرتهم من خلال قوله شدو ولا في دبرة الرب حيله
                        تذكر

                        قول الرسول صلى الله عليه وسلم :-"المسلم من سلم المسلمون من لسانه ويده"





                        أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                        تعليق

                        • ذيب العازمي
                          عضو فعال
                          • Jan 2010
                          • 119

                          #13
                          صح لسان زيد الهجيري وبيض الله وجهك اخوي فهد العازمي على النقل

                          وياليت تنقل لنا رد الشاعر شايد بن عمار بن عواده العازمي على الهجيري اذا كان تحفظه


                          وشكراً

                          تعليق

                          • فهد العازمي العتيبي

                            مشرف ديار واخبار القبيله

                            • Mar 2003
                            • 5407

                            #14
                            تم النشر في الأصل بواسطة عبدالمجيد النفيعي عرض المشاركة
                            ونعم والله في قبيلة العوازم‘آلاد عاصي‘ ونعم العزوه و صح الله لسان الشاعر الذي يتضح لنا قوة فقدانه لجيرتهم من خلال قوله شدو ولا في دبرة الرب حيله

                            ما عليك زود اخوي عبدالمجيد النفيعي

                            ولاهنت على مرورك العطر ،،،
                            للتواصل على تويتر

                            https://twitter.com/falotaibi5115


                            ،،

                            تعليق

                            • ولدعساف

                              مشرف سابق

                              • Sep 2008
                              • 4749

                              #15
                              ونعم مليون تردفها مليار بالعوازم الاد عاصي .. لاهنت يافهد !!
                              [flash=http://assa97.jeeran.com/azzoz.swf]WIDTH=450 HEIGHT=350[/flash]




                              قال أبوبكر الصديق - رضي الله عنه -
                              ( الموت أهون مما بعده، و أشدّ مما قبله )



                              حسبي الله ونعم الوكيل

                              كتبت وقد أيقنت يوم كتابتي .. بأن يدي تفنى ويبقى كتابها
                              فإن كتبت خيراً ستجزى بمثله .. وإن كتبت شرا عليها حسابها

                              تعليق

                              العمل...