مراسله بين الشاعرين نياف بن نماس السمييري والشاعرمحمد بن حويل العصيمي

طي
X
 
  • التوقيت
  • إظهار
مسح الكل
المشاركات الجديدة
  • ضاامي وفااا
    عضو ماسي
    • Jan 2008
    • 623

    #1

    مراسله بين الشاعرين نياف بن نماس السمييري والشاعرمحمد بن حويل العصيمي

    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]

    البارحه ونيت يوم انتحى الليل=واقنب كما ذيبٍ تقانب اجنوبه

    ماغير افكر باليال المقابيل=والامر كايد والعرب مادروا به

    واجحد واجاحد في ضميري ولاويل=واضحك وقلبي فيه مثل الشبوبه

    على هنوفٍ ذوقتني بهاذيل=سبع اسنواتٍ بالحبال امغصوبه

    حاولتهم بالمال والحال والحيل=واثر الطريق مسكراتٍ دروبه

    والصبر غلق والضماير مغاليل=والسر اهل جمع النمايم حكوا به

    وانا بلايه من هل القال والقيل=والناس طرّاد الهوى برقوا به

    يازين ياللي تدعج العين بالميل=عرضت عرضي للملا واهرجوا به

    وذبحتني باوصاف زين التعازيل=والله خلقك النا عذاب وعقوبه

    بنجل العيون اللي هدبهن مضاليل=عيون حرٍ في الهداد اقنصوا به

    قاسيت منهن يالحبيب غرابيل=وسطن بقلبي والعرب ماسطوا به

    والخد براقٍ سرى له تشاعيل=من يمّة المشرق انقرته هبوبه

    والا يشادي ساطعات القناديل=لنبات قصرٍ للموك اسكنوا به

    وعلى الجدايل ينثر المسك والهيل=سبيب صفراً للطراد امعصوبه

    هايم بطن والعنق يزهى الخلاخيل=ضامر عسيفٍ من مناسب ضروبه

    والردف يشدي نابيات الغراميل=واليا مشى يطوي عن الساق ثوبه

    وجوابه احلى من درير الاباهيل=اللي بها واد الرشا ربعوا به

    اشكي على نياف منصى المشاكيل=اليا جات صعبات الامور احسبوا به

    نياف بن نماس ذيب الرياجيل=من لابةٍ يوم الطراد امحسوب

    الاد سامر يوم وقت المحاويل=كم فارسٍ من سابقه حولوا به

    وان قام عج الخيل مثل المخاييل=الشيخ من بين الجموع اطرقوا به

    ربعٍ ليا ركبو على كنس الحيل=طرش العدا في حزّة الضيق جو به

    وان زرفل المظور وانقضّت الخيل=ردّوا على الشيخ الكبير ورموا به

    الذيب يشبع عقبهم في المداهيل=ورجالهم يوم الحرايب يلوبه

    عيّات عرّافٍ عصاةٍ دواليل=والمجد مابين الرجال اشمخوا به

    واليوم يانيّاف جتك المراسيل=من شاعرٍ تعرف لك الله اسلوبه

    [/poem][/poem]









    مرد الشاعر نيّاف بن نمّاس على الشاعر محمد بن حويل العصيمي



    [poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""] سر ياقلم وانا عليّ التفاصيل=من هيض بالي مالحقني صعوبه[/poem][poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]

    حييت ياخطن لفا به تماثيل=ذكر عليّ هموم قلبٍ تلوبه

    من شاعرٍ يعرف كما الجدي وسهيل=وذكره وصل غرب الديار وجنوبه

    ابو مشاري زبن من حده الويل=زبن الجناه اليا جنوا والتجوا به

    وبيته لعصمان الشوارب مداهيل=وهيف السمين اللي كبارٍ اعصوبه

    من لابةٍ تعرف كما شاطي سهيل=ودقلاتهم بين الجموع مهيوبه

    واليا تعلوا فوق حيلٍ مراميل=تضرب بهم شيب النضا كل جوبه

    واليا بدا السبار روس الاقاذيل=وعط الصياح وزرفل الركب صوبه

    يروون حد المرهفات المصاقيل=وكم شيخ قومٍ في الطراد احذفوا به

    واللي نعد بكاسبين التنافيل=صحيح قولي والحضور اشهدوا به

    وان كان تشك الود يامحمد حويل=وتقول قلبك من فؤادك غدوا به

    اطلب وحنا ياعذاب المعاميل=المال تحت رضاك يرخص وجوبه

    تحت الطلب والمال يدفع بلا كيل=والجاه نصخي به لرجل العروبه

    وندفع عليهم من رجال المواصيل=اللي سنام المجد قد اعتلوا به

    وان كان عيوا ماوراهم محاصيل=خله يولي والعوض في غيوبه

    وانا جرالي ماجرالك من الشيل=من واحدٍ مامرني غار نوبه

    من سبّته ودموع عيني هماليل=تذرف كما عدٍ تجاذب اغروبه

    وحالي نحل ماباقي الا سماليل=دوبه يقوم بباقي الجسم دوبه

    والوقت طال وفات بعض المحاويل=والصبر غلّق والحبيب انتحوا به

    ياقل شكله ياعرب في هذا الجيل=عين اشقرٍ باعلى الجبال اشبكوا به

    والصدر يزهى فيه مثل الفناجيل=والخد براقٍ تدلّت انصوبه

    وتحت الشفايا الحمر غرٍ مذابيل=واليا مشى في مشي خلي عجوبه

    ومن دونها حالوا رجالٍ حلاحيل=بين الرجا والياس ناسٍ عصوا به

    وصبرٍ على الدنيا ليا صار به ميل=احسن من اللي عهدم ماوفوا به

    وان كان صادك في هواهم محابيل = تمشي بدربٍ والعرب قد مشوا به

    وختامها مني تحية وتهليل = عداد من طافوا وسعيٍ سعوا به[/poem][/poem][/poem]



    [poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]

    ياركب اللي بعيد الدار تقربها=مافوقها الا الرسن والخرج وشدادي

    من ساس هجنن معرّبةٍ مناسبها=وركابها في اللوازم قرم الاولادي

    فجّا نحر هايمٍ شيبٍ محاقبها=وفي عينها نار حمراً تشعل أشعالي

    ماتهتني بالمنام عيون راكبها=تقول ذيبٍ على نشر العرب عادي

    تلفي على اللي علوم الطيب يكسبها=كساب قولة نعم مابين الاجوادي

    تلفي محمد اليا هبّت هبايبها=ابو مشاري من اهل الطيب معتادي

    ملفاً لربعٍ دنين النجر يعجبها=وراعي دلالٍ بهن البن وقنادي

    وذبّاح حيلٍ تجي من جالبها=يرمى بهن في الصحون اجواز وافرادي

    من الوفا والخساير مايحسبها=وبيته لكسّابة الطولات ميعادي

    من لا بةٍ للعدا تتعب ركايبها=يامى غدت في نحاهم شقح الاذوادي

    الاد عاصم اليا شبت حرايبها=ترو القنا في اللقا وسيوفٍ حدادي

    يشكي لك الحال من روحه معذّبها=تقول يحداه عن نوم الملا حادي

    والناس نامت وانا الجنبين اقلّبها=والكبد عيّت بعد لا تقبل الزادي

    سبّة هنوفٍ اليا قضّت ذوايبها=وخضابها المسك والريحان والكادي

    حبّه سطا بالضماير لين حل ابها=ابو جبينٍ كما نور القمر بادي

    ادعج غنج حالة العاشق يصوّبها=والقلب من سبّته ماعاد يزدادي

    هاذي سنه غترتي دايم معصبها=وان قلت هانت تجيب علوم جدادي

    والرجل كثر السفر في الخط متعبها=بين المشاوير سردادي ومردادي

    ودنياً تبذ المناحي من يعاتبها=والعمر يفنى وشغل العبد يزدتادي

    الله يكافيك يالصاحب مصايبها=ايام والا انت لازم تاصل المادي

    تسعى بها ناس ماتلحق مكاسبها=وأحدٍ يبا الفيد وأحدٍ راح مافادي

    والطيّبه دايم الطيّب يفوز بها=والسيل يعتار من وادي اليا وادي

    وانا وعن ماتحب النفس أجنّبها=واتبع كلام الولي ومحمد الهادي

    وايضاً على قدر عقل الناس اخاطبها=تضرب لنا امثالها من عصر ابن هادي

    وربعٍ تجيب الحقايق لا تكذبها=باللي على جرّته للناس ميرادي

    واللي على الجود طايلةٍ شواربها=ماتعترض في السبيل لواحدٍ غادي

    [/poem][/poem]











    مرد الشاعر/محمدبن حويل العصيمي







    [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

    يامرحبا بالذلول اللي براكبها=ومنجّبه من شجاعٍ قرم وعمادي

    مافوقها الا الدّويرع مع جنايبها=والخرج والميركه من شغل بغداي

    من ساس هجنن معرّبةٍ ضرايبها=واللي عليها عريب اعماق واجدادي

    جتنا شعيله شكيمتها تلاعبها=وحادت عن النزل الادنا يمنا غادي

    وحنا اليا جاتنا قمنا بواجبها=تكريم ركابها من بين الاشهادي

    وبيوت ركّابها اللي معه جايبها=مايعترضها لك الله كل نقادي

    من عند نياف راسمها وكاتبها=حيث ابو فيصل خبير امثال وسهادي

    قرمٍ علومه على الطاله نفز بها=وله الفخر بين منشودٍ ونشادي

    يشكي عليّ العلوم اللي مجرّبها=وهاذي سلوم العرب من عصر شدادي

    قالاتنا معك والله مانشح ابها=بالمال والجاه يامفتول الازنادي

    وان كان بالمال يرخص في مطالبها=وان كان بالضد حنّا ضد الاضدادي

    وان كان بالجاه روس القوم نطلبها=نطلب لك القوم ونحل إلك الاعقادي

    وان كان صمٍ بكم لا تستهم إبها=جنّب طريقٍ عليه الداب رصادي

    والقاله اللي كثيراتٍ نشايبها=دايم وهي مثل سمٍ فوق الاكبادي

    وايامنا يا وسيع العرف صار إبها=طارد ومطرود ومغوي وحسادي

    حسيت بعلومي اللي كنت احس بها=ولا زلت مابين محدارٍ ومسنادي

    من واحدٍ في العرب كبدي مصوّبها=سبع إسنواتٍ وانا في حرب وجهادي

    سبع سنوات وانا اجاحد مصايبها=درّة بحر ماصدفها كل صيادي

    وانا بلايه يابو فيصل قرايبها=وفتيلةٍ ولّت من نار وزنادي

    وانا بلاي الذياب اللي تقانبها=تبدي لنا النايفه في كل مرصادي

    لكن والله يابو فيصل ماصاحبها=نمشي على عز راس وصبر وعنادي

    وان كان هزّت لي الدنيا مناكبها=اعرف مع الناس مصداري وميرادي

    واترك جمالٍ تقرّط في غواربها=من يوم جا عضّها في روس الابدادي

    اعطيك الامثال وبيوتٍ مرتبها=تا تسمع الناس شغّل موجة الرادي

    اعدّها مع رجال العرف واعربها=مير اكثر الناس في ممشاه متحادي

    ونفسي على الصبر يانياف غاصبها=وانا وشيطانها في حرب وجهادي

    لكن احب البروق اللي سحايبها=من ساحل البحر يانياف تنقادي

    بروقها في الدجا شبّت شبايبها=نوٍ سرى فيه برق وفيه رعّادي

    [/poem]
  • سلطان ابن حامد
    شـــاعــر
    • Oct 2009
    • 432

    #2
    باقي وحده يا ضامي وفا : )

    صح لسان الشاعرين

    عمالقه ومنهم نستفيد

    لاهنت

    وتقديري لك ،،
    توترتي هنيـّا : )

    تعليق

    • ضاامي وفااا
      عضو ماسي
      • Jan 2008
      • 623

      #3
      ووجهك ابيض لاهنت على المرور

      تعليق

      • فيصل المسعودي
        مشرف عام
        • May 2005
        • 8296

        #4
        [align=center]شعر كله جزالة وأصالة

        ولا غرابة في ذلك

        فالاثنان منبع لذلك

        شكراً ياضامي

        تحياتي[/align]

        تعليق

        • ضاامي وفااا
          عضو ماسي
          • Jan 2008
          • 623

          #5
          <img border='0' src='http://www.samysoft.net/forumim/shokrmror/1/7575757.jpg'>

          تعليق

          • ضاامي وفااا
            عضو ماسي
            • Jan 2008
            • 623

            #6
            <img border='0' src='http://www.samysoft.net/forumim/shokrmror/1/7575757.jpg'>

            تعليق

            • محمد العتيبي

              مشرف منتدى شعراء قبيلة عتيبه

              • Mar 2005
              • 10789

              #7
              شعراء كبار

              ما اقول غير شكرا جزيلا لك ياضامي


              انتقاء جزل


              تحيتي
              ..
              [align=center][/align]








              [align=center]للتواصل عبر twitter تويتر


              al_bargawy@
              [/align]

              تعليق

              • ضاامي وفااا
                عضو ماسي
                • Jan 2008
                • 623

                #8
                شكرا جزيلا لك

                تعليق

                • الجزل
                  عضو فضي
                  • Aug 2006
                  • 243

                  #9
                  [align=center]صح لسان الشاعرين وشكرا على النقل يـــــــا ضاامي وفااا [/align]

                  تعليق

                  • ضاامي وفااا
                    عضو ماسي
                    • Jan 2008
                    • 623

                    #10
                    [IMG][/IMG]
                    تم التعديل الأخير بواسطة ضاامي وفااا؛ 31-Jan-2010, 11:15 PM.

                    تعليق

                    • خالد الرويسي
                      عضو فعال
                      • Jul 2009
                      • 168

                      #11
                      يعطيك العافيه

                      لاهنت

                      تعليق

                      • ضاامي وفااا
                        عضو ماسي
                        • Jan 2008
                        • 623

                        #12
                        بارك الله بك , شكراً أخي الكريم
                        تقبلوا خالص تحياتي
                        أخوكم

                        تعليق

                        العمل...