قصيدة الشيخ نايف ابن حميد ورد الشاعر فالح الشيباني عليها

طي
X
 
  • التوقيت
  • إظهار
مسح الكل
المشاركات الجديدة
  • ابن مشيب
    إدارة أقسام القبيلة
    • Nov 2002
    • 9791

    #1

    قصيدة الشيخ نايف ابن حميد ورد الشاعر فالح الشيباني عليها

    بسم الله الرحمن الرحيم

    هذة مراسلة جرت بين الشيخ نايف بن هندي ابن حميد , والشاعر فالح بن فويز الشيباني , واليكم القصائد:


    قصيدة الشيخ نايف بن هندي ابن حميد


    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    يافالح النوم عيا لايجي عيني=كن الرمد يابن مشيب في محاجرها
    لاجيت ابرقد على جنبي تصحيني=دايم تخفي على قلبي سرايرها
    وليا ذكرت الديار الي تسليني=عسى السحايب علاها هل ماطرها
    ذكرا تذكرت من حينن الياحيني=يفز قلبي يافالح يوم نذكرها
    عساك لوحيت منطوقي تواسيني=وعيني على ماتهقوابة تباصرها
    كثرت التجارب معي بس ايام وسنيني=يقولها الي عرفها من دوايرها
    ابيك يالقرم بالطرقة تخاويني=الربع نختار بالطرقة نوادرها
    مادمت من لابتاً بالضيق تشفيني=تعجبك يوم الملاقى في محاضرها
    يعجبك شوف النشامي الي مضحيني=ودلال صفراً على الصالي نبهرها
    حراً لياشفت لونة قلت لونيني=دواغرة بيض ومتونة تشاقرها
    حراً وحش شابكينة شبك بيديني=من الهضبة الي طويلاتاً مواعرها
    لاشلت طيري على يديني يسليني=ينسيني الي دقيقاتاً خواصرها
    ياماخذالة عليهن من تماريني=هذي تعلابها وهذي محدرها
    يازين شوف الحباري بين دعبيني=لشفن الحر كوبرلة مكوبرها
    شوف الحباري مع الدشة ينسيني=يسوى دياراً طويلاتاً عمايرها
    شفت الجنوبي يلوح الفجر بالعيني=والقيض قفت ليالية و مخاطرها
    على دخول الوسم باقي سبوعيني=والعين قامت تذكرني مخابرها
    الله على جيباً ابيض وارد الفيني=علية نفسي مع الجيان اسيرها
    رقت مع ناس للامجاد راقيني=حرار تعرف يابومقرن مواكرها
    اسمع كلاماً وزنتة بالموازيني=ومن لاوزن هرجتة بالطيب يخسرها[/poem]



    وهذا رد الشاعر فالح بن فويز الشيباني

    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
    ابن فويز بداء زين التلاحيني=ببيوت شعراً على كيفة يصخرها
    رداً على من خطابة تو ناصيني=برسالة وافية بالحيل شاكرها
    يامرحبا ماسجع ورق البساتيني=يارسالة من عزيزاً جاء مسيرها
    حليها بالذهب واحد وعشريني=عند وباقي العرب ماني مشاورها
    من شاعراً عارفاً كل القوانيني=لولا الشعر شارتاً لقال يكسرها
    مادم ربي بقول الشعر معطيني=يالزم علية بيوتة ماتحاقرها
    حيثة عزيز وعندي مركزة ويني=عند النجوم الذي من فوق نسبرها
    والي سواتة يقدم بالدواويني=وتساقلة صبة الدلة ومجمرها
    لوقالو السلم يبداء الصب بيميني=اقول مقارن السادات بجبرها
    نايف حريب الرداء مايلحقة شيني=سلايل حميد معروفة مفاخرها
    يفداة منهو بلا دنيا ولاديني=الي على ماش وتلوي مناخرها
    وخلاف هذا رفيقي يوم يدعيني=امر وانا رفعاً يمناي وشهرها
    والله والله مترك من يناديني=وانا عنة لو يبا العينين مذخرها
    يشرح ضروفة وغاياتة ويبغيني=اسايرة في ضروفة ماتعذرها
    لمح بغى يقول تكفى لاتخليني=ببيوتة الي على القرطاس سطرها
    واليوم ابترك اشغالي خوف تلهيني=ومشي معة في لوازيمن يقررها
    لوني مشغول وضروفي تلاويني=وهموم قلبي ودنياية تعاسرها
    وجحد همومي وجار الوقت كاويني=واصبر ودنياي تصفقبي عوايرها
    لكن مدام ابو سلطان يدعيني=في صحبةً ماخسر منهو معاشرها
    الطير والجيب واصحاب نصيحيني=والشعر والصيد والشعلة وساعرها
    والزل وشداد وفروخ الشياهيني=والدلة الي بزود الهيل ذاعرها
    بذي فرصةً ماتعوض حسب تخميني=والا فدنياك معروفن وش اخرها[/poem]



    اتمنى ان تنال اعجابكم
  • مرزوق حمدان العتيبي
    مشـرف عام
    • Nov 2003
    • 20403

    #2
    صوت وصدى
    رائعين ... سلمت يابن مشيب
    الله لايهينك على جهودك..
    وحسن اختياراتك ...
    اتشوق دائما لكل مايكون
    مسجل باسمك..
    اخوك.
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • بعيـد المرامع
      إدارة أقسام القبيلة
      باحــث
      • Jun 2003
      • 2593

      #3
      سلمت يابن مشيب .. على هالمساجله

      طيب ولاتجيب .. الا كل طيب
      صح لسان نايف بن حميد .. وفالح الشيباني ..
      وسلمت يمين الناقل ..

      بعيد المرامع
      [align=center]تنويه ..وتنبيه ..مرامعي..

      لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع

      لذا أود التنويه ..
      بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً..
      B3EED_MRAM3@HOTMAIL.COM
      [/align]

      تعليق

      • ابو فيصل فهد
        عضو
        • Jan 2005
        • 28

        #4
        بيض الله وجهك
        واقول الى الامام
        ونتمنى لك نجاحاً باهراً

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          اخي العزيز/ مرزوق العتيبي

          الله يسلمك من النار والعذاب , ومرورك وردك هو الاروع , واشكرك على تواصلك الدائم , والله لايهينك


          تحياتي

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            اخي العزيز/ بعيد المراميع

            الله يسلمك من العذاب , وانت اطيب , واسعدني مرورك وردك الكريم , واشكرك على حسن ظنك وعلى ذائقتك الرائعة


            تحياتي

            تعليق

            • ابن مشيب
              إدارة أقسام القبيلة
              • Nov 2002
              • 9791

              #7
              اخي العزيز/ ابوفيصل

              ووجهك ابيض , وبادلك الدعوة جزاك الله خير , والله لايهينك على مرورك وردك الكريم


              تحياتي

              تعليق

              العمل...