جديد شاعرنا وصل العطياني ..!

طي
X
 
  • التوقيت
  • إظهار
مسح الكل
المشاركات الجديدة
  • رايد الهديبي
    عضو مميـــز
    • Nov 2008
    • 997

    #1

    جديد شاعرنا وصل العطياني ..!

    [align=center]السلام عليكم ورحمة الله وبركاته

    كان لشاعرنا :وصل العطياني كالعاده الحضور المميز بقصيده جزله

    في حفل زفاف الشاب : شداد بن سياف الزراقي

    يوم الخميس ليلة الجمعة الموافق 21/1/1431هـ

    في قصر الأندلس الذهبي للاحتفالات بالجموم

    ..

    صوره لشاعرنا اثنى لقاءه للقصيده




    لقراءة القصيده

    ..
    [/align]


    [poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    يا هاجسي زبدة الهرجة ومـا فيهـا=ضبّط قصيـدة ونقّحهـا وعطنيهـا

    أما تسوّي قصيـدة زي مـا ابغاهـا=والاّ بلاشـي قصيـدة لا تسويـهـا

    قصيدتي مثلاً لو جات فـي مجلـس=لو إن غيري مـن الشعّـار يلقيهـا

    اللي عرفنـي ليـا منّـه تسمّعهـا= إيعرْف رسمي عليها حيـن يوحيهـا

    ومن لا عرفني ليـا منّـه تسمّعهـا=قال الله إنّه يبيّـض وجـه راعيهـا

    ماني براعـي بيـوتٍ مـن ينقّدهـا=يقول عز الله انـه مـا تعـب فيهـا

    بالذات في واجـبٍ راعيـه ينخانـي= ابدع بيـوتٍ تشـرّف يـوم اغنّيهـا

    يلزمني الواجـب وتلزمنـي الخـوّة= ووقفة خويّي معي مانـي بناسيهـا

    طبيعتي ما اندرق عن لازم أصحابي= والناس من له طبيعة مـا يخليهـا

    ما جابنا الاّ غـلا شـدّاد وربوعـه=ربعٍ على العز ّ حاضرها وماضيهـا

    الإسم معـروف والأفعـال معروفـة=والساس عـزوة بعيـداتٍ هقاويهـا

    العزوة اللي من العارض ليا الحـرّة=قبيلـةٍ يفجـع العـدوان طاريـهـا

    قبيلتي تاج راسي كيف أبا أمدحهـا= والمدح بالشعـر لا يمكـن يوفّيهـا

    من حبّ يمـدح عتيبـة فالله يعينـه= يطرق بيوت الشعر عن بكرة ابيهـا

    والشعر يحتاج شاعر يتعب أفكـاره=قصيدته من صميـم الفكـر يبنيهـا

    أوّل مـا يختـار فكرتهـا ومعناهـا=بعده يفكّر على أيّـة بحـر يرسيهـا

    ويصوغها من ذهب ماهو سوات اللي=اول مـا يختـار لأبياتـه قوافيهـا

    ويركّب أبيات لا تتعـب ولا تطـرب= نفرض ليا منّها صارت علـى إيهـا

    أوّل ما يطري على باله ليـا غنّـى = النار ما تحـرق الاّ رجـل واطيهـا

    طيب وتدرون وش هو بيته الثاني ؟= صحيح ما للرعيـة غيـر راعيهـا

    عز الله إن الرعيّـة مالهـا راعـي = والوضع منحاس ميـر الله يسويهـا

    شعار تبدع وتنهـج منهـجٍ واضـح = وشعّار ما تدري الله ويـن مغديهـا

    والله لو إنّ لي سلطة على الساحـة = يـا فيـه شعّـار لآخذهـا باذانيهـا[/poem]


    [align=center]تحياتي .. [/align]
  • أبونواف

    رابطة محبي الهيلا

    • Nov 2008
    • 2163

    #2
    [align=center]اللـي عرفنـي ليـا منّـه تسمّعهـا
    ====إيعرْف رسمي عليها حيـن يوحيهـا
    ومن لا عرفني ليـا منّـه تسمّعهـا
    ====قال الله إنّه يبيّـض وجـه راعيهـا



    الله يبيض وجهه راعيها
    وسلمت أخي رائد عل النقل ..
    [/align]

    تعليق

    • علي الشهراني

      شـــــاعــر

      • Sep 2009
      • 2702

      #3
      صح لسان العطياني


      و مشكووور يا رائد
      [poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      يا بو محمد وش عليه أتحسّر=لا مرقدٍ دافي و لا ماكلٍ حار
      احسلّي اقصْر في شفوفي و اكسّر=اخير لي من عيشة الغار و النار[/poem]

      تعليق

      • رايد الهديبي
        عضو مميـــز
        • Nov 2008
        • 997

        #4
        لاهنتو علي المرور والمتابعه ,,.

        تعليق

        • مشاري الحبردي
          ذيـب الـهـيـلا
          • Aug 2006
          • 4888

          #5
          صح لسان وصل


          لاهنت يارايد

          تعليق

          • الجزل
            عضو فضي
            • Aug 2006
            • 243

            #6
            مشكوور اخوي على النقل

            وصح لسان الشاعر وصل

            قصيده فائقة الجمال والروعه

            تعليق

            • رايد الهديبي
              عضو مميـــز
              • Nov 2008
              • 997

              #7
              لاهنتو علي المرور ..

              تعليق

              • حسن إبراهيم الدجيماء

                شـــــاعــر

                • Jun 2009
                • 1983

                #8
                لله درك ياوصل ... الله يرفع قدرك ..!!!

                تعليق

                • سطام الرويس
                  عضو فضي
                  • Nov 2005
                  • 203

                  #9
                  الله الله

                  ان اشهد انه شاعر متمكن

                  لا هنت يالغالي

                  على النقل الراقي

                  تعليق

                  العمل...