الصمت اطيب من الكلام في هذه الحال

طي
X
 
  • التوقيت
  • إظهار
مسح الكل
المشاركات الجديدة
  • ابن فرحان

    رابطة محبي الهيلا

    • Jul 2003
    • 1264

    #1

    الصمت اطيب من الكلام في هذه الحال

    الاخوه الاعزاء .. متصفحي هذا القسم وزواره ..

    السلام عليكم ورحمه الله وبركاته .. وبعد ..

    كتب احد الاعضاء الافاضل موضوعا طيبا في المنتدى العام .. وهو مثبت هناك بعنوان ....... الفتنه نائمه لعن الله من ايقضها ..........

    ارجوا منكم جميعا .. لطفا لا امرا ان تمروا على ذلك الموضوع .. وتقرئونه
    جيدا . ومن يجد نفسه غير فاهم للموضوع لاباس .. عليه اعاده القراه اكثر من مره حتى يستوعب الامر ويفهمه جيدا ..
    هذا بخصوص الاعضاء ,,,,

    اما مايخص المراقبين والمشرفين والاداره بشكل عام ....

    اقول .. اذا كان القصد من انشاء هذا المنتدى هو السب والشتم والتقليل من قيم الناس والا ستهزاء بخلق الله .... والتكبر ورفع الخشم ...
    ارجوا ان تعلنوا ذلك ... صراحه حتى نتخذ قرارنا بالرحيل .... لئننا لم ناتي الى هنا اشتياقا لسماع النابي من الكلام والكذب على شيوخ عتيبه وغيرهم من شيوخ القبائل الاخرى ..... يجب ان تضبط الامور بضابط ...
    فانتم يا اهل الاداره ... بامكانكم جعل هذا المنتدى مجلس يشرف الجلوس فيه ويرفع الراس .. او ان تجعلوه ( هايد بارك ) يتكلم الناس بما يريدون دون الاعتبار للعيب او الحرام .....
  • بعيـد المرامع
    إدارة أقسام القبيلة
    باحــث
    • Jun 2003
    • 2593

    #2
    ابن فرحان ..لله درك

    مشكلة بعضنا هنا ... لايعي تبعات مايقوله ...

    وليس كل مايعرف يقال .. . هذا ان صح قوله ...

    والصمت نعمه .. ولا كل شخص يتحلابه .....

    و للاسف بعض الاشخاص ... مثل رمح(ن) لراعيه طعان......

    بعيد المرامع |4|
    [align=center]تنويه ..وتنبيه ..مرامعي..

    لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع

    لذا أود التنويه ..
    بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً..
    B3EED_MRAM3@HOTMAIL.COM
    [/align]

    تعليق

    • ابن فرحان

      رابطة محبي الهيلا

      • Jul 2003
      • 1264

      #3
      الاخ بعيد المرامع .. بارك الله فيك يا اخوي الحقيقه انك على اسمك ..
      بعيد مرامع .. وحنا ماشرنا الا من .... الرمح ..... الي تقول

      كنا نتمنى ان يكون هذا القسم من اعظم اقسام المنتدى واكثرها فائده . نتعرف من خلاله على فخوذ قبيلتنا واقسامها وانسابها .. وان يكتب كل عضو عن الفخذ التي ينتمي لها حتى يكون لدينا فكره ودرايه عن ربعنا وبني عمنا ..
      ولن للاسف ... الوضع لا يشجع من يريد ان يقدم على الكتابه ... عن جماعته . خوفا من ان يكون سببا في تعريضهم للانتقاص والتجريح ...

      تعليق

      • الكـــرز
        عضو نشيط
        • Sep 2003
        • 30

        #4
        اخووووي ابن فرحان
        الله يجزاك خير على ماخطت يداك واعلم انني سأنفذ اللي طلبته وهو مايخص الاعضاء.
        ولو انني المعني بـ هالكلام !!

        * ليش الكــل واصفني بالعـــدو ؟ (والعياذ بالله)

        ان حكيـنا نـد منا وان سكـتنا قــــهر ...





        الـكـــــــــــــرز

        تعليق

        • الكـــرز
          عضو نشيط
          • Sep 2003
          • 30

          #5
          كان ودي اجاوب على السؤال اعلاااااااااااااه

          لكن لا املك اجابه واضحه وصريحه تجاه الكم الهائل من الاشخاص الذي يختلف كل شخص عن غيره بــ ( العــقـل )
          شوف كم شخص راح اناقشه ؟ وكم موضوع سوف يفتح للحوار.وكم الوقت الذي سوف يمضي !!!!!!!!!!!
          انا اشوفها صعب علي بالمره ان اجاوب ولكن هذا لا يمنعني من الاجتهاد.

          هل لانني (( حقاني ))

          * كنت قارئ للهيلا ومتصفح بشكل يومي كان هناك بعض الاعضاء الصادقين في كتابتهم اين هم الان !!!!!!!!!!!!!!!!!!


          ملاحظه:اتمنى الا يفهم كلامي خطأ ويفسر بطريقة غير الذي رميت اليه فـ قناعاتي لم تتغير لانها مبنيه على الصدق والوضوح .... الخ


          *****
          هذا اخر رد لي في موضوع ابن فرحان (اخذت المفيد ولن اهتم بما يعــاد )




          الــــكــــــرز

          تعليق

          • ابن فرحان

            رابطة محبي الهيلا

            • Jul 2003
            • 1264

            #6
            الاستاذ الكرز .. انت تحاول ان تبرئي نفسك .. من تبعات ما قمت به ..

            ونسيت انك اول من قرب الفتيله لخشم الزناد .. ثم لا شي !!!

            انت اول من سال السوال الملغوم ... لشي في نفسك لا نعلمه والله يعلمه ...

            ثم صار موضوعك كله ردود من قبل الاخوان الذين اثرتهم بكلامك ..

            والحين تقول انا حقاني !!!! وشلون حقاني ...

            الحق احمر ولا اصفر ...

            تعليق

            • نوار العتيبي
              عضو
              • Aug 2003
              • 16

              #7
              ابن فرحان

              بيض الله وجهك

              تعليق

              • الوليد الاسعدي
                مشرف عام
                • Jul 2003
                • 2336

                #8
                ابن فرحان ماتقول الا الطيب ... وكلامك ماعليه غبار ... ولا نرضى بالخطأ علينا ولا على غيرنا ...... لكن ( هذي لكن هي اللى بتحوس الكلام ) لكن اللي يدخل علينا متلطم مانعرف منهو ثم ينطل الكلمه بدون قيس لا بالله الا نغوله بلطمته الين يطلع لسانه |293| ثم نجره و من فوق الجدار مهو مع الباب ... ولا نبي نعرف منهو ... والله ياحنا مقبلين على حرب كلاميه من العدا والايام بتثبت .. بس خلوكم يد وحده .
                [bdr][/bdr]
                و أنا عتيبي من سلالة هـوازن *** ربعي عوايدها الفخر من جدودها
                ما نوشي الفتنه ولا نحرث الردى *** ولا نهاب اليا تسامت وقودها
                ان ميل الميزان من قوم يمنا *** صبرنا لها لوكان كبرت لهودها
                وان ميل الميزان منا على العدا *** نروي من السم السقطري كبودها

                تعليق

                • عين العقل
                  ناقد ومحلل
                  • Jun 2003
                  • 1968

                  #9
                  الوليد الأسعدي ... جعل راس جابك للجنة .. قل أمين

                  تعليق

                  • ابن فرحان

                    رابطة محبي الهيلا

                    • Jul 2003
                    • 1264

                    #10
                    الاخ نوار العتيبي ..

                    وانت كذلك بيض الله وجهك يا الطيب .. وبيض الله وجه كل رجال يحافظ على

                    سمعته وسمعت قبيلته . . ويدرى نفسه عن السب والغمز واللمز ..

                    اما كلمته لا وضح النقى .. ولا بلاش .. الحسحسه ماهي للرياجيل لغيرهم

                    تعليق

                    • ابن فرحان

                      رابطة محبي الهيلا

                      • Jul 2003
                      • 1264

                      #11
                      الوليد الاسعدي ...

                      الله يحييك يا الطيب .. كلامك انت بعد ماعليه غبار ولا كتام ..

                      تقول الي دخل متلطم !!! ولا نعرفه !!! والله لو تدري عن شي دريت عنه !!!

                      يا الاسعدي انك لتمسك راسك وانا اخوك من كبر المفاجئه !!!

                      لكن خلها على الله .. والله لو ما حنا مستحين .. اني لاعلم عن الي في المخابي

                      لكن حيانا يمنعنا عن اشياء واجد ... بس انت ولا تهون حاول اكتشاف المتلطم ..

                      وبعدين تبي تشوف اني (( حقاني )) ...

                      تعليق

                      • الوليد الاسعدي
                        مشرف عام
                        • Jul 2003
                        • 2336

                        #12
                        امين ياعين العقل واياك والسامعين ..

                        ابن فرحان : الله يكفينا شرهم .. وش نبي بهم نعرفهم لاهم يمثلون قومهم ولا هم يشكلون علينا .. حثاله اصحاب مآرب ..
                        [bdr][/bdr]
                        و أنا عتيبي من سلالة هـوازن *** ربعي عوايدها الفخر من جدودها
                        ما نوشي الفتنه ولا نحرث الردى *** ولا نهاب اليا تسامت وقودها
                        ان ميل الميزان من قوم يمنا *** صبرنا لها لوكان كبرت لهودها
                        وان ميل الميزان منا على العدا *** نروي من السم السقطري كبودها

                        تعليق

                        • الكـــرز
                          عضو نشيط
                          • Sep 2003
                          • 30

                          #13
                          كاتب الرسالة الأصلية ابن فرحان
                          الوليد الاسعدي ...

                          الله يحييك يا الطيب .. كلامك انت بعد ماعليه غبار ولا كتام ..

                          تقول الي دخل متلطم !!! ولا نعرفه !!! والله لو تدري عن شي دريت عنه !!!

                          يا الاسعدي انك لتمسك راسك وانا اخوك من كبر المفاجئه !!!

                          لكن خلها على الله .. والله لو ما حنا مستحين .. اني لاعلم عن الي في المخابي

                          لكن حيانا يمنعنا عن اشياء واجد ... بس انت ولا تهون حاول اكتشاف المتلطم ..

                          وبعدين تبي تشوف اني (( حقاني )) ...




                          لا حول ولا قوة الا بالله انا ماادري العالم وشلون تتعامل مع الناس هذي !!!

                          اول شي خليتني اندم اني رديت عليك ...

                          متلطم !! والمخابي !! ( لا يكون تبي فلوس وانا مدري )!!!!!!!


                          الحمدالله رب العالمين ماوصلت مرحلة من مراحل سوء التفكير ..

                          اول شي شفت شخص يكتب هنا بأسمه الحقيقي !!!!!!

                          سويتها انت قبلي وقلت ابدا ( لا ) ولا راح تقدر تسويهااا
                          ولا بس الدعوى رمي كلام ورى الحقيقه المغشوشة

                          (ابي اوريك وشلون تقول شي ماتتقيد فيه ).. ليش ماحذفت موضوعك هذا خصوصا انه مرتبط بالموضوع الاساسي ولا مازلت تحلل على هواك وتدور علوم الحسحسه ..



                          تأكد انني راضي عن نفسي تمام الرضى بخصوص موضوعي ولا داخلني ادنى شك لاني ماعرفت العلوم بالمقلوب واعرف الكلمة اللي تطلع وووين تروح ولا عمرها راحت غلط الا ان كان .. هناااااا

                          وان كان تقصد اسمي فتأكد اني سعيد لو ذكر وعرف وبيصبح كل شخص في موقعه الطبيعي ..

                          بس اسلوبك ثقيل مره احس يوم تكلم كنك تسحب حاجه ثقيلة !!!!!!!



                          والله حاله عالم تذكرها بالله وتدعيلها .. على العلم اني قايل (اخر رد )

                          ومع ذلك لم يحسنوا النية









                          الكــــــرز

                          تعليق

                          • الكـــرز
                            عضو نشيط
                            • Sep 2003
                            • 30

                            #14
                            كاتب الرسالة الأصلية الوليد الاسعدي
                            امين ياعين العقل واياك والسامعين ..

                            ابن فرحان : الله يكفينا شرهم .. وش نبي بهم نعرفهم لاهم يمثلون قومهم ولا هم يشكلون علينا .. حثاله اصحاب مآرب ..


                            اقول روح ناد ابوك خلني اتفاهم معه ....

                            وغسل حلقك وفمك بديتول وخلهم يروشونك علشان تجي تسلم علي

                            هههههههههههههههههههههههههههههههههههههههههههههه
                            هههههههههههههههههههههههههههههههههههههههههههههه
                            هههههههههههههههههههههههههههههههههههههههههههههه
                            ههههههههههههههههههههههههههههههههههههههههههههه





                            حلالالالالاه يامقــــــــاس 60 مع الجــــنب







                            الكرز

                            تعليق

                            • ابن فرحان

                              رابطة محبي الهيلا

                              • Jul 2003
                              • 1264

                              #15
                              انا ماني مكثر الكلام ...


                              وانا ما اشرهه عليك لان في فرق في المستوى كبير ...


                              انا اشرهه على الاداره .. التعيسه الله يشفيها ..



                              ولا يصلح لها الا العضو الي مثلك ...

                              كرز .... عنب .. مشمش .. هذا مستواك ولا تعداه

                              وليا بغيت تسوالف في شيوخ عتيبه .. سولف ترى ماعندك احد ...

                              تعليق

                              العمل...