مناخ (عرجا, الرشاويه) شرح لاحداثهما . بحث متكامل

طي
X
 
  • التوقيت
  • إظهار
مسح الكل
المشاركات الجديدة
  • ولد حبرود
    عضو فعال
    • Feb 2007
    • 142

    #1

    مناخ (عرجا, الرشاويه) شرح لاحداثهما . بحث متكامل

    بسم الله الرحمن الرحيم

    الحمد لله رب العالمين , والصلاة والسلام على اشرف الانبياء والمرسلين ,نبينا محمد وعلى اله وصحبه وسلم .
    اما بعد :

    فالحقيقه رايت الكثير من المغالطات والاشتباه والتداخل عند الاخوان في مناخين هما من اهم معارك عتيبه مع قوات الحلفاء (مطير , حرب , قحطان )
    وفي هذا الموضوع سوف اتكلم عنهما بالتفصيل وامل ان يحوز على اعجابكم


    فبسم الله نبدا وبسم الله نستعين

    اولا

    مناخ ((الشعراء , الدوادمي , عرجا , الحسرج))
    بين عتيبه من ناحيه وبين مطير وحرب وقحطان

    عام 1213هـ
    التفاصيل

    تناوخو برقا بقيادة محمد بن هندي بن حميد ونزلو الشعرا مع مطير بقيادة نايف بن بصيص و وطبان الدويش حيث نزلو الدوادمي فارسل ابن بصيص بعد ايام الى قحطان يطلب فزعتهم ((ولكنهم لم يحضرو الا في نهاية المناخ)) وارسل ابن بصيص الى حرب يطلب فزعتها ايضا فاتى صنيتان الفرم وعبدالله الفرم ومن معهم من بني علي على الفور اجابة لطلب ابن بصيص مع ان شيوخ حرب قد نهوه عن ذلك ونزل عرجا فارسل محمد بن هندي مرسول الى صنيتان الفرم يطلب منه التراجع عن الدخول في المناخ فرفض الفرم وقال :ياحبيبي عندي تسعين حمدانيه فوقها تسعين محمد( ماحاربت من قبل ) وابوردها علاكم ياعتابه اما على خير او على شر .وبعدها بفتره اتت فزايع الروقه على الامير تركي بن ربيعان لمساندة اخوانهم البرقاويه فطالت الحرب تقريب الشهر واشتدا بأسها فارسل ابن بصيص سبوره الى عتابه يحبر اوضاعهم فعندما اقبلو يحفون العتبان واليا هذا فريق من الدغالبه وعلى راسهم الشيخ متلع المهري يعرض فوق حصانه ويقول

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    ياسبقي حرم علاك النوم =والصبح مقلاطك على الدخان
    يطير ياللي تصطفق بالحوم =انسف من الحربي على المطران[/poem]

    رجع السبور واخبروا نايف بن بصيص بما شافو فاضمر ابن بصيص الهزيمه وقال لربعه نبا ننسحب فامرهم باشعال النيران وربط الكلاب بجوارها للتمويه وهج ابن بصيص وربعه مطير اول اليل ولا ردهم الا فريثان وبعد هروب المطران واليا (( ال عاصم من قحطان)) قد نزلو الحسرج فازعين وقد ارسلو لابن بصيص مرسول يخبره بحضروهم ويوم حضر شاف نيران تشتعل وكلاب مربطه والقوم ماهم فيه فنكس من وراه واخبر القحاطين فهربو من وراهم لايلون على شي في تلك الاثناء قرر العتبان حسم المعركة اما لهم اوعلاهم فانقسمت عتيبه الى قسمين قسم نحر المطران بقيادة تركي بن ربيعان وقسم نحر عرجا بقيادة محمد بن هندي فاتجه كل جيش الى هدفه وكان التحرك منتصف الليل وعندما اقبل ابن ربيعان على الدوادمي يريد هجاد المطران فاذا النيران تشتعل والكلاب تنبح والقوم قد هربوا فالتف ابن ربيعان ناحية عرجا ولحق بابن هندي و التحم الجيشان على مشارف عرجا صباحا وعندما علمت حرب بهروب ابن بصيص والقحاطين وهجوم عتيبه عقلو الابل واستعدو للمعركه فلما اقبلت عتيبه كان عدد العطف التي سيقت هاك اليوم ثلاثة عشر عطفه في مقدمتها عطفة الرباعين والهيضل وابا العلا والمهري فاكتسحت خيل عتيبه حرب وماهي الا سويعات حتى انقشعت فيها مضلت حرب وغابت شمسها قبل الغروب وهزمة هزيمة بشعه ومنكرة .

    من نتائج المعركة

    1- القي القبض على صنيتان الفرم فوضعو الاغلال في يدين الفرم واخذو سيفه المسمى بالفسقان من يده واركبوه فوق بعيرٍ املح وانزلوه في بيته الذي اخذه محمد بن هندي مكبلا مصفدا بالاغلال
    ويقول احد شعراء عتيبه في صنيتان الفرم يوم القي القبض عليه واخذو سيفه الفسقان من يده

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    جبنا الشيخ العقيد مع النكيف=وضيفوه الحيل مكرمة الضيوف
    وبدل الفسقان بمشعاب(ن) قضيف=ايتعصا به بعد سيف السيوف[/poem]



    2-في اخر المعركة عندما رات حسنا ان قومها قد غلب على امرهم راحت تصيح وتذرف الدموع وتنخا حرب وهم مقفين عنها ومدبرين ويصومعون باذانيهم كي لايسمون صوتها وتكرر النخاوي ولكن لاحياة لمن تنادي واذا كوكبه من فرسان العصمه بقيادة الامير جزاء بن مشعان ابا العلا و الفارس محمد بن نافل الوقيتاني العمري العصيمي الملقب (( بابن صدعان )) قد اقبلو يردون عطفه حرب فقتلو حراسها .................
    يقول احد الشعراء في ذلك
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    جاب من بين الفروم الجادل المملوحه =يوم شاف الفرم بنت العود عط الصاحه
    شاف بنته بين دقلات الرمك مسدوحه = وارتفع بين الجموع صياحها وصياحه[/poem]

    ويقول الاخر
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    وبنت الامير اللي كلن ياعاشقها =ما فكها من شبكنا سيف معشوقه
    حسنا خذت عبدة العمري عشارقها=غصبن على فرمكم ماهيب مسروقه
    والعبد بالموس والسكين حلقها=جتكم ملط والقرون الشقر محلوقه[/poem]


    3-عندما ايقنت حرب بالهزيمه فكت عقل البل واقتفوها فرسان حرب على راس عبدالله الفرم فلحقهم فرسان الروقه في وادي شمال عرجا فطردو الحروب عنها واخذوها منهم عنوة وقهرا واسرو عبدالله الفرم ووضعو الاغلال في يدينه واركبوه على بعير والحقوه صنيتان الفرم وتقاسمت عتيبه ابل حرب وحلتها وبيوت شيوخها في ذلك الوادي فسمي الوادي بالمقتسم

    يقول فراج الدماسي
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    حنا سلايل روق وابن روق حنا = جبنا سهاف القود عجلات العطيف [/poem]

    4-استولت عتيبه على حلال حرب وحلتها ومن ضمن ذالك بيت صنيتان الفرم اخذه محمد بن هندي وبيت عبدالله الفرم اخذه تركي بن ربيعان وقيل ان بيت محسن الفرم اخذه جزا ابا العلا .


    5- .


    6-.

    7-من القصايد التي قيلة في مناخ عرجا هذي القصيدة للشاعر فراج التويجر يقول فيها


    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    حنا حمانا نجد بالله واستعنا =واهني من ربي عوين لّه كنيف
    حنا عتيبه فالحرايب ماشتحنا =انضير الناظر ويركب له وليف
    نسري وتال الليل يمشيبه ضعنا =مشي المثقل عندنا مثل الخفيف
    برقا اليا من الحرايب ولعنا =منزحة عن نجد دقلات الحفيف
    وحنا الهم مثل الجمال اللي تثنا =شيالة الحمل الثقيل عن الضعيف
    ياللي تجي هذال رد العلم عنا =لو هو باقصى مكه وبلدان الشريف
    حنا سلايل روق وابن روق حنا =جبنا سهاف القود عجلات العطيف
    في نجد ماخلينا القبايل تهنا =وكم واحدن من ضربا اقفا معيف
    ليت نايف حاضرن دقلت جملنا =حتى يفارق نجد بالقلب النضيف
    رديفكم من عرجا شلناه لاهلنا =عيب(ن) عليكم يا مخليت الرديف
    العام يومنك نخيته ما تونا =واليوم خليته بعد جالك حليف [/poem]


    ويقول فراج ايضا مخاطبا نايف بن بصيص

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    يا ولد باقان عود لا تزوم= النصيحه تنشري ما تسام
    قبل ترطن فوق راسك رطن روم = ما تميّز ويش داخن من عسام
    هللت ثم ارعدت فوق الفروم= واسلّم الثلثين والاّ الثلث اقام
    غشت صفر الطوال ابو زقوم= وبردها النقريز فضاي العظام
    وغيرها شلف(ن) تنازا بالسهوم= من يدين مجربين ما تهام
    النصيحه قدم فرك الخشوم= لايبرق لك عميلك فالعدام
    شوف عيني مع غطاليس النجوم= صقعهنه بالحوافر فالمسام[/poem]

    وباقان هو هذال ابو نايف بن بصيص وسمي هذال بذلك الاسم(باقان) بعد ان انسحب من ميدان المعركه هو ومطرانه وباق أي خان تركي بن حميد وبرقا وتركهم يواجهون قحطان يوم البديعه الشهير.

    وهذه عاده يتوارثونها البصايصه اب عن جد ويسيرون عليها وهي الانساحب من المعركه وترك الحليف يواجه مصيره

    ويقول فراج التويجر ايضا

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    اللي على الحسرج طق وانحاش =اوحى صياح اللي مع التسرير[/poem]

    يقصد قحطان ومطير

    ويقول احد المقطة
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    علم اللي ما حضر يوم عرجا والقهب=يوم ضرب الخيل والملح غادله رطين
    يوم جانا الفرم صايل عطيناه الوجب=طعمة من الله وحنا صافطين
    يوم جو وجينا تعاقبنا السبب=رح نص المال والناس عند المارتين
    واحمد اللي طلق العقد ورباط النشب=يرجح الميزان للشيخ مثله كل حين [/poem]


    ويقول ايضا احد شعراء عتيبه
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    وتدهورة حرب يوم الله دعا فيها =ماسرها قبل دقلتنا تبخترها
    عطفت قبيلتك جبناها وما فيها =بنت الامير اللي تنخا عشايرها
    تنخى بني علي وتكرر نخاويها =ولا فكها فعلكم من كف خافرها
    ثم ادبرت حرب تصومع باذانيها =من صوت حسنا تخاف انه يفجرها
    ما منكم اللي ثنالها يوم يوحيها =ذلت وتلت وذل اللي يشاطرها[/poem]

    ويقول احد العتبان يصف ما حدث لحرب في يوم عرجا
    [poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    يومن يشيب هل العادات من هوله =فيه المنايا مادتن مخالبها
    حيث انحنت وانثنت فالحرب مخذوله = وفسقانها فارق الفسقه وجنبها
    والهودج اللي عليه البنت محموله = جينا نقود الجمل والبنت نسحبها
    يوم انثنى شيخكم ما فك محموله = اخذنا ذهبها وقطعنا ذوايبها
    حسنا سحبنا جملها من ورى الضوله =ومحسن عطيناه نجلا ما يقوم ابها[/poem]

    انتهى الحديث عن هذا المناخ ويليه مناخ الرشاويه
    تم التعديل الأخير بواسطة ولد حبرود؛ 03-Apr-2008, 06:41 PM.
  • ولد حبرود
    عضو فعال
    • Feb 2007
    • 142

    #2
    ثانيا
    مناخ الرشاويه

    بين عتيبه من جهه وبين مطير وحرب

    عام 1227هـ

    جاء بني عمرو على شيخهم ناهس الذويبي وبني سالم على حجاب بن نحيت ومن معهم من حرب يريدون نزول واد الرشا والرعي فيه وعندما علم الشيخ محمد بن هندي بذلك اتى بمن معه من البرقاويه لايقاف الحروب وفعلا عندما بدا الطراد والمعارك كان النصر حليف البرقاويه وعندما اضرست حرب المعارك والهزايم التي منيت بها ارسل الذويبي وابن نحيت للشيخ فيصل الدويش شيخ شمل قبايل مطير يطلبون العون والفزعه بسبب عدم قدرتهم على الصمود امام البرقاويه فعلم الشيخ محمد بن هندي بان حرب ارسلو يطلبون فزعه الدويش فقام و ارسل للروقه يطلب فزعتهم حيث بعث مرسول الى الشيخ مارق الضيط بالذات يطلب حضوره حيث قال
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    سلام يا منـي وأنـا لـه=من دون الأقصى والقريب
    اليا صفى جالـي وجالـه=عداتنـا لطـم الحريـب[/poem]

    وعندما وصلت الابيات الى الضيط لبا نداء ابن حميد واتى فازع لعيال عمه البرقاويه بالروقه وبرفقته الشيخ ناصر بن عقيل وذوي خيوط الدعاجين في تلك الاثناء
    اتى فيصل الدويش بالفزوع ففرحت حرب وقدمة له احترامها وطاعتها فجعلوه قائد المعركه والامر الناهي والمدبر فيها
    ومن قصايدهم في الشيخ فيصل بن سلطان الدويش هذه القصيدة لعيد بن العويرا السالمي شاعر حرب المفوه المشهور
    حيث يقول
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    ياللي تجي الكرزان مع روق وعصيم=شدو ترا واد الرشا راعيه جاه
    الحر الاشقر جا لجنحانه وشيم =صيرمين يهوي على عدوانه من سماه
    بالمخلب اللي يكسر العظم الصميم =فيصل ولد سلطان عيد اللي نخاه[/poem]

    ((ولكن ماعين خير العويرا وخسر الدويش وخسر اللي استفزع به )))



    فعندما دارت المعارك بين عتيبه من جه وبين مطير و حرب من جهه صار هناك العديد من الاحديات التي رددوها شيوخ عتيبه منها هذه الاحديه للشيخ مارق الضيط حيث يقول
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    يأهل الرمك ميلو على الربان=سوو سواتي ياهل الزلبـات
    الحـي لابـده مـع الحيـان=ومن مات منا يلحق اللي مات[/poem]

    ويقول راع البرصا:

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    الديــره الها ســـلةٍ ونصــاب = ونصابـها خف ومراه
    ربعـي كما ســيل النحا نهّاب = يركب على روس العدام غثاه
    وان ما خذينا البيت بالاطناب = يحرم علينا نجد ما نرعاه[/poem]

    المهم هجمت عتيبه على قوات التحالف فهزموهم شر هزيمه وقتل مارق الضيط ماجد الدويش وقتل دغليب السماري فاجر الذويبي, وقتل جهجاه الهريفي ابن درويش, وقتل نايف ابالعلا ابو عبيد الدويش, و قُتل ضيف الله بن تنيبيك زبن الذويبي وكذلك قتل من مطير طلال بن هدبا وهرب فيصل الدويش ومطرانه نحو القصيم وكذلك هرب بني سالم وبني عمرو وغبرتهم سواة المعاصير وطارت ركبهم فوق الركاب ولا ردهم الا قارة مغيب وكذلك هرب ناهس الذويبي من امام دغيليب السماري بعد مبارزه شرسه وظل دغيليب السماري يطرد الذويبي ويعتزي خيل جبله دغيليب ولكنه سلم وكذلك ظفر الشيخ ناصر بن عقيل ببيت ناهس الذويبي بعد المعركه بايام فاخذه وكان المناخ هزيمه ساحقة و بشعه ومؤلمه ومنكره لقوات التحالف (مطير وحرب) وكان ممن قتل من عتيبه ذلك اليوم (والكذب مافيه خير )) ولد جهجاه بن حميد اذبحوه مطير وكذلك علي الفجري اذبحوه حرب .
    الله يرحمهم بواسع رحمته .

    من القصايد التي قيلت ذلك اليوم قصيدة
    لنامي ابن ثعلي العضياني يقول فيها
    :
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    ورد الراي منهم للثنين =حراراُ بالأمور مجربين
    --( قاصرت اليدين الطايلات)--
    ابو بدر لطام الحريب= مشبع بالمعارك كل ذيب
    --( ليا جت صادراتاً واردات )--
    وناصر شوق ميال الردون= ليا جو للقوافل يدفعون –
    (وجت الخيل بالبس ادقلات)--
    وماجد طاح من مارق شمام=يوم الخيل غاطيها عسام
    --(والاهاوي والعزاوي حاميات )--
    وهجو من جنابه فرقتين = ايمنهم وطا خشم القرين
    --(وايسرهم وطا خشم اكبشات)—[/poem]

    ويقول ايضا احد الشعراء عندما قتل الضيط ماجد الدويش
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    وطاح ماجد شيخ علوى قويين السطر = من يمين مارق وثارينابها[/poem]


    ويقول جهجاه الهريفي :

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    وادي الرشا جاله يبا تبريش = عَـيّـا جنـابه يقـبل الحصنان
    الطير ينقب عين ابن درويش = وان جاع نرمي له من الدوشان[/poem]

    ويقول الشيخ نايف اباالعلا عندما قتل الدويش وكان صغيرا

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
    ياواصلن عبدالعزيز =قله حمينا دارنا
    وابوعبيد خلي بالمداس=داجن عليه امهارنا[/poem]


    ويقول الفارس مزيد المقاطي
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    ياطارش منا ترد علوم = ياليت ابو تركي بعينه شاف
    الخيل كدت مثل كد الروم = سقنا المزٌين والجموع رداف
    راحو عن الرضمة ثلاث قسوم = لين الذويبي من دويشه عاف[/poem]

    ويقول شاعر حرب عيد ابن العويرا السالمي هذه الابيات يوم اخذ ناصر ابن عقيل بيت ناهس الذويبي
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    وابيتنا اللي بين عريول وجفين = بيـت الذويبي وابتناه دعجاني
    اسودن كحيلي مثل صمة التيـن = وأنا أشهد انه من خيار المباني
    وابيتنا اللي في نحور الدماسين = بناه ناصر يم خشم ذهلاني[/poem]

    ويقول احد المقطه هذه الاحديه في يوم الرشاويه
    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    ياحرب ياللي من ورى القعران = تبون نجد ونجد حنا فيه
    واد الرشا حاميه ابو سلطان = ماحدٍ خشر في نجد مع راعيه
    نركب على اللي تطرش العنٌان = والروح تدبيره على واليه[/poem]



    ويقول الشاعر شويمان ابا الجلادا العصيمي هذه الابيات بعد نهاية المناخ وانتصار عتيبه الساحق يرد على قصيدة عيد بن العويرا السالمي التي قالها في فيصل بن سلطان الدويش

    [poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]

    وادي الرشا ماهوب اصيله من قديم=الالمن ساق الجمل ثم احتماه
    عنه الدويش محدرينه للقصيم =ماهوب حربي(ن) نفخر ذربه يباه
    وعنه لليمن طردنا بني مضيم =نطدر كسايرهم اليا حد الحصاه
    والحر الاشقر نتفوا ريشه عصيم =ذبحوا شيوخه يوم ربي ماهداه
    وعينت فيصل يوم دبر الكريم =يركض وزماله عيونه في قفاه
    في غارته ماروعه غير الحريم=وبوارديه في البهم قالوا رماه
    على راي بن هندي عسى عمره مديم=وحنا كما حر كتف عقب مهواه[/poem]


    هذا والله اعلم وصلى الله على نبينا محمد وعلى اله وصحبه وسلم
    المصادر اشرطه ل
    متعب مضيان السليس العطاوي
    كديميس صالح الشفيعي العصيمي
    معجب محسن الصعيري المطيري
    وكتاب ابن بليهد
    اخوكم ولد حبرود
    تم التعديل الأخير بواسطة ولد حبرود؛ 03-Apr-2008, 06:44 PM.

    تعليق

    • نجر بن هاجد
      موقوف لمخالفة الأنظمة
      • Oct 2007
      • 1701

      #3
      الله الله عليك يولد حبرود كفيت ووفيت مشكور وراها حبة خشم من ابوهاجد

      تعليق

      • ولد حبرود
        عضو فعال
        • Feb 2007
        • 142

        #4
        بيض الله وجهك يا ابو هاجد

        تعليق

        • عتيبـــــ ولد ــــــــة
          عضو ماسي
          • May 2007
          • 760

          #5
          الله يعطيك العافية بس أنا اللي قريته في المنتدى هنا بوووه اختلاف بسيط مو في الأحداث بس في ترتيبها ودقتها ..

          عـ العموم ما قصرت ووضحت شي كان مسوي لي لبس شويااات ..

          تعليق

          • القناص العطاوي
            عضو
            • Dec 2007
            • 17

            #6
            تسلم يالغالي على الشرح على ماضي عتيبه اللي معروف لاكن البعض يحاول ان يبني امجاده على حساب عتيبه من مطير وحرب وقحطان .................................................. .................................................. .................................................. ...................

            تعليق

            • مشاري الحبردي
              ذيـب الـهـيـلا
              • Aug 2006
              • 4888

              #7
              صراحة
              اللسان يعجز عن الشكر ....
              موضوع يستحق التثبيت

              نناشد المشرفين بالتثبيت

              تعليق

              • شاعر القوابعه
                موقوف لمخالفة الأنظمة
                • Oct 2007
                • 341

                #8
                مشكور ولد حبرود

                تعليق

                • ولد حبرود
                  عضو فعال
                  • Feb 2007
                  • 142

                  #9
                  عام 1213هـ
                  تصحيح
                  عام 1313هـ

                  عام 1227هـ
                  تصحيح 1327هـ
                  ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

                  ولد عتيبه, القناص العطاوي, مشاري الحبردي , شاعر القوابعه
                  حياكم لله من اولكم اليا تاليكم
                  والف شكر على المرور

                  تعليق

                  • أبو ذعار المسعودي
                    عضو فعال
                    • Aug 2007
                    • 114

                    #10
                    لاهنت يا ابن حبرود علي الموضوع وبيض الله وجهك

                    تعليق

                    • ولد حبرود
                      عضو فعال
                      • Feb 2007
                      • 142

                      #11
                      أبو ذعار المسعودي
                      حياك الله
                      ومشكور على المرور

                      تعليق

                      • عبدالرحمن الهيلوم
                        عضو
                        • Apr 2007
                        • 21232

                        #12
                        قولوا
                        امين الله يرحمهم جميعا ويغفر زللهم وزللنا
                        ويصلح شان امة محمد
                        جاهليه الله لايردها !!

                        تعليق

                        • /عبد العزيز الجذع/

                          رابطة محبي الهيلا

                          • Apr 2008
                          • 7289

                          #13
                          [move=down]مشكوو يا ولد حبرود [/move]

                          تعليق

                          • ولد حبرود
                            عضو فعال
                            • Feb 2007
                            • 142

                            #14
                            عبدالرحمن ,عبدالعزيز
                            هلا وغلا
                            ومشكرورين على المرور

                            تعليق

                            • المثوثي على روس
                              عضو
                              • Feb 2007
                              • 12

                              #15
                              بيض الله وجهك
                              انا اشهد انك كفيت ووفيت

                              تعليق

                              العمل...