الشاعره قهر بنت يزيد " قلبي فدا برقا وعمري فدا روق

طي
X
 
  • التوقيت
  • إظهار
مسح الكل
المشاركات الجديدة
  • عتيبي1231
    عضو
    • Jul 2010
    • 4

    #1

    الشاعره قهر بنت يزيد " قلبي فدا برقا وعمري فدا روق

    كم هاجس * يطري واعافه واصده
    يطلب قصيد الحب والوجد والشوق


    مرة يفاوضني بجزره ومده
    وأحيان يجمع غيم ورعود وبروق


    ازرى يحاولني يجيني وارده
    وازريت ما فجر باحاسيسي عروق


    مالي وما للشعر لو ما المودة
    قصايد بدمي ودمي له حقوق


    يوم التقى العتبان من بعد مدة
    شب الغلا من حبهم كل معلوق


    والشعر لعتيبة * عتيبة تسده
    والله لاغنيها على كل طاروق


    اللابة اللي بالغلا مستبدة
    قلبي فدا برقا و عمري فدا روق


    الهاجس اللي في هواها تقده
    نشوة غلاها تترك الصدر مشقوق


    ما هي على طالاتها مستجدة
    من مولد التاريخ وامجادها فوق


    عهد * لابو تركي وحنا نشده
    لين آخر العتبان والعهد موثوق


    افواجنا شيهانه اللي يهده
    على خفافيش الخيانات والبوق


    يفدا لقا العتبان من كان ضده
    و ما ضده الا كل حاسد وملفوق


    من شاطي الدمام الي بحر جدة
    تمضي القوافل عز ّ وابليس محروق


    للمحفل اللي ماش مثله ونده
    والسبق للعتبان ما هو بمسبوق
  • عتيبي1231
    عضو
    • Jul 2010
    • 4

    #2
    مجاراه لقصيدة الشاعرة قهر بنت يزيد

    لشاعر الأمراء : عوض العتيبي
    حنا عتيبه يوم ثقل الآشده &&& في نجد ميدان الوغا مرتع النوق




    ياهاجسي في الشعر هزلة وجدة
    قـم ياعريب الجـد ياغـالي السـوق



    ذخـر لـبوك وذخـر عـمه وجـده
    تصرف ذهب دام الذهب جوف صندوق



    مثل السبوق الفارس الي ماحده
    من العرب والفـرس والسـابـق تـروق




    عيني تشوف البرق والضلع نده
    والبـرق يكشـف قمة الضلـع بـشروق



    يـابنـت حـنا فـي زمـان المكـدة
    الوقت شيـن وكـل مطـرود ملحـوق



    الرجل منا في صعوبه وشدة
    كـلمـة نعـم مـانالها كـل مطـفـوق



    وحنا عتيبه يوم ثقل الآشدة
    في نجد ميدان الوغا مرتع النوق



    اذوادنـا ترعـا وسيف نحدة
    من حدنا خسران والطاق مطبوق



    أجيوشنا وقت الخطر مستعدة
    يوم القبائل واضعف القوم مسروق



    تاريخنا مثل الجبل من يهده
    مـن يـجهـله ياربعـنا حـق وحـقـوق



    ماهمنا من شد حبله يشدة
    نـقطـع رجـاه ولايـجي فيـه منطوق



    ود الخبر مابين جيبه وودة
    مـاهـمنا فـي كـل حاسـد ولـقـلـوق



    واليوم نمنا فوق كبر المخدة
    الحكم واحد دون تخصيص وفروق



    والملتقى مافيه مثله وقدة
    آذوادنـا وضـح كـما لـون غـرنوق

    تعليق

    • ناصرمرزوق الدلبحي
      عضو نشيط
      • Jul 2010
      • 33

      #3
      اللة يعطيك الف عافية علي المجاراة المميزة










      يالعتيبي قصيدة رائعة ومجاراة اروع









      تقبل مروري

      تعليق

      • فهيد الايدا المورقي

        مشرف منتدى الصحافة

        • Oct 2006
        • 14585

        #4
        صح لسان الشاعره/ قهر بنت يزيد


        وصح لسان الشاعر/عوض العتيبي علي المجاراه الجميله


        العتيبي لاهنت على الموضوع


        تحيتي
        حسابي في تويتر


        faheed_1234

        تعليق

        • شاكر الثبيتي
          عضو فعال
          • Mar 2009
          • 131

          #5
          الله يعطيكم العافيه تستاهل قبيلتنا عتيبه

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            الله الله الله


            صح لسان الشاعر المبدعه ،/ قهر بنت يزيد ..


            وصح لسان الشاعر / عوض العتيبي


            تحيتي
            ..
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • الرويل الأول
              عضو نشيط
              • Apr 2007
              • 42

              #7
              يعطيكم العافيه
              وسلمتوا
              جميعاً

              تعليق

              العمل...