قصيدة عبدالمعين بن عقل في الملك فيصل

طي
X
 
  • التوقيت
  • إظهار
مسح الكل
المشاركات الجديدة
  • سلطان نايف العضياني
    عضو مميــز
    • Jul 2008
    • 1741

    #1

    قصيدة عبدالمعين بن عقل في الملك فيصل

    [align=center]قصيدة الشاعر /عبدالمعين بن عقل في الملك/ فيصل بن عبدالعزيز_طيب الله ثراهم جميعاً


    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أبدي بذكر الله وأصلي على النبي = على محمد سيد الانام
    يقول ابن ثعلي وهذي هديته = على جميع المستمع سلام
    أكرر تحيتها وأقد ّم سلامها = وأقول من حسن الكلام كلام
    قلته وانا والله ماأذم ولاأمدح = ماني بمد ّاح ٍ ولاذمـّام
    ماقول فالمقفـّي ولاكل عرضه = علي من رب العباد آثام
    الا ّ هل العوجا تكلمت فيهم = اللي لهم روس العلا مرام
    لو كان مكفيهم من المدح مامضى = أبطال وكرام ٍ عيال كرام
    الاوله لافـّرق الله شملهم = يجعل لهم يوم المقام مقام
    والله مانجزي حساني فعولهم = خلـّوا لنا الدنيا زهر وأنعام
    الا ّ بقولة يالله انـّك تعزهم = عد الليال وعد ّة الايام
    عشنا بفضل الله ثم بفضلهم = وعاشتبه الارمال والايتام
    تطـّور بهم دار ٍ سقى الغيث جالها = صيف وربيع وكل يوم غمام
    تطورت بالعز والمجد واكتست = في كل عام ٍ أخير منه العام
    كساها شرفهم واستقامت بمجدهم = واليوم هاهي ذروة السنام
    وافهـّمك ياللي جاهل ٍ في نظامهم = ولا إن عقال الرجال إفهام
    الله خلقنا كلنا واسمنا العرب = الاسم واحد والعقول أقسام
    ونظامهم لاغير الله حكمهم = السيف حكمه والكتاب نظام
    ولو يحكم الشرع على عيالهم = منهم وفيهم مضـّوا الاحكام
    تحذر واخذ حذرك من الميل والجهل = من خوف لاتزهق بك الاقدام
    أهم عليك مشرعات ٍ سيوفهم = سيف ٍ وراك وسيف من قد ّام
    سيف لراع الحق يعطيه حقه = وسيف ٍ لراع الجرم والاجرام
    والله لا لاالله ثم مسلول سيفهم = اللي لعوجان الخطا لطـّام
    لاقول يمد الذيب والنمر والفهد = تعشوا العصفور والحمام
    والحر يفرس فالحباري وفالرخم = ويحط من باقي الطيور إ يدام
    لاشك رادعهم من الخوف رادع = حطـّوا لمطلوق اللجام لجام
    هل الرايه الخضرا ليا رزو ّوا العلم = لارز ّت الاعلام للاعلام
    على علمهم لااله إلا ّ الله = واسمه هو الغالب على الآ سام
    هل الدين والتوحيد والعز والشرف = اقاموا عمود الدين للاسلام
    وأهل السيوف ليا جرى مثل ماجرى = ليا غطـا ضو النهار ظلام
    تقلـّدوا بيض السيوف ومالوا = جوف المعارك يلبسون حرام
    وارواحهم ترخص ولو كان غاليه = إليا اغتشا روس الجبال عسام
    من يومهم من يوم كانوا ومامضا = ورث لجـّدان ٍ وأبا وأعمام
    وسيوفهم تروى بضرب أيمانهم = يرو َ ن وبقيـّا السيوف حيام
    أنا أشهد ان السيف يصنع لمثلهم = على غيرهم نقل السيوف حرام
    حيث إن مكتوب ٍ لحد سيوفهم = قطف النفوس وجـّذة الانسام
    هل العزوه اللي كلنا نعتزيـبها = لاحل مابين الشعوب زحام
    عزوتهم التوحيد والسيف والظفر = اللي يخل المشركين هدام
    مخالفة دين الرسول محمد = عبـّادة الأوثان والاصنام
    ضد الضديد إليا رقص شيطانه = إليا زمر فيل الضديد وزام
    ضديدهم مايدخل النوم عينه = تسهر عيونه والعباد نيام
    على راي قايدنا ملكنا زعيمنا = إمامنا في كل حال إمام
    فيصل عمود الدين ضد عدو ّه = سم الضديد معالج الأسمام
    ليث العروبه عز ّها نصر دينها = ليا نواها الله بنصر وقام
    ماهرولت بنت الحصان بمثله = فالشرق والغرب وجنوب وشام
    ولاجابن الخفرات مثله ولاجلس = للحكم مما جا من الحكام
    الله على ماكل عذرا ً تلحلحت = عن مثل فيصل جاية ٍ بغلام
    منـّا وفينا ماتعـّدى حدودنا = من أقصى بحر جده ليا الدمام
    نبيه دون الدين والشعب والوطن = يروس عنـّا كل علم ٍ هام
    عمـّت مشاريعه على البر والبحر = دامت مشاريع الامام ودام
    يشهد له الله ثم تشهد له العرب = والسيف والتاريخ والأ قلام
    ولد عديم ٍ جاذبه من راسه = سطام لطـّام العدى سطـّام
    كم من ضديد ٍ سو ّلت له روابعه = خلا ّه في موج البحر عو ّام
    كم من طبـّة ٍ يشبع بها ضبعة الخلا = يشبع بها طير الهوا حو ّام
    وكم معسر ٍ فر ّج لهمـّه وكربته = مرهون في دين ٍ عليه مظام
    كم ليلة ٍ غنـّى على الهجن واوجهن = و ظلـّن على دربه على الدرهام
    كل أبلج ٍ يوهف لوجناه بالعصا = يحثها وهيه تبا قد ّام
    على درب أخو نوره ليا هج واصتوك = مثل النعام أو كنهن أروام
    ربع ٍ مشاكيل ٍ على أوساق حز ّب = أهمه مشاكيل ٍ وهن همام
    عاشوا بيوم العز والمجد وانتهوا = حيـّا ً غدا كلـّه رميم عظام
    والعمر إلـه يوم ٍ محدد وينتهي = زرع موقـّت واقتفاه صرام
    وحياتهم يوم اتذكـّر حياتهم = أحلام ليل وضاعت الاحلام
    تغمـّدهم الباري بعفوه ورحمته = فضل ٍ من الباري عليهم عام
    وإليا غدوا عنـّا لقينا عيالهم = لو مات حكـّام ٍ يجي حكـّام
    وختامها منـّي صلاة ٍ على النبي = واسلـّم عليكم والسلام ختام[/poem][/align]
  • ܓܨ عبدالله البرقاويܓܨ
    عضو مميـــز
    • Sep 2009
    • 1405

    #2
    رحمة الله عليهم جميع واسكنهم فسيح جناته والمسلمين اجمعين
    قصيده رااائعه


    قلتـه وانـا والله مـاأذم ولاأمـدح _مـانـي بـمــد ّاح ٍ ولاذمّـــام
    ماقـول فالمقفّـي ولاكـل عرضـه _علـي مــن رب العـبـاد آثــام
    الا ّ هـل العوجـا تكلمـت فيـهـم _اللـي لهـم روس الـعـلا مــرام
    لو كان مكفيهم من المـدح مامضـى_ أبطـال وكــرام ٍ عـيـال كــرام

    ياسلام الله يرحم شاعرها ويستاهلون اهل العوجاء

    الف شكر لك سلطان طرح ولااروع

    تعليق

    • أبوبدر
      عضو فضي
      • Apr 2010
      • 224

      #3
      صح السانك والله يرحم شاعرها

      تعليق

      • قنوع النفس
        عضو ماسي
        • Nov 2009
        • 747

        #4
        الله يرحمهم

        تعليق

        • حسن إبراهيم الدجيماء

          شـــــاعــر

          • Jun 2009
          • 1983

          #5
          الله يرحم الملك ,, فيصل ويبيحه ,,

          ويرحم " شااعر عتيبه " ,, عبدالمعين بن عقل بن ثعلي ,,

          عز الله انها قصيدة كاايفة ,,

          والماادح كفو والممدوح يستااهل ,,

          مشكوور أخوي سلطاان ,,

          أبدعت في الاختيااار ,,

          لاهنت ..!!

          تعليق

          • أبوبدر
            عضو فضي
            • Apr 2010
            • 224

            #6
            صح السانك والله يرحم شاعرها

            تعليق

            • سلطان نايف العضياني
              عضو مميــز
              • Jul 2008
              • 1741

              #7
              أشكر الجميع

              تعليق

              • محمد العتيبي

                مشرف منتدى شعراء قبيلة عتيبه

                • Mar 2005
                • 10789

                #8
                رحم الله الملك فيصل ..

                ورحم الله شاعر عتيبه ورمزها الشامخ : عبدالمعين بن ثعلي

                بيض الله وجهك يابو نايف

                تحيتي
                ..
                [align=center][/align]








                [align=center]للتواصل عبر twitter تويتر


                al_bargawy@
                [/align]

                تعليق

                العمل...