عز وفخر

طي
X
 
  • التوقيت
  • إظهار
مسح الكل
المشاركات الجديدة
  • متعب ثواب الجعيد
    عضو فعال
    • Jun 2007
    • 122

    #1

    عز وفخر

    [poem=font="simplified arabic,5,darkblue,bold,italic" bkcolor="transparent" bkimage="backgrounds/16.gif" border="double,4,darkblue" type=1 line=0 align=center use=ex num="0,black"]
    باسم رب ٍ مطلع بامر العباد = الاله الفرد والرب الجواد
    بقدرته ربي رفع سبعٍ شداد = باسط البيداء على خلقه قدير
    نزل القران والهدي المبين = خاتمه عن كل شرع وكل دين
    نورنا اللي نهتدي به كل حين = نعمة الاسلام منبع كل خير
    ثم اصلي عد همال المزون = وعد ما غرد طيور ٍ باللحون
    وعد من صلى وقاموا يسجدون = ثم اسلم على الهادي البشير
    صفوة الامه عليه افضل سلام = الامين متمم المنهج تمام
    نور هديه واضح ٍ يجلي الظلام = والشفيع بساعةٍ فيها نحير
    بعدها يالله طلبتك ياكريم = ثبت اقدامي على الدرب القويم
    انت رجوايه ولا غيرك رحيم = ما لنا غيرك ملاذ ولا مجير
    واقبل الدعوه ليا مني دعيت = تغفر الزله وترحم كل ميت
    والوطن عزه وسلم كل بيت = من شرورٍ مركمه وانته خبير
    والشباب اهده على درب الفلاح = يحتمي داره ليا صاح الصياح
    لا ورد يشرب من العد القراح = ما طمع في دارنا نذل وحقير
    والحقيقه ما يغطيها الخيال = يوم جالي بالفخر بعض المجال
    من عتيبه عزوتي مثل الجبال = مكرمين الظيف فالليل المطير
    من جعيد ومن هوازن منسبي = من خوال المصطفى وافضل نبي
    يهتني لي مطعمي والمشربي = كل مااسترجعت ما ضينا الشهير
    وافتخر في عزوتي سموا جعيد = فارقه عن كل نايف كل حيد
    ما تزعزع للعدو غيضٍ وكيد = فالنهار اللي عبوس ٍ قمطرير
    المنازل من وراء ضلع الوزر = لين تاصل في ضواح ام العشر
    عدنا شقصان بدوان وحضر = والمراعي في قفا ضلع الهصير
    الثلاث البيض سلم جدودنا = والدخيل مجار وسط حدودنا
    والولد من طارفات بدودنا = يحتمي قوله وعن ربعه سفير
    شيخنا عايض يشار اله البنان = فالمحافل بان اله قيمه وشان
    بالذراع ليا نصيته واللسان = حكمته تجبر العظم الكسير
    والزواير ما تونا فاللزوم = ليا دعى الداعي هل الفزعه قروم
    مستواهم مرتفع فوق النجوم = فالملاقى سيفهم سيف ٍ شطير
    شيخهم خالد رفيع ٍ مستواه = بالكرم والطيب ربي قد عطاه
    فالمواقف ما يخيب من دعاه = عند ربعه غاليٍ ما له نظير
    وان تردى العلم او طال النهار = جاك ابن ردان مادونه خيار
    رجح الميزان بالنار وعمار = ما يهمه لا قليل ولا كثير
    ان تشربك علم او سالت دمى = ما يحل المشكله غير ابو نمى
    دون ربعه يرتكي سد وحمى = في نهار ٍ فيه حوسات المرير
    والمعني فالمواقف ما يبور = كنه البارود في سرعه يثور
    ما يجي من جانبه نقص وقصور = محتزينه فالنهار اللي خطير
    عند ابن شلهوب وقف لا تروح = كل علمٍ ياصله يبري الجروح
    شيخ بيني له على العليا صروح = ما يخيب اللي برايه يستخير
    والبريماني ليا منه نوا = ناهته ترقى على حد السما
    حط روحه فوق كفه للفدا = سايق ٍ نفسه سهل والا عسير
    عند ابو سامي عريبٍ من عريب = من نصا عايض تريح ما يخيب
    فزعته للي مطرف والقريب = معتلي قدره على القمه شهير
    والهضاب زحول ما فيهم ردي = يستدل ابهم مثل نجم الجدي
    بالوفاء والطيب والكف الندي = ترتكي للحمل لو انه كبير
    شيخهم لابان بالعلم الوكاد = اعتزا له قال انا عنكم سداد
    ما ندم من يحتزم با ابو عناد = مايبي غيره دليل ولا شوير
    كل منسي كنه السيف الصقيل = لا يكل ولا يمل ولا يحيل
    صيرمي ٍ يبتر اللي مستحيل = فيه عز وفيه تحقيق المصير
    شيخ ربعه ليا نصيت ابو فهد = ما شكيت الهم للصعبه سند
    يروي الضميان ليا منه ورد = فزعة اللي داخله مثل السعير
    وان نخيت مصيلخي جاك الخبر = واضح ٍ فعله مثل نور القمر
    اتكل يمشي على كف القدر = حازم امره يرتخي والا يطير
    قال مطلق شيخنا واللي يجيه = كل قول وكل فعلٍ يحتميه
    كل واحد فالجماعه يرتضيه = مثل نور البدر فالغدرا منير
    ليا يغيت تشوف فعل معيقلي = ارسل المندوب فعله ينجلي
    اشهد انه بالفعل ماله حلي = للمهمه والصعيبه يستدير
    من بصيص رافع الهمه سنود = ما تزحزح لو تضيق به الحشود
    يرتكي للصادره واللي ورود = ما شكى من يزبنه برد وهجير
    واحسب لكل قثرودي حساب = شيبهم يفزع عجل قبل الشباب
    ينطح الكايد ويفعل ما يهاب = قشر حظ اللي على داره يغير
    شيخهم مشهور ياطيب الخلف = طيبه اللي وارثه من جد وسلف
    عند ابو فيصل شعاره والهدف = رفعة اقرابه وظيفه والقصير
    وان ذكرت مظفري وامرك صعيب = ما ندمت ولا ترى ظنك يخيب
    من رجال ٍ كلهم نخوه وطيب = ما تضعضع لا كبير ولا صغير
    لمهم بالعز يوم الحظ قام = شيخهم ياعنك رافع له مقام
    مسيفر اللي يذكرونه باحترام = له معزٌه عندنا وسط الضمير
    والثناء والمدح والله شاهدي = استحقه كل من هو مساعدي
    احتزم به دون عد وماردي = عز لاقرابه ويفخر به قطير
    ان حزبت العلم انشد عن معيض = ان بغيته مرضوي والا فريض
    من لفا عند ابن مزعل حضيض = باب ربعه منصبه منصب وزير
    والجماعه لا هيا فيهم ثقات = يصنعون المجد في صمت وثبات
    اعتلوا مثل الجبال النايفات = في ذراهم يامن اللي مستجير
    والقبايل فالجزيره كلهم = ما تهون ولا هضمنا حقهم
    نشكر الله يوم دينه لمُهم = من كتابه كل مسلم يستنير
    والوطن غالي شماله والجنوب = ما نفرط فيه شرقه والغروب
    محتمينه من غدر عاصب كذوب = من تعرض دارنا عقله غرير
    دونه ابطال الجزيره ساهرين = باذلين الروح والمال الرزين
    للطلب في كل لحظه جاهزين = لو دعاهم داعي ٍ والا نذير
    الحرس والجيش ورجال الامن = كل واحد في عرينه مؤتمن
    حافظينه من مهيلات الفتن = كل شبر من الوطن عنده خفير
    سجل التاريخ ما ضينا التليد = من عهود اجدادنا طارق والوليد
    والخوارج يوم غواهم بيليد = كم طرحنا من قتيل ومن اسير
    خادم البيتين قايد جيشنا = للتطور في بلدنا حثنا
    من عياله بالمحبه عدنا = فالمواقف موقفه دايم شهير
    من معزي لين ابو متعب حكم = كلنا نبني على ساق وقدم
    لين جارانا كثير من الامم = بالتعاون والله الوالي نصير
    السعوديه رخاء وامن ونعيم = للمواطن والمسافر والمقيم
    عزهها رب ٍ على الامه كريم = نحمده ثم نشكره فاول واخير
    اسمحوا لي في كلامي لو هفيت = او حصل مني خطاء والا نسيت
    يعلم الله ما طرا لي او نويت = يا كريم العفو عفوك يا مجير [/poem]
  • يوسف العازمي
    عضو ماسي
    • Aug 2009
    • 562

    #2
    صح لسانك يا متعب

    ولاهنت

    تعليق

    • محمد الذيابـــي

      مشرف منتدى قصائد الاعضاء

      • Mar 2011
      • 12133

      #3
      صح لساااااااااااااانه
      التوقيع

      محمد الذيابـــي

      تعليق

      العمل...