وقعة عقيلان بين عتيبه وقحطان

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • هداج
    عضو نشيط
    • Jul 2003
    • 55

    #1

    وقعة عقيلان بين عتيبه وقحطان

    يقول ابن شعوا الخنافر من قحطان في وقعة عقيلان بين بعض من قبائل عتييه ومن معهم عن سبيع بقيادة محمد بن هندي، وآل مسعود ومعهم ضويحي من آل الجرو من عبيدة بقيادة جعفر ابن عبّود:

    [poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
    حر شهر من صوب نجد مطاره=يبى المطار وقرب الفطر الشيب
    صدر من الصخه تقطع شراره=يتلاه من قومه سواة العياسيب
    وردد جيشه من عدام الزباره=وحفوه صحبانه بكثر المناديب
    قدم حشيفان يبي له سباره=متعلي في نايفات المراقيب
    على عقيلان رماله بغاره=ويشيب اللي ما حوله يشيب
    غاروا محوشة الدبش في انتشاره=آلاد الكريزي ميبسين المشاريب
    فلحقو قحاطين سواة النماره=والكل منهم حثها بالعراقيب
    بشلف مواقعها سواة الحجاره=صويبها عيت تسره لطابيب
    يامسوي الفنجال زود بهاره=صبه لـ عروان وثنه لبو ذيب
    وعده على الشاوي متيه بكاره= ضويحي شوق البنات الرعابيب
    عاداتنا في الصيد ننقى خياره=ثلاثة الجذعان غصب بلا طيب
    انا أشهد انها حجة باعتماره=عراضة الوكحى نجوم المغاييب
    اللي شرد وخللا الحويا يساره=واللي نحر رنيه يدور معازيب
    واللي قعد في دوس خيل المغاره=يكسر عليه الطير ويشبع به الذيب



    [/poet]

    ثلاثة الجذعان // يقصد مقتل ابناء ابن هندي الثلاثه
    عروان // يقصد الفارس عروان من اّل مسعود قحطان
    أبو ذيب // يقصد الفارس الشيخ جعفر ابن عبود شيخ اّل مسعود قحطان
    الشاوي // يقصد ضويحي من آل الجرو من عبيدة قحطان
  • geath
    عضو فضي
    • Apr 2003
    • 229

    #2
    تسلم يالذيب

    اخوي فيه حضر من الشعراء ينقالهم المسعود هم من قحطان

    تعليق

    • ابن مشيب
      إدارة أقسام القبيلة
      • Nov 2002
      • 9791

      #3
      اخوي هداج مساك الله بالخير/

      قلت مانصه: ( بين بعض من قبائل عتييه ومن معهم عن سبيع بقيادة محمد بن هندي ).

      اولاً: الشيخ محمد بن هندي بن حميد رحمة الله عتيبي وشيخ قبيله عتيبه وليس سبيع.

      ثانياً: هذي كيف تجي وكيف تركيبتها , المعركة هل هي بين عتيبه انفسهم , ولا بين عتيبه وسبيع , ولا بين سبيع وقحطان , ولا بين عتيبه وقحطان , ولا بين عتيبه من جهه وسبيع وقحطان من جهه , ولا بين عتيبه وسبيع من جهه وقحطان من جهه , اتمنى منك اخوي ان تكون الكتابه مفهومة وموضحة وليست متداخله كي يفهم القارئ.


      اخوك:
      ابن مشيب.

      تعليق

      • هداج
        عضو نشيط
        • Jul 2003
        • 55

        #4
        geath

        يامرحبا بك أخي الفاضل

        وبالنسبه لـ المسعود أهل الشعراء ماعندي أي فكره عنهم

        تقبل شكري وتقديري

        أخوك / هداج

        تعليق

        • هداج
          عضو نشيط
          • Jul 2003
          • 55

          #5
          ابن مشيب صباح الخير

          المكتوب بين من عنوانه الله يرضى عليك

          أخوك // هداج

          تعليق

          • ابو فراس
            مراقب سابق
            • Jun 2003
            • 1421

            #6
            اخوي هداج

            حقيقه انا رايي من راي ابن مشيب

            وليت توضح اطراف المعركه من ضد من

            تعليق

            • هداج
              عضو نشيط
              • Jul 2003
              • 55

              #7
              المتنبيss

              القصيده فيها ما يجيب على تسائلك

              فأرجو قرائتها بتمعن وشكرا

              مع تحيات أخوك /// هداااج

              تعليق

              • عين العقل
                ناقد ومحلل
                • Jun 2003
                • 1968

                #8
                مشكور أخوي هداج على القصيدة والله يرحم موتى المسلمين وعلى قولة بن حميد الله يرحمه ( ومحدن من الدنيا عظامه سلومي ) وياليت تكتب مصدر المعلومة وتاريخ الوقعة .......... وحياك الله عند أهلك

                تقبل تحيات أخوك : عين العقل

                تعليق

                • هداج
                  عضو نشيط
                  • Jul 2003
                  • 55

                  #9
                  آمين آمين الله يرحم موتى المسلمين وهذا الصحيح ماحدن من الدنيا عظامه سلومي على ماقال ابن حميد الله يرحمه والمعلومه مصدرها القصيده فالقصيده ذكرت اطراف المعركه ومكانها والمنتصر فيها القصيده موجوده في عدة مؤلفات وهي معروفه عند آل حميد ولا ينكرونها وهذا من طيبهم فالطيب يقول اللي له واللي عليه.

                  أخي عين العقل تقبل شكري وتقديري.

                  تعليق

                  • خـالـد
                    عضو
                    • Aug 2003
                    • 12

                    #10
                    Re: تسلم يالذيب

                    كاتب الرسالة الأصلية geath
                    اخوي فيه حضر من الشعراء ينقالهم المسعود هم من قحطان

                    لا من بني زيد 0

                    تعليق

                    • خـالـد
                      عضو
                      • Aug 2003
                      • 12

                      #11
                      الاخ هداج 0

                      ماراح من عتيبة عند قحطان واجد 0 وما راح من قحطان عند عتيبة واجد 0
                      ودوام الحال من المحال 0 لكن يا ليت تغطي ما حدث بين الطرفين 0 وبحيادية وانصاف 0
                      وللمعلومية سبيع لم تكن بهذه الوقعة 0 وكذلك الغائب من ما أوردته كثير 0
                      تحياتي 0

                      تعليق

                      • هداج
                        عضو نشيط
                        • Jul 2003
                        • 55

                        #12
                        الأخ خالد ياليت تقول ماعندك من معلومات عن هذه الوقعه لكي يستفيد الجميع

                        والقصيده وضحت المواقع والأطراف لاكن مايمنع ان نشرح بعض

                        ابياتها:


                        [poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        صدر من الصخه تقطـع شـراره =يتلاه من قومه سـواة العياسيـب


                        [/poet]

                        ((الصخه)) من مواقع عتيبه بالقرب من حلبان .

                        (( سواة العياسيب)) دليل على كثرة عددهم.




                        [poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        وردد جيشه من عـدام الزبـاره=وحفوه صحبانه بكثـر المناديـب

                        [/poet]


                        (( حفوه صحبانه بكثر المناديب )) يقصد سبيع ارسلو لعتيبه مناديب يستفزعون بهم.




                        [poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        غاروا محوشة الدبش في انتشاره=آلاد الكريزي ميبسين المشاريـب
                        [/poet]


                        ((آلاد الكريزي)) يقصد آل حميد شيوخ عتيبه



                        [poet font="Arabic Transparent,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        يامسـوي الفنجـال زود بهـاره=صبه ل عروان وثنه لبـو ذيب
                        وعده على الشاوي متيـه بكـاره=ضويحي شوق البنات الرعابيـب
                        [/poet]

                        ((عروان)) يقصد الفارس عروان ابن جاهل آل مسعود القحطاني
                        ((ابو ذيب)) يقصد شيخ آل مسعود من قحطان جعفر ابن عبود
                        ((ضويحي)) يقصد ضويحي من آل الجرو من عبيدة قحطان


                        [poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        عاداتنا في الصيد ننقـى خيـاره=ثلاثة الجذعان غصب بلا طيـب
                        [/poet]

                        ((ثلاثة الجذعان)) يقصد مقتل ابناء محمد ابن هندي الثلاثه


                        [poet font="Arabic Transparent,4,white,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
                        اللي شرد وخللا الحويـا يسـاره=واللي نحر رنيه يـدور معازيـب
                        [/poet]


                        ((اللي شرد وخللا الحويـا يسـاره)) الحويا شمال شرق من عقلان وبعد قتل شيوخ عتيبه ومن معهم شرد من شرد باتجاه الصخه .

                        ((واللي نحر رنيه يـدور معازيـب)) راحو للي حفوهم بالمناديب يدورون معازيب
                        فقالو سبيع ليتنا من حجنا سالمين استفزعنا بكم نبي الكسب وعودتو علينا دورون معازيب وركايب تردكم لأهلكم.


                        وكان عندك اي اضافات ياأخ خالد فلا تبخل بها علينا

                        أخوك ////// هداج

                        تعليق

                        • هنيدس الروقي
                          عبدالرحمن بن محمد بن هجهوج
                          رحمه الله
                          • Mar 2003
                          • 978

                          #13
                          وانا كنت فاهم ان القصيدة هي :
                          ثلاثة الجذعان غصبن بلا من !!!!!!!.....لشالح بن هدلان ...
                          أثرها لابن شعوا....
                          ثلاثة الجذعان غصبن بلا طيييييييييييب !!!!
                          انا كنت شاك في الاوله انها ما قيلت...
                          اثرها لابن شعوا....

                          أ‡أ،أٹأ¦أ‍أ­أڑ أ¥أڈأ­أ¥ أ£أ¤ أ‌أ‘أ¥أ¦أڈأ­

                          تعليق

                          • لــيــل
                            إداري سابق
                            • Nov 2002
                            • 409

                            #14
                            حللللوه ياهداج.


                            امس ماتعرف الهدو من الجزيه
                            واليوم تفسر القصيد

                            علمني بس عقيلان هذي وش بعدها عن فقارة نجد ؟



                            وياليتك تفك قحطان من سواليفك.......

                            تعليق

                            • عين العقل
                              ناقد ومحلل
                              • Jun 2003
                              • 1968

                              #15
                              فهمك صحيح ياهنيدس ...............
                              البيت ورد في مرادة العفار مع شالح بن هدلان بعد مقتل عبيد بن تركي بن حميد مقاضاة في الفديع .........
                              يقول شالح بن هدلان ...
                              عاداتنا في الصيد ننقى خياره *** ثلاثة الجذعان غصب بلا ((من))
                              ومرثية العفار في عبيد طويلة منها
                              أبكي عليك ياشباب ضو المناره *** وعليك ترفات الصبايا ((ينوحن))
                              بس القصيدة في مشاركة هداج مدري وش مصدرها !!!!

                              تعليق

                              العمل...