هجرة الحفيره

طي
X
 
  • التوقيت
  • إظهار
مسح الكل
المشاركات الجديدة
  • الدرعاني
    عضو
    • Jul 2004
    • 10

    #1

    هجرة الحفيره

    بصراحه انا عتبان عليكم شوي يا بني عمي.....
    كل ماكتبتوا موضوع عن ديار النفعه ما تذكرون الحفيره...
    عموما"...
    لكم العذر والسموحه ..
    الحفيره موقعها على طريق الرياض مكه السريع بين الحوميات وظلم..
    وهي للدراعين من ذوي مفرج من النفعه وأميرها تركي بن عايض بن حمود بن درعان
    ويوجد بها مدرسه إبتدائيه ومتوسطه للأولاد وأخرى للبنات..وطبعا ينقصها بعض المرافق مثل المركز الصحي ومركز للهجره وغير كذا لم تصلها الكهرباء إلى الآن با الرغم من موقعها الحيوي والمميز نظرا" لوقوعها بين مكه والرياض..
    واللي له اضافه من الدراعين يضيف على موضوعي..
    وسلامتكم...
  • عتيبي مستقل
    عضو
    • Oct 2004
    • 28

    #2
    الحفيرة

    ما اعرفه ان الحفيرة على طريق شقراء الدوادمي حوالي 20 كيلو قبل الدوادمي والوصول لها عن طريق مفرق 25 كيلو يسار المتجة للدوادمي....
    و فيها نسبة كبيرة من الدعاجين!

    تعليق

    • الدرعاني
      عضو
      • Jul 2004
      • 10

      #3
      صدقت ياأبن العم..
      معلوماتك جدا صحيحه...لكن الحفيره اللي انا كتبت عنها با الموضوع تراها للنفعه مو للدعاجين والظاهر انه التبس عليك الأمر..ولو تسأل عنها اي عتيبي بيعرفها..
      وعلى فكره ترى الحفيره فيه وحده للدراعين من النفعه على خط الرياض مكه السريع اللي انا كتبت عنها والثانيه اللي انت ذكرتها..
      وعموما مشكور على مرورك وعلى ردك أخوي عتيبي مستقل..

      تعليق

      • عيدالعتيبي
        عضو فعال
        • Apr 2005
        • 100

        #4
        مشكوريالدرعاني على المبادرة الطيبة
        وكلامك صحيح
        بس ماقلت لي انت من اي الدراعين.

        تعليق

        • ** البرقاوي**
          عضو فعال
          • May 2005
          • 192

          #5
          تم النشر في الأصل بواسطة الدرعاني
          بصراحه انا عتبان عليكم شوي يا بني عمي.....
          كل ماكتبتوا موضوع عن ديار النفعه ما تذكرون الحفيره...
          عموما"...
          لكم العذر والسموحه ..
          الحفيره موقعها على طريق الرياض مكه السريع بين الحوميات وظلم..
          وهي للدراعين من ذوي مفرج من النفعه وأميرها تركي بن عايض بن حمود بن درعان
          ويوجد بها مدرسه إبتدائيه ومتوسطه للأولاد وأخرى للبنات..وطبعا ينقصها بعض المرافق مثل المركز الصحي ومركز للهجره وغير كذا لم تصلها الكهرباء إلى الآن با الرغم من موقعها الحيوي والمميز نظرا" لوقوعها بين مكه والرياض..
          واللي له اضافه من الدراعين يضيف على موضوعي..
          وسلامتكم...
          يامرحبا الف ياولد العم
          حياك الله ياالدرعاني وحيا الله اهل الحفيرة كلهم
          مشكور على هذه المعلومات عن الحفيرة
          ونتمنى الاضافه للإستفاده

          تقبل تحياتي ياولد العم

          تعليق

          • فيصل المسعودي
            مشرف عام
            • May 2005
            • 8296

            #6
            للأخ الدرعاني

            مشكور على المعلومه الزينه وانا اسمع بالحفيره ولا ادري وينها مشكور ولاقصرت.
            فيصل المسعودي

            تعليق

            • الدرعاني
              عضو
              • Jul 2004
              • 10

              #7
              يعطيكم العافيه على المرور..

              تعليق

              • عيدالعتيبي
                عضو فعال
                • Apr 2005
                • 100

                #8
                [frame="1 80"]الى الدرعاني هل يوجد لديك اميل خاص
                اذاكان جوابك لا فلدي ايميل هديه لك بس من انت في الاول[/frame]

                تعليق

                • الطاحوس
                  عضو نشيط
                  • Apr 2005
                  • 52

                  #9
                  مساء الخير

                  انا عندي اهل بفيضه المفص ( عصمه ) وهم بني عمي

                  وهذي القريه تبعد 15 كيلو عن الحفيره

                  والحفيره هذي مثل ماذكرها اخوي عتيبي مستقل

                  لكن بالظبط بالظبط هي تبعد عن الدوادمي 24 من جهه الشرق <<<< يعني ورا الدوادمي وانت جاي من مكه للرياض ودون الدوادمي وانت رايح من الرياض لمكه

                  واللي اعرفه عنها انها من اول مابنيت وهي لسجدي بن مناحي الهيضل الدعجاني او مناحي بن سجدي يعني حول الاسم

                  وفيها مركز صحي وفيها كهرب وفيها نايف بن غتار راعي الشعل اللي فاز بالمركز الثاني بمزاين الامير مشعل

                  لكن يالدرعاني ان كانت الحفيره اللي تتكلم عنها على الخط بالظبط اكيد غيرها

                  لان الحفيرة اللي انا اقصدها تفرق يسار اذا صرت رايح لمكه وتمش حوالي 60 الى 65 كيلو متر لين توصلها

                  وهذا اللي عندي وتقبل تحياتي

                  ...

                  تعليق

                  • الدرعاني
                    عضو
                    • Jul 2004
                    • 10

                    #10
                    تسلم الطاحوس على المرور ..
                    واللي اقصدهنا انا هي اللي على الخط بين الرياض والطئف ومكه ..

                    تعليق

                    • الطاحوس
                      عضو نشيط
                      • Apr 2005
                      • 52

                      #11
                      اجل هاك العلم الاكيد والمصدر شايبنا ( ابوي )


                      الحفيره اللي اقصدها انا وعتيبي مسقل هي حقه الدعاجين من برقا

                      واول رئيس لها سجدي بن مناحي الهيضل

                      ومفرقها وانت رايح من الرياض لمكه يسار دون الدوادمي 24 كيلوو


                      ....................


                      اما اللي انت تقصدها للنفعه

                      وهذا اللي اعرفها عنها

                      وانا حبيت اقول بردي الثاني ان في حفيرتين <<< حلوه هذي

                      يعني ثنتين بنفس الاسم

                      وطريقهم واحد بس وحده له مفرق والثانيه مالها مفرق

                      تعليق

                      • محمد بن غازي
                        مشرف عــام
                        • Jun 2005
                        • 5252

                        #12
                        ابناء العم الاعزاء

                        حفيرة النفعه تختلف عن حفيرة الدعاجين وهي بالقرب من الطائف على طريق

                        الحجاز الجديد بعد الحوميات وانت جاي من الرياض وهي لبني عمنا المفاريج

                        من النفعه وهي كعلم على رأسه نار ،،،،،،


                        محمد بن غازي المحياني النفيعي

                        تعليق

                        • عيدالعتيبي
                          عضو فعال
                          • Apr 2005
                          • 100

                          #13
                          وما الغريب ياعتيبه

                          السلام عليكم ورحمة الله وبركاته
                          الاخ محمدبن غازي المحياني شكراً لك اخي الكريم على هذا التوضيح
                          علما بانه لم يكن التوضيح الاول فقدسبقنا الاخوان في التوضيح وشكرا
                          للجميع على التعاون وتوضيح كثيرا من الامور ..
                          ولكن يااخوان الموضوع اخذاكبر من حجمه فعلا فمالغريب في الامر هناك
                          حفيرة الدعاجين و هي اللي على طريق الدوادمي .
                          وهناك حفيرة النفعه وهي للدراعين من ذوي مفرج وهي اللي تقع على الطريق السريع بين ظلم والحوميات وبالمناسبه فكل الحفيرتين لقبيله عتيبه والاسماء من قديم وكل عتيبه تعرف هذا الشىء
                          وكذالك للقريتين نصيبا من الشهره فواحده للهيضل والاخرى لأبن درعان والاثنين من امراء قبيلتهم
                          وتقبلو تحياتي
                          ----------------------------------------------------------------
                          محمدبن غازي الف الف شكر
                          اخوك /عيدالعتيبي

                          تعليق

                          • راع الاخبار
                            عضو ماسي
                            • Mar 2004
                            • 504

                            #14
                            والله انكم جبتوها كنت بسال عن الحفيرة التي تقع على طريق الرياض مكه لن موقعها رهيب هي والتنيبيكية

                            ونتم جبتولي الحفيرة لاكن التنيبكية منهيله من عتيبه التي بجانب الحفيرة

                            تعليق

                            • عيدالعتيبي
                              عضو فعال
                              • Apr 2005
                              • 100

                              #15
                              الى راعي الاخبار

                              بسم الله الرحمن الرحيم
                              السلام عليكم ورحمة الله وبركاته
                              اخي العزيز راعي الاخبار
                              لا اظنك جاد في سؤالك ياعزيزي وش جاب التنيبيكيه عند الحفيرة لا وبعد
                              حسب كلامك انك وقفت على القريتين وعرفت ان موقعهما رهيب وان التنيبكيه بجانب الحفيرة هذا ماكتبه راعي الاخبار!!
                              وانا استنتج من كلامك ياعزيزي انك لاتعرف القريتين الي ذكرتهن الا بالاسم فقط!!
                              اما التنيبكيه فهي ليست بجانب الحفيرة بل في ضواحي عفيف بعدعفيف وانت متجه الىمكه
                              ------------------------------------------------------------------------
                              الفرق بين المواقع الرهيبه اللتي ذكرها راعي الاخبار !
                              الحفيره على الطريق السريع المزدوج الرياض مكه
                              التنيبكيه على الطريق القديم شقراء مكه
                              والطريقان يلتقيان في - ظلم-
                              --------------------------
                              حبيت اوضح لك المواقع والفرق بينهما اما التنيبكيه لمن
                              فستركه في وقتا لاحق
                              \\اخوكم عيدالعتيبي

                              تعليق

                              العمل...