قصه يرويها رجل من قبيلة الرشايدة

طي
X
 
  • التوقيت
  • إظهار
مسح الكل
المشاركات الجديدة
  • مشعل المحياني
    عضو نشيط
    • May 2005
    • 39

    #1

    قصه يرويها رجل من قبيلة الرشايدة

    في احدى المرات كنا معزومين انا واثنين من الشباب على عشاء عند زميل لنا من قبيلة الرشايدة ، وبعد ماتعشينا وعينا من الله خير، فتحوا موضوع او سالفه تجر سالفه لين قام واحد من شيبانهم وقال هذه القصه وللعلم مايدري اننا عتبان وقال: أنقل السالفه عن والدي رحمه الله عليه ويقول يوم تحارب بن رشيد وعتيبه قال ابوي شرايكم ياعيال عمي نتبع بن رشيد ونلحقه يمكن نكسب من عتيبه من الغزوه هذي وخاووني اربعه من بني عمي المهم يوم تعدينا ديار حايل لقينا عبد وقلناله وين رايح قال انا من عبيد بن رشيد وبلحق معزبي قلنا ياولد نبي نلحقك وانت تعرف الدرب وخللك مثل الامير علينا المهم مشينا وراه كم يوم لين اقبلنا على ديار عتيبه والا على يمنانا الوضح من الابل ماعندها أحد وتشاورنا كلنا وعرفنا انه الابل هذي لعتيبه وقلنا بدل لانحارب نكسبها ونمشي واتفقنا على الشي هذا ويقول ولله يا اخوان حين اقبلنا على الابل الا هاك الفارس الي ينطحنا ولله ثم ولله انه لحاله وحنا حول عشره وهو يصيح ويعتزي خيال الشرفا وانا بن هندي وعرفنا انه الي مايحتاج محمد بن هندي وحنا كل عطا جه يبا العمر وتسلم الرقبه من سيفه ماقعد فينا الا عبد ابن رشيد يبي ينطح بن هندي ماجاه مجال يقول المهم يقول ضربه بن هندي وقطع راسه ويحلف ابوي ويقول انه نشوف زور الرجال يطلع وينزل من جسمه وانه راسه يتدردح هناااااااك وسلمنا من الفارس وعودنا لهلنا ودمتم ...............
  • الوعر
    عضو نشيط
    • Dec 2005
    • 70

    #2
    [align=center]تسلم اخوي مشعل المحياني عزالله انك صدقت هذا والله هو فعل ابن هندي الله يرحمه عزالله انه جندل روس الشيوخ قبل العبيد مايسويها الا رجال مثل ابن هندي ويعطيك العافيه على هذا الموضوع
    تحياااااااااااتي[/align]

    تعليق

    • ناصر الدغيلبي
      عضو فعال
      • Dec 2005
      • 155

      #3
      [grade="8B0000 FF0000 FF7F50"][frame="7 80"]السلام عليكم ورحمة الله وبركاته شكراً لك اخي الكريم على هذا المقال وهذه السالفه ماهي غريبه على ابن هندي ووووومحمد ابن هندي احد اشهر فرسان عتيبه ويشهد له التاريخ [/frame][/grade]

      تعليق

      • فواز الشيباني
        موقوف لمخالفة الأنظمة
        • Apr 2005
        • 2001

        #4
        اخي الكريم

        تسلم على السلفه ولاهيب غريبه على ابن هندي

        الله يعطيك العافيه ولاهنت

        تعليق

        • @هجاد@
          عضو نشيط
          • Feb 2006
          • 65

          #5
          لاهنت يا مشعل المحياني على ها السالفه وتحياتي لك

          تعليق

          • سعوط المجانين
            عضو فضي
            • Aug 2003
            • 212

            #6
            مشكور اخوي على هذه القصه عن محمد بن هندي

            تعليق

            • مشعل المحياني
              عضو نشيط
              • May 2005
              • 39

              #7
              وشكرا لكم على تعليقكم الكريم تحياااااااااتي للجميع

              تعليق

              • الشاهر2000
                عضو فضي
                • Aug 2005
                • 212

                #8
                يعطيك العافيه يالمحياني

                تعليق

                • فتى وادي الرشا
                  عضو ماسي
                  • Nov 2005
                  • 767

                  #9
                  عوايد ابن هندي الله يرحمه
                  مشكور اخوي المحياني

                  تعليق

                  • طلاع الكريزي
                    عضو ماسي
                    • Feb 2006
                    • 450

                    #10
                    يكفيك ابن هندى ومصلط وهذال

                    تعليق

                    • روق والسماء فوق

                      رابطة محبي الهيلا

                      • Feb 2006
                      • 1090

                      #11
                      مهب غريبه على بن هندي
                      وتسلم على السالفه يالمحياني

                      تعليق

                      العمل...