نصيحه

طي
X
 
  • التوقيت
  • إظهار
مسح الكل
المشاركات الجديدة
  • متعب ثواب الجعيد
    عضو فعال
    • Jun 2007
    • 122

    #1

    نصيحه

    [poem=font="simplified arabic,5,darkblue,bold,italic" bkcolor="transparent" bkimage="backgrounds/4.gif" border="double,4,darkblue" type=1 line=0 align=center use=ex num="0,black"]
    الا يالله يامنجي نبيه من لهيب النار = تنجيني من ذنوب ٍ عليه ما لها تالي
    طلبتك ياكريم الوجه يا معبود ياغفار = ولا غيرك نبي نطلب ولا غيرك لنا والي
    والا ياقيل من جرب لذيذ الوقت والامرار = تعلم في زمانه لين ذاق المر والحالي
    بعدها يافهد هذي نصايح وافيه واقصار = تبي تغنيك عن بعض الحكي لو يافهد طالي
    انا اباوصيك في تقوى العزيز الواحد الجبار = رضا ربك يفرج كل هم وكل غربالي
    وبر بوالدينك واعرف انك في فلك دوار = سلف مدفوع مخلاصه عليك ريال بريالي
    ثلاثه لا تهاون في غلاهم لو عليك إعسار = خوي الجنب وضيوفك وجارك قدّم الغالي
    سلوم جدودنا من ماضي الهجره هدف واشعار = نضحي لاجلها يا عزوتي بالحال والمالي
    وانا شفت الرجال اشكال مثل الخيل فالمضمار = ليا طول عليها الماد بان الدون والعالي
    يبين الك الاصيل اللي تسلسل من ظهور احرار = يشوقك ما تغض العين عنه اقفاي واقبالي
    ويظهر لك كديش اصله ردي تكرم تراه حمار = ولو انه صهل يقناه تال الوقت حمالي
    تخير من رجال ٍ طيبه بالفعل والاذكار = تسرك صحبة الطيب ليا من الدهر مالي
    حذاري لا تغرك ضحكة البواق والثرثار = تبي تصبح تبيع من الهقاوي في خلا خالي
    وخلك ظل لاقرابك تواضع واطرح الانظار = عسى ينهار قصر ٍ ما يجي له ستر وظلالي
    عضيدك درع جنبك ما يخيّب سيفك البتار = (يزيد) اليا تخيته بان اله وقفات وافعالي
    وتحرص من قريب ٍ كنه الزاروق سمّه حار = طري بملمسه لكن فيه المكر محتالي
    كثير هياط لاينفع ولا يشفع وفيه انكار = مثل فار الخرابه للردي والخبث مرسالي
    واخير القول مني للنبي شفيعنا المختار = عليه افضل صلاه المصطفى ماهل همالي [/poem]
  • الجزل
    عضو فضي
    • Aug 2006
    • 243

    #2
    صح لسانكــ

    ومشكوور على النقل الرآئع

    تعليق

    • ابومشعل العازمي

      رابطة محبي الهيلا

      • Oct 2009
      • 2664

      #3
      صح لسانك ويعطبك العاااااااااافية

      تعليق

      العمل...