ديوان الشيخ\مفيز بن فايز بن ضاوي بن مجهل العضياني العتيبي

طي
X
 
  • التوقيت
  • إظهار
مسح الكل
المشاركات الجديدة
  • ابن مجهل
    عضو
    • May 2010
    • 7

    #1

    ديوان الشيخ\مفيز بن فايز بن ضاوي بن مجهل العضياني العتيبي

    [align=center]بسم الله الرحمن الرحيم
    السلام عليكم ورحمة الله وبركاته



    موضوعي يتحدث عن رمز من رموز قبيلة عتيبه و(العضيان)خاصةً ..
    شيخ له هيبه وشخصية قويه , واخلاق رفيعه وحسنه , ونفس ساميه وعزيزه
    ومحاسن اخلاق ترفعه عن دنائة الامور , اتصف بالصدق والشجاعه ’ والكرم

    هذا غير ماكان يتقيد به من دين وخُلق , عمل اول حياته في الامارة التابعه لمنطقة مكه المكرمه
    الى ان تقاعد في نهاية التسعينات ’ كان شاعراً مجيداً ولبقاً , يمتاز بجودة الشعر وعفته ,
    مبتعداً عن البذل والتكلف , اسلم روحه الى بارئها غرة جمادى الاولى عام 1422هـ.
    منهياً بذلك صفحة عظيمة من صفحات هذا الرجل الفذ , الذي قلّ ان نجد مثله في زمن قل فيه
    الرجال العظماء ( من غير قصور بشيوخنا اللي ذكرهم يرفع الرآس )رحمه الله رحمة واسعه ..

    لا اطيل عليكم ( فالحديث ذو امد )

    \
    /
    \
    /
    \
    /
    شاعرنا هو الشيخ \ مفيز بن فايز بن ضاوي بن مجهل العضياني الروقي العتيبي .

    وهو والد الشيخ المعروف الامير \ غازي بن مفيز العضياني (رئيس مركز الشرع سابقاً .. ورمز من رموز المجاهله في الحجاز) ..



    هذه بعضاً من قصائد شيخنا المرحوم \ الشيخ : مفيز فايز العضياني ..



    [poem=font="simplified arabic,5,darkblue,normal,normal" bkcolor="transparent" bkimage="" border="groove,3,darkred" type=0 line=0 align=center use=ex num="0,black"]
    ياابو محمد محتـم القطـر الشيـب=الله نصرنا مـن سريـع المقامـي
    من عقب ماتركبك روس الضواريب=الله عثرها مـن حسيـن المرامـي
    بمسلـبٍ ميقاعهافـي التلابـيـب=سار النحر وترك كثيـر العلامـي
    كم واحد قدمـك يحـب الاشابيـب=لكـن خلنّـه وراحّـن همـامـي
    حواّل كثر الحكي فيـه التعاجيـب=حكيك كثيـر راح فـيّ وغمامـي
    يوم انت تطري المدح وتبيّن الطيب=فعول غيرك ماسقت وانت ضامـي
    حظك تحت جم الصفى والطواليـب=ماينعشى دونـه عصـور عوامـي
    وش انت خابر يوم راحً جناجيـب=وعن المغابـي يركبّـن العدامـي
    خلك مع الاسناع مثـل المواديـب=ولاّ المهـا فاختـك دايـم دوامـي
    انت مع الجـره كثيـر المتاعيـب=ولانهمتـك ماتجـيـب الكـلامـي [/poem]
    ***


    [poem=font="simplified arabic,5,darkblue,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
    القلب ياناس دخل بـه حواشيـر=بعد لطيف الحشى شافـه وعنّـاه
    راعي جديل على ردفه دعاثيـر=العفـو ليتـه بعيـد ولاعرفـنـاه
    نهود خلّي كما الصيـن المزابيـر=والبطن بطن الغزيّل في حلايـاه
    جواب خلّـي كمـا درّ الاباكيـر=لاعثعث النبت تمشي وسط مرعاه
    معـاد تنفـع كثيـر المعـاذيـر=بعد عشير ضعف واقفـى بلامـاه
    ياكثر مابي على راعي الخواصير=لطف الحثى اللي يعني كل من جاه
    ماهمني كود ون شدوّا بالمظاهير=واقفى الضعن والحبيب شد يبـراه
    ماهمني كود ون رحنا نبى النيـر=في ديـرة مانجـي داره ومربـاه
    سّر يانديبي على ناب الحواصيـر=حـرّ لاشـد فوقـه زان ممشـاه
    ارفع له الحبل وسبر في النهابيـر=اظـن خلـي تباينلـك رعـايـاه
    تـراه بيّـن لاجيـت الدواويـر=يطرق بحجره لعل البيض تفـداه
    ملفاك شوقه مع الربـع المناعيـر=وعرف نويّه وميّز ويش طريـاه
    حتى نسنـد لاجاتـه المصافيـر=اظن خلـي يسنـد يـم مصغـاه [/poem]


    هذه ابيات بعثها الشيخ \ حوال بن محمد الثعلي العضياني - رحمة الله -الى الشيخ \ مفيز فايز


    [poem=font="simplified arabic,5,darkblue,normal,normal" bkcolor="transparent" bkimage="" border="groove,3,darkred" type=0 line=0 align=center use=ex num="0,black"]
    يامفيز ياوجدك على الظبي وجداه=وجد اليتيم اللي هلـه يضربونـه
    ميتـه امـه مالـه امـاً تلقـاه=ماله جدى ياكود دمعـة عيونـه
    حتى ايش لـو عيونـك تحـلاه=بعد رميته جـت بندقـك دونـه
    ولال دروب الصيد كـل تهمقـاه=رجلاً ذريف يدرقه فـي قرونـه [/poem]


    وكان هذا رد الشيخ \ مفيز بن فايز العضياني


    [poem=font="simplified arabic,5,darkblue,normal,normal" bkcolor="transparent" bkimage="" border="inset,3,darkred" type=0 line=0 align=center use=ex num="0,black"]
    صيد الخلا عز لقلبي ومشهـاه=ابذبحه وانـا هلـي يذبحونـه
    بمسلباً ميقاعها الكوع واعـلاه=وليندرج لزمه الفتى وان هونه
    اما صويب واشقر الدم يبـراه=ولا ذبيـح صارمـاتً متونـه
    يوم انت ياحوّال مانـت بويّـاه=ولالك جدى ياكود تطري غيونه
    صيد الخلا خلاك تعطي جداياه=انت شليل وقايد الصيد هونـه
    تصبح مصابيحه وتنظر بحلياه=لكن مالـك طعمـةً تذبحونـه [/poem]


    قصيدة وجهها الشيخ \ مفيز بن فايز , لأبنه المرحوم \ مشعان بن مفيز بن فايز


    [poem=font="simplified arabic,5,darkblue,normal,normal" bkcolor="transparent" bkimage="" border="ridge,2,darkred" type=0 line=0 align=center use=ex num="0,black"]
    مشعان ياابني لاتوّحى فالاشـوار=شار المَرَه والخبل خلـه سفاحـي
    خلك كما صقر بدا راس مسبـار=يهوي على صيد الخلا فالبراحـي
    وخلك على كبش المربين جـزّار=لستشحبو خطو الوجيه الشحامـي
    وبنت الردي لاتهويهـا بالانظـار=لو كون مزيونه وعمر الرماحـي
    يجي ولدها خايـبً ميّـت النـار=فالمرجله ولو شاف زرق الرماحي
    ون جاك مضيوم من ايات الاقطار=خلك شجيع وقم بـرآي الفلاحـي
    وخلك على عجر الموالين صبّـار=واصبرلهم وسمحلهـم بالسماحـي
    ون جاك علم زايد حـد الاحكـار=اذهـن تويّـا للعـدو بالسلاحـي [/poem]




    [frame="7 60"]عهـدي بخـلـي **والاصيله تشلي **حي يهلي
    جعل ربي يعافيه
    من عندها قفيـت** ها ثم لديت** لو رحت انا ياشيت
    ماني بناسيه
    عسى الحيا الجرار**يمر بالامطار**على حسين الشار
    ياربي تزيّه
    يظفي على هكران**منّا وربان**ويصبحبها رجعان
    وحبيّبي فيه
    تسمـك ارقـابـه**والظفى عقابه**وربي نوابه
    والذواري تقديّه
    خـيـل خيـالـه**وارتكى في شماله**ومزنه يرفاله
    ودلة مداليه
    قــم يانديـبـي**فوق عشر نجيبي**وصّل لحبيبي
    لان علمي توديّه
    فـوق الاصـايـل**عجلوها شلاليل**هجن جلايل
    والحبيّب توديه
    هجـن سنـايـف**كلهن ولايف**وراحن نحايف
    واصلهنّ من التيه
    هسوبهنـه يميـن**وهنه كما العين**بوساقهنه ذربين
    والشان تقظيه
    عطوني المجمـول**فوق النظا الحول**من يلبس البلبول
    عيني تراعيه
    شفي علـى لامـاه**والقلب يشهاه**ماشفت انا حلياه
    زين وتمدريه
    جاني علاه لبـاس**في لمة الناس**زين بغير قياس
    كلاً هفا فيه
    طرى عليّ القـاف**يامطرف الغاف**ياعايز الاوصاف
    قلبي جذبتيه
    يانابـي الردفيـن**ياداج العين**ودك دخل عامين
    ماني بكانيه
    [/frame]



    [poem=font="simplified arabic,5,darkblue,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
    لي بندقاً جانيبها الله من سعيدانـي=هي منوة اللي يحب الصيد ويزوره
    فيها نسوق الذهب ونسوق طلياني=جانيبها الله من البيـاع غنـدوره
    يازين مبداً بها في راس مزبانـي=يوم خطو الولد يدير البيت ويدوره
    يازين مبداًبها والصبـح مابانـي=قدام صيد الخـلا يصـد ينحـوره
    يازين ميقاعهـا والـدم نثرانـي=هي منوة القلب عز القلب وسروره
    حاميك يابندقي عن كـل هذلانـي=مايحتزمبك عسى يمناه مقصـوره
    اللي من اول قصار خطاه كوباني=جتني مذاكيرهم لعاّبـت الكـوره
    هيض علّي خبول ناس من دانـي=قام يتسندر ويرفع راس باكـوره
    هذا عصر يخلي الخبـل هيفانـي=يالله ياربنـا لاتخلـف الصـوره [/poem]


    [frame="7 60"]شدو من العبـلان**يبون مران**عساه للامزان
    مزنٍ سديدي
    يزي ديـار الخـلّ**مزنه ليا هّل**فأول هلال هّل
    جعله يعيدي
    ياصـل للاكمـوم**بخيال وغيوم**ويرد علاه بقوم
    بطرش وعبيدي
    وتكفون يالاسـلام**فالود ما لام**كني عتيق هيام
    وده يزيدي
    والدمع منـي فـاح**ياظبي الابراح**والروح عقبك راح
    عيّا يهيدي
    يابو جديل ارجـاد**ياغظ الانهاد**شديدكم لاعاد
    يوم الشديدي
    والقلب عقبك تـاق**من غيب الافراق**جاين عليه شفاق
    من ود سيدي
    بعوك علي خـلاف**يامطرق الغاف**ياابو شفايا ارهاف
    رهف المجيدي
    وعقبك ثلاث سنين**ياقايد العين**يوم اجلعوا مقفين
    حالي يبيدي
    يابو جديـل بـاع**للخيل مسراع**من شاف لونه زاع
    بليل بريدي
    وهرجك علّي ادرار**بدمعً اقفار**تمشي من النوّار
    في ارضً جديدي
    ومن لامني لامـوه**عقب انهم جوه**وتسابقوه
    مرهفين الحديدي
    [/frame]



    [poem=font="simplified arabic,5,darkblue,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black"]
    اليوم الا ياحاسيف ويش طاريـك=تبا تقظيّـن والا مـاش مقضـاه
    خلي سليّم مـن الدكـان يعطيـك=والقـرم ماقلطـت يمنـاه يلقـاه
    تـرى سليّـم رحـوم مايخليـك=رحوم جـزاع واللـي يرحـم الله
    اليوم انا ياحسايف جيت واطيـك=في سوق سبع الفهم من كل مجهاه
    بغيت الثلـث وعودلـك وناديـك=وذليت من هرجة وتصير مـزراه
    يافكـرة القلـب محـلا تمدريـك=صنعت غزال المها بالوصف حلياه
    ياعلّ وبل الحيـا يـزي مرابيـك=هي منوة القلب عز القلب ومنـاه [/poem]


    رحم الله الشيخ \ مفيز بن فايز العضياني ,, رحمة واسعه واسكنه فسيح جناته ...

    ( الموضوع منقول , مع بعض التعديلات )[/align]
  • سلطان نايف العضياني
    عضو مميــز
    • Jul 2008
    • 1741

    #2
    رحم الله الشيخ/مفيز بن فايز وأسكنه فسيح جناته

    ابن مجهل

    أشكرك على نقل تلك الروائع

    لو أن يتخللها بعض الأغلاط المطبعيه

    تعليق

    • ابن مجهل
      عضو
      • May 2010
      • 7

      #3
      لاهنت يالنشمي على تشريفك ,,

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        صح لسان الشيخ : مفيز بن مجهل العضياني

        وبيض الله وجهك يالغالي ماقصرت

        وسيتم اضافة هذا الديوان لدواوين شعراء عتيبه المثبته بأعلى القسم


        تحيتي
        ..
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • ابن مجهل
          عضو
          • May 2010
          • 7

          #5
          محمد العتيبي


          بيض الله وجهك ولاهنت

          تعليق

          • سعد حميد الثبيتي
            شــــاعـر

            • May 2009
            • 1097

            #6
            رحم الله الشاعر العلم مفيز رحمة واسعه واسكنه فسيح جناته كما اشكر ابن مجهل على النقل الرائع والتوثيق لقصائد هذا العلم تقبل تقديري ومودتي

            تعليق

            • ذيب الخليج
              عضو
              • Apr 2010
              • 7

              #7
              مفيز شاعر علم رحمه الله واسكنه فسيح جناته
              ونشكرك يابن مجهل على النقل

              تعليق

              • ناصرمرزوق الدلبحي
                عضو نشيط
                • Jul 2010
                • 33

                #8
                لاهنت يابن مجهل علي النقل الموفق








                واللة مفييرحم الشاعر ز شاعر علم








                # [size=4 تقبل مروري[/size]

                تعليق

                • خالد بن مورق

                  رابطة محبي الهيلا

                  • Dec 2008
                  • 1059

                  #9
                  الله لايهينك

                  تعليق

                  • ابن مجهل
                    عضو
                    • May 2010
                    • 7

                    #10
                    الله لايهينكم على المرور الطيب ,,,, والتشريف لمتصفحي المتواضع

                    تعليق

                    • بركان
                      عضو نشيط
                      • Aug 2010
                      • 45

                      #11
                      ياسلام
                      الشكر والتقدير يابن مجهل على الطرح الجميل

                      تعليق

                      العمل...