فوز فنجال 1429

طي
X
 
  • التوقيت
  • إظهار
مسح الكل
المشاركات الجديدة
  • المعتبر
    عضو
    • May 2009
    • 17

    #1

    فوز فنجال 1429

    بسم الله الرحمن الرحيم
    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    اليوم هذا عندنا مثل العياد=أغلى الجوايز كلها جينا بها
    نخبة سليل المجد عنوان الجهاد=اللي على التوحيد شد أطنابها
    اللي بناها صرح وحدة واتحاد=وأحيا بها اللي ما بغى يحيى بها
    عبد العزيز مطوع الروس الشداد=يا الله عسى جنة عدن يجزى بها
    والجايزة جينا بها علم وكاد=الله يبيض وجه قرم جابها
    فنجال بن سلطان جعله في المراد=اللي فعوله للعلا نرقى بها
    قرمٍ ليا جت للتحدي والعناد=يارد عليها مايحسب حسابها
    دايم على الله ثم عليه الاعتماد=لا منها صعبت على طلابها
    معه البكار اللي لها في كل ماد= فعلٍ يشرف روسها وأصحابها
    وضحٍ قليلٍ شكلهنه في البلاد=لا طبت الميدان كل هابها
    سنامها فاهق وغاربها سناد=منتلةٍ مثل الشطان أرقابها
    رثمٍ مهادلها مخالطها سواد=كنك تذر الكحل بين أهدابها
    والإذن كن يحك بأسفلها قراد=خرعاً قصيرة قصرها ما عابها
    والجنب سبع أشبار بالشبر الوكاد=قفزاً قصيرة عيز ما يحكى بها
    سبحان من بالزين صورها وأجاد=ما به من العذروب ما يلقى بها
    ليا أقبلت شدت لها أنظار العباد=وإن درهمت يا ما حلا ضبضابها
    فيها ملامح من ذعاذيع البراد=تفتح لها كل الصدور أبوابها
    ليا مشت في الروض في دل وركاد=الأرض منها ما يطير ترابها
    ممشى هنوف قلبها غاد رماد=عنقا تبى تلفت نظر خطابها
    وإن جاء نهار العرض جاء فيها عناد=النار لوهي قدمها تاطا بها
    تدجر كما تدجر معيلة الطراد=ما ترجع المصغر على تلابها
    تدحم بقوة جنب وعيون حداد=مثل السباع اللي تحد أنيابها
    اتطلع أهل الرشد عن طور الرشاد=من مر طوح غترته وأومى بها
    يشوش منها العود واللي في المهاد=من زين عرضتها وزين آدابها
    البل سنام المجد ركن الاقتصاد=الله يبيض وجه من يشقى بها
    كم واحدٍ منها تمرجل واستفاد=ما خاب شاريها ولا جلابها
    والمال مهما زاد تاليه النفاد=من لابرز دنياه وش يبغى بها
    المرجلة تبغى لها رجلٍ سداد=ما كل رجالٍ يشد نصابها
    والعمر مثل الزرع قافيه الحصاد=والطيبة من حظ من يسعى بها
    عساك يافنجال دايم في ازدياد=الطايلة عادتك وأنت أولى بها[/poem]




    حشر بن جهجاه العتيبي
    تم التعديل الأخير بواسطة المعتبر؛ 17-Dec-2009, 12:11 PM.
  • ضيف على عتيبة
    عضو فعال
    • Dec 2009
    • 129

    #2
    صح لسان قايلها ويستاهل فنجال اشهد انه كفو ومن لابة كفو

    تعليق

    • الامبراطور 511
      عضو نشيط
      • Dec 2009
      • 35

      #3
      [align=center]صح لسانك وبيض الله وجهك[/align]

      تعليق

      العمل...