وصل العطياني يرثي نفسه قبل الموت .. !

طي
X
 
  • التوقيت
  • إظهار
مسح الكل
المشاركات الجديدة
  • رايد الهديبي
    عضو مميـــز
    • Nov 2008
    • 997

    #1

    وصل العطياني يرثي نفسه قبل الموت .. !

    السلام عليكم ورحمة الله وبركاته

    قصيده جزله للشاعر الداهيه : وصل العطياني

    وهو يرثي نفسه قبل الموت

    /

    /

    /

    /

    /

    /


    ..

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


    البارحـة جالـس وأديـر التفاكيـر=مانيب داري وش بقي مـن حياتـي
    ما اقول غير الله يصـون المقاديـر=وليـا دعيتـه يستجيـب دعواتـي
    الأولــة يالله بحـسـن التدابـيـر=تزيـل سياتـي وزيـد حسنـاتـي
    والثانيـة يالله عسـا خاتمـة خيـر=جعل أحسن أعمالـي بحـزة وفاتـي
    الروح تنزع مثل دلـوٍ مـن البيـر=يبقى الجسد يحمل ملامـح صفاتـي
    ثم إحملوني فـوق ذيـك السحاحيـر=من عقب ما صلّوا علـيّ الصلاتـي
    ثم أودعوني بيـن ذيـك الحياطيـر=قدمي حصاة ومن خلافـي حصاتـي
    وأقفوا وعمّ العلـم بيـن المساييـر=قالوا : دريتوا عن وصل؟ قيل : ماتي
    وبكـوا علـيّ الطيبيـن المناعيـر=وكـل أبلـجٍ ذاتـه معلّـق بـذاتـي
    أحدٍ عليّه يضـرب الأرض ويطيـر=وأحدٍ ذبـح نفسـه بكثـر الشماتـي
    وعلى الخدود الدمع يصبح شخاتيـر=ياعيـن وديهـا وياعيـن هـاتـي
    وحطّو عزاي وجات الأمـة طوابيـر=وجيههـم بالـحـزن متوشحـاتـي
    وأخذوا ثلاث ليـال للحـزن تأثيـر=على الوجيه الطيبـة مـن عزاتـي
    وعادوا كما كانوا ضحوك وتباشيـر=إلا إذا مـرت بـعـض ذكريـاتـي
    وأنا جلست وحيد في بيـتٍ صغيـر=مدري حسابك كيـف يـارب ياتـي
    لـو أتعـذ ّر ماتفـيـد المعـاذيـر=ولـو أتمنـى ماتفـيـد أمنيـاتـي
    علـيّ مـن رب السمـاوات تقريـر=مرصود في التقريـر كـل إحركاتـي
    لا الواسطة تمشي ولا دهنة السيـر=ولاعـاد فيهـا عـرف ومجاملاتـي
    أما إن قبري حفـرةٍ مـن زمهريـر=لين البشـر تبعـث حفـاةٍ عراتـي
    وإلا نعيم وخير مـن غيـر تقصيـر=وإن جات هـذي والله إنـه غناتـي
    يالله تحت رحمتـك ياراحـم الطيـر=وأسألـك حـزات السـؤال الثباتـي [/poem]



    [align=center]
    الله يطول في عمركـ يا ابو مشهور انشاء الله


    تحياتي ..
    [/align]
  • مطرح البعارين
    عضو ماسي
    • Jul 2005
    • 798

    #2
    الله يرحمك ياوصل العطياني

    إذا تحققت قيصدتك


    وصح لسانك

    وياليت تكون اخذت العظه والعبره

    تعليق

    • رايد الهديبي
      عضو مميـــز
      • Nov 2008
      • 997

      #3
      لاهنت علي المرور

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        يالله تحسن اعمالنا وخواتيمنا ..

        صح لسان ابو مشهور

        ولاهنت يارائد
        ..
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • محمدالنفيلي الحربي
          عضو ذهبي
          • Oct 2009
          • 318

          #5
          كل واحد عارف انه يبي يموت لكن متى الله اعلم

          تعليق

          • الوليد الاسعدي
            مشرف عام
            • Jul 2003
            • 2336

            #6
            صح لسانك ... الله الله ياوصل

            وإلا نـعـيـم وخـيــر مـــن غـيــر تقـصـيـر
            وإن جــــات هــــذي والله إنــــه غـنــاتــي

            عسى ملفانا واياك الخير والجنة
            [bdr][/bdr]
            و أنا عتيبي من سلالة هـوازن *** ربعي عوايدها الفخر من جدودها
            ما نوشي الفتنه ولا نحرث الردى *** ولا نهاب اليا تسامت وقودها
            ان ميل الميزان من قوم يمنا *** صبرنا لها لوكان كبرت لهودها
            وان ميل الميزان منا على العدا *** نروي من السم السقطري كبودها

            تعليق

            • ضيف على عتيبة
              عضو فعال
              • Dec 2009
              • 129

              #7
              صح لسان الشاعر العملاق \وصل العطياني

              والله يحسن خاتمته وخاتمتنا وكل مسلم

              ويعطيك العافية اخوي رايد

              تعليق

              • ولدعساف

                مشرف سابق

                • Sep 2008
                • 4749

                #8
                ..

                يالله تحسن اعمالنا وخواتيمنا ..

                صح لسان ابو مشهور ..

                ولاهنت يارائد ..
                ,,,
                [flash=http://assa97.jeeran.com/azzoz.swf]WIDTH=450 HEIGHT=350[/flash]




                قال أبوبكر الصديق - رضي الله عنه -
                ( الموت أهون مما بعده، و أشدّ مما قبله )



                حسبي الله ونعم الوكيل

                كتبت وقد أيقنت يوم كتابتي .. بأن يدي تفنى ويبقى كتابها
                فإن كتبت خيراً ستجزى بمثله .. وإن كتبت شرا عليها حسابها

                تعليق

                • فهيد الايدا المورقي

                  مشرف منتدى الصحافة

                  • Oct 2006
                  • 14585

                  #9
                  نسأل الله حسن الختام



                  وصح لسان شاعرنا وصل العطياني والله يمد في عمره على الطاعه


                  رايد الهديبي لاهنت على النقل الجميل


                  تحيتي
                  حسابي في تويتر


                  faheed_1234

                  تعليق

                  العمل...