الملك مشغول بالحكم ونعذر الملك ::::::::: بس وش عذر المحافظ و وش عذر الوزير!

طي
X
 
  • التوقيت
  • إظهار
مسح الكل
المشاركات الجديدة
  • آلاد غنـــام
    عضو فضي
    • Jan 2009
    • 270

    #1

    الملك مشغول بالحكم ونعذر الملك ::::::::: بس وش عذر المحافظ و وش عذر الوزير!

    [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياغريبة دق حجلك وغنى كاحلك=لاحتفال الارض بخطاك يا العري الستير

    جيتي بساكن ومتحرّك ومن ياصلك=يدرك انه شاب راسه ولو سنه صغير

    جيتي وكنّ النسيم بيدينه شايلك=طحتي من الغيم واستبشر الضامي بخير


    ضمتك روحي وفلّ القؤاد مجدّلك=وانسكبتي مع دماية ليا العرق الاخير


    صرت اشمّك واثملك وارجع اصحى واثملك=وانتي بهذي وهذي مثير ومستثير


    ارتمي لك تحمليني وانا اعود احملك= مانصير / ودون سبة كذا فجأة نصير


    في ذرى متني تذرّين خشية مقتلك!= ابشري باللي يشتت لك الجمع الغفير


    تلفظين اسمي براءة وانا شايل هلك=ذنب فــ رقبتي وفي دمهم مالي خشير


    دافنٍ مع جدي الاول خطام جملك= عقب ماعشيت ذيب الخلا كبد البعير


    ماعدى الله ثم عدايه حلفت ليجهلك= كامنه يادرة بدانة البحر الغزير


    في زحام الناس هذي عشقتي معزلك=تشرهين ! وغلطة العاقل اعياء الضمير


    جِدّك يغلف خيالي وانا رهن هزلك= يا الجمال القبح ياعايشة موت المصير


    اصعبك يبكي ويضحك من بكاه اسهلك=لان مايقدر كبير الهمم غير الكبير


    آخرك مجنون يلعب على شط اولك=واوسطك مسجون بهتان بعيون الضرير


    العمي له والسهر والتعب / والشوف لك= طالعي في النجم الاوحد ترى ماله نظير


    واسمحي لي بس لحظة على شان اسألك =ليش سعر العيش من قبضة الجوعى يطير


    المواطن بين تاجر وسلعتها هلك=هو بلدنا ليش يسكت على سلب الفقير!


    الملك مشغول بالحكم ونعذر الملك= بس وش عذر المحافظ و وش عذر الوزير![/poem]

    [align=center]الشاعر / سلطان بن مطلق الغنامي[/align]
  • ..المورقي..
    عضو نشيط
    • Apr 2007
    • 88

    #2
    المواطـن بيـن تاجـر وسلعتهـا هـلـك هو ==بلدنا ليش يسكت على سلـب الفقيـر!
    الملـك مشغـول بالحكـم ونعـذر الملـك ==بس وش عذر المحافظ و وش عذر الوزير!


    صح لسانكـ

    تعليق

    • آلاد غنـــام
      عضو فضي
      • Jan 2009
      • 270

      #3
      صح بنك وانت طيب

      تعليق

      • هيلاوي شقاوي
        ضيف
        • Apr 2008
        • 530

        #4
        صح لسااااااانك يامبدع

        تعليق

        العمل...