الله من عين طرقها صواديف * * * عميت ويبسن العروق الصخافي

طي
X
 
  • التوقيت
  • إظهار
مسح الكل
المشاركات الجديدة
  • مشاري الحبردي
    ذيـب الـهـيـلا
    • Aug 2006
    • 4888

    #1

    الله من عين طرقها صواديف * * * عميت ويبسن العروق الصخافي

    السلام عليكم ورحمة الله وبركاته ....

    من روائع بندر بن سرور - رحمه الله - هذه القصيدة التي تحمل حكم وامثال وقد انشدها الشاعر فلاح المورقي في شريط بندريات الثالث

    اترككم مع القصيدة :-

    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الله من عين طرقها صواديف =عميت ويبسن العروق الصخافي
    شفت الوزا لبالعين من عرض ماشيف= شفته وغيري من فطن له وشافي
    وقت تغير فيه حتى العواصيف =جافي عواصيف الرياح اختلافي
    شره قناطير وخيره مقاطيف =يفطن له اللي يرضع الديدغافي
    كم واحد جاله زمانه على الكيف= واغترته نفسه يبا الجود وافي
    يطلع مطاليع العيا بالسواليف = بين العذارا عد روحه اسنافي
    يفرح بهرج بالقفا ويكره الضيف = قتات والقتات بالنار هافي
    يعلق قصيره علقة النار بالليف =عي ولد عي زنوده اضعافي
    ان رخصت الحذوه توقي عن الحيف = وان غليت الحذوه مشى اللاش حافي
    يرقد ويلحق والدينه تخاليف = دايم ومرقد ميت النار دافي
    هومادرى ان الجود يبغى تكاليف = سهر الليالي مقبلات مقافي
    يبغى ايدين للعطايا مغاريف =ويبغى ارجول ماتمل الوقافي
    والصبر بنحور السنين الشواحيف = اللي قساهن مثل حد الرهافي
    مايقدرون الجود سود الاطاريف = امشاركة بيض النساء باللحافي
    يقدر عليها اللي حكم نجد بالسيف = واودع مباغيض القبايل اولافي
    عبدالعزيز اللي يبث المصاريف = يجدع قناطير الذهب بالفيافي
    يمشي على دربه جموع مزاريف = نوٍ تنثر ماه والجو صافي
    تشدي لواقيط الزبيدي بعدريف = مما كسا البيدا تفيد الضعافي [/poem]


    والسلام عليكم ورحمة الله وبركاته
  • خالد بن مورق

    رابطة محبي الهيلا

    • Dec 2008
    • 1059

    #2
    الله يرحمه ويبيحه متنبى عتيبه

    تعليق

    • مشاري الحبردي
      ذيـب الـهـيـلا
      • Aug 2006
      • 4888

      #3
      لاهنت يابن مورق

      تعليق

      • خيال سمحات
        عضو نشيط
        • Apr 2010
        • 53

        #4
        [align=center] فعلا متميز يامشاري مشكور علي الموضوع[/align]

        تعليق

        • مشاري الحبردي
          ذيـب الـهـيـلا
          • Aug 2006
          • 4888

          #5
          لاهنت ياخيال سمحات

          تعليق

          • ناصرمرزوق الدلبحي
            عضو نشيط
            • Jul 2010
            • 33

            #6
            اللة لا يهينك علي النقل الجيد ويعطيك العافية

            واللة يرحم راع البيوت الاباكير

            تعليق

            • مشاري الحبردي
              ذيـب الـهـيـلا
              • Aug 2006
              • 4888

              #7
              لاهنت يالدلبحي

              تعليق

              العمل...