استكمال احديات قبيلة عتيبة 2

طي
X
 
  • التوقيت
  • إظهار
مسح الكل
المشاركات الجديدة
  • المنيفي
    عضو
    • Jan 2007
    • 24

    #1

    استكمال احديات قبيلة عتيبة 2

    الســـــــــلام عليــــــــــــكم ورحمة اللـــــــه وبركــــــاتة

    نستكمل باقي الاحديات لقبيلة عتيبة وتعمدت ان اتركها في صفحه جديد كي نتيح للاخوه الاعضاء بالردود والاستفسار ممن لديه استفسار


    احدية الفارس عايض القرض من العدلا من المساعيد من النفعه وعن مناسبة الاحديه فقد قالها بعدما استرد ابله اللي نهبها غزاة من مطير
    لاعود الله جمعكم مطران ______ اللي شعوا طرش العزيب
    البل خذيناها يابو لحيان ______ خلي مع الهجمة صويب
    (ابو لحيان من مطير )


    احدية الفارس عمر بن عبيد بن تركي بن حميد من الكرزان من المقطه وهو الملقب بالجنازة لفرط شجاعته

    والله لو ان الخيل مع البراح ______ لي ريٌع الطارد على المطرود
    ياذيب ياللي تدهل السرداح _______ اكل الرماثي وزن ابن عبود
    (الرماثي من ال سعيدان شيوخ ال عاطف من قحطان وابن عبود من شيوخ ال مسعود من قحطان )


    احدية الفارس عمهوج بن حباب من الصليلات من الفلته من النفعه قالها بعدما اصابه متعب بن جبرين احد شيوخ مطير في وقعه جرت بين الفلته وجماعة ابن جبرين
    يادم جوفي عند متعب دين ____ ارب على لعب الرمك نقضيه
    ياسابقي عقب الغلا والزين ____ تناوشي متعب اليا شفتيه
    ـاحدية الفارس عواض بن قبيل من القثمه قالها بمناسبة مناخ عرجا المعروف سنه313 1

    ياليت مزنة حاضرة وتشوف ______ نهار سوٌ الموت في علمانها
    حنا على عرجا وهي يم شعوف ______ يوم الفرنجي يعتقب دخانها

    احدية الشيخ الفارس فاجر بن شليويح بن ماعز العطاوي من المهادله من ذوي عطية توفي سنة 1335هـ

    لعيون وضحا نيٌٌها مردوم ________ ندفع لها الحاشي ورا
    الى تردت هقوة المضيوم __________ نطاحة الموت جهرا
    وله ايضا
    ياسابقي وظن شمر قوم ______ عقب العواني جا لها نقضان
    ماصلحن الا عقب هيٌة يوم ______ غشى عسامه راس ابن سبهان

    وله ايضا
    يامهرتي ياللي تشع الذيل _____ والا ذراعك خابرن ماضيه
    نبي عليها عند تالي الخيل ______ والجيش الى حرٌف على تاليه

    احدية الفارس فاجر بن طايل بن خاتم بن وغد السلات القسامي من القساسمه من ذوي عطيه وهو شارب فنجال الفارس تريحيب بن شري بن بصيص

    عيب على اللي يشرب الفنجال _______ ما يقطع الفرجة على راعيه
    اما يخلي الدم لــــــه وشال _________ والا يجيب الشر مستازيه

    احدية الفارس فراج بن فلاح التويجر من الدماسين وهو الى جانب فروسيته شاعر من ابرز شعراء عتيبة في عصره

    سلطان يبغي ربعنا _____ يحسب منازلنا بعيد
    كز الموخ طبعنا ______ والبعد يدنيه الشديد

    (سلطان والد فيصل الدويش وقد ذكرت بعض المصادر انه توفي سنة 1323 )



    احدية الفارس صالح بن مقبل بن رباح بن صالح بن هايف الملقب (فهران ابا القعيس ) من الدواهش من الفلته من النفعه
    ومناسبة الاحديه ان ابن جرشان طعن بشلفاه غضاة كانت قريبه منه وذلك عندما قال له احد رجاله نحن كسبنا ابلا للنفعه الا ان فهران ابا القعيس افتك الابل فرد عليه ابن جرشان على سبيل السخريه ابا القعيس هو كهذه الغضاة فضربها فعندما بلغ فهران ماحدث ارسل له هذه الاحديه


    ياواصلن مني لابن جرشان _______اسلم وسلم لي علاه
    حنا طردنا سربة الدوشان _______ ماهوب طعان الغضاه


    احدية قاعد الوهاب من الدماسين قالها قبيل وقعة الهييشه بين حرب وعتيبه 1327هـ


    وادي الهييشه حل به قطعان _____ ومطولاتن ناحرت لسهيل
    وان كان حرب اقفوا على فيحان ______ ويش التبدوي له وركب الخيل


    احدية قعيٌدالحفري من الحفارى من ذو خليفه من الشيابين قالها عندما قتل الشيخ سلطان العبود في وقعة تربه 1337هـ

    وجداه ياحام الردوم ____ اللي غدى يومه صباح
    وخيالته حمرا عزوم _____ ياطا بها الموت الذحاح


    احدية الشيخ الفارس مارق بن صنيتان بن شالح بن متعب بن دخيل الله الضيط واحد من اشهر شيوخ عتيبه وفرسانها مات مقتولا سنه 1330هـ

    اليا تواجهت السرايا _____ يفرح بنا الذيب الفروس
    لعيون من قرنه عوايا _____ يضفي على مثل الطعوس

    وله ايضا
    ياهل الرمك ميلو على الريان _____ سوٌوا سواتي ياهل الزلبات
    الحي لابده مع الحيان _________ ومن مات منا يلحق اللي مات


    احدية الشيخ الفارس متلع المهري من المهارى شيوخ الدغالبه وعن مناسبة هذه الاحديه يقال انه حضر احدي المعارك ولعلها الرشاويه ولم يشارك في اليوم الاول فقال هذه الاحديه عازما على المشاركه في اليوم الثاني
    ياسابقي يحرم عليك النوم _______والصبح مركاضك على الدخان
    والله لعوضك ف نهار اليوم ______ الصبح لى جا للرمك ميدان
    ياطير ياللي تدرج بالحوم _______ اكسر من الحربي على المطران


    احدية الشيخ الفارس محمد بن هادي بن بطي بن مايق بن خضير البراق من ذو ثبيت

    يالربع كلٍ فاطره تنخاه _______ تبا مشاهيها بلا حيران
    ذود المغيبي نوصله مشهاه ________ يفرح بنا لا يع الحيران

    وله ايضا

    ياواصل مني لابن سلطان _____ قل له ذبحنا الفارس المدغوش
    صم الرمك داجن على صمدان ______ حماي زلبات الرمك في الهوش
    وان كان اشا الله نلحقه رزحان ______ والكون الاخر نلحقه علوش
    خبر السوي ماهيب فالضلعان _______ حرم عليهم وردها للبوش

    (ابن سلطان تركي بن سلطان بن ربيعان
    صمدان ابن سقيان من شيوخ مطير
    رزحان هاجد بن ضمنه من شيوخ مطير
    علوش ابن سقيان اخو صمدان )



    احدية الشيخ الفارس محمد بن هندي بن حمد بن حميد المقاطي


    ياربعنا شدوا على الزلبات ______ جتنا مراسيل الامام
    ليت الحصان اللي عطي ما فات _________ ماسر بالباير عطاه العام

    وله ايضا
    شاهر يوصف ثوبي المقزور _______ومن الحرص حرصٍ عليه
    عاداتنا نركض على الصابور _______ والعمر تدبيره على واليه

    وله ايضا
    ياحيسفا يافاطري ______ وخذت مع نياق ٍعزيب
    ياليتني حضرتها ______ من فوق مشعثرة السبيب
    على العبيه كنها ______ عذرا تراعي للخطيب

    وله ايضا

    الله يلومك يالذليل ____ ما شفت بالدنيا طراه
    ما يحشم الا من يعيل ____ والعمر ياصل منتهاه
    لا بد من كونٍ يصير ______ على حمود ومن تلاه
    ياشيخنا شيخٍ كبير ________ والشيخ نمشي في هواه


    احديةالشيخ الفارس مرزوق بن ماثل بن وبصان من الغنانيم من ذوي عطيه


    خل الرمك تاطا على ابن الجبعا ________ لو كان خيٌال ودويش
    من فعلنا تمسي الضرايا شبعا ________ والطير نرمي له وليش
    (ابن الجبعا الفارس حسين بن مطلق بن زيد الدويش )

    احدية الفارس مزيد بن تايب من الغزايله من البصصه من المقطه فارس من فرسان عتيبه حضر بعض الوقائع مع قومه

    ياحرب ياللي من ورى القعران ____ تبون نجد ونجد حنا فيه
    وداي الرشا حاميه ابو سلطان _____ ماحدٍ خشر في نجد مع راعيه
    نركب على اللي تطرش العنٌان _____ والروح تدبيره على واليه

    وله ايضا
    ياطارش منا ترد علوم ______ ياليت ابو تركي بعينه شاف
    الخيل كدت مثل كد الروم ______ سقنا المزٌين والجموع رداف
    راحو عن الرضمة ثلاث قسوم _____ لين الذويبي من دويشه عاف


    احدية الفارس مسعد بن ثويمر من الطرقان من الفوالح من المساعيد من النفعه


    لي سابقٍ يدها عطيب _______ وابطى على بروها
    وان ناحرت خيل الحريب _______ تطرح عشاها توٌها

    احدية الشيخ الفارس مسلط بن محمد بن حمود بن ربيعان واحد من اكبر شيوخ عتيبة واشهرهم في عصره

    ياشيخنا مالك علينا لوم ______ لومك على برقا وابن بسام
    علقت سبلا كم لي من يوم ________ ماسلت انا عن بارق فالشام


    احدية مشعان بن ريمان من العصمه


    يوم ....... في عميله باق _____ في قاعة الهضبة وزا
    واليوم عانه بالحديد يساق _____ من فعلنا ذاق الجزا


    احدية الفارس مناحي الفرزة من الحسينات من العصمه ( يقول الدكتور الصويان اغار منيف بن شفلوت من قحطان على العصمه لنهب ابلهم فذبحه مناحي الفرزه من الحسينات من العصمه )

    حنا ذبحنا منيف بن شفلوت ____ يوم السبايا مقبلات
    كله لعين الفاطر الخفوت ______ ترعى الفجوج الخاليات


    احدية الشيخ الفارس مناحي بن خالد بن حشر بن عيران بن حجاب بن مهنا بن مرزوق بن محسن بن مانع الهيضل من الملابسه من الدعاجين عده الزركلي من فرسان العرب المشهورين

    ياحسين وٌش حدها ____ حتى مضاربها تبين
    كم سربةٍ نحتدها ______ كل القبايل خابرين
    قم يالعبيدي بدها ______ واحلب لها الشقحا السمين
    صفرا سريعٍ ردها _______ تخمر اليا شد الجرين

    وله ايضا
    حذف الموارت ما بها نوماس ______ حذفة شرودٍ من بعيد
    على قضب عنانها والراس ______ والله يدبر ما يريد
    على باللي تبعد المرواس ________ والعمر لازم انه يبيد

    وله ايضا
    ياكيف يمدح راعي النيشان _______ حذفة شرودٍ من بمهوى
    خطلان الايدي مالهم ميزان _______ الخبل والطيب سوى
    ماعاد يوجد للعرب ميدان ________ ويلاه ياعصرٍ مضى

    وله ايضا
    لي مهرةٍ فيها دحم ______ تلحق بعرقٍ فيه ريش
    والطير يبغي له لحم _______ ملزوم نطرح له دويش

    وله ايضا
    ياهل النيات سيروا _____ كل غمرا مانوابه
    لاتقول اني قوي ________ كود ماربي نوى به
    جارنا خمس سنوات ______ لا يهاب ولا نهابه
    لين خانه من زمانه _______ شيمته لا واسفا به

    وله ايضا

    ............................... ___________ ............................
    الديره الها سلةٍ ونصاب ____________ نصابها خف ومراه
    ربعي كما سيل النحا نهٌاب ______ يركب على روس العدام غثاه
    وان ما خذينا البيت بالاطناب ______ يحرم علينا نجد ما نرعاه
    (وكانت احدية مناحي الهيضل رد على احدية عيد ابا العويرا الحربي )
    وله ايضا
    نركب على الحر قا بلدن عروق _____ في ضف بوشٍ بالخطر نرعاه
    الراس منها كنه الصندق _________ وان حروا حبل الرسن شذاه
    باغٍ اليا حديو على الخنتوق _______ وكلٍ طرق راسه على الاهواه
    اردها لعيون زاهي الطوق _______ عافت بعلها ما تبي نماه

    وله ايضا
    جان الكتاب مزرفٍ بهروج _________ لانيب لا كاتب ولا قاريه
    يابدر مطلوبٍ علي الغوج ________ والغوج لا بايع ولا معطيه
    عنانه بلحيانه يسوج ________ عابيه للهيجا وانا راعيه

    وله ايضا
    انتم على اللي كنهن وحوش _________ وحنا على مثل الادام
    وسلاحنا ماقلط الناتوش ________ شلفٍ يقصن العظام
    نردكم رد البقر في الحوش ________ من دون عشبٍ في الهييشه زام
    ياحرب وين الفارس المدغوش _______ ذياب قواٌد الجهام
    (ذياب الذويبي )

    وله ايضا
    ياراعي الغوج الهليب ____ طول الخضار مزايمه
    حاذور من شلفا شبيب _____ تشبع طيورٍ حايمه
    وكروش مطغيها الحليب _____ على الطراد مهايمه
    (وفيه من يرى انها لهذال بن فهيد )

    وله ايضا
    نطيحهم جمع الاخوان ____ بمهيفات ماتداني اللمس
    مسبلينٍ في رضى الرحمن _________ ومخلصين ديونهم قبل امس

    وله ايضا
    ياعد مذكور مساس ______ عدن لابن هادي قديم
    حنا نزلناها بعشر افراس______ لعيون سايجة البريم


    احدية الشاعر ميشع بن حباب القثامي
    روٌحن كنهن الصيد _____ واشهب البارود يطونه
    روحن من نفي والحيد _____ والسعودي علاهنه

    وله ايضا
    ياعود موزٍ ما يدان اللمس _____ علاه طابور الحرس واعين
    ليتك تناظر في عشية امس ______ يوم ان ربعي للقا حاسين
    قمنا نسقط جوفهن الخمس ______ لين ادبحوا شيخانهم مقفين


    احدية الشيخ الفارس نايف بن جزا ابا العلا من العلوات من العصمة

    ياواصلٍ عبدالعزيز ________ قل له حنا حمانا دارنا
    عبيد خلي في المداس _______ داجن عليه مهارنا
    (ابو عبيد من الدوشان )


    احدية الفارس نوار بن هابس من الكرزان من المقطه

    ياطارش ٍ منا سنود ________ اسلم وسلم لي على هذال
    قل له ترانا عقبهم في زود _________ كل المراجل سدها رجال
    بنحورنا عينت ابن عبود ________ راحت جواده مالها خيال

    وله ايضا
    ياذيب ن جال العويند لا تغيب _______ ومن اشبعك ياذيب ماتلحق جزاه
    عشاك ابو صفره وكل ابلج حبيب _______ ثربه يزل الحول ما كمل نداه

    احدية هذال بن سويد من الحسينات من العصمه

    ياذيب دوك عرار بن عبود ____ واكسر عليه وناد ذيب ذقان
    كله لعين الفاطر الونود ______ ترعى من الحمه اليا جذوان


    احدية الشيخ الفارس هذال بن ضمن بن فهيد من الفهيدات من الشيابين واحد من اشهر شيوخ عتيبه وفرسانها عده الزركلي من فرسان العرب المشهورين

    على فقارة نجد مني جيره ______ من زيد بن شفلوت والصعران
    وادي الرشا بنتٍ تحب الغيره ________ ينثر لها المسك والريحان

    وله ايضا

    الشيخ ينزل منزله عجلان _____ شيخ الفهر عن ديرته مطرود
    نرعى الحمل بمذلق العيدان _______ ديرة عشق وهديف بن عبود

    وله ايضا
    ياهل الرمك كلٍ يجيب حداه _____ انتم وراكم ماتحدون
    ترا الحدا لاهل الرمك مشهاه _____ فكاكة التالي نهار الكون

    وله ايضا
    ياراكبٍ من عندنا ثنتين _____ يم الجنوب مناحي تلقاه
    يحرم عليه الحزم والضيرين ___ والهضب ما تشرب برايد ماه

    وله ايضا
    شيخ الجحادر في جناب عصيل _____ من رمح ابن عامر قزا
    يوم الهلالي كب تالي الخيل ________ في قاعة الهضبه وزا

    وله ايضا

    ليت تركي حاضرن ويتعٌين ______ يوم ابن صلعا تزايد جنونه
    فوق راسه شلعنا المزٌين ________ لابن بيته هدمنا ركونه

    (تركي بن ربيعان وابن صلعا نايف بن بصيص )

    وله ايضا
    ياواصل مني ليا معبول ______ العد لا يخلي جباه
    جيناه من يم الدخول _______ والزمل نرقع في حفاه


    وله ايضا
    يانجد خليتك لبطن العار _______ من خوف حماي الونود
    لو المدى خشم النتش ومطار _____ والله لا ربع فالنفود
    بلاي من طيرٍٍ يصيد الطار _____ طيرٍ بمخلابه صيود

    وله ايضا
    ياذيب جيعان البطين ______ دوك العشا ناد اخوياك
    دونك تريحيب السمين _____ والقابله نايف عشاك

    وله ايضا
    خمسين ليله مقبلين _________ والنزمل نرقع في جفاه
    من هجر نبي حقنا ___________ وطويق وركنا علاه



    احدية الفارس هلال بن حيلان من الهدفان من المساعيد من النفعه

    كب الخطا عنك يااا......... ________... ماسرٌه خطاه
    الحبصي كان يبغا المصيب __________ اعطيه لين يقفي وراه


    احدية الفارس وديد الجلاوي من الفهيدات من الشيابين

    افرج لنا يافارج لمحمد ____ من الموارت وخلطهن سيوف
    يضرب بحد السيف دون الشرفا ______ لين السبايا عودن وقوف

    يقصد بمحمد بن هندي في وقعة الرحا سنه 1310هـ



    واسمحولنا على الاطاله وسلامتكم
  • ابن مشيب
    إدارة أقسام القبيلة
    • Nov 2002
    • 9791

    #2
    وعليكم السلام ورحمة الله وبركاته


    بيض الله وجهك على هذا المجهود الكبير يالمنيفي , وكثر الله من امثالك , ورحم الله اصحاب هذه الاحديات البطولية , وعفا الله عنا وعنهم وعن جميع المسلمين.


    لي بعض التعليقات , حول الاحديات السابقة , وهي:


    تم النشر في الأصل بواسطة المنيفي عرض المشاركة
    ياراعي الغوج الهليب ____ طول الخضار مزايمه
    حاذور من شلفا شبيب _____ تشبع طيورٍ حايمه
    وكروش مطغيها الحليب _____ على الطراد مهايمه
    (وفيه من يرى انها لهذال بن فهيد )
    لقد نسبت هذه الاحدية للشيخ والفارس مناحي الهيضل , وكذلك نسبها له الاخ والباحث القدير تركي القداح , وكنت من قبل اسمع من كبار السن , انها للشيخ هذال بن فهيد , ولكن بعد ماوجدتها في كتاب القداح انها للشيخ مناحي , وبعد مااوردتها انت انها للشيخ مناحي , وعلقت ان هناك من يراء انها لهذال , نفهم من هذا , ان هذه الاحدية هناك من يقول انها للشيخ والفارس مناحي الهيضل , هناك من يقول انها للشيخ والفارس هذال بن فهيد , وهل هناك من يؤكد او يقرب الصورة اكثر؟


    تم النشر في الأصل بواسطة المنيفي عرض المشاركة
    الشيخ ينزل منزله عجلان _____ شيخ الفهر عن ديرته مطرود
    نرعى الحمل بمذلق العيدان _______ ديرة عشق وهديف بن عبود
    اوردت هذه الاحدية للشيخ هذال بن فهيد , ولدي تعليق حول المقصود بعجلان , ذكر الباحث تركي القداح , ان المقصود بعجلان رجل من الشلاوى , والصحيح ان عجلان , هو عجلان بن عجل بن ناشي القرفاني الشيباني , وليس من الشلاوى.

    تم النشر في الأصل بواسطة المنيفي عرض المشاركة
    ياواصل مني ليا معبول ______ العد لا يخلي جباه
    جيناه من يم الدخول _______ والزمل نرقع في حفاه
    منهو معبول المذكور؟





    وفي الختام تقبل خالص تحياتي

    تعليق

    • ابو فراس
      مراقب سابق
      • Jun 2003
      • 1421

      #3
      ..
      .

      المنيفي ما قصرت بيض الله وجهك
      ابن مشيب مساك الله بالخير مشتاقين لك كثير يعني على قولتهم وحشتنا
      اما معبول فهو فيصل بن سلطان الدويش شيخ مطير الشهير
      وهناك سبب لهذه التسمية افضل ان كنت تبحث عنه ان ترسل لي على الخاص
      تحياتي للجميع

      تعليق

      • فيصل المسعودي
        مشرف عام
        • May 2005
        • 8296

        #4
        [align=center]بالنسبه للفارس عايض القرض تصحيح له


        هو الفارس عايض القرط من فرسان العدله من المساعيد


        وعرف عنه الشجاعه وقوة البأس


        تحياتي[/align]

        تعليق

        • سعود النفيعي
          عضو ماسي
          • Apr 2006
          • 827

          #5
          السلام عليكم وشلونكم

          لاهنت على الموضوع بس ابا أوضح لك

          انه هالاحديه
          ياراعي الغوج الهليب ____ طول الخضار مزايمه
          حاذور من شلفا شبيب _____ تشبع طيورٍ حايمه
          وكروش مطغيها الحليب _____ على الطراد مهايمه

          للفارس الشيخ هذال بن فهيد قالها رد على الفارس الشيخ مناحي بن جرمان شيخ ال عاطف من قحطان يوم قال قصيده يتوعدالفارس الشيخ شبيب بن بادي بن حجنه شيخ النفعه ورد عليه هذال بن فهيد يحذره من شبيب ومن شلفاه

          وهذه الاحديه لشاعر من عتيبه ما أعرف أسمه أوردها لشاعر من قحطان يوم شبيب بن حجنه شيخ النفعه ذبح ذيب بن جعفر بن عبود شيخ ال مسعود من قحطان

          خله يذوق الموت يا حبشان ـــــــ هذا جزاه بنطحته شبيب

          صابه بشلفا جات من نجران ـــــ وتفرق حبيب من حبيب

          وهذه الاحديه بعد لـ نوار النفيعي

          بنفس الموضوع
          ياطـارش مـنـا سـنود ... اسـلـم وسـلـم لـي عـلـى هـذال
          قـل لـه تـرانا فـي زود .. كـل المـعـانـي سـدهـا رجـال
          بـنـحورنا عـيـنـت ابـن عـبـود ... راحـت جـواده مـالـهـا خـيـال

          تقبلوا تحياتي

          اخوكم سعود النفيعي

          تعليق

          • المنيفي
            عضو
            • Jan 2007
            • 24

            #6
            مرحبا بك يابن مشيب ووجهك ابيض انشالله وهذا اقل ما نقدمه لقبيلة عتيبة

            ام حول تعليقاتك
            بالنسبه للاحدية اللتي نسبت الي الشيخ مناحي الهيضل والشيخ هذال بن فهيد فالمعروف لدي وحسب ما سمعت انها للشيخ هذال بن فهيد وهي على لسان الشيخ شبيب بن حجنه ولكن القداح ذكرها بمناولة الشيخ سجدي بن مناحي الهيضل انها للهيضل
            والله اعلم

            اما معبول فما قصر الاخ ابو فراس وضحها لنا والله لا يهينه

            وتقبل تحياتي وواسعدنا مرورك

            تعليق

            • المنيفي
              عضو
              • Jan 2007
              • 24

              #7
              ابو فراس ووجهك ابيض طال عمرك ونشكرك على توضيح معبول

              وتقبل تحياتي

              تعليق

              • المنيفي
                عضو
                • Jan 2007
                • 24

                #8
                الاخ فيصل المسعودي لا هنت على المرور والتوضيح

                تعليق

                • المنيفي
                  عضو
                  • Jan 2007
                  • 24

                  #9
                  الاخ سعود النفيعي حول ما علقت عليه

                  الاحديه المذكوره
                  ياراعي الغوج الهليب _______طول الخضار مزايمه .... الخ
                  اما حول قائلها فنحن لم نحدده بالضبط فالرويات تقول انها اما لشيخ الهيضل او الشيخ ابن فهيد
                  اما سبب ذكرها فهي رد على احدية حرباش بن هاضل بن هملان القريشي السبيعي
                  ياغوج يازين الهذيب _____ تزها الحذا قوايمه
                  باغيك تلحقني شبيب ____ زال الحرايب قايمه


                  اما حول احدية نوار فالمصدر ذكرت انها لنوار النفيعي واخرى لنوار هابس المقاطي
                  والله اعلم


                  وتقبل تحياتي

                  تعليق

                  • سعود النفيعي
                    عضو ماسي
                    • Apr 2006
                    • 827

                    #10
                    الله يصلحك يالمنيفي

                    الحداء اللي ذكرته

                    ياغوج يازين الهذيب _____ تزها الحذا قوايمه
                    باغيك تلحقني شبيب ____ زال الحرايب قايمه

                    أؤكد أن قائلها فارس من قحطان كان يتمنى اللحاق بشبيب بن حجنه لاكن مادري أن كانت لمناحي بن جرمان أو غيره لاكن سمعت من بعض الرياجيل اللي مثلك أنها لمناحي وبعض الناس أختلفوا على قائلها بس قائلها فارس من قحطان كان يتمنى اللحاق بشبيب بن حجنه و أجابه هذال بن فهيد الشيباني على لسان شبيب بن حجنه

                    تعليق

                    • سعود النفيعي
                      عضو ماسي
                      • Apr 2006
                      • 827

                      #11
                      الله يصلحك يالمنيفي

                      الحداء اللي ذكرته

                      ياغوج يازين الهذيب _____ تزها الحذا قوايمه
                      باغيك تلحقني شبيب ____ زال الحرايب قايمه

                      أؤكد أن قائلها فارس من قحطان كان يتمنى اللحاق بشبيب بن حجنه لاكن مادري أن كانت لمناحي بن جرمان أو غيره لاكن سمعت من بعض الرياجيل اللي مثلك و شرواك أنها لمناحي وبعض الناس أختلفوا على قائلها بس قائلها فارس من قحطان كان يتمنى اللحاق بشبيب بن حجنه و أجابه هذال بن فهيد الشيباني على لسان شبيب بن حجنه

                      ياراعي الغوج الهليب ____ طول الخضار مزايمه
                      حاذور من شلفا شبيب _____ تشبع طيورٍ حايمه
                      وكروش مطغيها الحليب _____ على الطراد مهايمه

                      المصدر كتاب النفعه للمؤلف تركي القداح


                      تقبل تحياتي

                      أخوك سعود النفيعي

                      تعليق

                      • المنيفي
                        عضو
                        • Jan 2007
                        • 24

                        #12
                        الاخ سعود النفيعي الله يصلح حال الجميع


                        انا ذكرتها لك من مصدر تركي القداح والظاهر انك خلطت بين احدية حبشان القحطاني وحرباش السبيعي

                        وتقبل تحياتي

                        تعليق

                        • ابن الاجواد
                          عضو فضي
                          • Jul 2006
                          • 241

                          #13
                          [align=center]أحسنت الاختيار [/align]

                          تعليق

                          • سعود النفيعي
                            عضو ماسي
                            • Apr 2006
                            • 827

                            #14
                            الاخ العزيز النيفي: أنا ماخربطت بين الحدى أما حدى حبشان القحطاني

                            هذا هو

                            أبا انشد الطرقي عن الحيان ــــــ وابا انشد ويش سوى ذيب

                            ان كان هو ميت فأنا وجعان ـــــ ان كان هو طيب فأنا باطيب

                            ان كان ذيب لحق ابن جرمان ـــــ تقمح مشعثره السبيب

                            ذيب: هو ذيب بن جعفر بن عبود شيخ ال مسعود من قحطان
                            ابن جرمان:هو مناحي بن جرمان بن سعيدان شيخ ال عاطف من قحطان

                            أما عن الحداء فأنا ماخربطت لانه قريته نفس ما أشوف الردود قدامي يمكنك قلطان فأنا قاريها في كتاب النفعه تاليف تركي القداح

                            تقبل تحياتي

                            أخوك سعود النفيعي

                            تعليق

                            • سعود النفيعي
                              عضو ماسي
                              • Apr 2006
                              • 827

                              #15
                              أعتذار للأخ المنيفي عن الخطأ الواضح وهو سبب الحداء

                              وهو سبب الخطأ

                              أنا بنقل الموضوع من الكتاب كله


                              بداية الموضوع في كتاب النفعه ص251 ,252


                              ويقال أن احد فرسان قحطان تمنى اللحاق بشبيب فقال هذا الحداء ردا على شبيب بن حجنه

                              ياغوج شعثر بالسبيب ــــــــــ تزها الحذا قوايمه

                              باغيك تلحقني شبيب ــــــــــ دام الحرايب قايمه (3)



                              فرد عليه الشيخ هذال بن فهيد الشيباني على لسان شبيب بن حجنه(1)

                              ياراعي الغوج الهليب ــــــ طول الخضار تزايمه

                              حاذور من شلفا شبيب ___ تشبع طيور حايمه

                              وكروش تغذا بالحليب ـــــ على الطراد مهايمه

                              ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

                              (3) هناك من يروي هكذا باغ عليك الحق شبيب ... ألخ

                              (1) يبدو لي أن هذا الحداء في مناسبه أخرى لأ ن هذال لم يكن حاضرا أثناء مقتل أبن شمعول إلا إذا كان هذال شارك معهم فيما بعد


                              الاخ العزيز المنيفي:أم الخطأ مني لما قريت حداء فارس قحطان بعدها رد هذال نفس القافيه حسبته رد على القحطاني لكن يوم قريت تفسير واحد دريت أني غلطان والغلط الثاني يوم قريت عند الحداء الاول رد على شبيب بن حجنه والقصد هو
                              حداء شبيب بن حجنه يوم قال:

                              حنا ذبحنا ولد أبن شمعول ـــــ على قليب مواليه

                              كله لعينا الفاطر الزعول ___ ترعى الرسوم الخاليه

                              والخطأ مني ومن الكاتب لانه غلط يوم كتب فارس قحطان والخطأ اللي مني لاني ما دققت فالموضوع

                              وأكرر أعتذاري للأخ العزيز المنيفي وأقولك يولد العم إلى الامام موضوع يستحق الشكر وموضوع متعوب عليه

                              مع خالص تمنياتي لك بالتوفيق والنجاح / سعود النفيعي

                              تعليق

                              العمل...