معارك عتيبه مع مطير

طي
تم إغلاق هذا الموضوع.
X
X
 
  • التوقيت
  • إظهار
مسح الكل
المشاركات الجديدة
  • الخنفري
    عضو فضي
    • May 2003
    • 210

    #76
    الشلاحي
    جاوبني انت من الذي قتل ابو حنيك ؟
    لا تتهرب من الاجابة اذكر من هو قاتله ؟
    وانا انتظرك

    تعليق

    • الامير
      عضو فعال
      • Jun 2003
      • 113

      #77
      مطير تعرف من عصور الجواهيل***يومن كلن نجدته من حزامه

      اخونا العتبان كثرتو الرد والسب في مطير وكثر الكلام غثى بال وخير الكلام ماقل ودل وانتم ما عرفتم تحشمون احد انتم تقولون ان مطير تصنعا مجدها بسوالف والكذب وتاخذون سوالف الكتب ليش ياحبيب ما تقرى كتب غلوب باشا او ديكسون وتعرف مجد مطير بعدين انتم يالعتبان تعرفون كم شيخ وفارس ذبحناه تقول العاتي بنت شلويح يعقاب الخيل بعده ماتغير********ماش يوم مثل يوم العرفجيه يقو واحد من الروقه في موت ضيف الله لاواقمرنا عقب ضاحه بان*******قطاع مسروح العزيب هذا ضيف الله وذبحناه وتركي وذبحناه والسالفه معروفه وسلفة شايد الحنتير وشلون كسرنا بيرق هذال بن فهيد الشيباني فالحرمليه فالحرمليه لخو هملا عسفنا******هذال عرفناه طرق السنوعي تحوفنا يا ذيب ثم تعرفنا***** تسري وبطنك لاقين فيه جوعي يقو العجمي فهيد الخفيف رحنا وجينا بالدويش المسمى *****له هجمة عند الضحى ينحكى بها من يوم جانا وابلهم ساهجينها*****خذنا معلقها وخذنا صعابها جانا بقوم يذهل الضد شوفهم*****وخيل تهاذب ماعرفنا حسابها ويقو محسن الهزاني قالو تتوب من الهوى قلت لا لا *****لين تتوب رماح علوى عن الزرق ماقال روق ولا برقا بعدين وقعة وريط الدم وين راحت ياعتيبه تقلون بس الحرمليه والرجال افعال لا تكثرون الكذب يقول الامير جهز بن شرار (ترى الظلايم ماتسرى القوم في حظ من يسعابها) في ابيات حق العتبان اهل السوالف والكذب ابيات الشاعر الامير فيحان بن زريبان يابنت شومي عن هوى كل كوبان*****من لايروي الرمح وش ينبغي به دايم يدير البيت عندك بالاعيان*******علم يودي له وعلم يجي به تخيري فكاك ربعه بالاكوان****راعي الكرم والفعل عطب الضريبه بعدين اخونا العتبان والله راح اتعب معاكم لما اقول حنا وحنا بس راح اقولك اكوان مطير وانشد شيبانكم عنها (كون مشذوبه_والعاذريات_الكير_المربع_وقعة لبن_الحرمليه_الرضيمه.................... راح اتعب معكم انتم يا العتبان مغير انا وانا والرجال افعال والرجل يذكر الي له والي عليه يقول الشاعر خالد المطيري:
      منت قد الحرب ولا الضرب حتى ترتكيله*****والعوارف خابرين من يقول انا وانا
      ويا الشلاحي لا تعب نفسك معاهم ولا ترد عليهم( كلام الملوك لايعاد)يا الشلاحي اشهدني يوم اشوف الناس لي ربع وقبيله****وافتخر دام اهل العادات والردات منا
      دون تقصير باق الناس والدعوه طويله****من تعرض عرضة اللقوات سموه المعنا

      تعليق

      • ابن مشيب
        إدارة أقسام القبيلة
        • Nov 2002
        • 9791

        #78
        اخوي الامير/ تقول:

        1- اخونا العتبان كثرتو الرد والسب في مطير وكثر الكلام غثى بال وخير الكلام ماقل ودل وانتم ما عرفتم تحشمون احد.

        الرد:
        تصفح منتداكم منتدى مطير جيداً , واذا كنت تتكلم بكل صدق , فاوالله لتستحي مماتراة في منتداكم.

        والعجب الذي لايتصور:
        اننا اذا اردنا ان نتحاور ومعكم , يأتون المشرفين ويمسحون الذي يثبت كلامنا ويتركون مايعجبهم ويقومون بالزيادة على كتاباتنا من عندهم فهل هذا هو المنطق ياعزيزي.


        2- ليش ياحبيب ما تقرى كتب غلوب باشا او ديكسون وتعرف مجد مطير.
        الرد:
        ليش ماكتبو عنكم العرب الذين عاصرو الاحداث ويعرفوكم جيداً؟؟؟؟؟؟؟؟؟؟؟؟؟

        3- ماش يوم مثل يوم العرفجيه
        الرد:
        العرفجيه بين عتيبه وحرب , مطير وش دخلها , وهذا الرابط عن العرفجيه للكاتب ابو فراس http://www.otaibah.net/m/showthread....&threadid=4993

        4- هذا ضيف الله وذبحناة.
        الرد:
        اين اثباتاتك , وهذا دليل انكم تريدون لكم تاريخ ولو بالكذب.

        5- وشلون كسرنا بيرق هذال بن فهيد الشيباني.
        الرد:
        ان كان افتخاركم يامطير في كسر الخشب , فإن عتيبه فخرها في كسر القبائل.

        واخيراً:

        كلامك واجد , من غير ادله ومصادر , تجيب من خرابيط عبد الدويش الي يبي يبنيلكم مجد يوم الناس في نعمة ورخى.

        بعض كلامك ووقعاتك بين مطير وقبايل اخرى , مادرى ليش جايبها في غير محلها.

        ونحن لانحتقر احد وكلاً فيه حقة , ولكن تجيبون اكاذيب ليس لها من الله سلطان ونرضابها هذا لن يحدث ابداً , واذا كنت تريد ان تحاورنا فلا بد ان تكتب وتوثق من مصادر , وليس على قولتكم هذولي حضران ماعلينا من كتبهم.


        وشكراً.

        تعليق

        • الشلاحي
          عضو نشيط
          • Jul 2003
          • 43

          #79
          الله يهداك يابن مشيب ويهدى الأمير معك

          تاريخكم نعرفه وتاريخنا تعرفه
          والحق ينقال : العرفجية لكم على حرب ولحرب أيام عليكم

          ولكم إنتصارات على مطير ولمطير مثلها والأيام دول وإنشاء الله تصدق

          والكذب أقبح صفة فالرياجيل وخصوصا القروم وماهو عيب إني أعترف

          بشيء قد حدث ولكن العيب أني اجادل بشيء أساسه من الباطل

          إبن مشيب : متى منتدى مطير يسب أتحداك تثبت ذلك بأي رابط

          منتدى مطير يتناقش مع أي باحث من القبائل الأخرى أما يسب القبيلة بعينها

          كما يفعل بعضكم معي لدرجة أنه تعدى علي بكلام لايليق فهذا مستحيل

          يمكن يكون هناك من الاعضاء بدافع الدفاع فتحذف ردوده أما الإدارة فلا وردها

          يكون بالادلة فقط . ممايميزكم عن باقي القبائل والشيء العجيب أنكم

          لاتعترفون بالأشعار كمصادر توثق التاريخ أي تنكرونها عليكم وتثبتوها إذا

          كانت لكم .

          الأمير : إبن العم الغالي أسلوبك فيه نوع من التهجم مانحتاج إليه ولانحتاج

          إنك تقول ذبحنا فلان وفلان أورد ماعندك كحدث تاريخي لتبين لهم ماتريد أو

          تثبت لهم مايحتاج لإثبات نحن في غنى عن كل هذا

          أرجو أن تطلع على الرابط الذي وضعه إبن مشيب

          تعليق

          • لــيــل
            إداري سابق
            • Nov 2002
            • 409

            #80
            اخونا /الامير


            حسبك تاريخ قبيلتك وانتصاراتها فقط......

            فهزيمة عتيبه امام قبيله اخرى لايعني انتصار لمطير باي حال , وارجو ان تسلك المسلك الصحيح وانتهاج الاسلوب المطلوب في الطرح .
            وعدم محاولة تشتيت الموضوع, لانه لافائدة ترجو من ذلك.


            اما قولك اننا لانحشم احدا, فكلامك مردود عليك,ومن يستاهل الحشمه يجدها.وانت ليس اهل لها.

            اخونا الشلاحي:

            لاداعي لوضع الروابط, فقط كل ما عليك هو ادخال "عتيبه" في البحث, واقرأ واستمتع ولاتنسى قرآة التواريخ........

            تعليق

            • ابن مشيب
              إدارة أقسام القبيلة
              • Nov 2002
              • 9791

              #81
              ابشر بما طلبت يأخي الشلاحي/

              1- انظر لرد الحجازي في هذة الصفحة:


              2- قال الجلغم في موضوعة هذة العبارة: ( فغاروا العبادل ومن معهم من الأفخاذ الأخرى على (هندي بن حميد )وقومه وقتلوه شّر قتله حيث قالوا والعياذ بالله مزقوا جسده الى أشلاء وعلقوا كل جزء في (سلمه ) ألا رأسه أخذه أحد الفرسان وعلّقه بسنان رمحه وراح يلعبه أمام جموع عتيبه ) على هذا الرابط:


              هذا قليل من كثير , وغيرها من السباب والشتائم التي تترك فترة لتقراء ثم تحذف بعد ذلك.

              وكان قبل انشاء هذا المنتدى منتدى الهيلا , نرى العجب العجاب في منتداكم , ولكن بعد فتح هذا المنتدى المبارك تم التوقف كثيراً من التهجم على عتيبه.


              وانا شخصياً وبكل صراحة ضد السب والشتم , ومع التحاور الهادئ والشيق والمثبت بمصادر , والله من وراء القصد.

              تعليق

              • الامير
                عضو فعال
                • Jun 2003
                • 113

                #82
                وريط

                تقولون ان مافي مناخ الا الحرمليه وين وريط ولا ناسينه ليش ماتذكرونها عتيبه كانت مع قحطان ونكسرت عتيبه وقحطان ياخي والله عيب كذبكم



                يقول سعد بن سلطان

                وريط يوم على جهاشا ****منه الصغار تشيب شوشها

                جتنا عتيبه على قحطان جهاشا****ومطير تاقفلها ومطير تكرشها

                تعليق

                • الامير
                  عضو فعال
                  • Jun 2003
                  • 113

                  #83
                  وريط يوم على العتبان مغباشه****من الصغار تشيب شوشها

                  جتنا عتبه على قحطان جهاشا*** ومطير تاقفلها ومطير تكرشها

                  تعليق

                  • ابو فراس
                    مراقب سابق
                    • Jun 2003
                    • 1421

                    #84
                    العيب ياالامير ان الرجال يقول كلام مايقدر يثبته

                    اثبت لى وريط هذي ........

                    وبعدين ترا البيوت اللي جتها سوالف مهيب قصيده !!!!!!!!!!!

                    وابن عبار العنزي يقول

                    ادخل على ربعٍ يفكون الانشاب ........... فيهم سطر شمر ونخوة عتيبه

                    اما الحرمليه التي يتغنى بها مطير وغيرهم فهي لكل مدرك ومطلع لاترقى لذلك المجد المنشود في انفسٍ تجمعت فيها ويلات الهزائم الكاسحه والمتتاليه
                    ويكفي ان ابن زريبان يقول فيها
                    رديتها لمنجي الحرد ضيدان ........... ماني بمن في الضيق ينسى صحيبه
                    وانا ابنشدك الرده للمنتصر ولا للمهزوم !!!!!!! لا ويقول بعد.. اما قفته اليوم ولا تجيبه !!!!
                    ترا الحرمليه مناخ ماهيب معركه واللي يفهم يفهم

                    تعليق

                    • الخنفري
                      عضو فضي
                      • May 2003
                      • 210

                      #85
                      الاخ الامير
                      سنتطرق الي مواضيعك اللي طرحتها حته حته
                      اولا : ذكرت غلوب باشا وديكسون
                      فاذا حاب اني انقل لك بنص من كتاب غلوب باشا فانا حاضر اما ديكسون فقد عايشكم انتم فقد ومع ذالك تنفون له بعض المقالات اللي قالها فيكم
                      ثانيا:ذبحة ضيف الله تجدها في معركة العرفجيه وبالتفصيل
                      مع ذكر المصدر
                      ثالثا:الحرمليه رح منتداكم وستجد مشاركتي فيها ومن مجلد ابن بسام وعلى فكره تراكم نكرتو مساندة قحطان وصلبي بن مضيان
                      رابعا :محسن الهزاني هذا شاعر ومطير تستاهل المدح ما نقول فيها شي ولكن هناك شعراء واجد مدحو قبائل مدري ليش ذاكرها انت
                      خامسا : معركة وريط اتمنى منك ذكر المصادر لان كل مطيري نقوله وين مصدرك يتهرب ماعاد يشارك مدري وشفيهم
                      سادسا:اما قولك انا راح اتعب معاك اتعب وش وراك انت ما سمعت اللي يقول الدق للرجال والتعب منسي
                      سابعا:الشاعر العجمي للتوضيح هو علي الخفيف المصرا والقصيدة اللي قالها
                      رحنا وجبنا بالدويش المسمى .. له هية عند الضحى ينحكابها
                      ورحنا وجبنا بالسهول وخلطهم .. برازية بالضيق تروي حرابها
                      ورحنا وجبنا بالدواسر اولاد زايد .. اللي تحابا بالاحده ركابها
                      الي قوله
                      تسعين يومٍ والخلايا معلقه .. من الجوع قدها تحنت رقابها
                      ياخي العزيز لا تنكر فعل من وقوفي في ذالك المناخ
                      ثامنا : الظاهر انك تنسخ ولا تدري هذي المصيبه
                      في سنه 1320هـ وفي ذي القعده توجه عبدالعزيز بن عبدالرحمن بن فيصل الى بلد الكويت واقام هناك اياما ثم عدا على عماش الدويش ومن معه من عربان مطير وهم على جو لبن فصبحهم واخذهم وقتل منهم خلائق وقتل في هذه الوقعه عماش الدويش وابناه ثم رجع عبدالعزيز بن عبدالرحمن بعد هذه الوقعه الى الكويت انتهى المصدر تحفة المشتاق ص 388 عبدالله بن محمد البسام
                      بعرف ليش ذاكرها هذا يدل على انك تنسخ من منتداكم ولا تدري عن صحة الوقعه
                      اما المربع فعندي لك سؤال هل تعرف من شارك مع مطير ؟
                      الاخ الشلاحي اذكر انني سئلت سؤال ولم تجب عليه ؟
                      تاسعا : للحديث بقيه

                      تعليق

                      • الامير
                        عضو فعال
                        • Jun 2003
                        • 113

                        #86
                        قال ابي اثبات

                        جانك كل ما تكلم تقول ابي اثبات عطني قصيده تثبت انكم ذابحين ذيب.

                        وبعدين القصيده كذب اللي قلتها اقراها في كتاب هجر قبيلة مطير في حركة الاخوان وتعرف الصج يا حريب الصج

                        يقول واحد فيكم ليش ماتخذون كتب العرب

                        يا حبيبي كتب العرب فيها تحيز كبير واضح بس كتب الاجانب ما يتحيز لاحدلا نه مهما كان اجنبي.
                        وجانكم تبون السواف والقصايد ابشروا

                        ويعرف كل واحد عتيبي سالفة شايد الحنتير


                        تقول نوره اليساحنيه العتيبيه تنخا فريس بني عبدالله

                        تكفون يالفريس ياذخر عباد*****لعل دقلةخيلكم فزعة لي

                        جهز على حمر تحورد تحوراد****وقعدان يا زبن المخيف المذلي


                        تنخا مطير ماتنخا عتيبه تدري ما وراهم سنع ويقول شاعر من الحفاه

                        لاعاد كون العبادل مع مسيمير****الكاين الي لعله ما يعودي

                        راحو ورانا وجونابالخواوير****ما كنها الادحاميل الورودي


                        ويقول طلق بن وأسيود الروقي

                        يوم ردوا كنهم لي ادوميه****عند ذودي ما يعرفون العذايل

                        اعتزيت وعزوتي بالمزحميه***واعتزا باولاد عباد الشوايل

                        هاذي الناس الي تقول الصج وتذكر لي لها والي عليها يقول عنكم القرمله

                        يا سابقي غاش عتيبه منك لوم**** مثل الربيع اليا غشا نجد كله

                        كدي على العتبان خمسة عشر يوم ****قعدان والجمال بيتي هل له


                        اما حنا يقول راكان بن حثلين

                        لو لا جواده خذنا جفاله****مير ان علوى دونها ما يطيعون

                        خيالهم يركض علينا لحاله***يا ظفرهم ياعلهم ما يثنون

                        وللحديث بقيه لا تنسون لا حد يرد علي لين يجيب قصيده تثبت انكم ذابحين ذيب بن شالح






                        (ترى الظلايم ماتسر القوم في حظ من يسعابها)

                        تعليق

                        • ابن مشيب
                          إدارة أقسام القبيلة
                          • Nov 2002
                          • 9791

                          #87
                          الامير ينحاش من الكتب الصريحة والصحيحة والمؤثقة , ويبتدع من القصيد متى مااراد.

                          سؤال: ليش تتهربون من المصادر التي كتبوها العرب؟
                          الجواب: لنهم عايشو الجزيرة العربيه ويعرفون مايدور فيها , وعارفين تاريخكم لاكذبتو عليهم علشان تسوولكم تاريخ عرفو انكم خراطين.

                          بس الاجانب كل مايجيهم يكتبونه لانهم مايعرفون طبيعة الجزيرة العربيه والامانه في نقل الاحداث , فهم زورو كثيراً في التاريخ الاسلامي , لان ماعندهم امانه , واظنك تعرف كيف حرفو المستشرقين الاجانب تاريخ الاندلس وفلسطين , وغيرة الكثير.

                          اما تفاخرك , فهو في كسرة الخشبه يوم الحرمليه , وسالفه الحرمة , يازينه والله من تفاخر.


                          مصادرك القصيد , لان كل شاعر يستطيع كتابه الشعر متى ارد , ولكن الكتب المحايدة التي تتهربون منها تكون موثقة ولا يستطيع احد ان يغير فيها.

                          والدليل انهم يتهربون من المصادر الموثقة , انظرو كيف يتهرب من هذا الطلب:
                          اكتب لنا المصدر الذي نقلت منه وريط.


                          انظرو ردة بعد هذا الرد وكيف يهرب من المصدر.

                          تعليق

                          • لــيــل
                            إداري سابق
                            • Nov 2002
                            • 409

                            #88
                            الامير


                            قلت لك حسبك امجاد قبيلتك فقط.............
                            فلا دخل لك بذيب ومقتله......


                            يبدو انك مستعجل جدا .

                            فانت طرحت اكثر من نقطه في ردودك, ولا اعلم مادخل السيحانيه وطلق والهزاني وذيب وحرب في موضوعنا ؟؟؟؟؟؟

                            ولاتستشهد بشعر قاله راكان لان من قصائده ما انكرت........


                            الاخوه الاعضاء: آمل منكم مناقشته بهدوء لاني على يقين ان الامير ليس بمطيري ولايمت لمطير بصله, وهذا مايتضح من نقاطه التي اثارها ....

                            تعليق

                            • عين العقل
                              ناقد ومحلل
                              • Jun 2003
                              • 1968

                              #89
                              سلام يالربع ....
                              بما أن الأخوان يبون يستشهدون بمؤلفات الأجانب لأنهم يعتبرونها ( منصفة )
                              أجل عادي ... نكتب لهم ماورد عن مطير في ( العربية السعودية من القبلية الي الملكية ) , ( أبن سعود مؤسس مملكة ) , ( تاريخ العربية السعودية ) , ( أمراء وغزاة) , ( نجد في الوثائق البريطانية ) , ( مذكرات جندي عثماني : الأوضاع في نجد ) .... ألخ ... بس عساهم ماينصدمون أن أنتصاراتهم في منتداهم هي هزائم نكراء في كتب الأجانب ... ‍‍‍‍‍‍‍‍‍‍‍‍

                              تعليق

                              • عين العقل
                                ناقد ومحلل
                                • Jun 2003
                                • 1968

                                #90
                                وبالمرة نشوف من هو القائد الحقيقي للأخوان والذي وثق الأجانب أن نهايته كانت النهاية الفعلية لحركة الأخوان ... لأنه, وهذا كلام الأجانب , كان يقاتل لأهداف دينية وغيره لأهداف دنيوية ... ( بس لايزعلون ويقولون أن الأجانب بعد غير منصفين ) ‍‍‍‍
                                ... ولله في خلقه شوؤن ...

                                تعليق

                                العمل...