عمود نسب قبيلة هوازن وفروعها

طي
X
 
  • التوقيت
  • إظهار
مسح الكل
المشاركات الجديدة
  • أبرق المحزم
    عضو فضي
    • May 2010
    • 224

    #16
    [align=center]أخوي سعدي هوازني

    بيض الله وجهك وبالنسبة لموضوعك تاريخ بني سعد
    أنا متابعه ومهتم فيه مثلك وإن شاء الله يجينا من الأخوان
    من يثري الموضوع

    بالنسبة لكلامك إنك أول مرة تسمع أن هناك من برقا وروق
    يرجعون في ثبيت أفيدك ببعض النقاط عساها تجوز لك لأني
    حاس باهتمامك وقد تكون اطلعت عليها سابقا ً:

    يقول الشاعر (بديوي الوقداني ) والمولود عام 1244هـ :

    عتيبة جناح الصقر وثبيت هامته
    ولا يستوي صـقـر بـغــير جـناح

    يقول خلف بن هذال ( ولا ياثبيتي ويا ساس بيتي )


    يقول مستور العصيمي

    مرحبا ترحيبةً ريحها مثل العبير
    في حلال ثبيت مرجع عتيبة كلها

    يقول الشاعر الكبير حامد بن صويلح القثامي
    في محاورة له مع مطلق الثبيتي رحمهم الله


    صرير جد الكل وحنا له جنود
    يوم القبايل تفتخر بجدودها


    ويقول الشاعر العايضي الشفيعي من شعراء العصمة قديماً :

    أنا من صرير وأنا من ثبيت
    هاذي عزوتـي لاعتــزيـت

    في داري ماعنهـا جليــــــت
    هاذي عزوتي لاقر الحساب

    قول عبدالله بن دخين :

    الثبتة ويتفرع منها : ذوي منصور ويقال لهم :
    برقا (الدعاجين ـ القثمة ـ العصمة ـ الشيابين )


    يقول الشاعر محمد بن عايض الوباري العصيمي

    أقصى مناسيبي ثبيت
    والدرب مع راس القرا

    ياجاهلٍ دوبـــــك دريت
    قبلك نكيـــــــر ومنكرا


    ويقول الشاعر عبدالله دخيل الله الوباري العصيمي


    عصيمي وشيباني ومذخور مفلــــح
    والاد القثامي نومست من عدا بها

    برقا هل الطالات في اللين والقسا
    والاد ثابت ما نسينا جـــــــــــــوابها

    وهم مبانينا ومرسى جـــــــــــدودنا
    ذيابن تلهب في مراسي ذيابــــــها


    يقول الشاعر ملفي المورقي :

    يامرحبا ياهلا فحلال ربعي ثبيت
    العزوة اللّي عتيبة كلــــــها يمّها
    [/align]

    تعليق

    • الوهاج العتيبي
      عضو
      • Feb 2011
      • 22

      #17
      أخواني ظياغم الهيلاممتاز ما قرات وبالمناسبة يسعدني أن أوضح كما تعلمون بأن الأنساب مقدسه ولا يجوزالطعن فيها أوالقدح تسيرا ً لهوى النفس (بما تحويه هالكلمه من معاني)0
      وتقبلوا جل إحترامي

      تعليق

      • ابن ثابت الهوازني
        عضو ذهبي
        • Apr 2009
        • 392

        #18
        مساكم الله بالخير جميعا ، عندي تعليق على الاقتباس أدناهـ . : ـ


        تم النشر في الأصل بواسطة راعي حميا عرض المشاركة
        [align=center]
        قول عبدالله بن دخين :

        الثبتة ويتفرع منها : ذوي منصور ويقال لهم :
        برقا (الدعاجين ـ القثمة ـ العصمة ـ الشيابين )

        [/align]

        اخوي راعي حميا استدللت في جميع كلامك بأقوال شعراء ومحاورات قلطة متأخرة لا تعنينا في الموضوع كثيرا ، لكن وبغض النظر عن كل هذا
        أحب أن أنبهك أنك عندما تنقل قولا عن أي كائن كان فيجب عليك أن تنقل كلامه بأمانة
        أو تسكت ( اعذرني على هالكلمة ) ماراح يضيرك شي اذا سكت !


        الكلام اللي نقلته انت عن ابن دخين ونقلك له وانتزاعه من سياقه بهذه الطريقة فيه تدليس

        يعني لو أتيت به هكذا في رسالة علمية ( ماجستير . . دكتوراه . . ) لأخذت درجة راسب مع مرتبة الشرف !

        وعلى إحسان الظن بك نقول حماس وتسرع وافق قناعات مسبقة عندكـ

        ابن دخين قال - فيما نقل عنه المرشدي - في أول كلامه :

        (( وابناؤه ثلاثة [أي أبناء سعد] وقيل خمسة ، وهم : ثابت ، وناصر ، وميمون ، وهناك من يضيف روقاً ومنصور ))

        ثم نقل المرشدي كلامه في تقسيم روق ومنصور على اعتبار القول الآخر المضطرب

        وهذا من أمانة ابن دخين رحمه الله ومن ذكاءه أيضا فهو نقل الأقوال بأمانة _ لا كما فعلت أنت _ ومع ذلك أعطانا الخلاصة وهو أن أبناء سعد ثلاثة ثابت وناصر وميمون ، ثم ذكر أن بعضهم يضيف روق ومنصور ، لاحظ بعضهم يعني ماهو كلام ابن دخين ، فلا تتقول على ابن دخين بما لايقله عفا الله عنكـ


        تحياتي للجميع
        تم التعديل الأخير بواسطة ابن ثابت الهوازني؛ 19-Apr-2011, 12:36 AM.

        تعليق

        • ابن ثابت الهوازني
          عضو ذهبي
          • Apr 2009
          • 392

          #19
          شكرا لك أخوي سرحان على الموضوع الجميل

          تعليق

          • أبرق المحزم
            عضو فضي
            • May 2010
            • 224

            #20
            [align=center]الأخ / ابن ثابت الهوازني
            واضح من ردك إنك مآخذ أكثر من دكتوراة وحدة
            لذلك اسمح لي أطلق عليك أ-د/ ابن ثابت الهوازني
            أما أنا فلا زلت طالب جامعي قد أكون أحد طلابك

            وش ( تدليس وانتزاع ) تكفى اسحبها !!
            لأنها بكل أمانة مصطلحات تخوف .

            الأخ سعدي هوازني يقول إنه ما قد سمع عن الرأي
            الشائع إن ثبيت مرجع لبعض قبائل عتيبة روق وبرقا ,
            وما قمت به أنا هو جمع لبعض الأشعار إضافة لقول
            ابن دخين رحمه الله لأثبت له أن القول هذا موجود ودارج
            فهل ارتكبت جريمة يا أستاذي الفاضل ؟؟؟

            كلام بن دخين لا يوجد له كتاب أو شجرة ملموسة يمكن
            الرجوع لها وتكذيب القائلين على لسانه ومن ضمنها قولك أنت !!
            فهل لديك أنت هذا المرجع المباشر الذي تطلعنا عليه والذي يعطيك
            الحق لتكذيب من تشاء والتوثيق لمن تشاء ؟

            كل ما قرأت لي في ردي السابق من أشعار ومن قول ابن دخين
            هو موجود بالنت يحسب لي تجميعه فقط .

            التواضع زين وأنا أخوك
            والعجلة واتهام الناس جزافا أمر غير محمود
            يعني مهوبزين .

            زين يا أستاذي الفاضل ؟
            !![/align]

            تعليق

            • سرحان الشيباني
              عضو ماسي
              • May 2005
              • 573

              #21
              [align=center]
              تم النشر في الأصل بواسطة ابن ثابت الهوازني عرض المشاركة

              ابن دخين قال - فيما نقل عنه المرشدي - في أول كلامه :

              (( وابناؤه ثلاثة [أي أبناء سعد] وقيل خمسة ، وهم : ثابت ، وناصر ، وميمون ، وهناك من يضيف روقاً ومنصور ))




              تحياتي للجميع

              ابن ثابت بارك الله فيك على الاظافه والمعلومات القيمه

              وودي استفسر منك طال عمرك هل من ذكرتهم هم ابناء سعد بن بكر بن هوازن ام سعد اخر

              تحياتي لك يالغالي[/align]

              تعليق

              • (مہودع دنہيأهہ)

                رابطة محبي الهيلا

                • Mar 2011
                • 1026

                #22
                أخوي راعي حمياء (أول شي الله يعطيك العافيه على التفاعل وبيض الله وجهك ولاهنت وشاكر ومقدر لك نقاشك وما أتيت به من معلومات وقصايد ولي على بعضها ملاحضات لعلي أفيدك بها وحنا هنيه في نقاش وإختلاف وجهات النضر لايفسد للود قضيه)ووجهك أبيض وانا اخوك




                يقول الشاعر (بديوي الوقداني ) والمولود عام 1244هـ :

                عتيبة جناح الصقر وثبيت هامته
                ولا يستوي صـقـر بـغــير جـناح


                ياأخوي هذه البيت لبدوي الوقداني رحمة الله عليه ماله صلاح بالنسب ومعنااه وااضح القصيده إفتخار بعتيبه ويبين مكانة ثبيت بين القبايل ولا أود أن أتكلم فالبيت أكثر عشان لاحد يقول عنصري أو مهايطي وما نقول إلا ونعم في عتيبه كلهم وعتيبه كلها روس



                يقول خلف بن هذال ( ولا ياثبيتي ويا ساس بيتي )

                واما عن قول خلف بن هذال هذه فهو من وجهة نضري ماله صلاح بالنسب بل إفتخار ومدح بشيوخ روق الثبتان وخلف شاعر معاصر وانا أعرف من المورث مثل نسمعه من الشيبان وهو أقدم من قول خلف بن هذال بكثير وقالولها الثبته وبعض العتبان القدماء وتطرو له في بعض الحداء والمحروات والرديات القديمه لاكن لدي وجهة نضر في هذي المقوله ولا ودي أقولها إلا إن كان تبها على الخاص ماعندي مشكله



                واما عن الشيخ عبدالله إبن دخين رحمة الله عليه فونا أخوك والله أقدر احلف إن النااااس قولوٌه اللي ماقاله ولو إنه حي لتبرى من أقولهم وانا ما أقصدك انت لا والله حشى لاكني قريت كثير في بعض المنتديات كلام والله ما يقوله أي واحد من ((سكان بني سعد)) فما بالك (بشيخ ونسابه ) لذا وانا أخوك مو كل شي نقراه فالمنتديات عن الشيخ رحمة الله عليه تصدقه إلا إن كان (سامع هذه الكلام أنت بئذنك فهذه شي ثاني) أو من واحد تعرفه معرفه خاصه وتثق فيه



                بعدين تعال نبا نتكلم بالعقل والمنطق وانا اخوك :هاللحين قبايل برقا هم(القثمه:والشيابين:والدعاجين والدغالبه:والعصمه)يعني بالله لو فكرنا بالعقل معقوله تكون هذي القبايل كلهم من الثبته وحنا لو نعد العصمه بس مشاء الله عليهم يطلع عددهم أكثر من الثبته كاافه؟؟؟ يعني معقوله يكنون منا هذولي كلهم والعصمه ((بس))فالعدد أكثر منا؟؟؟؟؟؟؟؟ ومعقوله يكنون هذولي كلهم منا وماندري إلا فالنت؟؟؟؟؟يعني لو تجي حنا فالسيل بعدنا على طول القثمه معقوله ماندري إنهم منا وحنا ندري إن الروسان والثبتان وبعض قبايل نجد يرجعون منا؟؟؟؟؟؟يعني عان البعيد فالديار نعرف إنهم منا القربين منا فالديار ماندري إنهم ؟؟؟؟؟ومعقوله إن قبايل برقا كلهم مايدرون إنهم منا؟؟؟؟؟؟؟؟؟معدا كم واحد اللي يقول هذه الكلام؟؟؟؟؟؟؟؟؟؟؟؟؟؟؟؟يعني نفكر بالمنطق شوي


                وللمعلوميه والله إني نشدت بعض الشيبان ومنهم ((الشااعر الكبير منيع الله منيع الثبيتي :وقلت ياجد (إحترامن لكبر سنه) أنا سمعت من واحد إن القثمه و.....إلخ هذولي ما قلت له قبايل برقا بل حددتهم المهم قالي في بعضهم منا خشو فيهم بسب ثار ودم في مامضى وعلمني بهوشه صارت قديم بين الثبته وبين قبيله إخراء المهم وقام علمني بحداية الثبته اللي قالوها لذيك القبيله وعلى ما اعتقد كانت الحدايه لشاعر مريسن الدراجي أحد شعار الدراريج القدماء وعلمني بالرد وتطرقو فالحدايه لصلت الدم بنيهم لاكن وقتها يوم يعلمني كنا فالموتر ماشين أخذته من عند محطتة البهيته ووديته يم بيتهم ووقتها مكان معي احد وماعندي جوال عشان أسجل وماكانت مهتم بالحيل بهذي القصه لأن كان في راسي علم ثاني أبا أعرفه ويوم نزلته قام يعزمني بس انا كنت مواصل أكثر من يوم وابا احول مكه عشان انخمد وتعذرت منه ومشيت معن والله ودي بالجلسه عشان ابا اخذمنه علوم وااجد لاكن السهر لعب فيه :ومنيع الله الله يطول بعمره روايه معروف فالسيل وكل اللييعرفونه يشهدون له بهذه الشي (ونشدت بعد الشاعر مزروق بن دلبح الله يطول بعمره وعطاني نفس الإجابه )



                ونفس الكلام ينطبق على الروقه




                يا اخوي والله كلام كثير أزريت أفهمه ولا يخش العقل (والشي اللي أنا متئكد منه إن برقا وروق من بني سعد من هوازن )وفيهم فروع منا حنا يالثبته


                وانا إنشاء القى درب على نساابة ثبتة بني سعد وألقى كل ما أريد من معلومات عن الثبته من أنساب وغيره وإنشاء الله قريب يكون هذه العلم لأني موصي واحدن يعرف له قساوره من حقين بني سعد ويبا ينشدهم عن النسابه حربي القسوري ولا جابو لنا العلم والله أراد رحنا عنده لأن هذه الشي يهمني كثيراً




                وأكرر شكري لك اخي لتفاعلك معي وبارك الله فيك
                تم التعديل الأخير بواسطة (مہودع دنہيأهہ)؛ 19-Apr-2011, 04:46 AM.

                تعليق

                • (مہودع دنہيأهہ)

                  رابطة محبي الهيلا

                  • Mar 2011
                  • 1026

                  #23
                  الاخ إبن ثابت الهوازني يعطيك العاافيه على المشاركه ولاهنت لاكن وانا اخوك هد اللعب شوي وأحسن الضن في أبناء عمومتك

                  تعليق

                  • (مہودع دنہيأهہ)

                    رابطة محبي الهيلا

                    • Mar 2011
                    • 1026

                    #24
                    تم النشر في الأصل بواسطة راعي حميا عرض المشاركة
                    [align=center]الأخ / ابن ثابت الهوازني
                    واضح من ردك إنك مآخذ أكثر من دكتوراة وحدة
                    لذلك اسمح لي أطلق عليك أ-د/ ابن ثابت الهوازني
                    أما أنا فلا زلت طالب جامعي قد أكون أحد طلابك

                    وش ( تدليس وانتزاع ) تكفى اسحبها !!
                    لأنها بكل أمانة مصطلحات تخوف .

                    الأخ سعدي هوازني يقول إنه ما قد سمع عن الرأي
                    الشائع إن ثبيت مرجع لبعض قبائل عتيبة روق وبرقا ,
                    وما قمت به أنا هو جمع لبعض الأشعار إضافة لقول
                    ابن دخين رحمه الله لأثبت له أن القول هذا موجود ودارج
                    فهل ارتكبت جريمة يا أستاذي الفاضل ؟؟؟

                    كلام بن دخين لا يوجد له كتاب أو شجرة ملموسة يمكن
                    الرجوع لها وتكذيب القائلين على لسانه ومن ضمنها قولك أنت !!
                    فهل لديك أنت هذا المرجع المباشر الذي تطلعنا عليه والذي يعطيك
                    الحق لتكذيب من تشاء والتوثيق لمن تشاء ؟

                    كل ما قرأت لي في ردي السابق من أشعار ومن قول ابن دخين
                    هو موجود بالنت يحسب لي تجميعه فقط .

                    التواضع زين وأنا أخوك
                    والعجلة واتهام الناس جزافا أمر غير محمود
                    يعني مهوبزين .

                    زين يا أستاذي الفاضل ؟
                    !![/align]




                    خلاص يا أخوان ماصار إلا كل خير وتعوذو من إبليس


                    وكتبت رد ان اتمنى انك تعقب عليه إذا شفت فيه ملاحضات

                    تعليق

                    • (مہودع دنہيأهہ)

                      رابطة محبي الهيلا

                      • Mar 2011
                      • 1026

                      #25
                      مافكينا الموضوع إلا لمعرفة الحقيقيه وللإستفاده من بعض البعض

                      تعليق

                      • أبرق المحزم
                        عضو فضي
                        • May 2010
                        • 224

                        #26
                        [align=center]أخوي سعدي هوازني

                        أبيض وجه والنقاش معك جميل وتلقائي ويسعدني بكل صراحة ,
                        بلاك من اللي يجيك طاير وهو فاصل الريوس ولا عنده فرامل
                        ولابس بشت , وما يدري إن قدامه جبل , هالنوعية ترفع ضغطي
                        ولا أحب النقاش معها أصلا ً .

                        الـــ أ/د ابن ثابت الهوازني أتى بمعلومة مأخوذة من كلام المرشدي
                        ووثقها , ثم شكك في مصداقية المرشدي لاعتماده على
                        الجانب المضطرب على ما قال .
                        فهذا غلط إنك تستقي من مصدر ثم تقدح في مؤلفه !!!
                        مع العلم أن المرجع الوحيد الموجود لكلام ابن دخين
                        هو ما كتبه عبدالرحمن بن زبن المرشدي رحمه الله فقط

                        أنت جبت خلاصة الموضوع
                        :[/align]

                        تم النشر في الأصل بواسطة سعدي هوازني عرض المشاركة
                        يا اخوي والله كلام كثير أزريت أفهمه ولا يخش العقل (والشي اللي أنا متئكد منه إن برقا وروق من بني سعد من هوازن )وفيهم فروع منا حنا يالثبته

                        [align=center]وأنا معك فيما قلت لكن الرأي الذي يقول أن ثبيت مرجع
                        لكثير من قبائل عتيبة هل هو موجود ودارج أم
                        ( دلسته وانتزعته ) أنا ووضعته هنا ؟

                        أكرر شكري لك يا ابن العم

                        أخوك / البراق الثبيتي
                        ويقولون إن جدي كانت زهبته تبرق
                        [/align]

                        تعليق

                        • (مہودع دنہيأهہ)

                          رابطة محبي الهيلا

                          • Mar 2011
                          • 1026

                          #27
                          أخوي سعدي هوازني

                          أبيض وجه والنقاش معك جميل وتلقائي ويسعدني بكل صراحة ,


                          شهاده أعتز فيها وأنا أخوك






                          أنت جبت خلاصة الموضوع :


                          اقتباس:
                          المشاركة الأصلية كتبت بواسطة سعدي هوازني
                          يا اخوي والله كلام كثير أزريت أفهمه ولا يخش العقل (والشي اللي أنا متئكد منه إن برقا وروق من بني سعد من هوازن )وفيهم فروع منا حنا يالثبته


                          وأنا معك فيما قلت لكن الرأي الذي يقول أن ثبيت مرجع
                          لكثير من قبائل عتيبة هل هو موجود ودارج أم
                          ( دلسته وانتزعته ) أنا ووضعته هنا ؟




                          محشووووم وانا أخوك ((وخل صدرك وسيع على عيال عمك)) ولا تاخذ الأمور إنه قاصدك


                          لاكن اللي أنا أقصده إن فيهم من هم منا (((ولاكن موب كلهم منا ))))فهمت علي يعني الروقي والبرقاوي ماهم ثبته لاكن اللي خش فيهم (((هم الثبته)))

                          ولعلمك حنا عندنا أشياء موروثه أسمعها وأنا ورع ومن أشهرها ((((إن اللي مايثبت..............)))) وحتى قالوها ناس ماهم بثبته


                          وهذه المثل مخلي كثرين يعتقدون بئن كل العتبان من الثبته لأنهم مافهمو المعنى الحقيقي لهذه المثل
                          وليش إنقال وحسبوه إنه إنقال عشان النسب معن لو تروح هاللحين وتنشد أي شايب من الثبته وتقوله هل الروقه والبرقاويه ثبته ؟؟؟ والله ليقولك على طول ((((((((((((((لا)))))))))))))




                          هذه اللي حبيت أفيدك به يا إبن العم




                          أكرر شكري لك يا ابن العم

                          أخوك / البراق الثبيتي
                          ويقولون إن جدي كانت زهبته تبرق


                          والله ونعم مليوووووووووووووووووووووون بولد العم والله إني كنت حاس إنك برااق والله

                          لاكن تعال إن ماعليك أمر أنت من أيت البراريق حقين القديره ولا من البراريق اللي حالفو اللصه؟؟؟
                          تم التعديل الأخير بواسطة (مہودع دنہيأهہ)؛ 20-Apr-2011, 02:48 AM.

                          تعليق

                          • ابن ثابت الهوازني
                            عضو ذهبي
                            • Apr 2009
                            • 392

                            #28
                            [align=center]
                            تم النشر في الأصل بواسطة سرحان الشيباني عرض المشاركة
                            [align=center]


                            ابن ثابت بارك الله فيك على الاظافه والمعلومات القيمه

                            وودي استفسر منك طال عمرك هل من ذكرتهم هم ابناء سعد بن بكر بن هوازن ام سعد اخر

                            تحياتي لك يالغالي[/align]
                            أخوي سرحان الله يحفظك : سعد بن بكر جاهلي سحيق وينه ووين ثابت ؟!!

                            لما تقرأ التسلسل هكذا : ثابت بن سعد بن بكر / هذا خطأ طبعا ممن كتبه إما أنه لا يعي ما يكتب أو أنه يقصد اختصارا أنه من سلالة سعد بن بكر ، وأكثر ما تقرأها في موضوعات النسخ واللصق والتجميع مثل مشاركة صاحبنا راعي الحميا . !

                            [/align]
                            تم التعديل الأخير بواسطة ابن ثابت الهوازني؛ 22-Apr-2011, 12:31 AM.

                            تعليق

                            • ابن ثابت الهوازني
                              عضو ذهبي
                              • Apr 2009
                              • 392

                              #29
                              تم النشر في الأصل بواسطة سعدي هوازني عرض المشاركة
                              الاخ إبن ثابت الهوازني يعطيك العاافيه على المشاركه ولاهنت لاكن وانا اخوك هد اللعب شوي وأحسن الضن في أبناء عمومتك
                              الله يستر عليك يا بن عمي أنا ذكرت في المشاركة إني محسن الظن فيه ، وبعدين ياخوي هذا منتدى ماهوب شات سوالف عشان تقول هد اللعب ! اللي يبي يجيب كلام وينسخه هنا بدون ما يعي عواقبه ثم يزعل إذا أحد رد عليه ماعلينا منه وانا اخوك ، أيقونه الخروج تاسع مية عضو

                              تعليق

                              • ابن ثابت الهوازني
                                عضو ذهبي
                                • Apr 2009
                                • 392

                                #30
                                تم النشر في الأصل بواسطة راعي حميا عرض المشاركة
                                [align=center]
                                كل ما قرأت لي في ردي السابق من أشعار ومن قول ابن دخين
                                هو موجود بالنت يحسب لي تجميعه فقط .

                                التواضع زين وأنا أخوك
                                والعجلة واتهام الناس جزافا أمر غير محمود
                                يعني مهوبزين .

                                زين يا أستاذي الفاضل ؟
                                !![/align]
                                زين يالجبل

                                والمرة الجاية اقرا الكلام اللي تنسخه قبل تلصقه هنا
                                تم التعديل الأخير بواسطة ابن ثابت الهوازني؛ 22-Apr-2011, 12:44 AM.

                                تعليق

                                العمل...