معركة قاصا.....من اكبر معارك الجعدة وقبيلة بني الحارث

طي
X
 
  • التوقيت
  • إظهار
مسح الكل
المشاركات الجديدة
  • الجعيد العريب
    عضو نشيط
    • Feb 2008
    • 64

    #1

    معركة قاصا.....من اكبر معارك الجعدة وقبيلة بني الحارث

    [align=center]معركة قاصا

    قبيلة الجعدة قبيلة محاربه ولهم وقعات كثيرة مع قبيلة بني الحارث المعروفة حيث انهم درع عتيبة من جهة بني الحارث ومن اشهر وقعاتهم قاصا وصباح عن ونفر وغيرها

    وقبيلة بني الحارث قبيلة كبيرة وعريقة ومن بطونهم الشلاوى وبنيوس(الشدادين والعضاوين وغيرهم)

    لمعركة قاصا اسباب كثيرة ومن اشهرها قتل العضاوين من بني الحارث لأحد شجعان الجعدة من خامس الهضاب وهو نازل في ديارهم حيث ضيف اثنين من بني الحارث وعشاهم وبعدها صبحوه وذبحوه واخذوا حلالة

    فأرسل لهم الشاعر رفيع الهضبة قصيدة مسندها على العوايش وهم من شيوخهم يقول فيها:

    [poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,orange" type=0 line=0 align=center use=ex num="0,black"]
    هيض عليه وانا في روس الأقذال=في راس حيدٍ على حد الحدودي
    سر يا نديبي فوق قطاعة اللال=طبح قيا ثم قبلها سنودي
    تلقى العوايش هل القاله والأفعال=اللي من اول عريبين الجدودي
    واليوم ما فالهم للمستحي فال=من يوم جاهم عويض بالفيودي
    يا فضحهم فالقبايل كل مضوال=مابه غلامٍ جلى ثوب الهنودي
    يا صايل انته تفكر في هذا الحال=ابين من الشمس ما تبغى شهودي[/poem]

    وبعد هذه الحادثه اجتمع امير الجعدة الشيخ عنيبر رحمه الله وشيوخ الخوامس وقرروا غزوا بني الحارث في عقر دارهم وفعلا صبحوهم الجعدة في القاصا وذبحو منهم اكثر من تسعين رجال بعد معركة طاحنة كما يقول الرواه والأكيد ان الجعدة كسبوا خمسين بندق بعد قتل خمسين بواردي واستاقوا حلالهم

    وقالت احدى شاعرات بني الحارث يقال انها هيا بنت مبارك الشدادية بعد هذه المعركة:

    [poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,orange" type=0 line=0 align=center use=ex num="0,black"]
    عقب اللي ما حضر يوم قاصا والفنود=ما حضر فعل النشاما نهار الهيزعة
    لا تسويله من الكيف فنجال القنود=ما درى ان الضيق ساعة وتجلاه السعة
    ما تشوف اللا الفتايل كما قدح الزنود=وكم صبيٍ ينطح الضد لاقى مصرعة
    يظهرون اهل الفعايل عريبين الجدود=والردي عنده تجي العشر وزن الاربعة
    يا لطيف الروح شومي عن العفن الشرود=لا تبين اللي يقزيه حس القربعة[/poem]




    وقال الشاعر الكبير عوض الله بن رجا الجعيد رحمه الله:

    [poem=font="Simplified Arabic,4,black,bold,normal" bkcolor="transparent" bkimage="backgrounds/18.gif" border="double,4,orange" type=0 line=0 align=center use=ex num="0,black"]
    آلا ياراكـبٍ حــر ٍ عــزوم=أخف من الطيور اللـي تحـوم
    ليا أعطى مع شديدات الحـزوم=مثـل الذيـب قطـاع الرمالـي
    يسرح من طرف مكـة صـلاه=والركّـاب مـا يلحـق قصـاه
    وأهل شقصـان بالهيـن مسـاه=آلاد جعيد أهل صبـح الدلالـي
    يقوله من بدى رؤس الـرزون=ويغنـي بزيـنـات الّلـحـون
    تشـدي در نابـيـة المـتـون=أغني بهـا وإن هـاض بالـي
    هـرج ٍ مثـل در المبـهـلات=اللـي ترتعـي زيـن النـبـات
    حيـث الليـل يمسيهـا تبـات=ما ترعى يقع بيـض الرمالـي
    ترعى في ذرى قيـف ٍ صـلاب=والله مـا يعلـق مـن صـواب
    ومضريـن دائــم بالتـعـاب=وألهم فعل يـوم الحـظ عالـي
    ذرى قيفٍ يقاضـي كـل ديـن=اللـي فعلهـم دايم يبـيـن
    أهل الكيف والكبـش السميـن=وأهل الضيف في عسر الليالـي
    يقوله مـن تهيّـض بالـردود=يشدي للعسل مـن كـل عـود
    يشدي در سمـحـات الـخـدود=يشدي در خلفاتٍ متالـي
    اللـي فـي الديـار مشرهـات=من شقصـان جايـه صـادرات
    مرتعها الـحـدود مرتـعـات=من خشم العمود اليـا الظلالـي
    من برقه تغـوث اليـا العمـود=مر تعهـن مـن يـوم الجـدود
    مـا أخذوهـا مبيحـة السـدود=الأقصيـن منهـم والمـوالـي
    ترعى في ذرى سمـو الجعيـد=اللـي لبسهـم صافـي الحديـد
    والمخطـي عليهـم مـا يزيـد=نثني شاربه لـو كـان طالي
    أبـن الحارث القيـف العـصـاه=اللي مـا أحـد يلحـق منتهاه
    رديناه عـن طـاري هــواه=وأسقينـاه مـن مـرٍ وحالـي
    جزينـاه فـي ذبـحـة قـيـا=درى عنهـم اللـي مــا درا
    في قاصـا ذبحناهـم ضحا=على وضح النقى الأبيض يلالي
    أخـذنـا الـلـوازم باليـديـن=مـن الأجنـبـي والأقربـيـن
    وقضينـا مـن الدّيـان دين=أن هبت صبا وأن جت عوالـي
    والله و القبـائـل خابـريـن=جزينـاه فـي طـول المهالـي
    كـلام جعيـد ما جاه القصـور=ولامنه هـرج مـا قـال زور
    ولامن قـال ألـه قـول مخبـور=ينقـد جابتـه نقـد الريـالـي[/poem]


    وسلامتكم......................
    [/align]
  • السفيرالدبلوماسي
    عضو فضي
    • Mar 2008
    • 234

    #2
    مشكور يالجعيدالعريب
    وكفو بربعنا الاد جعيد

    تعليق

    • محمد النفيعي511

      رابطة محبي الهيلا

      • Jan 2008
      • 2128

      #3

      تعليق

      • الامير حريبيش

        رابطة محبي الهيلا

        • Jan 2007
        • 1071

        #4
        ونعم يالجعيد العريب ماقصرت علي ايراد قصه القاصا المشهوره وعلي قول البيت

        (ما درى ان الضيق ساعة وتجلاه السعة)
        ونعم بالاد جعيد اللي يضيقون علي الرجال

        تعليق

        • سعود غزاي العصيمي
          عضو
          • Oct 2007
          • 16

          #5
          كذلك يااخي الكريم
          قيا ومسيان كانت لعتيبه
          وتحديدا للدلابحه من الروقه
          وراحت سوق في 40شيخ من شيوخ بني الحارث

          تعليق

          • /عبد العزيز الجذع/

            رابطة محبي الهيلا

            • Apr 2008
            • 7289

            #6
            ونعم والله..


            وبيض الله وجهك..

            تعليق

            • الجعيد العريب
              عضو نشيط
              • Feb 2008
              • 64

              #7
              مشكور يالجعيدالعريب
              وكفو بربعنا الاد جعيد
              ما علاك زود يالسفير الدبلوماسي ومشكور على المرور

              تعليق

              • الجعيد العريب
                عضو نشيط
                • Feb 2008
                • 64

                #8
                الله يعطيك العافية
                الله يعافيك يا محمد النفيعي511

                تعليق

                • الجعيد العريب
                  عضو نشيط
                  • Feb 2008
                  • 64

                  #9
                  ونعم يالجعيد العريب ماقصرت علي ايراد قصه القاصا المشهوره وعلي قول البيت

                  (ما درى ان الضيق ساعة وتجلاه السعة)
                  ونعم بالاد جعيد اللي يضيقون علي الرجال
                  ما علاك زود يالامير حريبيش

                  وياليت تعطينا من سوالف جدك الشيخ حريبيش رحمه الله والله يحييك

                  تعليق

                  • الجعيد العريب
                    عضو نشيط
                    • Feb 2008
                    • 64

                    #10
                    كذلك يااخي الكريم
                    قيا ومسيان كانت لعتيبه
                    وتحديدا للدلابحه من الروقه
                    وراحت سوق في 40شيخ من شيوخ بني الحارث
                    حياك الله يا سعود العصيمي

                    وبخصوص قيا فهي كانت للعيلة من النفعة وبعد قصة سلوم العيلي النفيعي مع الحرث اعطوها النفعة سوق في قتلى بني الحارث وفيها وثيقة الصلح بين بني الحارث والنفعة بحضور الجعدة عند الشريف حاكم الحجاز في تلك الفترة

                    تعليق

                    • الجعيد العريب
                      عضو نشيط
                      • Feb 2008
                      • 64

                      #11
                      ونعم والله..


                      وبيض الله وجهك..
                      عبد العزيز الجذع وجهك ابيض ولا علاك زود يا ولد روق

                      تعليق

                      • محب الهيلا
                        عضو ممـــيز
                        • Nov 2007
                        • 20292

                        #12
                        [align=center]والنعم بالجعده

                        يعطيك العافية
                        [/align]

                        تعليق

                        • حبوس قطاعين الروس
                          عضو
                          • Mar 2008
                          • 24

                          #13
                          ونعم فيكم ياعيال عمي

                          نفر هاذي بين الحبوس وفازعين معهم الجعده

                          وحبيت اسألك الحبوس لهم دور في حرب قاصا

                          7
                          7
                          7
                          7
                          راجع التاريخ!!!

                          تعليق

                          • مشاري الحبردي
                            ذيـب الـهـيـلا
                            • Aug 2006
                            • 4888

                            #14
                            انا اشهد ان الجعده دورع عتابة


                            لاهنت اخوي وتسلم على ذكر افعال ابناء عمنا




                            اخوك الحبردي

                            تعليق

                            • الجعيد العريب
                              عضو نشيط
                              • Feb 2008
                              • 64

                              #15
                              محب الهيلا:
                              والنعم بالجعده

                              يعطيك العافية
                              ما علاك زود يا ولد ثابت

                              تعليق

                              العمل...