يوم....(حبر والغرابة)

طي
X
 
  • التوقيت
  • إظهار
مسح الكل
المشاركات الجديدة
  • عبدالله بن جازي بن هدي
    عضو
    • Apr 2007
    • 6

    #16
    الاخوان الاعزاء سوف اورد لكم القصيده كامله
    روايه عن عمي الشيخ::صغير بن هدي العياضي الحربي واللتي قالها عمي الشيخ::معلث بن هدي العياضي الحربي //

    ===================================
    يقول معلث واق حيد زمومي= في مرقب عسر على النذل مبداه
    حبر الغرابة من طوال الرجومي=واهني من لاجا الغرابة هنياه
    ياطارش لعبيد عطه العلومي=ليته تحلى اللي عيوني تحلاه
    اشوف قطعان سوات الغيومي=وبيوتهم مثل الكراب المبناه
    وقالوا على الله شافو السبر يومي=والسبر غار وقدمه السوء لاقاه
    وشاروا وكبوا كل راي معدومي=وقالوا على البل ماعن البل مجاجاه
    ومالوا عجول معقدين الكمومي=والكل منهم زابنن كور وجناه
    ونعم بساري يوم جات اللزومي=بيديه مير يصمل القوم برياه
    ويثني معلّث جعل حظه يقومي =ونحمد اللي من هكاليوم نجاه
    عقب حجروه مقطعين السلومي=جابه خليوي عسى المنايا تعداه
    وحنا ذبحنا كل قباً عزومي=وابن حمد مرذي على القوم وجناه
    وابن منيره فوقهن محزومي=غير اربعة والخامس اللي دفناه
    وسبعه من العيرات طش السهومي =والثامنه صفرا حمود المحذاه
    ويثني الجذية شوق حان الرقومي=ترم العشا لمكسع الريش يمناه
    وألاد روق يوم لحقوا لمومي=لحقو على قب المهار المغذاه
    والخيل ترسي قدمنا فالحزومي=وخلافنانركى على جيش ورماه
    وهمه علينا مثل طير يحومي=وحنا عليهم مثل ورد على ماه
    ولفح الهنادا مثل لفح السمومي=وألا سنا نارٍ على الكير محماه
    وملنا بهندٍ يلحسن الرقومي=دايم على لحس الضرايب مضراه
    وكم جادلٍ غب النكايف تحومي=وتهل دمعٍ غاشي الخد واحفاه
    وكم جادل غبه تقد الهدومي=وتقد جيب الثوب وتقول واخواه
    ياذيب حسله ناد ذيب الجثومي=اقنب لذيب حبير واقطن على ماه
    وترى خبر جارك علكم لزومي=وتخبر اللي طاري العلم ماجاه
    والشيب جاله بالمفارق رسومي=واهني من لا جا الغرابة هنياه


    من لديه اي استفسار او ايه اضافه مراسلتي على الخاص
    اخوكم//عبدالله بن جازي بن هدي العياضي الحربي
    تم التعديل الأخير بواسطة عبدالله بن جازي بن هدي؛ 08-Aug-2007, 11:31 PM.

    تعليق

    • الهطال
      عضو نشيط
      • Dec 2005
      • 55

      #17
      الأخ عبدالله بن جازي

      السلام عليكم ورحمة الله


      أشكرك على زيارتك لمنتدى عتيبة الهيلا وتعقيبك على القصة وبما إن القصة معروفة ومشهورة تعددت طرق روايتها مع أنها لاتختلف إلا في شيء بسيط من التفاصيل أما المضمون فهو محل اتفاق ..

      أتمنى إذا كان عندك تفاصيل أخرى بحكم أن عمك ممن عاصر القصة أن تتحفنا بها ..

      وشكرا لإيرادك القصيدة لإنك ساهمت في توثيق القصة .

      تعليق

      • عبدالله بن جازي بن هدي
        عضو
        • Apr 2007
        • 6

        #18
        اخي الهطال : اشكرك على مرورك اما بالنسبه للقصه فسوف اذكرها قريبا

        تعليق

        • مطيري طرقي
          موقوف لمخالفة الأنظمة
          • Mar 2007
          • 1

          #19
          تم النشر في الأصل بواسطة الذيــب عرض المشاركة
          الاخ التاريخ
          السلام عليكم ورحمة الله وبركاته
          اما القصه التي اردت ذكرها فهي كاتالي
          ذهب الشيخ برجس بن صقربن عميره رحمه الله الى خاله وكان من مطير من روس العيابين وذلك في زياره لخاله فقط ووجد عنده قوم من مطير فسألوا خاله عنه فقال هذا بناخينا ولد الشيخ صقر بن بتاع بن عميره فقالوا المطران الموجودين ابوه اللي اخذ اباعر ميمون من مطير في موقعة الاباهي المشهوره
          ثم قال خاله المطيري مخاطباً برجس الله لا يذبحني ونا خالك لين ارمي عمامتي وسط اباعركم اي اباعر المغايره وذلك كناية على اخذ البل وهزيمتكم
          قال برجس رد على خاله وسط المطران الله يجعلك يوم تنطل عمامتك وسط اباعرنا اني حاظر واهلها حاظرين حتى تشوف فعلهم
          فوقعت هذه الموقعه وقتل برجس ابناء خاله المطيري اثنين مترادفين على الذلول برصاصه واحده وصوب واحد من مطير ومات في الطريق ومنعوا المغايره واحد من القوم من مطير ثم اراد المغايره قتله فنخا برجس وافتكه برجس من المغايره وعفا عنه




          قصه غريبه الخال يغزي على البناخي والبناخي يذبح عيال الخال

          تعليق

          العمل...