ابن سعدى وابن جديع من شيوخ حرب يلتجؤن لأبن ربيعان خوفاً من ابن رشيد

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • ناصر الهيلا
    عضو فعال
    • Aug 2007
    • 166

    #1

    ابن سعدى وابن جديع من شيوخ حرب يلتجؤن لأبن ربيعان خوفاً من ابن رشيد

    [align=center]في احدى السنوات كان الامير عبيد بن رشيد يجمع الزكاة من القبائل مندوبا عن اخيه الامير عبد الله ولما نزل الامير عبيد على جماعة الشيخ عيد بن سعدى (امير قبيلة الوهوب من حرب ) ومن معه من حرب وبدا في جمع الزكاة اعترض ابن سعدى واتباعه علي الامير عبيد الرشيد لانهم راوا منه بعض الاجحاف فرفضوا اعطاه ما طلب ونشب الخلاف ولم يكن معه جيش كبير يكفي لاخضاعهم بالقوة حيث كان عليه ان يستنجد بقوة كبيرة من حائل فما كان من خصومه الا ان
    استغلوا نقطة الضعف هذه وتشاوروا وجاء قرارهم سريعا وهو
    الارتحال من هذا المكان وغادر ابن سعدي وقومه المكان من اول الليل مرتحلين جنوبا حتى وصلوا الي ديار عتيبه ونزلوا ( التجئوا) بالشيخ ابن ربيعان اما الامير عبيد الرشيد فعندما اصبح لم يجد الا مكان ابن سعدى وقومه ولم يكتفى الشيخ عيد بن سعدى بهذا العمل المعادي لابن رشيد بل انتدب عددا من فرسان قومه واغاروا علي ابل ابن رشيد وكانت بين حائل والسليمي واخذوا شيئا منها وقد قيل بهذه المناسبة القصيدة التالية وهناك من ينسبها للامير عبيد بن رشيد وهناك من ينسبها لابن هديريس[/align]


    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    الضيغمي من حائل ٍ عض الانجاد=دز السبور وقام يجمـع نواحيـه
    قالوا لمن يا امير كزيت الاوعـاد=قال الذويبي حالف اني ما نخليـه
    وحلف يمين بصلب الاثنين الاجداد=ملزوم يا بيـت الذويبـي نفاجيـه
    ومندوب بامه عقب النير من غاد=وسمي مطعوم النشامـى يباريـه
    ابو طلال الضيغمي فـرز الاولاد=زيزوم غلبا باللقـا ينطـح التيـه
    فجرية ٍ لا جا سنا الصبـح تنقـاد=والمال لعيال الطنايا غـدوا فيـه
    ابن حمد وحمود قد هجوا اسنـاد=من وعرة الحرة حلالـه يلزيـه [/poem]


    [align=center]وقد اجاب على القصيده شباط بن عيد بن سعدى بقوله[/align]

    [poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يا ابن رشيد العلم كان انـت نشـاد=ابين من الشمس الرفيعـه مواريـه
    شلنا عداوتكم علـى روس الاشهـاد=ان كان يخفاكـم لـك اليـوم نبديـه
    جيش الرشيد اللي عبيتـه للاضـداد=جبناه من سلمـى وعينـك تراعيـه
    من السليمـي يمـة الزمـل مسنـاد=من كيفنا محـد (ن) حمانـا بعانيـه
    شلنا على الطوعات صلبات الاعضاد=معنـا دبشنـا والضعايـن تبـاريـه
    معنا بنات الريح عربـات الاجـداد=سرد ٍ عليها الموت نضرب حراويه
    والظاهري من سربة ٍ ما بها انقـاد=واللـي يـرده داد ربـك يجازيـه
    حنـا ليـا جـن الخـواويـر وراد=حريبنـا يرجـع وسقمـه يبـاريـه[/poem]



    [align=center]وقد ظل العداء مستمرا بين قبيلة الوهوب من حرب وبين ابن رشيد حتى وقعة المليداء الشهيره عام 1308هـ فكانت قبيلة الوهوب هم الوحيدون من جميع قبايل حرب الذين دخلوا المعركة بجانب اهل القصيم اما بقية قبائل حرب فكانت مع ابن رشيد[/align]

    [align=center]المصدر فصول من تاريخ قبيلة حرب لمؤلفه فايز موسى البدراني [ص 484].
    نقل البدراني روايته عن الشيخ /فيصل بن ذعار بن ناصر بن شباط بن عيد بن سعدى.شيخ الوهوب من حرب .[/align]
  • أبوضاري
    عضو ذهبي
    • Jan 2009
    • 321

    #2
    [align=center]أولا القصيده اللي رد بها الحربي على الشمري أكذوبه العصر أنا بحثت عنها في مصادر عده ولم أجدها الا في كتاب البدراني وكتاب البدراني ولونها صحيحه لاوجدناها في الكتب التاريخيه الاخرى الذي تتحرى الصدق في جميع ما تنقله عن الماضي .

    .................................................. .................................. ..



    هذه أبيات من قصيدة المحدار تتكلمون عن هروب .................... ولجوه الى مشايخ قبيلة عتيبه [/align]


    [poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    اسمع كلام الضيغمي وافهمه زين = فالحربي اللي نار عنه ولفانا
    منتوب بأمه والحنيني مخيفين = من حرب نار ولتوا من ورانا
    ماجالهم من حرب فزاع ومعين = كلٍ يقول أن الضياغم بلانا
    وحنا حميناهم بحدب العرانين = وشالت حمولن ضاهدتم ايدانا
    وعن مانقوله حرب سمعوا ودارين = لاكن فيهم من يحب المشانا[/poem]



    [align=center]
    وأيضا مقطعا أخر من قصيده أخري للشاعر كديميس .[/align]

    [poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يوم الضياغم جالهم عندكم صوك =وتغانمت لابتك دمث المتاقي
    حموك من صوك الضياغم وأفكوك=ودونك تجرعنا مرار المذاقي
    وهذا جزانا يأهل الفيس والدوك=يأهل النفوس المخزنات الضياقي[/poem]

    [align=center]
    ناصر الهيلا
    مشكور وتقبل مروري ومشاركتي في الموضوع[/align]
    تم التعديل الأخير بواسطة أبوضاري؛ 01-May-2009, 04:11 PM.

    تعليق

    • عتابه يارفاقه
      عضو ماسي
      • Nov 2008
      • 985

      #3
      مسلط بن ربيعان قائد لايوجد له مثيل في الجزيرة العربية

      شاكر لكم ياناصر الهيلا ويا ابو ضاري

      تعليق

      • عتيبي الساحل
        عضو نشيط
        • Sep 2007
        • 80

        #4
        يوم الضياغم جالهم عندكم صوك
        وتغانمت لابتـك دمـث المتاقـي
        حموك من صوك الضياغم وأفكوك
        ودونك تجرعنا مـرار المذاقـي
        وهذا جزانا يأهل الفيس والـدوك
        يأهل النفوس المخزنات الضياقي

        تعليق

        • العكام
          عضو فضي
          • Jan 2004
          • 213

          #5
          [align=center]
          تم النشر في الأصل بواسطة أبوضاري عرض المشاركة
          [align=center]أولا القصيده اللي رد بها الحربي على الشمري أكذوبه العصر أنا بحثت عنها في مصادر عده ولم أجدها الا في كتاب البدراني [/align]
          البدراني حربي والحربي لاتؤخذ روايته لانهم حتى الشيخ/ تركي بن حميد المعروف والمشهور عند القبائل كلها ادعو ان قاتله من قبيلة حرب فكيف تؤخذ رواية حربي!!!!

          كل رواية من حربي او في اسنادها حربي غير موثقة يضرب بها عرض الحائط[/align]

          تعليق

          • أبونواف

            رابطة محبي الهيلا

            • Nov 2008
            • 2163

            #6
            [align=center]اسمع كلام الضيغمي وافهمه زيـن
            =============فالحربي اللي نـار عنـه ولفانـا


            ناصر الهيلا
            مشكور على طرحك الجميل ..[/align]

            تعليق

            • مطلق الهراني
              عضو نشيط
              • Jun 2009
              • 62

              #7
              كفوووو ياناصر الهيلا

              على الموضوع الرائع



              يوم الضياغم جالهم عندكم صوك
              وتغانمت لابتـك دمـث المتاقـي
              حموك من صوك الضياغم وأفكوك
              ودونك تجرعنا مـرار المذاقـي
              وهذا جزانا يأهل الفيس والـدوك
              يأهل النفوس المخزنات الضياقي


              صح لسانك يا كديميس
              :d

              تعليق

              • حاتم العطاوي
                عضو فعال
                • Nov 2005
                • 151

                #8
                منتوق بامه عقب النير من غاد
                وسمي مطعوم النشاما يباريه
                والله يالو انه ورى شط بغداد
                لاصير له مثل العمل عند واليه



                هذي لابن رشيد اعرفها من يومني ورع


                وحريبله حظهم اقشر ومحقورين بين القبايل لين جا عبدالعزيز وحكم الناس وخال الشاه تخاوي الذيب

                والحين الشاه(*) قامت تطاول على الذيب وتبا تاكله يالله انك تكفينا شر الدنيا وشر حريبله لاتاكلنا هع

                _________________

                *الشاه : قبيلة حريبله وهذا وصف وصفهم به الشاعر الامير محمد الاحمد السديري في كتاب أبطال من الصحراء .

                تعليق

                • المقدام
                  عضو فعال
                  • Jun 2009
                  • 140

                  #9
                  ياحاتم العطاوي

                  حرب قبيلة عريقه وكلامك ذا تجريح فيها ومنتدى عتيبه الهيلا يرفض التجريح في كل القبايل

                  وحرب فيهم ابطال ورجال مواقف يعني صبعه تقول كذا فيهم

                  والسديري اللي تقوله أنه قال فيهم كذا أخطاء واخذ جزاه وكلنا نعرف وش سالفة قص شنبه


                  واتقوا الله ياعيال عمي ماحد يرضاها ع قبيلته كذا

                  وإذا تبي تذكر افعال اذكر بس تجرح لا مانرضاها

                  تعليق

                  • خلف الروقي

                    رابطة محبي الهيلا

                    • Jun 2009
                    • 6080

                    #10
                    مشكووووووووووور


                    على اااااااااااالطرح




                    والله يعطيك ااااااااالعااااااافية

                    تعليق

                    • الفراتي
                      عضو فضي
                      • Sep 2007
                      • 223

                      #11
                      [align=right]ناصر الهيلا

                      شكرا على ايراد القصة والقصيده ..
                      ولكن قصيده ابن هديرس ناقصه بيت من عندك .. اللي هو

                      [poem= font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      والظاهـري ودويلتـه داد ابـن داد=والمسرعي مثل السلوقـي يتاليـه[/poem]

                      وهذه القصيدة كامله .. وسوف اعدّد الشيوخ المذكورين بها ..

                      [poem= font="simplified arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                      الضيغمي من حايلٍ عض الانجاد=دز السبور وقـام يجمـع نواحيـه
                      قالوا لمن يا امير كزيـت الاوعـاد=قال الذويبي حالفٍ مـا نخليـه
                      وحلف يمين بصلب الاثنين الاجداد=ملزوم يا بيـت ((الذويبـي)) نفاجيـه
                      ((والظاهـري)) ودويلتـه داد ابـن داد=((والمسرعي)) مثل السلوقـي يتاليـه
                      ((ومندوب بامه)) عقّب النير من غـاد=((وسميّ مطعـوم النشامـى)) يباريـه
                      ابو طلال الضيغمـي فـرز الاولاد=زيزوم غلبا باللقـا ينطـح التيـه
                      فجريةٍ لا جا سنا الصبح تنقـاد=والمال لعيال الطنايـا غـدوا فيـه
                      ابن حمد وحمود قد هجـوا اسنـاد=من وعـرة الحـرة حلالـه يلزيـه [/poem]

                      وهم ليسوا اثنين فقط .. بل 5 شيوخ وهذا هم :

                      -الذويبي :
                      شيخ بني عمرو من مسروح

                      -الظاهري :
                      ابن مضيّان وهو شيخ الظواهره من بني سالم .

                      -المسرعي :
                      من مزينه وشيخهم ابن نحيت من بني سالم .

                      -مندوب بإمّه :
                      ابن سعدى . لإنه يندب أي يدعى بإسم أمه . وهو شيخ الوهوب من مسروح .

                      -سميّ مطعوم النشامى :
                      الحنيني . و (الحنيني) نوع من الطعام . هو ابن جديع شيخ الحنانيه وهم من بني سالم.

                      تحياتي لك
                      [/align]

                      تعليق

                      • المهاجم
                        عضو نشيط
                        • Mar 2009
                        • 65

                        #12
                        تم النشر في الأصل بواسطة المقدام عرض المشاركة
                        ياحاتم العطاوي

                        حرب قبيلة عريقه وكلامك ذا تجريح فيها ومنتدى عتيبه الهيلا يرفض التجريح في كل القبايل

                        وحرب فيهم ابطال ورجال مواقف يعني صبعه تقول كذا فيهم

                        والسديري اللي تقوله أنه قال فيهم كذا أخطاء واخذ جزاه وكلنا نعرف وش سالفة قص شنبه


                        واتقوا الله ياعيال عمي ماحد يرضاها ع قبيلته كذا

                        وإذا تبي تذكر افعال اذكر بس تجرح لا مانرضاها
                        [align=center]
                        هذا كلام السدير أيها الاخويقول السدير حرب تهج من قبيلة عنزه مثل هجيج الغنم من الذيب [/align]

                        تعليق

                        • قحص ابن هاجد
                          موقوف لمخالفة الأنظمة
                          • Apr 2008
                          • 212

                          #13
                          هههههههههههههههههههههه قويه صمغان يوم الضياغم جالهم عندكم صوك
                          وتغانمت لابتـك دمـث المتاقـي
                          حموك من صوك الضياغم وأفكوك
                          ودونك تجرعنا مـرار المذاقـي
                          وهذا جزانا يأهل الفيس والـدوك
                          يأهل النفوس المخزنات الضياقي

                          تعليق

                          • (مہودع دنہيأهہ)

                            رابطة محبي الهيلا

                            • Mar 2011
                            • 1026

                            #14
                            والله ونعم في بن ربيعان وماهي بغريبه على عتيبه هذي الفعول وونعم في كل من ذكر من حروب وشمامره


                            والله يعطيك العافيه على الطرح ولاهنت

                            تعليق

                            • ولد الضيغمي
                              عضو فعال
                              • Jul 2010
                              • 182

                              #15
                              يعطيك العافيه على الطرح اخوي ناصر الهيلا

                              ولاهي غريبه على ابن ربيعان قديما وحاضرن

                              تعليق

                              العمل...