رسالة من عتيبي الى صدام

طي
X
 
  • التوقيت
  • إظهار
مسح الكل
المشاركات الجديدة
  • سلطان عتيبة
    عضو نشيط
    • Jan 2005
    • 60

    #1

    رسالة من عتيبي الى صدام


    قصيدة للشاعر خلف بن هذال العتيبي , بعنوان:
    رسالة إلى صدام


    [rams]http://www.eqla3.net/Majallah9/kalaf1.ram[/rams]

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    سووا لي الكيف و ارهوا لي من الدلّه=البن الاشقر يداوي الراس فنجاله

    كيفٍ لنا نحرقه بالنار و نزله=و اليا انقطع لو من ورا صنعاء عنينا له

    البارح الليل ما غمضت به كله=اراقب الصبح جالس و اتحرى له

    ابعث شريطٍ مضى و اطويه و افله=و اقول من يحفظ التاريخ لاجياله

    قل للعراقي يفتش جعبته قل له=يلقى بها شئ ما يطري على باله

    الهم و الغم و الطاعون و العله=حق لحاله كفايه حقه لحاله

    من صفعةٍ ذاقها بانت بها الخله=يذكر هزيمة شهر شعبان و هلاله

    قام الثعل يشتغل و يشاغل الشله=عزت و طارق و عد عدي و امثاله

    يذبح و يصلخ يده حمراً و مبتله=شئٍ يخلي جبين الحر يندى له

    يا ناس يا ويل من هذا زعيمٍ له=الشعب في وضع يؤسف له و يرثى له

    شعبٍ شرب كره و اكل كره ..كرهٍ له=يتفل على صورته و يدوس تمثاله

    تبت يدا ابو لهب تبٍ و دتبٍ له=و اللي معه بالحطب للقوم حماله

    مقبل على طبخةٍ بالحيل تعمل له=يؤخذ بها الثار و الثوره تسوى له

    حتى نسيبه ولد خاله تحيّل له=لغم له الهيلوكبتر وانشدوا خاله

    الله ما يهمل الظالم ويمهل له=وان طال به عمرٍ اخس شوي واردى له

    الحكم منهار والاحزاب منحله=ما اخس من حالةٍ فيها ولا حاله

    من ردي حظه فأهل بيته يزّول له=صار الشجر قوم بعيونه يورّاله

    من كثر ماهي تبيه يخاف من ظله=ومن يعلم الغيب لو عدي قتّاله!!

    صدام انا بنشدك ويش انت حيٍ له؟؟!=مثلك بغبنه يموت وموته اشوى له

    ما عاد تملك من السلطه خبر لله=خارج عن السيطره دولتك منزاله

    جمّع عظامك سوات مجمع الجله=واحرق بها ما درى بغداد برجاله

    الجيش يرذح تحت ذله من الذله=والشعب مسكين تضحك له وتغتاله

    واذاعتك يا سويد الوجه منشله=ما عندك الا يا لاله يا لالا لا له

    ايه بالله اسمعك زين اي بالله اي بالله=واليا تبين عدو بنّا وحنا له

    ما تدري ان نعقد الحبل ونحله ذ؟!=بالعسر واليسر حلاله وفتاله

    انعسف الصعب ثم يجيك مزينٍ دله=اديب ما يشتكي عرقوب جماله

    ما نقتنع بالهجاد نصبّح الحله=مع الغطاليس رجليه وخياله

    والدار ماهيب يا صدام محتله=ما استعمرت عقب حكم العود وعياله

    واليوم عنها نسن السف ونسله=من شط واخطا الطريق نصلح احواله

    والفهد تخسا عنه ما انت بقبيلٍ له=وطى برجله على غاربك بنعاله

    ما انته بكفوه ولا شرواك كفوٍ له=الفهد يكرم عن المشبوه واشكاله

    الفهد عز العرب والعُرب عزٍ له=وكم دولةٍ تستغيث المال من ماله

    العادل العدل والاسلام شرعٍ له=ولبيعة المسلمين البيعه اولاله

    والا انت مهزوم لا مذهب ولامله=مقطع اربع تطيح بكل محباله

    مما مظلك تخدع الشعب وتظله=ومفسد ويدعى عليك وفهد يدعى له

    وين انت ياللي له العذرا تكحل له=يقوم لعيونها وتشوم لافعاله

    من طيب ابوها تبا وصفه حليٍ له=يقلط على شوبة البارود وظلاله

    أبيك في لازمٍ قدك وقدٍ له=قمر عربسات يبرالك وتبراله

    أمرٍ ضروري وخلك مستعدٍ له=ما انته مراسل تجي وتروح برساله

    عندك مهمه وقلبك ما برد غله=جدول مسيرك تعرف العام مدهاله

    اركب على اللي قنابلها من السله=بمكبرات الصور في الجو جواله

    اخذ المدرج وتل بريكها تله=واخفق بها خفقة الكدري لمقياله

    وانحر بها خاين النهرين وافطن له=لا ذكر بالخير في حله وترحاله

    حدد مكانه بتلسكوب وانزل له=انزل رويدا رويدا واكبس الاله

    حربيةٍ عاديه سوداً تسلل له=تسللت من جهة عمّان وجباله

    جاته من الغرب عبر أجوا صديقٍ له=تحمل على متنها حزنه وسلاله

    ترسم هدفها على الليزر وترسل له=اشارة الضبط والمضرب تهيا له

    ما تحمله ترفعه مترين وتهّله=مع ذرة الشمس في قصره تحمّاله

    تعطيه ضربه تدك القبو بالفله=والشر فاله وفال الله ولا فاله

    من شدة الانفجار أقول بسم الله=تهتز الاهواز والبصره بزلزاله

    في سبّع الارض تحفر له وتدفن له=من تحت الانقاض والانقاذ ما شاله

    ياخذ سنه يلتهب قبوه كما المله=يذوب به صنقل الساعه وسلساله

    ثم خل غيره يشوف ويعتبر خله=واللي يبي مثلها بالحال تثناله

    الضعف ما حطه الطيّب سبيلٍ له = قد قيل من لا يعيل تجيه عيّاله[/poem]



    تعديل التنسيق للابيات بواسطة ابن مشيب
  • أبو فيصل
    مشرف سابق
    • Dec 2004
    • 3538

    #2
    سلمت يمينك ياسلطان

    والله يعطيك العافية
    لا إله إلا أنت سبحانك إني كنت من الظالمين

    تعليق

    • ابن مشيب
      إدارة أقسام القبيلة
      • Nov 2002
      • 9791

      #3
      الله لايهينك ياسلطان برقا على هذة المشاركة الثمينة , وصح السان ابوهذال , وصدام وعدي والشله راحو مراح امقاط ورشاه , وهذا جزاهم في الدنيا , والله يتوالاهم في الاخرة


      كما استبيحك لتدخلي وتنسيق الابيات , لانها قبل متشابكه مع بعضها

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        تسلم يابن العم
        صح السانك والسان خلف


        تحياااااااااااااااتي

        تعليق

        • الــوآفــي
          عضو اداره
          • Mar 2003
          • 3629

          #5
          سلمت يا سلطان

          وهذي قصيده من افضل قصائد ابو هذال

          وتنبأ بالغيب فيها وذلك في بيته

          شعبٍ شرب كره و اكل كره ..كرهٍ لـه
          يتفل على صورتـه و يـدوس تمثالـه


          وكل ما قاله في البيت صار علما بأن القصيده قالها خلف عام 1997م تقريبا !!!!!!
          [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



          [align=center]



          [align=center]ليا جاء طاري الهيــــــلا يفز القلب فزة شوق[/align]






          ألبوم صور



          مدونه مميزه



          [/align][/align]

          تعليق

          العمل...