ذروات وبن رشيد

طي
X
 
  • التوقيت
  • إظهار
مسح الكل
المشاركات الجديدة
  • عقاب الحويماني
    عضو ماسي
    • Dec 2006
    • 435

    #1

    ذروات وبن رشيد

    هذه من قصص مغازي بن رشيد على عتيبه!! وخصوصا" على ابل خونان الدعجاني!!

    اولا"/ خونان بن عقيل من الملابسه من الدعاجين وهو فارس معروف بالعربي من اهل الابل اللي يفتكوتها من القوم.

    ثانيا"/ ابل خونان (ذروات) اذيال الخيل , وهي ابل معروفه بزينها وسبقها , وايضا سمعت من شياب ثقه يقولون فيها زيادة ريش عن كافة الابل, الريش (الضلوع),

    ومن المواقف التي حصلت على خونان . انه في اجد الايام كان عاقل فحل ابله ومركب عليه السواني يسقيها, المهم يوم انتبه الا الخياله واصلينه يبون ذروات وكان بعيد عن عتيبه يوم تاكد انهم قوم نسا انه عاقل فحل الابل وركب على حصانه ونادى على( ذروات) لانه لايستطيع كسر القوم لوحده وهم قوم بن رشيد وكذلك لثقته بذروات مايقدرون القوم يلحقونها اذا هجت , هجت ذروات وفحلها المعقول معها وفي ذروات طبع اذا هجت ماتجنب عن اي شي يقولون كانت تفج الشجر ماتجنب عنه . ويوم تعبو القوم ودخل خونان ديار عتيبه وراحو القوم وخلوه وقهر ابله الا ذا فحلها قدمها بعقاله (منعطب) منكسره عضيدته وشاقه الجلد وطالعه طول ذراع الرجال , وذبحه ووزع لحمه على ربعه لان ماعاد فيه طب.

    مع العلم ان بن رشيد كان يتمنى كسب (ذروات) وفي احد الايام مرض خونان وتنوم فالمدينه وعرف بن رشيد وقال لربعه اغيرو على ذروات راعيها ماهوب عندها يفتكها كان عندها اخو خونان او ابنائه واغار عليها بن رشيد واخذها , وعرف خونان ان ذروات ماخوذه وهو فالمستشفى فشق ومات رحم الله راعي (ذروات)


    وهذه قصيده يتفاخر بها بن رشد ::

    تسع ليال نضرب العوص بالعصا************ لين وردناها سجي وعفيف**
    وجبنا اذيال الخيل من عرض كسبنا********** ملح براطمها تهف هفيف
    اباعر خونان اللي تعرفونها********** اليا وصلها عد البعير يقيف


    وسلامتكم
  • الاخطبوط
    موقوف لمخالفة الأنظمة
    • Nov 2008
    • 258

    #2
    عقاب

    سلمت يداك

    للعلم سلاطين الجزيرة ( عتيبة) خوال النبي
    يحبون شمر

    وانا واحد منهم

    تعليق

    • علي الدعجاني
      عضو ماسي
      • Oct 2010
      • 556

      #3
      خونان بن عقيل من ذوي خيوط

      والعقايله امراء ذوي خيوط كافه

      ومنهم الفارس ناصر بن عقيل

      لاهنت

      تعليق

      • عـقـــــــــــاب

        رابطة محبي الهيلا

        • Jul 2011
        • 1002

        #4
        والله ونعم باولاد مفلح والامير خونان ابن عقيل يطول الحديث عنه شجاع فارس مذكور بالعلم الطيب

        تعليق

        • ابودريع
          عضو نشيط
          • Mar 2007
          • 88

          #5
          ونعم والله والله يرحمه والعقايله و الدعاجين اخوان لنا يالعرافا اهل مزعل و والشيخ ناصر ابن عقيل فيه قصيدة قالها شويمي العريفي

          تعليق

          • الامير حريبيش

            رابطة محبي الهيلا

            • Jan 2007
            • 1071

            #6
            لاهنت علي القصه ياعقاب نعم ابل خونان كانت مضرب المثل بطيبها وانا سمعت من شايب دعجاني توفى الله يرحمه يقول لي ان ابل خونان فيها ضلع زايده عن الابل الباقيه والله اعلم

            تعليق

            • محمد الذيابـــي

              مشرف منتدى قصائد الاعضاء

              • Mar 2011
              • 12133

              #7
              ,,

              لا هنت يالغالي.

              ,,,,,
              التوقيع

              محمد الذيابـــي

              تعليق

              العمل...