يقول الليل قمرا والعيون تشوف ,, قلت اقـول//يبا ينقز غزال الصيف , ماغاب القمـر عنّـا

طي
X
 
  • التوقيت
  • إظهار
مسح الكل
المشاركات الجديدة
  • آلاد غنـــام
    عضو فضي
    • Jan 2009
    • 270

    #1

    يقول الليل قمرا والعيون تشوف ,, قلت اقـول//يبا ينقز غزال الصيف , ماغاب القمـر عنّـا

    [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يقول الليل قمرا والعيون تشوف ,, قلت اقـول=يبا ينقز غزال الصيف , ماغاب القمـر عنّـا
    تعال الله عليك أرو الضّما من هرجك المعسول=ترا ماهوب بس اللي تحت ضـو القمـر حنّـا
    لك الله مابقى معنـا عقـولٍ تقبـل المعقـول=نبي من كل شكل ولون , والليله يجـي منّـا
    لو انّك ذقت من مرّ انتظار الموعـد المأمـول=تكاثرت الدقايـق يـوم تنقـش يـدك بالحنّـا
    وصل يوم الفرج مع صبر حولين وقفاهن حول=ثلاث أعوام يادوب استوى اتلانـا مـع اولنّـا
    دخيلك ودّنا نسبح بحر نظرتك عرض وطـول=انا ويّا عيوني , بـس مـن فضلـك تمكنّـا
    واذا ضيعتنا في نون عينك رمشك المسـؤول=سـواده مايخليـنـا نـشـوف الله يامـنّـا
    فديت الأبتسامه والنعومـه والغنـج والـزّول=لو انّا من حديد ومـن حجـر, بسمـه تلينّـا
    نكذّب من يقول انّ الثّغر فيـه البـرد واللـول=ولامنّك فهقـت الشفّـه مـن الشفّـه آمنّـا
    شذا نبت الخزاما والنّفـل فالخايـع المسيـول=يفوح من اللفوح اللـي بلعـب الريـح جننّـا
    تجرّه من سواد الليل مقضوضٍ على مجـدول=ماتملكه اليدين , ان جيت منّـا ينطلـق منّـا
    لو انّك ترتخي للأرض قفله والشعـر مفلـول=دنا منها جديلك , والثـرى لمصافحـه غنّـا
    الا ياصاحبي سقم الهوى مالـه دوى وحلـول=تجرعنـاه مـن ثغـرة جهلنّـا لاتِجاهِلـنّـا
    ملذّاتـه تسـوق ركابنـا للعالـم المجهـول=أخذنـا فـي سِنـه ومنبّهـاتـه مايصحـنّـا
    قسمنا جمرته , والحال شاهد والشقا مدلـول=وكلٍ صار ينفخ جمرة الثانـي , وجـاز النّـا
    ترا ماعاد معنا الاّ من الساعه ونصّ وحـول=نبي نطفي لهيب الشوق فيها , كيـف ماكنّـا [/poem]

    [align=center]
    الشاعر / حاتـــــــــم البــــــــراك االغنـــــــــــامي
    [/align]
  • أخو جوزا
    إدارة أقسام القبيلة
    • Jul 2003
    • 4189

    #2
    صح لسانك ياحاتم
    قال الله تعالى:

    ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

    تعليق

    • ثـــقـل العتيبي
      عضو نشيط
      • Dec 2009
      • 62

      #3
      الله الله الله الله الله الله صحــــــــح لسااااانكـ

      تعليق

      • ܓܨ عبدالله البرقاويܓܨ
        عضو مميـــز
        • Sep 2009
        • 1405

        #4
        صح لسانك وافي ولابه قصور ياصاحبها
        احترامي

        تعليق

        • أبوبدر
          عضو فضي
          • Apr 2010
          • 224

          #5
          صح السانك وبيض الله وجهك

          تعليق

          العمل...