من بطولات محمد الشغار احداها مع ناهس الذويبي

طي
X
 
  • التوقيت
  • إظهار
مسح الكل
المشاركات الجديدة
  • الدماسي 2007
    شـــاعــر
    • Aug 2006
    • 342

    #1

    من بطولات محمد الشغار احداها مع ناهس الذويبي

    اورد لكم قصتان وبطل هذه القصه /محمد الشغار الملقب (ذيب الطراد) ويلقب كذلك راع العليا والمذكور غني عن التعريف فهو احد ابناء ناصرالشغارشيخ قبيلة الدماسين الخمسه والذي قال ابن رشيد عنه وابنائه يسأل في مجلسه من يخبرلي ماكر ٍ كله ندرمافيه لالزيز ولاتبع قالوا الحاضرين ياطويل العمر في حوران في ....في .قال ماجبتولي سالفه انا الي خابره وابي اعلمكم هذا ناصرالشغار وعياله الخمسه هم الندر وعياله الخمسه هم //////محمد/عيد/ وسلطان /وزبن/ وفيحان/
    ومحمد بطل هذه القصه والذي لم يخلف من ابنائه الخمسه احد سواه وابناء محمد هم محماس الشغار الشيخ والفارس المعروف وحمس الشغارفارس شهير توفي كذلك لم يخلف احد ـــــــــــــــــــــــــــــــــــــــ
    ننقل لكم القصتان من افواهـ الرواهـ ........ القصه الأولى ...
    عن بعاج الحابوط وعن كذلك عدد من كبار السن الا اننا ننقلها من فم الراوي نفسه وهو حي يرزق ويبلغ من العمر الأن خمسه وتسعون سنه ــــــــــــــــــ يقول الراوي
    في سنة الأرجعنات الثلاث ويحددونها بعد وفاة الملك عبد العزيز قال كانت الهييشه مربعه والنزلاء من الباديه فيها كثيرين وذهبت انا يابعاج ومحمد بن طعيميس القوبع لهاك البيت الكبيرمروبع نبي ذبايح ونتنشد عن جماعة نبيهم قال يوم جينا البيت ليافيه هاك الشايب الكبيرجالس على شداد قال الرجال طبعه شمالي وقلنا انه من شمر لأنه ثقيل وعادة الشمري مايسأل ضيفه منين جاي ومنين رايح لويأخذ ثلاثة ايام
    قال حنا يالروقه عجلين ومحمد رفيقي عجل قام ينشده قال منين انتم قلنا من ابوجلال قال من اي قلنا روقه قال من اي قلنا من جماعة الشغار قال هو ينتهض ليا معتدل في جلسته قال وهي تنطلق دمعته قلنا ياشايب علامك قال والله والنعم والله ياعيالي مانعرفكم الا بذكركم حنا من بني سالم من حرب وحنا نوالي شمر وحددن ال شمر ابا اعلمكم ياعيالي هذا ابن عم لنا يقال له خليف يحكي علي بنفسه كان صبي عند محمد الشغار يقول صدرنا من كبشان وعلانا خوف والناس مع بعضها قال وليا فيه صيفية مخالفة عن دربنا والطروش وجهتها وحده قال واباعري تنحر الصيفيه والحقها ابي اردها قال عمي خلها خلها والله ماتردها عن وجهتها ياعمي خوف ولا غيرنا احد قال خلها قال ونمسيها ونصبح فيها
    قال يوم تعينت ليا روس الشلف كنها الغربان والخيل معطيتنا روسها قال اطالع لعمي ليا هو هناك محول عن فرسه قال وليا لي بكيرتن عرقتي قال وان اثنيلها ياحرب بالعقال في هاك الطلحات وانا ابرك عليها قال عيني لعمي لياذبح قال لياهو هناك على محواله ماتحرك والخيل ضربتنا والبل ثعوبها
    قال هو ياخذبها شوي عديان وهو يطمر في ظهرها قال والله يوم اعاين في عجتها ان كنها الدجه السوداء بعد حذفة اليد عن عجتها ماتشوف راسها من ذيلها مختلطه قال هو يضربهم ياحرب ليا طالع قبله قال وهو يرد عليهم ليا طالع قبله قال اربع مرات وهذي سواته قال ليا القلايع من الخيل اربع قال ليا القوم يوم ولتنا ظهورهم الي سلم منهم غير الي طاح قال هو يردها بلي فيها من الخيل قال والله مانقص منها حتى المفرود
    قال انا مدري وش يبا يسويبي هالحين وانا افك بكيرتي هو يجيني كنه البعير الهايج زبده عايم قال ياخليف ضم البل ضم البل قال وهي يجيلها حنه وهي تعاطف على عيالها قال احلب لنا قال وانا اضرب هاك القعب من الحليب لين طلع مع فمه قال وهو يستدنيه ويحطه على ركبته قال وهو يضرب فيه قال وهو يرفع راسه قال استاهله ياخليف قلت ايوالله تستاهله ياعمي قال وهو يلحق عليه قال والله ياحرب قول خليف ماشافت عيني ولا فيه اشجع من هاك الرجل ............. قال ونجي نبا نقوم قال الله ومانه لتأكلون غداكم من شان هالحموله الي انتم منها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
    ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــالثانيه///// يرويها محمد بن مطلق بن رايز من السحله من العضيان عن سلطان ابو خشيم شيخ المراشده قال يقولي انا سلطان يحدثني بنفسه قال يحدثني بهذه القصه هندي الذويبي بنفسه والمعروف بان الخشمان لهم صلة مع الذوبه خوال لهم قال يقولي هندي يسولف علي ابوي ناهس يقول غزانا يم عفيف قال يوم جينا على عفيف قال اليا الأبل جرتها تو صدرت وليا معها جرت رجالين وجرت فرس حافرها كبير قلت ابشروبها اقوله الجماعتي قال ومع الجره مع الجره قال ويمسينا الليل مالحقنا عليها قال يوم اصبحنا ومع الجره قال لينا نشوفها قالوا حرب والله ماتركض يالأمير نبا نجيبلك الأبل قال وهم يركضون من عندي عليها قال يوم دريت ليا الخيل معطيتني وجيهها والخيال راكب على ساقتهم الحاله قال وانا انطحه ياحرب والله ماغير ابا اهيب عليه الي كسر اطيب ربعي وقلع الي قلع قلت خيل البويضا وانا ناهس قال تعقب خيل العليا وانا محمد قال قلت عنه عنه اقوله الربعي قالوا نبا نرد عليه يالأمير قلت والله ماتردون السلامه منه مكسب الي راح من خيلنا ورياجيلنا اغلا من اباعره قال والله انا منكفين ياحرب من هالغزيه ردنا هالعتيبي لحاله

    القصه نقلت عن احد المصادر


  • الأمــير

    رابطة محبي الهيلا

    • Aug 2005
    • 5162

    #2
    ونعم والله بالشغار وبعياله الحرار الخمسه وبك انت


    وقد سمعت القصه هاذي من مصدر موثوق

    تعليق

    • الدماسي 2007
      شـــاعــر
      • Aug 2006
      • 342

      #3
      ذيب الحنابج ماعليك زود و تشكر على المرور

      تعليق

      • سهم الذيبه
        عضو فعال
        • Sep 2006
        • 122

        #4
        ونعم والله بالشغار وبعياله الحرار الخمسه وبك انت

        تعليق

        • الدماسي 2007
          شـــاعــر
          • Aug 2006
          • 342

          #5
          سهم الذيبه ماعليك زود وتشكر على المرور ياغالي

          تعليق

          • سعوط المجانين
            عضو فضي
            • Aug 2003
            • 212

            #6
            استاهله ولا مااستاهله هذه الكلمه قالها ابو عتيبه الامير محمد بن هندي يوم الرحا عندما انتهت المعركه تناول الصبي اليا شوشته كنها شوشة اسد قال احلبلي وهو يحلبله وهو يشرب لين ارتوى وهو يلتفت للصبي وكان فاتن قال استاهل حليبها ولا مااستاهله قال لاوالله تستاهله ياعمي خوفا منه...........من غير قصور في محمد الشغار

            تعليق

            • الدماسي 2007
              شـــاعــر
              • Aug 2006
              • 342

              #7
              للتنويه عن /////// القصه الأولى قبلا محمد عقيدين من عقدا مطير واكد لي احد الشيبان بأن قلايعه في هاك اليوم من الخيل اكثر من عشر ــ
              وشكرا ياسعوط المجانين على المرور واضافة هذه المعلومه المشابهه

              تعليق

              • الذيــــب
                عضو نشيط
                • Oct 2006
                • 57

                #8
                ونعم والله


                ومشكووور ابوي

                تعليق

                • الدماسي 2007
                  شـــاعــر
                  • Aug 2006
                  • 342

                  #9
                  ابوي انت يالذيب اشكرك على المرور

                  تعليق

                  • thayer
                    عضو نشيط
                    • Aug 2005
                    • 56

                    #10
                    والله والسبعة انعام بالشغار, وبك يالذيب.

                    اخوي الدماسي
                    لا يكون في خاطرك شيء مني
                    ترى احيان يكون اسلوبي جاف لكني ما جبت غير الصدق يعلم الله

                    العذر والسموحة منك.

                    تعليق

                    • الدماسي 2007
                      شـــاعــر
                      • Aug 2006
                      • 342

                      #11
                      عزيزي thayer والله البارح بأسلوب ردك قفلتها معي بس الأن كل الي فالراس طاح واحطك على راسي بأعتذارك لأن لهجتك فيها نوع من التعالي والناس مع الكلام الطيب تصير اطيب ياحبيبي هذه القصه من القصص التي ترفع راس القبيله وكذلك الحمده اضافة الى تاريخهم المشرف وليس فيها تقليل من حق احد وهنالك اناس يتصيدون في الماء العكر ويبحثون عن السلبيات فياعزيزي انت اكيد انك من الناس الائي على مستوى خلق ومكانه واعتذارك هذا دليل على وعيك والأنسان بشر قد يصيب وقد يخطئ وليس هنالك احد معصوم من الخطاء فالقصه اقسم لك بالله انني ذكرتها حسب ماسمعتها علمآ بانني لم اذكر سبب طلب الخيل لأنني قد وضحته في منتدى عتيبه وهوان فيه مجموعه من فرسان الدماسين مع العرافه عندما حصل خلاف بينه وبين عبد العزيز هذاهو سبب الطلب و ماسمعته من رجال مصدر ورواه معروفين والروايات ياعزيزي تختلف قد تكون سمعت روايه من اناس مغرضين او حاقدين او غير ذلك الأن ياعزيزي لك ان تخبرني بما سمعت واتقبلها بكل صدر رحب لأنها معلومه تنقل والمصادر تختلف عن بعضها اخيرا تقبل تحياتي

                      تعليق

                      • سهم الذيبه
                        عضو فعال
                        • Sep 2006
                        • 122

                        #12
                        ونعم والله بالشغار وبعياله الحرار الخمسه وبك انت


                        وقد سمعت القصه هاذي من مصدر موثوق

                        تعليق

                        • الدماسي 2007
                          شـــاعــر
                          • Aug 2006
                          • 342

                          #13
                          سهم الذيبه
                          ..
                          ماعليك زود
                          .
                          لاهنت على المرور وتشريفك للصفحه
                          ,,
                          تحياتي وتقديري

                          تعليق

                          • الفارس 2007
                            عضو نشيط
                            • Mar 2007
                            • 48

                            #14
                            والله ونعم باشغار وبك يالدماسي

                            تعليق

                            • خالد الذويبي
                              عضو
                              • Apr 2007
                              • 4

                              #15
                              الدماسي انا كنت مسجل عضو عندكم

                              من اجل اسالكم سؤال واحد فقط وابي الي ارد عليه

                              ولا لقيت الي كفو انه يرد على تساولي

                              قلت خلاص الي في راسي سويته وابي خلاص اطلع وانا كتب ثلاثة ردود فقط

                              .................................................. ...............

                              لكن بعد ما كتب اخر رد لي في قسم الترحيب وجيب ابي اطلع

                              قلت خلني يا ولد ادخل واشوف .............................................

                              وفعلا ما خب ضني محمد الشغار يقول لجدي : الامير ناهس الذويبي

                              تعقب لا وسبحان الله جدي ناهس الله يرحمه والي غزى اكثر من 40 غزوه على احد

                              القبائل وما انكسر في واحده منها واضنكم تعرفون هالقبيله ينحاش من وجه الشغار

                              ويقول لربعه روحو ترى والله ما احد يسلم منه

                              يا اخي انا حفيد جدي ملك الباديه : فيحان الذويبي

                              من جبت هالقصه الملفقه علينا يالذوبه ما اقول غير حسبي الله ونعم الوكيل

                              والله يجعل كل شيء تكتبونه على احد اجدادي الفرسان وهو كذب تواجهون به الله

                              يوم القيامه .................................................. ....

                              .................................................. ....

                              وابوك احنا اخوااااااااااااااااااااااااااااااااااااااااان نووووووووووووووووووره

                              ..............................................

                              ( مره جدي الذويبي يرسل امه تطلب من ابن عميره ان يبقى حلال ابنها)



                              .................................................. ..........
                              .................................................. ..........




                              وقهر راح اطلع من هالمنتدى من غير رجعه .....................................


                              في حفظ الله ورعايته , وجميع لفظ صبياني , خارج عن آداب الحوار والنقاش الواعي , تم تحريرة

                              الإدارة
                              تم التعديل الأخير بواسطة خالد الذويبي؛ 25-Apr-2007, 09:15 AM.

                              تعليق

                              العمل...