كب الهلامه ينتصيه الهلامه (للشاعر المبدع غانم القاضي)

طي
X
 
  • التوقيت
  • إظهار
مسح الكل
المشاركات الجديدة
  • ابن عتيبه البار
    عضو فعال
    • Oct 2009
    • 101

    #1

    كب الهلامه ينتصيه الهلامه (للشاعر المبدع غانم القاضي)


    قصيدة رائعه للشاعر الرائع والمبدع غانم القاضي




    [poem=font="simplified arabic,4,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    ياسهيل يا مال الغناء والسلامه = دوك الحكم في محكمات المحاريف
    من واحدأ باج الوطا وستهامه = مع بر والآ جو والآ مع السيف
    وارهى بعد طول السفر بالأقامه = ولا طرقه الأتنتهي بالمناكيف
    ياسهيل علمي حصان والزم لجامه = لن كان تبغى تعتلي فالمشاريف
    الدين يرفع هامتاً فوق هامه = اليا استوى دون الغلو والتكاليف
    يجلى عن اعيون العباد الغمامه = وينظّف اقلوب المخاليق تنظيف
    واللي بعد دينك جزيل الكرامه = اليا لفاك الضيف لاتهمل الضيف
    لاتهمله تلحق عليك الملامه = الضيف ضيف الله مهوب فيد تصريف
    أقْره وباشر ناظره ببتسامه = واحذر على وجهك يشوف التصانيف
    واعلم بانه للمخاطر علامه = من لا عرفها زهفوه الملاقيف
    لاشفت من يم المخاطر جهامه = اركد ترى العجله مامعها تصاريف
    واليا عذلوك مطاوعين الرخامه = لاتنعذل يظفي على وجهك الحيف
    احذر تطيع اللي ردين مرامه = مشارك اخته فالقرى والمصاريف
    اللي يخش الراس مثل النعامه = لاقاطعاً فرجه ولا شايلاً سيف
    خبلاً يدوخ انشاف دم الحجامه = من خلقته مالاوعته الصواديف
    ماقد ذبح من خلقته لو حمامه = حتى بييته مطعمه قطعت رغيف
    والرجل عيب تقيمه بالوسامه = ترى احسن الحليا تجي بالخناطيف
    ميز وقيم كل رجل بمقامه = واحذرا تطفف فالمقامات تطفيف
    خل التوسط نسك والبس احرامه= وجنب عن اللي هوشهم بالمعاطيف
    عميان الارياء مدعين الزعامه = اللي حطب نيرانهم كومت الليف
    تكثر مشاكلهم لجات الغرامه= وتلقاء القوي منهم يجي رخو وضعيف
    دوله على ربعه وفن انتقامه = يتخطفه منهم على غر تخطيف
    اليا هرج قامت تراعد عظامه = شجاعته بالصوت والفعل مأشيف
    فكره تشبع بالردى والغشامه = كبه ييا يرجف ويلقى المراجيف
    كب الهلامه ينتصيه الهلامه = تكبر دعاويهم ولامن تخاليف
    وفطن لبو نمه وميز كلامه = اللي يحرف بين الهرج تحريف
    أليا لزمله هرجتا جاك عامه = واليا جلس صلغم وجايله ازنيف
    نشدتك اله شفه وغايت مرامه = ولو ما حصل نشده هرج وحكم الزيف
    وان قلت عيد الهرج لخبط نظامه = تتشوف في هرجه غياره وتتعيف
    وياسهيل قل العلم ليلا ظلامه =توصيفه اسود كالح اللون ومخيف
    اعلم ترى التعليم كلا" يرامه =جديد والا من قديما بالارشيف
    والعلم محدأ ناش ذروت سنامه = بحرا يهيج و ما رزته المغاريف
    دراستك زرعا" لو ابطى صرامه= له يوم تقطف ما حلى منه تقطيف
    كم طيبا" بالعلم عزز مقامه= وعلي شرف ساسه له العلم تشريف
    وكم عالما حله يخالط حرامه= كسبه من التعليم راتب وتوظيف
    بعض العرب ياسهيل ذلا" علامه= لو يتعلم في نيويورك و جنيف
    هذا ويا مال الغناء والسلامه = اخر حكمنا في جديد المحاريف
    للحر ميقاعن براس العدامه = والاالرخم ياقع علي الجيف ومجيف [/poem]

    وسلامتكـــــم




    تحياتي
  • ابن صنهوت

    رابطة محبي الهيلا

    • May 2008
    • 1734

    #2
    صح السان القاضي ولا هنت يابن عتيبه على الاختيار

    تعليق

    • محمد العتيبي

      مشرف منتدى شعراء قبيلة عتيبه

      • Mar 2005
      • 10789

      #3
      صح لساااانه قصيده رائعه ..


      ولاهنت يالغالي
      ...
      [align=center][/align]








      [align=center]للتواصل عبر twitter تويتر


      al_bargawy@
      [/align]

      تعليق

      • ابن عتيبه البار
        عضو فعال
        • Oct 2009
        • 101

        #4
        ابن صنهوت عطرت متصفحي بمرورك........................ولاهنت

        تعليق

        • ابن عتيبه البار
          عضو فعال
          • Oct 2009
          • 101

          #5
          محمد العتيبي مرورك اروع ولك جزيل شكري

          تعليق

          العمل...