معركة (نطاق) بين الحفاة وابن رشيد ..

طي
X
 
  • التوقيت
  • إظهار
مسح الكل
المشاركات الجديدة
  • الفراتي
    عضو فضي
    • Sep 2007
    • 223

    #1

    معركة (نطاق) بين الحفاة وابن رشيد ..

    [align=center]حدثت معركه بين الحفاة من قبيلة عتيبه وابن رشيد على موقع ماء اسمه نطاق
    وانتهى ذلك اليوم دون ان يظفر احد الطرفين بالنصر الكامل ولكنهم اثخنوا بعضهم
    فيها الى غياب الشمس0 وان كان الفخر اكثره لعتيبه لكون مكانة ابن رشيد في
    ذلك الوقت مكان حاكم وجيشه قوي فيه عدة قبائل تسانده00
    فوصف الوقعه سعود الحافي بقصيده تعتبر نبراسا ومثالا للصدق وذكر اللي لك
    واللي عليك بدقه دون انحياز جائر مما نتمنى من الشعراء والكتاب والمؤرخين
    ان يكونوا مثله بالصدق والنزاهه00
    قال الشاعر سعود اليابس من الحفاة من عتيبه:

    [poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    أول كلامي طلبة الله وذكره=ذكرت ربي كل بادي نور
    يقول بن حافي بدا راس مرقب=في مرقب عالي بروس القور
    يرد من زين المثايل وينتقي=مثل العسل حلو بدون امرور
    كلامن أحلى من لبن شمخ الذرا=لاروحت من حاجرن ممطور
    بعد جا خيال طلعة الشمس وامطر=اثعوله من الدم الحمر شختور
    وبرقه من أيمان النشاما سيوفهم=ورعده من افواه السلاح يثور
    قبلي خشم(نطاق)لاطقه الحياء=شمال من العد الهماج حدور
    طاحوا به الفرسان منا ومنهم=وردوا هل العاده على الصابور
    نطحنا العداء من يوم جتنا جموعهم=على سردهم والبيرق المنشور
    وسقيناهم السم الذحاح وسقونا=مثل نمورن صادمت لنمور
    وابن لغيصم طاح منا على الثرا=ونحدهم عن مالنا بحدور
    ياذيب ياللي بايمن النير وايسره=كل من مداس الخيل يا معثور
    واشبع من الصبيان والجيش والرمك=والى ظميت اشرب من المنجور
    تلقا على الساقه حصانن ومهره=وتلقى عيالن لابسين كمور
    وصوت لذيبن يم حشة مليه=وخلو لغياب السباع جزور
    كم طاح عقب الكون من صيعريه=حناها طناها حنية الباكور
    من اولاد حافي لابتي ذي فعولهم=أهل ماقفن يوم اللقاء مشهور
    كدو علينا ثم رجعنا عليهم=واقفت بهم جرد المهار اعبور
    وردوا علينا وردة في عزيمه=وهج الحلال وزرفل المظهور
    وأحاطوا بنا قوم تهاذب خيولهم=ولجة حداويهم على المامور
    ورمينا العمايم واعتزينا بحافي=وثبت لهم كل أبلج منعور
    وطاحن جياد الخيل من ضرب لابتي=والدم الاشقر بيننا منثور
    وحمو جريرتنا عيالن بفعلهم=وعيا على التالين بن صمعور
    وافتكت اللقوة بكثر الرزايا=وكلن خذا حقه من الميسور
    جنايز الضفران حافي وشمر=أمسي بها سبع الخلا مسرور
    واربعي اللي كل ما قلت أظنهم=لاكن يهدم بالبلاد اقصور
    أهل مرحبا وان جت ليالي الشدايد=وأهل الكرم وان جت ليال اعسور
    ياحيسفا ياريف هجنن حفايا=يوم الردي عن فاطره مثبور
    أيضا وابن هزاع وعميش قبلهم=وحزام شوق الجادل الغندور
    وجدي عليهم وجد من بات ساهر=يجر العواء من عظمه المكسور
    والوجد الاخر وجد راعي هجمه=خذاها الذويبي من طرف مجرور
    واستغفر الله قبل تكتب عليه=في كل عمري ما ذكرت الزور
    تمت وصلى الله على صفوة الملا=اعداد ما يزهى الفلا بزهور [/poem]

    والنعم والله بالرجال اللي هذا فعلهم وهذي مواقفهم وبالشاعر اللي وصف المعركه هالوصف الرائع
    الجميل المنصف لاحداث هذه الوقعه لكلا الطرفين000
    [/align]
  • ابن شقران
    عضو
    • Aug 2008
    • 9

    #2
    ونعم بالآد حافي .. يشهد الله انّا نحبهم .. ونفخر بهم ،،

    تعليق

    • الرومي

      مشرف منتدى أخبار القبيلة واللقاءات

      • May 2006
      • 4514

      #3
      وافتكـت اللقـوة بكثـر الـرزايـاوكلن خـذا حقـه مـن الميسـور
      جنايـز الضفـران حافـي وشمـرأمسي بهـا سبـع الخـلا مسـرور




      الله يرحمهم جميعا سوا فريس الحفاة من عتيبة او فريس شمر .. القصائد هي التي تحمي التاريخ من التزوير ..

      بارك الله فيك اخي الفراتي .
      migeed33@hotmail.com

      تعليق

      • هيلاوي روق
        عضو
        • Feb 2008
        • 17

        #4
        مفخرة الحفاة والروقه وعتيبه هذه المعركه



        قليل من البدو الرحل يصمد في وجه حاكم تلك الحقبه من الزمن



        هنا يكون الشموخ والشجاعة التي لا تنسى





        هناك بيت لابد ان يذكر هنا حفظ لتاريخ حتى وان كان


        في جبابرة الروقه ( الاد مرشد )






        ما اذم الاد مرشد في فعلهم ........ لكن في مثلها يستاهلون السور

        تعليق

        • ابن صنهوت

          رابطة محبي الهيلا

          • May 2008
          • 1734

          #5
          بيض الله وجهك ونعم بالاد حافي ولكن القصيده اطول من ذلك فيه بيوت ناقصه
          والكون الله واعلم انه على فريق من الحفاه
          والله لايهينك يالفراتي

          تعليق

          • كفو
            عضو نشيط
            • Mar 2007
            • 69

            #6
            ما اذم الاد مرشد في فعلهم ........ لكن في مثلها يستاهلون السور

            ابو خشيم كان موجود قبل المعركه وركب فرسه ولحق لربعه المراشده عشان يستفزعهم للحفاه وعند حضور المراشده كانت الوقعه قد انتهت وفعل الاد مرشد وابو خشيم طيب لكنهم ماحضرو المعركه الا بعد نهايتها ولو حضرو كان فعلهم معروف ؟

            الشي الثاني البيت اللي يقول
            كم طاح عقب الكون من صيعريه ______ حناها طناها حنيه الباكور غير صحيح
            واللي يبي يفسر البيت يبي يعرف انه خطاء لان الصيعريه هي الابل والمطيح في المعارك للفرسان وليس للابل وحناها طناها يعني انحنت من الالم على فقد شي غالي
            والصحيح

            كم صــاح غب الكون من شمريه _______ حناها طناها حنيه الباكور

            والبيت اللي يقول

            حمو جريرتنا عيال بفعلهم ______ وعيا على التالين ابن صمعور غير صحيح

            حما جوانبنا سمار وزايد ______ وعيا على التالين ابن صمعور

            هذاء وتقبل تعليقي وان كان لايرضي بعض الناس ولكن لايصح الا الصحيح

            تعليق

            • يوسف الشمري
              عضو
              • Nov 2007
              • 20

              #7
              والله ونعم في الرجال

              تعليق

              • الامير حريبيش

                رابطة محبي الهيلا

                • Jan 2007
                • 1071

                #8
                الفراتي
                الله لا يهنيك علي القصه عزيزي تقبل مروري

                تعليق

                • سطام العفار المزحمي

                  رابطة محبي الهيلا

                  • Jul 2008
                  • 1416

                  #9
                  الفراتي شاكرين لك ومعركة تؤرخ للحفاة لانهم كانوا اقلية في المعركة ونصرهم الله سبحانه وفي الختام والله ونعم بشمر والحفاة والله يعز الاسلام والوحدة الوطنية

                  تعليق

                  • العطاااااوي
                    عضو فعال
                    • Mar 2006
                    • 180

                    #10
                    والله ان عتيبي ينومسني طاريه وسوالفه

                    والحفاه ينومس فعلهم كل عتيبي


                    اخوووووكم العطاوي

                    تعليق

                    • خيال الصفرا
                      عضو نشيط
                      • Aug 2008
                      • 73

                      #11
                      والنعم بالجميع لاهنت اخوي الفراتي


                      للراوي فواز الغسلان كلام حول هذه المعركة حيث اضيفت ابيات وتم تحريفها على لسان العتيبي

                      لاهنت يالفراتي

                      تعليق

                      • عبد العزيز العضيــاني
                        (بحر جده)
                        • Aug 2008
                        • 715

                        #12
                        اولا نعم بعتيبه وشمر


                        وحنا وشمر ولله الحمد نتصف بصفات متوافقه

                        مثل الكرم والشجاعه وجميع صفات الرجوله

                        ولكن...........

                        القصيده ناقصه

                        وبالنسبه للاخ اللي يقول ابو خشيم ماجاء غير اخر المعركه غير صادق

                        والدليل البيت اللي يقول فيبه اليابس


                        [poem= font="simplified arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

                        [color=#003333]
                        وانا القصيده عندي كامله

                        وايضا كل مادار حول هذه المعركه موثق عندي

                        وابو خشيم اشرف علينا بفزعه =اواق وليا جونا مخطور
                        والله ماذم الاد مرشد بفعلهم=وفي مثلها يستاهلون السور
                        تم التعديل الأخير بواسطة عبد العزيز العضيــاني؛ 02-Oct-2008, 12:45 PM.

                        تعليق

                        • برزان0
                          موقوف لمخالفة الأنظمة
                          • Sep 2008
                          • 71

                          #13
                          بحر جدة الله لايهينك عطنا ماعندك عن هذه المعركة ..............ولك الشكر

                          تعليق

                          • العملا111ق

                            رابطة محبي الهيلا

                            • Oct 2012
                            • 1001

                            #14
                            ونعم ملاييين بالحفااااه

                            شجاعة وكرم وغيرة وحمية حقيقية ونظافة والمعدن طيب بالحييل

                            اضف لتاريخ موثق بافعال تشرف كل عتيبي اصيل

                            وبالنسبة لقصيدة اليابس لاتعلييييق هذا الشعر ولا بلاش

                            اعتقد اليابس من افضل فحول شعراء نجد اللي مستواهم عالي جدا فوق مستوى العامة او المتذوق البسيط

                            معركة طلال ونطاق من اعظم المعارك والمفاخر الحقيقية لقبيلة عتيبة الهيلا بخصوص المعارك والاحداث الموثقة والمعترف بها من وجهة نظري

                            بالاضافة لمعارك قديمة جدا قرات عنها ضد الاشراف وغيرهم

                            الف مليون شكر لهذا الطرح المشرف للقبيلة

                            ولا هي غريبة على الهيلا

                            ونتمنى المزيد

                            تعليق

                            • فهد الحويقل
                              عضو
                              • Dec 2013
                              • 10

                              #15
                              ونعم بالأد حافي

                              تعليق

                              العمل...