ظاهرة حذف إسم القبيلة من بطاقة الأحوال

طي
X
 
  • التوقيت
  • إظهار
مسح الكل
المشاركات الجديدة
  • النايع

    رابطة محبي الهيلا

    • Jul 2006
    • 1050

    #16
    [align=center]مشكور يا ذيب برقا
    وبالنسبة لإقتصار اسمك على الثبيتي. هذا شيء لا بأس به. لأن الثبيتي اسم معروف ومشهور.
    أما المثل المشهور عندكم في الحجاز. لو فرضنا صحته. يصير النايع مهوب عتيبي. لأني لست من ثبيت ولا أمت لهم بعرق.
    يعني برا مع الباب [/align]

    تعليق

    • الوليد الاسعدي
      مشرف عام
      • Jul 2003
      • 2336

      #17
      موضوع تشكر عليه يالنايع ...
      والبطاقات من اول مالها عند الاولين قيمه وتلقى البطاقة الوحدة يتناوب عليه ستين رجال هذا داخل وهذا مهون وهذا مزور وانت على هالحال ... اما الان عندما اصبحت شبه وثيقة واختلط الناس عبدهم بحرهم وتباعد الناس فالامر يختلف وخطير .
      فلازم يحرص القبيلي على اسم القبيلة وان ماقدر فالفخذ على اقل الاحوال ... واترك عنك من يقول تعصب ماتعصب !! الا والله الكثرة عز ولاهي حرام ولا عيب وصحيح لها سلبيات ربما !!! لكن خيرها اكثر وأقل مافي خيرها ان الظلم والحيف يبعد عنك اذا عرف انك عتيبي وبعدين وش هالدنيا اللي بدون ربعي وجماعتي !!! وهناك امر خطير هو ان من يتسمى بالجد ربما ضاع اصله مع مرور الزمان واصبح في مصاف العبيد حتى وان تسمى باسم ديرته !!! الوقت الان تغييييير ، ومن رأيي ان التسمي بالفخذ يمكن يكون احسن لكن فيه مشكلة ان افخاذ القبائل تتشابه مثل :
      العصيمي العتيبي والعصيمي التميمي
      والعازمي العتيبي والعازمي اللي الله يستر عليه
      والسعدي العتيبي والسعدي التميمي والسعدي اللي من اللي الله يستر عليه
      والخريصي العتيبي والخريصي العنزي
      والسميري العتيبي والسميري اليماني
      والروقي العتيبي والروقي القحطاني
      والعضياني العتيبي والعضياني الحارثي
      والاسعدي العتيبي والاسعدي اليماني
      والخنفري العتيبي والخنفري القحطاني
      والمقاطي العتيبي والمقيطي الاحمري او الاسمري
      والجذعاني من عتيبة والجذعاني من عنزة
      والعريدي العتيبي والعريدي الدوسري
      والحزيمي العتيبي والحزيمي الجوفي
      والغربي العتيبي والغربي الشمري
      الحمراني العتيبي والحمراني الهاجري
      والغضباني العتيبي والغضباني التونسي
      والشيباني العتيبي والشيباني السهلي
      والسويطي العتيبي والسويطي الظفيري و الشمري
      والكريزي العتيبي والكريزي البقمي
      والطلحي العتيبي والطلحي الهذلي
      والمسعودي العتيبي والمسعودي الهذلي
      والحنتوشي العتيبي والحنتوشي العنزي والسبيعي
      والغنامي العتيبي والغنامي الحويطي

      وغيرهم ربما ....
      ويبدوا الافضل ( غيرت رأيي ) ان يقرن بين الاسمين الفخذ والقبيلة سويا كما هو مسموح به الآن وقبل ان تتغير الاحوال ثم تتغير الاحوال !!!
      والامر الأهم هو دوام التواصل والتقارب مع ابناء الفخذ الواحد القريبين وعدم الشذوذ او الغرور بمنصب او بمال ثم الابتعاد وقد تدور الدوائر فيجد نفسه وابناءه ربما مع العبيد والموالي والعجم .
      [bdr][/bdr]
      و أنا عتيبي من سلالة هـوازن *** ربعي عوايدها الفخر من جدودها
      ما نوشي الفتنه ولا نحرث الردى *** ولا نهاب اليا تسامت وقودها
      ان ميل الميزان من قوم يمنا *** صبرنا لها لوكان كبرت لهودها
      وان ميل الميزان منا على العدا *** نروي من السم السقطري كبودها

      تعليق

      • النايع

        رابطة محبي الهيلا

        • Jul 2006
        • 1050

        #18
        [align=center]صدقت يالوليد

        واحسن شي تكتب في البطاقة. اسم الفخذ أو العشيرة... ثم اسم القبيلة.

        و اسم القبيلة هاااااااااااام جداً

        أهم من اسم الفخذ بالنسبة لي.

        يا شيخ اسم العتيبي في البطاقة مدري وشلون (البعض) يفرط فيه.

        أنا اتلقط اسم أي عتيبي مكتوب في الجرايد. وهم ما ودهم به.
        عجبي والله[/align]

        تعليق

        • ابن الاجواد
          عضو فضي
          • Jul 2006
          • 241

          #19
          [align=center]الاخ النايع

          تشكر على الموضوع المهم جدا"

          وانا بنظري بأن استبعاد اسم القبيلة من بطاقة الاحوال تعتبر سياسة دولة كي تجعل القبائل لاتتجمع مع بعض وتجعل كل فخذ لحال ويسمى بالبطاقة فخذه من غير ذكر القبيلة الام



          سؤال للاخ الوليد الاسعدي المحترم

          أنت تقول

          والعازمي العتيبي والعازمي اللي الله يستر عليه

          لكن عوازم عطا يذكرون بأن أولاد عاصي يرجعون لهم هل هذا الكلام صحيح أو لا[/align]

          تعليق

          • طلال الروقي
            سفير النوايا الحسنه
            • Apr 2004
            • 968

            #20
            بصراحة يالنايع وأنا اخوك ان هالموضوع له عدة اسباب هذا اذا كنت تقصد اللي انه من قبيلة لكن غير مذكوره في اوراقه هذا الشي يمكن يكون بغير ارادته او يكون موظفين الاحوال معقدين شوي ومتعصبين
            او يكون طريقة المعيشة ومحل الاقامة له دور او قد يكون هذا الشخص من نزيعة في تلك القبيلة

            لكن المهم ان ولد القبيلة الصدقي تعرفه من وجهه اول ماتشوفه بصفات الرجولة والكرم واشهامة والشجاعة والنخوة والحمية لكن مع هذا عليه ان يكمل هذه الصفات الحميدة بالاخلاق الاسلامية الأخرى لأن الرسول عليه السلا م اخبرنا ان معايير التفضيل تلك الموجودة في الجاهلية هي نفسها في الاسلام لكنها لاتكتمل الا بالدين (خياركم في الجاهلية خياركم في الاسلام اذا فقهو )
            اما اذا كنت تقصد ان هناك اشخاص اصلا مسمى القبيلة موجود ثم يحاولون يحذفون اسم القبيلة ويستبدلونه باسم آخر فهذا انا اعتبره ضعف شخصية ! وقد يكون له سبب مثل بعض المناصب العليا يصعب على من يحمل اسم قبيلة مشهورة ان يحصل عليها لاسباب ماودنا نقولها
            او لسبب وجود شخص في محل ناس متعصبين على القبايل مثل بعض المناطق مثل اللي انت كاتبها تحت اسمك!!!!!
            لكن مع هذا ارى ان هذا ليس عذرا فالانسان عليه ان يثبت نفسه وشخصيته كما هو وبعضهم للاسف يرى ان مجرد ذكر القبلية تخلف وبداوة!!!!! و ...و,,,
            وهذولا موجودين وهو اللي اشار اليهم احد الردود أعلاه فهذه النوعية حتى لو كانو ينتسبون لقبايل لكن بالنسب اما غير ذلك فلايختلفون عن البقية وللاسف اني قابلت بعضهم ولقيتهم مثل ماوصفهم الاخو راع الرد اللي فوق (((الرخامة وال....... فهؤلاء اتركهم عنك ماعلاك منهم اصلا انتسابهم لاي قبيلة نقص عليها
            على مقال شاعر عتابة لانفع لربعة ولازود لغيره!!

            تعليق

            • النايع

              رابطة محبي الهيلا

              • Jul 2006
              • 1050

              #21
              مشكور يا بن الأجواد

              وجهة نظرك مطلب من مطالب الدولة!!

              ولكنها لا ترغم أحداً على عدم كتابة اسم القبيلة في البطاقة.

              تعليق

              • النايع

                رابطة محبي الهيلا

                • Jul 2006
                • 1050

                #22
                [align=center]
                تم النشر في الأصل بواسطة المحب الصريح عرض المشاركة
                بصراحة يالنايع وأنا اخوك ان هالموضوع له عدة اسباب هذا اذا كنت تقصد اللي انه من قبيلة لكن غير مذكوره في اوراقه هذا الشي يمكن يكون بغير ارادته او يكون موظفين الاحوال معقدين شوي ومتعصبين
                او يكون طريقة المعيشة ومحل الاقامة له دور او قد يكون هذا الشخص من نزيعة في تلك القبيلة

                لكن المهم ان ولد القبيلة الصدقي تعرفه من وجهه اول ماتشوفه بصفات الرجولة والكرم واشهامة والشجاعة والنخوة والحمية لكن مع هذا عليه ان يكمل هذه الصفات الحميدة بالاخلاق الاسلامية الأخرى لأن الرسول عليه السلا م اخبرنا ان معايير التفضيل تلك الموجودة في الجاهلية هي نفسها في الاسلام لكنها لاتكتمل الا بالدين (خياركم في الجاهلية خياركم في الاسلام اذا فقهو )
                اما اذا كنت تقصد ان هناك اشخاص اصلا مسمى القبيلة موجود ثم يحاولون يحذفون اسم القبيلة ويستبدلونه باسم آخر فهذا انا اعتبره ضعف شخصية ! وقد يكون له سبب مثل بعض المناصب العليا يصعب على من يحمل اسم قبيلة مشهورة ان يحصل عليها لاسباب ماودنا نقولها
                او لسبب وجود شخص في محل ناس متعصبين على القبايل مثل بعض المناطق مثل اللي انت كاتبها تحت اسمك!!!!!

                لكن مع هذا ارى ان هذا ليس عذرا فالانسان عليه ان يثبت نفسه وشخصيته كما هو وبعضهم للاسف يرى ان مجرد ذكر القبلية تخلف وبداوة!!!!! و ...و,,,
                وهذولا موجودين وهو اللي اشار اليهم احد الردود أعلاه فهذه النوعية حتى لو كانو ينتسبون لقبايل لكن بالنسب اما غير ذلك فلايختلفون عن البقية وللاسف اني قابلت بعضهم ولقيتهم مثل ماوصفهم الاخو راع الرد اللي فوق (((الرخامة وال....... فهؤلاء اتركهم عنك ماعلاك منهم اصلا انتسابهم لاي قبيلة نقص عليها
                على مقال شاعر عتابة لانفع لربعة ولازود لغيره!!

                أخي المحب الصريح

                هذه هي أهم تبريراتهم عندما تسألهم عن السبب.

                واعتقد أنك ترى أنهم غير معذورين.

                وانا أعتقد أن الذي يخفي أسم قبيلته بهذه الطريقة. لن ينفعها بشي. وإنما هو ينفع نفسه فقط. والدليل تخليه عن انتمائه لمجرد ناس متعصبة تبغض بني جنسه (حسب اعتقاده).[/align]

                تعليق

                • ناجم العتيبي
                  عضو
                  • Dec 2004
                  • 10

                  #23
                  صبحكم الله بالخير ياعيال العم


                  والله انه موضوع رائع واكثر من رائع وانا والله اشكرك يالنايع من كل قلبي على طرح ذا الموضوع...


                  المهم والله فعلا انك صادق بموضوعك وخصوصا حنا ياعتبان جنوب الطايف...


                  تلقى على سبيل المثال احنا يالسوطه ثلاث ارباع القبيله كاتبين السواط وربع وهذا اذا مو اقل من الربع


                  كمان كاتبين السواط العتيبي...


                  وكمان ناس من اخوياي نفعه وجعده ومن خديد وكل عتبان جنوب الطايف بدون استثناء على ذا الحال


                  يقولون لي انهم يواجهون نفس المشكله...


                  وانا وربي ان ذا الشيء حاز في نفسي واني مقهور منهم ...


                  وكمان رحت لاحوال مكه مرتين عشان اضيف اسم العتيبي طردوني مع الباب قالوا لازم يكون اسم


                  القبيله مكتوب عند ابوك وعند جدك بعدين نكتبه لك ...


                  لكن الحين بعد ماقريت موضوعك وربي شجعني وشكل بروح لهم ذا المره الثالثه واتهاوش معهم لخليهم


                  يضيفونه بالطيب او بالقوه...


                  وبالله عليكم افدينوا وش الطريقه اللي تخلي الاحوال تكتب اسم القبيله في البطاقه



                  وعلمي وسلامتكم

                  تعليق

                  • ساري 3
                    عضو فعال
                    • Dec 2006
                    • 111

                    #24
                    بارك الله فيك ياالنابغ وتسلم على هالموضوع المهم والمهم جداا0
                    اما البنسبه لخوينااا ناجم العتيبي انا انصحك انك تاخذ صوره مصدقه من شيخكم لشجرة قبيلتكم وتدل على انك انت او ابوك من قبيلة السوطه من عتيبه 0
                    وتروح للاحوال والله يعينك تراها تبا تطول بس اصبر والله يعين0
                    ودمتم اخوكم ساري

                    تعليق

                    • النايع

                      رابطة محبي الهيلا

                      • Jul 2006
                      • 1050

                      #25
                      أخوي ناجم حياك الله
                      والله ونعم بعيال عمنا السوطة
                      واعتقد أن الأخ ساري كفى ووفى

                      يعني إذا بغيت تضيف اسم العتيبي لازم تاخذ تعريف من شيخ القبيلة. وهكذا.

                      تحياتي.

                      تعليق

                      • النايع

                        رابطة محبي الهيلا

                        • Jul 2006
                        • 1050

                        #26
                        حياك الله أخوي ساري3
                        ومشكور على الإضافة الجميلة.
                        تحياتي

                        تعليق

                        • ساري 3
                          عضو فعال
                          • Dec 2006
                          • 111

                          #27
                          بسم الله الرحمن الرحيم


                          الله يبقيك ياولد العم 0

                          وترا ماسويناا الا الواجب ومقصرين فيه بعد ؛ والاخوان ماقصروا صراحه

                          بالردود؛؛؛؛ وانا مع اللي يقول ان لقب العتيبي فالبطاقه ما ازين منه وعزالله انه يحليها0

                          وعلمي وسلمتكم0



                          اخوكم ساري00

                          تعليق

                          • رائد العتيبي
                            موقوف لمخالفة الأنظمة
                            • Nov 2006
                            • 126

                            #28
                            وحيد لي ميحذفة العتيبي

                            لن يفتخر بسم العتيبي

                            كل يتمني يكون عتيبي


                            اذا اسم العتيبي علي بحرام مشيل من اسمي ليش اشيلة افتخر بني اشيلة العتيبي يكفي تاريخ وفخر وعزة وهيبة بين قبايل

                            تعليق

                            • النايع

                              رابطة محبي الهيلا

                              • Jul 2006
                              • 1050

                              #29
                              مشكور يا ساري مرة أخرى

                              تعليق

                              • النايع

                                رابطة محبي الهيلا

                                • Jul 2006
                                • 1050

                                #30
                                رائد العتيبي
                                مشكور على العبارات الجميلة.

                                بس أخاف أحد يقرأ كلامك ولا يفهمه

                                ثم يظن أن أهل الولاية كلامهم كذا

                                لغة جديدة

                                تعليق

                                العمل...