احديه لرموز من روق وبرقا

طي
X
 
  • التوقيت
  • إظهار
مسح الكل
المشاركات الجديدة
  • الباحث عن الحقيقه
    عضو ذهبي
    • Dec 2011
    • 323

    #1

    احديه لرموز من روق وبرقا

    قال محمد بن هندي بن حميد :

    ياربعنا شدو على الزلبات جتنا مراسيل الامام
    ليت الحصان اللي عطي مافات ما سر بالباير عطاه العام

    وله ايضا

    شاهر يوصف ثوبي المقزور ومن الحرص حرصن عليه
    عاداتنا نركض على الصابور والعمر تدبيره على واليه

    وله ايضا

    ياحسيفــــــا يافاطــــــــــري وخذت مع نياق عزيب
    ياليتني حضرتها من فوق مشعثرت السبيب
    على العبيه كنها عـــــذرن تراعي للخطيب

    وله ايضا

    الله يلومــــــك يالذليـــــل ماشفت بالدنيا طراه
    مايحشم اللي من يعيل والعمر يوصل منتهاه
    لا بد من كونن يصيــــــر على حمود ومنتهاه
    ياشيخنا شيخن كبيــــر والشيخ نمشي في هواه

    حمود المقصود العبيد الرشيد
    والشيخ المقصود الامام عبدالله الفيصل آل سعود

    __________________________________________________ ___

    وقال ضيف الله العفار
    بدلت حم الرمك بحصان بدلتها بولد جموح
    ابي ليا جا الرمك ميدان عليها رخص كل روح

    __________________________________________________ ___

    وقال مزيد بن تايب المقاطي
    ياطارشن منا ترد علوم ياليت ابو تركي بعينه شاف
    الخيل كدت مثل كد الروم سبنا المزاين والجموع رداف
    راحوا عن الرضمه ثلاث قسوم لين الذويبي من دويشه عاف

    ابو تركي المقصود الملك عبدالعزيز

    __________________________________________________ __

    وقال نوار المقاطي
    ياذيب عن جال العويند لاتغيب ومن اشبعك ياذيب ماتلحق جزاه
    عشاك ابو صفره وكل ابلج حبيب ثربه يزل الحول ماكمل نداه

    __________________________________________________ __

    وقال تركي بن سداح بن محيا
    ان كان شجعي مارمت عبدالله ولا مع الساير تروح
    ارمي عشيرك ياضبي الخله لو كان حمايل لدوح

    __________________________________________________ __

    وقال حمد بن سحمان الشيباني
    واهني منهو قدم حل الشيب من طارد الغلبا على الزلبات
    الرب والينا يجيب عضيب سداد زبن الجاذيات

    __________________________________________________ _

    وقال دجا الدعجاني
    وضحن ترجي فزعت الرديان ياربعنا عزالهــــــــــــــا
    قطعاننا ترعى حمى جمران ومهارنا تبرا لهــــــــــــآ

    __________________________________________________ _

    وقال دحيم بن فهيد الشيباني
    يارجلي اللي في حصى التسرير من دون سبلا خيرة الخلفات
    يارجلي قدامك جهز ومنيــــــــــــر ووديد حامي الجاذيات
    المعترض خلي عشا للطيــــــــــر خلي عشا للحايمات

    المعترض المقصود فارس من فرسان مطير

    __________________________________________________ _

    دشين الحقياني النفيعي
    ياواصل منا زبيـــــــــــــــد قل له نبا صنعـــــــا وراه
    ان كان نوى بكرا الشديد الطير نطرح له عشـــــاه
    المــوت معنـــــــا فالحديد والسم يمشي في قراه
    من مات منا هو شهيـــــد والروح ما ندري عـــــلاه

    __________________________________________________ __

    وقال ذعار بن ربيعان
    يااهل الرمك زيدوا لهن فالمقام ثم عاد يالمداد لا تشري شعير
    قرصن على صاجن سقي باليدام يزيد فالمرواس والابهر كبير
    حنا حمينا نجد من علوى ويام وش رهبنا معبول هو ويا الصعير

    المعبول المقصود احد شيوخ القبائل
    والصعيري هو الشيخ نايف بن هذال بن بصيص


    وله ايضا

    ياللي تمنى سربة العتبان ابشر بهم علمن وكيد
    الخيل تنازى فوقها فرسان وبإيمانهم صلد الحديد
    مع دربهم عينت ابن شفوان وحسين حماي البليد
    البل اخذناها من الحيطـــان حفنا الودايع والمعيد

    ابن شفوان المقصود مطلق بن عمر شفوان من مطير
    وحسين ابن مطلق الدويش

    __________________________________________________

    وقال سالي القثامي
    يامطير ماجيتوا بيوم سعود للبل علانا واجبن نديه
    حنا جنبها باشهب البارود كم فارسن من دونها نرميه

    __________________________________________________

    وقال شارخ البراق الثبيتي
    تكفون ياجذعان روق وبرقا عانوا جوادي مع بني عبدالله
    نبي عليها نحتمي الزرقاء ولا نقرب حلة من حله

    __________________________________________________

    وقال شبيب بن حجنه
    حنا ذبحنا عيال ابن شمعول على القليب مواليـــه
    كله لعين الفاطـــر الزعــول ترعى الرسوم الخاليه

    عيال ابن شمعول من سبيع


    وله ايضا

    وضحن تهوم الخد هوم وانا علي ابرا لهـــا
    ليا طالعت سبار قـــوم تتكل على خيالهــا

    وله ايضا

    ترى الوعد طخفه وابا الحيران ان كان راسك فيه زود
    والله لتركبها بدون عنـــــــــــان وتخطي مصاريع الهبود

    وله ايضا

    لي سابقن تسبر نجوم الليل تبغى الحرايب سرمدا
    اخذ الدبش جرعان قدم الخيل والرزق ساع انه بدا
    تبى خشوم عريقيه والريـــــل وتبى مراه وثرمدا

    _________________________________________________

    وقال صنيتان الضيط
    صفرن تزوعق من تحت راكبها تجفل ليا من ناشها السروال
    المرجله عسرن على طالبهــا ما كل من ركب الفرس خيال
    ترعى بنا العرا على طايبهــــا وترتع بنا الواد المغر ان ســال

    __________________________________________________

    وقال طاحس ابن مشنوطه العضياني
    يادارنا لا ترهبيــــــــــــــــن اقفاينا اقبـــــــال علاك
    جلوا ورى ماتفزعيــــــــــن يوم الحرايب جـت وراك
    برقا يحمونك من يمـــــــين وحنا من الشام نحماك

    جلوا المقصوده هضبة حمراء لها قمتان في اعلى وادي جهام شمال بلدة البجاديه


    وله ايضا

    ياليت خلي شايفن بالعين يوم ان ابن هندي دفع مركيه
    حنا ذبحنا جيشهم واثنيــن غير الصويب اللي تشل دميه
    نعم بربعه ناهس الادنيـن هاك النهار وحزة العصريـــــه
    ليا قلت راحوا وادبحوا مقفين ياسرع ردتهم على المنقيه

    __________________________________________________

    وقال ضيف الله بن عميره المغيري
    يااهل الرمك كلن يجيب حداه حاذور من خوض الكلام
    كلن يمد بسابقه يمنــــــــــــاه والبل ورا ريع العجام

    __________________________________________________

    وقال عمهوج النفيعي
    يادم جوفي عند متعـب دين الرب على لعب الرمك نقضيه
    ياسابقي عقب الغلا والزين تناوشـــــي متعب ليا شفتيه

    __________________________________________________

    وقال عواض القثامي
    ياليت مزنه حاضره وتشـــــــوف نهار سوا الموت في علمانها
    حنا على عرجا وهي يم شعوف يوم الفرنجي يعتقب دخانها

    __________________________________________________

    وقال فاجر بن شليويح العطاوي
    لعيون وضحى نيها مردوم ندفع لها الحاشي ورا
    الى تردت هقوت المضيوم نطاحت الموت جهرا


    وله ايضا


    ياسابقي ضني شمر قوم عقب العواني جالها نقضان
    مايصلح الا عقب هية يوم غشا عسامه راس بن سبهان

    وله ايضا


    يامهرتي ياللي تشع الذيل ولا ذراعك خابرن ماضيه
    نبي عليها عند تالي الخيل والجيش الى حرف على تاليه

    _________________________________________________


    وقال فاجر السلات القسامي من ذوي عطيه
    عيبن على اللي يشرب الفنجال مايقطع الفرجه على راعيه
    اما يخلي الدم له والشـــــــــال ولا يجيب الشر مستازيه

    _________________________________________________


    وقال فراج التويجر
    سلطان يبغي ربعنا يحسب منازلنا بعيد
    كز المجوخ طبعنــنا والبعد يدنيه الشديد

    سلطان المقصود سلطان ولد فيصل الدويش


    وله ايضا

    ياضلع عروى لا سقاك الغمامي حيث ان جاء عندك تجمع وتفريق
    الضين راح ومقتفا له جهامـــي حطوا له الفرسان درب وطواريق
    قفوا به الكرزان والعج حــــامي الى آخر الاحديه

    _________________________________________________


    وقال فهران ابا القعيس النفيعي
    ياواصلن مني لابن جرشان اسلم وسلم لي علاه
    حنا طردنا سربت الدوشان ماهوب طعان الغضاه

    ابن جرشان المقصود هو قاعد من شيوخ قبيلة البقوم

    __________________________________________________


    قال قاعد الوهاب من الدماسي الروقي
    وادي الهييشه حل به قطعـــــان ومطولاتن ناحرت لسهيل
    وان كان حرب اقفوا على فيحان ويش التبدوي له وركب الخيل

    فيحان المقصود (نفي)

    __________________________________________________ _


    احدية قعيد الحرفي الشيباني
    وجداه ياحام الردوم اللي غدا يوم الصباح
    وخيالته حمرن عزوم ياطأ بها الموت الذحاح

    __________________________________________________ _

    قال مارق الضيط
    يااهل الرمك ميلوا على الربان سوو سواتي يااهل الزلبات
    الحي لا بده مع الحيــــــــــــــان ومن مات منا يلحقه اللي مات

    __________________________________________________ _

    وقال متلع المهري من شيوخ الدغالبه
    ياسابقي يحرم عليك النوم والصبح مركاضك على الدخان
    والله لعوضك في نهار اليوم الصبح اليا جاء للرمك ميدان
    ياطير ياللي تدرج بالحــــوم اكسر من الحربي على المطران

    __________________________________________________ _

    وقال محمد البراق الثبيتي
    يالربع كلن فاطره تنخـــــــاه تبا مشاهيها بلا جيران
    ذود المغيبي نوصله مشهاه يفرح بنا اليا ضيع الحيران

    وله ايضا


    ياواصلن مني لابن سلطـــــان قله ذبحنا الفارس المدغوش
    صم الرمك داجن على صمدان حماي زلبات الرمك في الهوش
    وان كان شاءالله نلحقه رزحان والكون الآخر نلحقه علوش
    خبر السوا ماهيب في الضلعان حرم عليهم وردها بالبوش

    ابن سلطان المقصود هو الشيخ الفارس تركي بن سلطان بن محمد بن ربيعان
    وصمدان المقصود هو ابن سقيان من شيوخ مطير
    وكذلك علوش اخو صمدان

    __________________________________________________ _

    وقال مرزوق بن مصيان الغنامي الروقي
    خل الرمك تاطأ على بن الجبعا لو كان خيال بدويش
    من فعلنا تمشي الضرايا شبعا والطير نرمي له وليش

    الجبعا المقصود من الدوشان من مطير

    __________________________________________________ _

    وقال مسعد الوطارق من النفعه
    ليا سابقن يدها عطيب وابطى على بروها
    وان ناحرت خير الحريب تطرح عشاها توها

    __________________________________________________ __

    وقال مشعان العصيمي
    يومن في عميله بـــــــــاق في قاعة الهضبه وزى
    واليوم عانه بالحديد يساق من فعلنا ذاق الجزى

    __________________________________________________ __

    وقال مناحي الفرزه من العصمه
    حنا ذبحنا منيف ابن شفلوت يوم السبايا مقبلات
    كله لعين الفاطر الخفـــــوت ترعى الفجوج الخافيات

    __________________________________________________ _

    وقال مناحي الهيظل
    ياحسين ورش حدها حتى مظاربها تبين
    كم سربتن نحتدهــا كل القبايل خابرين
    قم يالعبيدي بدهــــا واحلب لها الشقحا السمين
    صفرن سريعن ردها تخمر اليا شد الجرين


    وله ايضا


    لي مهرتن فيها دحم تلحق بعرقن فيه ريش
    والطير يبغي له لحم ملزوم نطرح له دويش

    وله ايضا


    ربعي كما سيل النحا نهاب يركب على روس العدام غثاه
    وان ماخذينا البيت بالطناب يحرم علينا نجد مانرعاه

    _________________________________________________

    وقال ميشع القثامي
    روحن كنهن الصيــــــد واشهب اللال يطوونه
    روحن من نفي والحيد و السعودي علا هنه


    وله ايضا

    يعود موزن مايداني اللمس علا طابور الحرس واعين
    ليتك تناظر فيه عشيت امس يوم ان ربعي للقا حاسين
    قمنا نسقط جوفهن الخمس لين ادبحوا شيخانهم مقفين

    __________________________________________________

    وقال نايف ابا العلم العصيمي
    ياواصلن عبدالعزيز قل له حمانا دارنا
    عبيد خلي في المداس داجن عليه مهارنا

    عبالعزيز الملك
    وعبيد من فرسان الدوشان

    _________________________________________________

    وقال هذال العصيمي
    ياذيب دوك عرار بن عبود اكسر عليه وناد ذيب ذقان
    كله لعين الفاطر الونــود ترعى من الحمه الى الجذوان

    _________________________________________________

    وقال هذال بن فهيد
    الشيخ ينزل منزله عجلان شيخ الفهر عن ديرته مطرود
    نرعى الحمل مذلق العيدان ديرة عشق وهديف بن عبود

    هديف بن عبود من زعماء قحطان
    وكذلك عشق


    وله ايضا


    شيخ الجحادر في جناب عصيل م رمح ابن عامر قزا
    يوم الهلالي كب تالي الخيل وفي قاعة الهضبه وزا


    وله ايضا

    ياذيب جيعان البطين دوك العشا ناد اخوياك
    دونك تراحيب السمين والقابله نايف عشاك

    نايف المقصود من شيوخ مطير
    وكذلك تراحيب

    وله ايضا

    خمسين ليله مقبلين والزمل نرقع في حفاه
    من هجر نبي حقنا وطويق وركنا عليه

    _________________________________________________

    وقال وديد الجلاوي من الشيابين
    افرج لنا يافارجن لمحمد من الموارت وخالطهن سيوف
    يضرب بحد السيف دون الشرفا لين السبايا عودن وقوف

    محمد المقصود محمد بن هندي بن حميد

    ________________________________________________




    مع تحيات اخوكم الباحث عن الحقيقه
    17/7/1433
  • راشد النفيعي

    رابطة محبي الهيلا

    • May 2012
    • 2339

    #2
    موضوع جميل الله يعطيك العافيه

    تعليق

    • ولـد الـهـيـلا
      عضو فعال
      • May 2012
      • 181

      #3
      يثّبت .. لو إني لي سلطه ..
      آحديات فخر و عز وعناوين للسطوه والشجاعه .. إي والله ربعي حزامي الهيلا []][ سلإطين الجزيرة ][[]
      الباحث بيض الله وجهك ي ولد العممِ !

      تعليق

      • الباحث عن الحقيقه
        عضو ذهبي
        • Dec 2011
        • 323

        #4
        اشكر من مر وقراء احدية رموز عتيبه الهيلا الابطال

        تعليق

        • ظلال السيوف
          عضو ماسي
          • Mar 2009
          • 835

          #5
          موضوع موزون من العيار الثقيل

          واضافة للموضوع يقول تني ابو عبيه في احداه

          ابن هندي فوق صفراه الدحوم *** العبيه مشيها فيه ادحام
          يوم تهوي من مرابيع النجوم *** كنها شيهانتن تبغى الطعام

          تعليق

          • الباحث عن الحقيقه
            عضو ذهبي
            • Dec 2011
            • 323

            #6
            أ شكرك يا ظلال السيوف على الاحديه الى ذكر تها وقلت انها لتنى ابو عبيه00 لاعندى عنها علم هل هيا فعلا لتنى ابو عبيه او لغيره بس فيه طال عمرك بيتا من ضمن قصيده طويله للشاعر المعروف لسان عتيبه في زمانه فراج التويجر العضياني مشابه للحديه التى قلت انها لتنى ابوعبيه والله اعلم من باب التوضيح فقط واليك البيت 000 يقول فراج من ضمن قصيدته 0 يوم يركب فوق شقراه القحوم العبيه ركضها فيه ادحام فوقها يمنى تورد بالسهوم تشبع اللى في مراح الخيل حام 0

            تعليق

            • العتيبي السعدي الهوازني
              عضو ذهبي
              • Mar 2012
              • 374

              #7
              بارك الله فيك

              تعليق

              • برقاء والسماء زرقاء
                عضو فضي
                • Nov 2009
                • 284

                #8
                السلام عليكم ورحمة الله وبركاته ،،

                تعديل بسيط على احدية هذال :

                شيخ الجحادر في شعيب عصيل . من رمح سعديه قزى
                تعلمت فيهم بقـــــــلع الخيل . والشيخ فالهضبه وزى


                انظر القصه والقصيده في كتاب صحيح الاخبار

                تعليق

                • الباحث عن الحقيقه
                  عضو ذهبي
                  • Dec 2011
                  • 323

                  #9
                  تسلم على التعديل وشي عادى يحصل دائما عند الرواءه كل راوى للقصه او القصيده تلاحظ عليه اختلاف عن الثاني تحياتي

                  تعليق

                  • هداج المخامر
                    عضو فضي
                    • Dec 2006
                    • 205

                    #10
                    الباحث عن الحقيقة

                    شكرا على الطرح الرئع

                    وليس بغريب عليك


                    تقبل مروري وشكرا

                    تعليق

                    • الباحث عن الحقيقه
                      عضو ذهبي
                      • Dec 2011
                      • 323

                      #11
                      تسلم اخوى هداج 000 واقدر مرورك الكريم

                      تعليق

                      • ابو يزيد الحافي
                        عضو ذهبي
                        • Jun 2011
                        • 346

                        #12
                        [align=center]ومن احديا الشاعرة هيا بنت مشعان ابالخيل من المهادلة حيث رات قوم يغيرون على ابل لجيرانها --


                        سحج العشاير مالهن فزاع ===== من يوم اهلهن في المغيب

                        ليته حضرهن هزاع ======= ولا خلف ولد شبيب


                        وخلف المذكور في هذه الاحديا هو الفارس المشهور خلف بن شبيب بن طويق
                        [/align]
                        تم التعديل الأخير بواسطة ابو يزيد الحافي؛ 22-Jun-2012, 04:45 PM.

                        تعليق

                        • أبن نافه العطاوي
                          عضو فضي
                          • Aug 2011
                          • 279

                          #13

                          بيض الله وجهك موضوع يستحق البحث والكتابه تحياتي وتقديري وأسمحلي في التعديل البسيط



                          وقال مرزوق بن مصيان الغنامي الروقي
                          خل الرمك تاطأ على بن الجبعا لو كان خيال بدويش
                          من فعلنا تمشي الضرايا شبعا والطير نرمي له وليش

                          الجبعا المقصود من الدوشان من مطير




                          وقال الشيخ /مرزوق بن وبصان الغنامي العطاوي


                          خل الرمك تاطأ على ابن الجبعاء
                          لو كان خيال ودويش
                          من فعلنا تمشي الضرايا شبعاء
                          والطير نرمي له وليش

                          والمقصود الشيخ حسين بن الجبعاء

                          تعليق

                          • الباحث عن الحقيقه
                            عضو ذهبي
                            • Dec 2011
                            • 323

                            #14
                            اشكركم على المرور الكريم وتصحيح الخطاء

                            تعليق

                            • الباحث عن الحقيقه
                              عضو ذهبي
                              • Dec 2011
                              • 323

                              #15
                              اليكم بعض الاحدية التى سقطة منى بدون قصد

                              قال الشيخ : مناحي الهيضل




                              حذف الموارت مابها نوماس حذفت شرودن من بعيد
                              علي قضب عنانها والراس والله يدبر مايريــــــــــــــد
                              علي باللي تبعد المرواس والعمر لازم انه يبيـــــــــد

                              وله ايضا :

                              ياكيف يمدح راعي النيشان حذفت شرودن من بعيد
                              خطلان الايدي مالهم ميزان الخبل والطيب سوا
                              ماعاد يوجد للعرب ميــــدان ويلاه ياعصرن مضا

                              وله ايضا :

                              ياهل النيات سيروا كل غمرن مانوا به
                              لاتقول اني قـــــوي كود ماربي نوا به
                              جارنا خمس سنوات لا يهاب ولا نهابه
                              لين خانه من زمانــه شيمته لاوا سفابه

                              وله ايضا :

                              نركب على الحرقاة بلدن عروق في ضف بوشن بالخطر نرعاه
                              الراس منها كنه الصنــــــــدوق وان حركوا حبل الرسن شذاه
                              باغن اليا حديوا على الخنتــوق وكلن طرق راسه عن اللهواه
                              اردها لعيون زاهي الطــــــوق عافت بعلها ماتبي نماه

                              وله ايضا :

                              جانا الكتاب مزرفن بهروج لاكاتب ولاقاريه
                              يابدر مطلوبن على الغوج والغوج لابايع ولا معطيه
                              عنانه بلحيانه يســــــــوج عابيها للهيجا وانا راعيه

                              وله ايضا :

                              انتم على اللي كنهن وحوش وحنا على مثل الادام
                              وسلاحنا ماقلط الناتــــــــوش شلفن يقصن العظام
                              نردك رد البقر في الحــــــوش من دون عشبن في الهييشه زام
                              ياحرب وين الفارس المدغوش ذياب قواد الجهام

                              وله ايضا :

                              ياراعي الغوج الهليب طول الخضار مزايمه
                              حاذور من شلفا شبيب تشبع طيورن حايمه
                              وكروش مطغيها الحليب على الطراد مهايمه

                              وله ايضا :

                              نطيحهم جمع الاخـــــــوان مهيفات ماتداني اللمس
                              مسبلين في رضا الرحمن ومخلصين ديونهم قبل امس

                              وله ايضا :

                              ياعد مذكور مســـــــــاس عد لابن هادي قديم
                              حنا نزلناها بعشر افراس لعيون سياج البريم


                              بالنسبه للبيت حذف الموارت مابها نوماس > يقال انها لمحمد بن هندي بن حميد ويقال انها لمناحي الهيضل ومن قال انها لمناحي الهيضل الشيخ محمد بن عمر بن جهجاه بن حميد نسبها لمناحي الهيضل والله اعلم ..

                              __________________________________________________ _______________

                              وقال الشيخ هذال بن فهيد

                              يااهل الرمك كلن يجيب حداه انتم وراكم ماتحدون
                              ترا الحدا لاهل الرمك مشهاه فكاكة التالي نهار الكوم

                              وله ايضا :

                              ياراكبن من عندنا ثنتيـــــــن يم الجنوب مناحي تلقاه
                              يحرم عليه الحزم والضيرين والهضب مايشرب برايد ماه

                              وله ايضا :

                              ليت تركي حاضرن ويتعين يوم ابن صلعان تزايد جنونه
                              فوق راسه شلعنا المزين لين بيته هدمنا ركونه

                              تركي المقصود : هو الشيخ تركي بن سلطان بن ربيعان
                              وابن صلعان : نايف ابن هذال ابن بصيص من شيوخ مطير

                              وله ايضا :

                              ياواصلن مني ليامعبول العد لا يخلي جباه
                              جيناه من يم الدخـــــول والزمل نرقع في حفاه

                              وله ايضا :

                              يانجد خليتك لبطن العـــــــــــار من خوف حماي الونود
                              لو المدى خشم النتش ومطار والله لربعن في النفود
                              بلاي من طيرن يصيد الطـــــار طيرن مخلابه صيود

                              تعليق

                              العمل...