معركة العويند الاولى 1273هجري

طي
X
 
  • التوقيت
  • إظهار
مسح الكل
المشاركات الجديدة
  • الخنفري
    عضو فضي
    • May 2003
    • 210

    #1

    معركة العويند الاولى 1273هجري

    معركة العويند واحدة من أشهر واولى المعارك بين عتيبة ومطير وحدثت عام 1273 للهجرة

    أسباب المعركة :

    لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان فجاؤ بعددهم وعتيدهم لمحاربة عتيبة وهذي هي بداية المعارك بين عتيبة ومطير لان عتيبة ومطير كانو قبل 1269هـ حبايب ولم يوجد في كتب التاريخ ألا انهم كانوا يتعاونون مع بعض قبل تلك المعركة ولما اجلت عتيبة قحطان بدت المشاكل بين مطير وعتيبة ومنها معركة العويند الأولى.

    المعركة :

    رأى الدويش انفراد عتيبة بوسط نجد فجمع مطير علوى وبريه والتقت جموعهم بجموع تركي بن حميد على العويند في يوم تشيب فيه الولدان والتحمت الجموع وسالت الدماء وتناثرت الجثث وقتل من مطير الكثير ومنهم عدة شيوخ وانهزمت جموع الدويش.

    المصادر : يقول ابن بليهد رحمه الله عن معركة العويند : "واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير " أ.هـ كلام ابن بليهد ج/1 ص 46

    من القصائد التي قيلت في العويند الأولى ...

    يـا راكب اللي ما ترقـع رهـوقـه
    حرً على قطع أشهب اللال صبار
    هاته ودنـه وانسـف الكور فـوقـه
    أسبق من اللي يدهل العش بالغار
    كـودً على عيرات الأنضا لحوقه
    فـجً عضـوده مـا قـطع في رحـا الزار
    وحسو الرويقي نسم النضو فوقه
    والـحـسو قدامـك مـن الصيف مـعـتار
    ملفاك شيخً زين الله وفوقه
    ضيـف الله اللي يـكرم الـضيف والـجـار
    ليا قال ويش النضو يا للي تسوقه
    قـله مـن ابـن حميد يـوصلك الأخـبـار
    رد البرا من فوق عقله خنوقه
    وثـور ظـعنـهـم نـاحـرن عـقلـة الـجار
    جونا بجمع جات علوى تسوقه
    حـمرً على مـاوصـف الخشم سنجـار
    جونا يبون العد والعد فوقه
    ربـعٍ مـسقـيـة الـعدا كـاس الامــرار
    خذنا الجمل والبيت والقين فوقه
    وتـسعين لحية في حجا القوز ما سار
    كم جادلٍ ريح العويدي نشوقه
    مـن عـقـبـنـا قـامـت تـقـلـط لقصار
    انه ضيف الله عن الورد فوقه
    مير أبتـخص حتى تسمـع بـالاشـوار


    وقال ايضا الشاعر فهم الجنيبي العصيمي في قتل الفارس المسمى ابو صفرة الدويش

    ياذيب عن جا ل العويند لا تغيب
    من أشبعك ياذيب لا تنسى جزاه
    ربع بابو صفرة وكل ابلج حبيب
    شـيــخً نــوانـا بـالـبـلا والله بـلاه




    وسلامتكم
  • ابن مشيب
    إدارة أقسام القبيلة
    • Nov 2002
    • 9791

    #2
    تسلم على هذة المشاركة الرائعة ياخوي الخنفري , ماقول غير بيض الله وجهك.

    تعليق

    • عين العقل
      ناقد ومحلل
      • Jun 2003
      • 1968

      #3
      مشكور يالخنفري وبيض الله وجهك ....

      وأجمل مافي الموضوع ... ( المصادر) ... عشان بس نقطع دابر العالم الي أنت خابر

      بس لي ملاحظة بسيطة ... قصيدة الشاعر فندي المقاطي ....

      يـا راكب اللي ما ترقـع رهـوقـه *** حرً على قطع أشهب اللال صبار ..
      هاته ودنـه وانسـف الكور فـوقـه *** أسبق من اللي يدهل العش بالغار

      ماقيلت في العويند الأولى ... قيلت في العويند الثانية 1288 هج بقيادة عقاب بن شبنان ...

      وسلامتك ........... |4|

      أهداء خاص :
      يـا راكب اللي ما ترقـع رهـوقـه *** حرً على قطع (أشهب اللال) صبار .. |4|

      تعليق

      • عين العقل
        ناقد ومحلل
        • Jun 2003
        • 1968

        #4
        أضافة :

        في العويند الثانية راحت العطفه على المطران ...

        خذنا الجمل والبيت والقين فوقه
        وتـسعين لحية في حجا القوز ما سار
        كم جادلٍ ريح العويدي نشوقه
        مـن عـقـبـنـا قـامـت تـقـلـط لقصار
        انه ضيف الله عن الورد فوقه
        مير أبتـخص حتى تسمـع بـالاشـوار

        وبعدين ترى فيه ناس واجد تخلط بين قصائد العويند الأولى والثانية ... للتنيه فقط

        سلام ........

        تعليق

        • الخنفري
          عضو فضي
          • May 2003
          • 210

          #5
          ابن مشيب وعين العقل
          لاهنتو ياخوان على مروركم للموضوع والتعقيب عليه
          اما القصائد فنحن اجتهادنا ولكل مجتهد نصيب

          واللي عنده تعقيب المجال مفتوح للتوضيح
          وسلامتكم

          تعليق

          • فهيد العتيبي
            عضو نشيط
            • Jul 2003
            • 35

            #6
            يعطيكم العافية

            في معركة العويند

            ذهب ابن بصيص شيخ الصعران من مطير والدويش إلى ضيف الله الذويبي من حرب

            ليحارب معهم. لكن الذويبي قال أنا بيني وبين الحمدة عهد فلم يذهب معهم.

            ذهب الدويش وابن بصيص إلى العويند

            ويقوم الدويش يرفع الشلفا

            قال له أبن بصيص( يا دويش لا تشقق.. يحدونا الرياجيل عن الما إنهلك)

            وهذا حكم على الامور قبل حدوثها من الدويش

            وفعلا انتصرت عتابة صفوة شبابة على مطير

            قال شاعر عتيبة:

            خذنا الجمل والبيت والقين فوقه
            وتـسعين لحية في حجا القوز ما سار
            كم جادلٍ ريح العويدي نشوقه
            مـن عـقـبـنـا قـامـت تـقـلـط لقصار
            انه ضيف الله عن الورد فوقه
            مير أبتـخص حتى تسمـع بـالاشـوار

            تعليق

            • فهيد العتيبي
              عضو نشيط
              • Jul 2003
              • 35

              #7
              ملاحظة

              أبو صفرة ظنتي ما هو من الدوشان

              هو من الرخمان من الموهة من علوى. هو أشهر احد فرسانهم

              تعليق

              • عين العقل
                ناقد ومحلل
                • Jun 2003
                • 1968

                #8
                فهيد مشكور طال عمرك ........
                والقصة التي ذكرتها في العويند الثانية ... والي فيها قصيدة فندي المقاطي
                وتسلم يالذيب .......ولايسلم ردي العزايم

                تعليق

                • عين العقل
                  ناقد ومحلل
                  • Jun 2003
                  • 1968

                  #9
                  وفعلا أبوصفرة من الموهه مو من الدوشان وكان من روؤساء مطير في العويند الأولى ............

                  تعليق

                  • فهيد العتيبي
                    عضو نشيط
                    • Jul 2003
                    • 35

                    #10
                    الله يسلمك يا عين العقل

                    يقال ان بنت الدويش كانت متوقعة الهزيمة

                    ووخذت عطفة الدويش في ذلك الكون

                    تعليق

                    • عين العقل
                      ناقد ومحلل
                      • Jun 2003
                      • 1968

                      #11
                      تسلم بافهيد
                      العطفه وراحت ........
                      بس كون الهزيمة متوقعة ... فذي مايبيلها ذكاء هههههههههههه

                      تعليق

                      • عين العقل
                        ناقد ومحلل
                        • Jun 2003
                        • 1968

                        #12
                        وبعدين يافهيد تراني يوم أقراء مشاركاتك طال عمرك .. وخصوصا عبارتك (( وفعلا انتصرت عتابة صفوة شبابة على مطير )) ... ذكرتني بمقال الأخ المؤرخ (هنيدس الروقي) عن (عتيبة والأرث الموروث) ... لأن كثير من العتبان ينطق بعبارات مغروسة في قيمه وأنتماءه القبلي حتى لو لم يعرف المعني اللفظي لها ... وذي هدية فوق البيعة للي يقولون أن عتيبة ليست الأصل الأصيل لشبابه .....

                        لـيــا جـــاك طـرقــي العتـيـبـي بـعــد يـــاس ** يـنـشـد عــــن الـعـتـبـان (صفوة شـبـابــه)

                        وتسلم يالذيب ............

                        تعليق

                        • هداج
                          عضو نشيط
                          • Jul 2003
                          • 55

                          #13
                          الخنفري

                          قلت مانصه :

                          ((لما رأت مطير ان عتيبة ضربت بسطوتها في وسط نجد بعد معركة سناف الطراد طمعت في اعادة أمجادها القديمه في نجد بعد اجلائهم لعنزه وقبل أن تخرجهم منها قحطان ))
                          معنى كلامك ان مطير كانت في نجد وتم اخراجهم الى مواقع عنزه وهذا كلام واضح ودقيق


                          لكن عندما تقول مانصه : (( ولما اجلت عتيبة قحطان ))

                          هل تقصد ان عتيبه اجلت قحطان من نجد كما اجلت قحطان مطير من نجد ياليت توضح .

                          تقبلو شكري وتقديري

                          أخوكم // هدااااج

                          تعليق

                          • عين العقل
                            ناقد ومحلل
                            • Jun 2003
                            • 1968

                            #14
                            الأخ هداج ........

                            يعني كون قحطان أجلت مطير من نجد فذا كلام واضح ..... ودقيق ولكن كون عتيبة أجلت قحطان من نجد فذي يبي لها توضيح ... !! على العموم ... أجلاء عتيبة لقحطان , وأن لم يكن موضوع النقاش هنا ... أمر مشهور ومعروف ... وأذا تبي تناقشه حياك الله بس أنصحك ترجع للمرادات الشعرية بين تركي بن حميد و بن قرمله وتفسر لي ذا البيت ...( أن كانك باول الخيل ملحوم *** فأنا برمحي حامين (نجد كله) ..) ؟؟؟
                            البيت ذا من راعيه ؟؟؟ وموجه لمن ؟؟؟ والشيخ الي برمحه حامين نجد كله وش صار عليه ؟؟؟ ووين راح وترك القطاع الأعظم من هضبة نجد تحت سيطرة عتيبة ؟؟؟
                            وموضوع المعركة هنا عن العويند الأولى ... وواضح جدا أن مطيركانت تبي نجد من عتيبة ...طيب .. وين قحطان ... وقت الوقعة ؟؟؟ ... يعني ليش عتيبة ومطير ماتحالفوا لهزيمة الشيخ الي برمحه .. ( حامين نجد كله ) ... أو بمعنى أصح .. هل الشيخ بن قرمله كان لايزال يسيطر على نجد وقت وقعة العويند بين عتيبة ومطير ... أذا تبي تقول موجود ومسيطر على نجد ... طيب وش سبب العويند الأولى ؟؟...وكيف بن قرمله يترك القبايل تشب الحروب فنجد وشيل أبوك وحط أبوك وهو موجود ونجد تحت سيطرته ؟؟؟ وأذا بتقول ترك نجد ... فأنت حسمت النقاش مبكرا ... الأجابة واضحة يارفيقي ... بس عاد حذ راحتك فالرد ؟؟ وعطني بعد فرصة أذا انت رديت لأني بغيب كم يوم ... (( نلحق الصيف ... قضى ... وحنا ماصيفنا ههههههههههه )) ........

                            وتسلم ولايسلم ردي العزايم .........

                            تعليق

                            • عين العقل
                              ناقد ومحلل
                              • Jun 2003
                              • 1968

                              #15
                              على فكره البيت ذا ... ( كانك بأول الخيل ............. ألخ ) ... يحطم معنويات الي يبي يوهم الناس أن قحطان تركت نجد قبل نزول تركي بن حميد وأن بن حميد وجد أرض فضاء مايتسمعش فيها صريخ أبن يومين ههههههه ؟؟؟ لأني مستحيل أصدق أن زعيم قبلي بحجم بن قرملة بيقول شعر ...((خرابيط)) ؟؟؟ ... ألا أذا الأخ هداج القحطاني عنده كلام ثاني ؟؟؟؟؟

                              تعليق

                              العمل...