عجمي العطاوي : يالله تنادي بالفرج بأمر سامي

طي
X
 
  • التوقيت
  • إظهار
مسح الكل
المشاركات الجديدة
  • *(العطاوي)*
    عضو
    • Dec 2009
    • 23

    #1

    عجمي العطاوي : يالله تنادي بالفرج بأمر سامي

    (( كفايـــه ظلـــم ))



    [poem=font="simplified arabic,7,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]



    يالله يامحيي رميم العظامي=ياواحدٍ ماله شريكٍ بكونه

    يالله تنادي بالفرج بأمر سامي=من أهل العداله ماقفٍ يقدرونه

    فزعة كريمٍ تنتظرها الكرامي=بأبعاد والا إعدام شر النمونه

    وإلى إنتهت زال الخطر بالتمامي=وجميع خائب خيب الله ظنونه

    ولا عاد يوجد به عزيزاً مظامي=والمجد شامخ والوفاء من حصونه

    وتجري السفينه بإرتقاء وإنتظامي=على الطريق المستقيم بسكونه

    في راي حكام الوفاء والسلامي=والمجد والعدل الذي يتقنونه

    آل السعود أتباع خير الأنامي=مثل الخيال اللي صدوقه مزونه

    نواً تنثر بالسهل والعدامي=يخضر به اللي يابساتٍ غصونه

    أهل الشيم وأهل القيم والمقامي=الشعب من كل الاذى يحتمونه

    هذا الكلام اللي عليه الكلامي=من غيرهم للشعب يرعون شؤونه

    سر ياقلم وإكتب وترجم كلامي=حتى جميع أصحابنا يفهمونه

    كادوا لي الأصحاب مدري علامي=أو أني أملك شيء لا يملكونه

    مير الوكاد أني لو أني حرامي=اللي على اللحيين تطحن سنونه

    لأفرض عليهم كلمتي وإحترامي=على الجميع أقول وآمون مونه

    لكن وضعٍ مايليق بمقامي=طبعه وتطبيقه وشكله ولونه

    واليوم صبي فوق روس الظوامي=إلى متى تبقى الهموم مخزونه

    ياما صبرت ورحت وأخفيت الآمي=حتى صديقي ضايقني طعونه

    والكيد زاد وغامض الجرح دامي=أسباب منهم بالخفا ينبشونه

    تجمهروا للعنصره والتحامي=للشر والا الخير مايعرفونه

    لو يدرسون الخير تسعين عامي=يفنون واسم الخير مايدركونه

    نموت نحيا والعوج مااستقامي=ودام العواجه ساس لو يكسرونه

    ومن العواجه صار فينا انقسامي=صح وخطأ والصح يستبعدونه

    اللي يعرفونه نزيه ونظامي=يبعد عن الانظار ويشوهونه

    كيد وتعصب وإفتراء وإنتقامي=أقل مكرٍ ضدنا يمكرونه

    شلة عصاباتٍ خوال وعمامي=والوقت معطيهم على مايبونه

    الوقت يمضي وأتفه الناس زامي=مجدك وراه بعيد وخطاك دونه

    تعلوا على القمه سقاط الاسامي=لو كان ريح المجد ماياجدونه

    وللمجد واهل المجد معول هدامي=والمجد خلان الرخاء يطمعونه

    مقطانهم بين الزهر والرخامي=ودام الرخاء كل الزهر يقطفونه

    وان ولعت والشر زاد إحتكامي=ربع الرخاء كل الوطن يتركونه

    واهل الوفاء وقت البلاء ماتنامي=وكل الوطن بعيونهم يحرسونه

    ويردون حوض الموت ورد الحيامي=الروح من دون الوطن يرخصونه

    وإلى طفت عادوا خفاش الظلامي=وذقنا مهونه مابعدها مهونه

    وصلاة ربي عد وبل الغمامي=على النبي وآله ومن يتبعونه

    [/poem]






    عجمي بن خصيوي بن زنعاف العطاوي العتيبي




    منقـــــــول
  • أخو جوزا
    إدارة أقسام القبيلة
    • Jul 2003
    • 4189

    #2
    صح لسان عجمى ولاهنت يالعطاوي
    قال الله تعالى:

    ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

    تعليق

    • *(العطاوي)*
      عضو
      • Dec 2009
      • 23

      #3
      والله وسبعين نعم يااخو جوزا تحياتي واحترامي للجميع

      تعليق

      • هميجان العطاوي
        موقوف لمخالفة الأنظمة
        • Feb 2010
        • 70

        #4
        صح لسان عجمــي

        ولا هنت يا ولد العم

        تعليق

        • *(العطاوي)*
          عضو
          • Dec 2009
          • 23

          #5
          [movek=down]صح بدنـــــــك ياولـــد العـــــم
          وشكــــــراً على مشـــاعرك الطيبـــه
          [/movek]

          تعليق

          العمل...