قصيدة بدر بن عقيل

طي
X
 
  • التوقيت
  • إظهار
مسح الكل
المشاركات الجديدة
  • نجد العرب
    عضو فعال
    • Nov 2009
    • 131

    #1

    قصيدة بدر بن عقيل

    بسم الله الرحمن الرحيم
    هذي قصيده للشاعر / بدر بن سعود بن عقيل الدعجاني العتيبي
    وهي مسنده للشاعر ماجد بن ناصر بن عقيل الدعجاني
    يشكي له من جور الايام ويعني بالاصح للدنيا الي عزت الرخوم وارفعتهم وهم ولا شي

    اتركم مع القصيده وهي تشرحلكم الوضع وما فيه

    وانشاء الله تعجبكم وتحوز ع رضأكم

    الله من قلبن همومه تخمــه
    خـمت مخاليب الوحش لبرق الريــــــش
    يفبل علي الهم مارحت يمــه
    وليا بغيت انحاش مالي مناحيـــــــش
    غديت مثل صغيرٍ ماتت امــه
    دايم عيونه لا طرتله مشاويــــــــــش
    ورعٍ يتيم ولا لقى من يضمـــه
    يصبح ويمسي ما اهتنى بلقمت العيــش
    وهمي يا ابو سلطان يشبه لهمه
    تارد علي هموم قلبي مغابيــــــــــش
    والرجل اسيرها على غير يمـه
    والكبد يبست والضماير معاطيـــــــش
    وليا شكيت الحال للي يهمـه
    طنش ليا قفيت شكواي تطنيــــــــش
    وقتن تغير مابقى فيه ذمـــه
    والطيب راح وما بقاله عراميـــــــش
    معاد به ذيب على راس قمـه
    دار الزمن واستذيبن المخاريــــــش
    راعي العزايم مابقى فيه همه
    ولاعاد في راسه علوم ونغاميــــش
    عقب الشجاعه رد راسه لكمه
    خلى الطراد وراح يسبر هل الجيـش
    كلٍ لها في جمع ماله يلمــه
    زاد الرصيد وعاش في معمع الطيش
    لجل الريال يبيع خاله وعمـه
    حتيش لو داس المواجيب حتيـــــش
    واهل المجالس كبروله معمـه
    مقدرٍ لو كان تـيـشٍ ولـد تيـــــش
    وليا بحثت اقصاه جاب المطمه
    عساه عن عيني من بعاد المطاريش
    دنياً كف الله شرها مدلهمــه
    شاخت فروخ البوم هم والدراويش
    وقتٍ يحير وانت بالاسم سمــه
    عجزت القاله شبه في التهاميش
    وقتٍ تغير فيه المذاهب والامـه
    ماقد حصل مثله على عاد وقريش
    وعطني جوابك وانت قد المهمه
    واحرص اليا فتشت الاحداث تفتيش
    وافطن وميز بين فتحه وضمــه
    صفه ونقه لا يجيبه جرابيــــــــش
    صاحبك من زود العنا زاد غمـه
    مشوش فكره من الغبن تشويـــش
    مابقى في هيكله غير دمـــــه
    وغيران عينه ما الحقتها المناقيش
    يصبر ويغضي كل ماجاه كلمه
    ويصبر ويجزع لونس الجرح لانيـش
    والبير جف وخالط القاع جمه
    ولي بقابه ماجذبته الخراطيـــــش


    وسلاااااااااااااااااااااااااااامتكم
  • ولدعساف

    مشرف سابق

    • Sep 2008
    • 4749

    #2
    صــح لسانه لا هنت
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • نجد العرب
      عضو فعال
      • Nov 2009
      • 131

      #3
      لاهنت على المرور وتحياتى لك

      تعليق

      • الجزل
        عضو فضي
        • Aug 2006
        • 243

        #4
        [align=center] شكرا الشاعر : بدر بن عقيل على القصيدة الرائعه


        نجد العرب تسلم يمينك على النقل الرآيع



        وتقبل تحيتي[/align]

        تعليق

        • نجد العرب
          عضو فعال
          • Nov 2009
          • 131

          #5
          الجزل لاهنت على المرور وتحياتى لك

          تعليق

          العمل...