العريفي الخالدي والشيخ هذال بن فهيد اخو هملا

طي
X
 
  • التوقيت
  • إظهار
مسح الكل
المشاركات الجديدة
  • ابودريع
    عضو نشيط
    • Mar 2007
    • 88

    #1

    العريفي الخالدي والشيخ هذال بن فهيد اخو هملا

    بسم الله الرحمن الرحيم

    مقدمه :::::::::::::

    هذه السالفه نسمع بها مع الشيبان الاولين ، طبعاً العرافا والشيابين اخلطاء( بالحلال) والعرافا عدايلهم مع عتيبه وغيرها من القبائل والشيابيين خاصه مع عتيبه ، ومن اول اذا بغت بعض القبايل تنقل عامودها ومعها نقولً واجد تحط( الوضيع) عند اهل (مزعل) العرافا من بني خالد والوضيع اما تمر زايد او اي اغراض زايده تثقل عليهم.

    ويروى لنا ان الشيخ هذال ابن فهيد صوب في احدى معاركه وجاء الخبر في سوق مزعل والا عبدالعزيز ابن سعيدان العريفي معجبه هذال وفعوله من شجاعه وكرم و ماوده ان يموت مثل ها الرجال فقال : من يبشرني ان هذال طيب واعشي الحاضرين ، وما جاء من باكر الا والعلم واصل انه مصوب ومفضوضه رجله ، قال : الحمدالله ياربي ، واذبح لهم هاك الطلي .

    مرت الايام وراحوا العرافا لخلطاهم يشفون حلالهم من ابل وغنم عند القبايل ، وراح عبدالعزيز مع ربعً له لشيابين ، ونوخو ركايبهم وجوك مقبلين عليهم ، قلطوهم الشيابيين وحلبو لهم ، شرب عبدالعزيز ولا كثر وراحت السحله ولاعاد عودت ، وهم حول المغرب ، فقال واحد معه ها ياعبدالعزيز يا خسارة ذبيحتك فا الرجال ، قال : لا والله لو انه حاضر كان شفت فعله، وهذال ابن فهيد مهوب فيه وواصله علم بفعل العريفي في سوق مزعل ، يوم هجدهم في الليل وشف ها الركايب المنوخه درا انها للعرافا ، فصوت لواحد من عياله قال ويش عشيت ضيفانا ؟؟ قال : تغبقوا وقلت بكره اذا جيت نتغدى معهم ، قال جعل الي عطانيك ياخذك ، هذولا العرافا يوم اني صوبت وتعافيت ذبحوا عشان سلامتي ، قم ووقض اهل بيته وزينو لهم العشاء ورحب بهم وهلابهم وتعلل معهم ثم خلاهم يمسون ، والا عبدالعزيز جنب خويه قال : شفت فعله اذا حضر .

    وايضا سعود ابن سعيد العريفي كان من المعجبين بفعول هذال ابن فهيد ، وتعرف عليه وعزمه ، وسمى بنته هملا على اخت هذال وحط له (قربه ) سبيل في مسجد (مزعل )

    هذا شيء من الي سمعناه من شيبانا عن هذال بن فهيد الله يرحمه
    تم التعديل الأخير بواسطة ابودريع؛ 15-Sep-2011, 02:49 PM.
  • غالب الذيابي
    شــــاعــر
    • May 2009
    • 2210

    #2
    :
    :
    :
    :
    :


    والله وستين نعم بالعرافا ولاتكفي .. رجال لو ان فيهم اسلوب الحاضره لكن

    ماضيعوا عادات الطيب وسلوم النخوة والمروة ، وتزبين الدخيل

    وللمعلومية اكثر العرافا خوالهم عتيبة ..والله وستين نعم.


    شكرا يا بودريع.
    :
    :
    :
    :
    [align=center]:
    :
    :[/align]
    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    إذا الكريمُ رأى الخمولَ نزيلـهُ=في منزل فالحـزمُ أن يترحـلا
    كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا
    سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا
    لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا [/poem]
    [align=center]صفحتي على التويتر[/align]

    تعليق

    • @ـايل

      مشرف المنتديات العامة

      • Jan 2008
      • 9251

      #3
      ونعم بأخو هملا وبالاد مشيب ونعم بالعرافا

      ولاهنت يابن دريع

      ..

      ..
      تويتر : AlHooL@

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ..
        اخو هملا عنوان الشجاعه والكرم ياقل اللي مثله ...
        .

        نعم وكذلك لا ننسا
        المواقيف المشرفه لبن مسعود واهل الشعراء مع عتيبه
        ...
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • القناص 2012
          عضو نشيط
          • Aug 2011
          • 80

          #5
          اخو هملا غني عن التعريف

          ومليون نعم بالخوالد انسابنا وغنيين عن التعريف ايضا

          تحياتي

          تعليق

          • محمد الذيابـــي

            مشرف منتدى قصائد الاعضاء

            • Mar 2011
            • 12133

            #6
            ,’


            الحديث عن اخو هملا ذو شجون .


            شكراً لك يابو دريع .


            ,’
            التوقيع

            محمد الذيابـــي

            تعليق

            • منصور بن فهيد
              مشرف سابق
              • Dec 2004
              • 3451

              #7
              والنعم والله بالعرافا انا اشهد انهم اهل جيره واجاويد وماهذه القصه الا نقطة في بحر من كرم وشجاعة هذه القبيله

              وشاكرلك يابو دريع على ادراج القصه ونتمنى المزيد من هذه القصص
              man.9.our@hotmail.com

              تعليق

              • عبدالله أبوقنية الدغيلبي
                عضو
                • Sep 2011
                • 7

                #8
                ونعم أخو هملاء

                تعليق

                • عزارم

                  رابطة محبي الهيلا

                  • Dec 2010
                  • 2691

                  #9
                  أخو هملا الله يرحمه أمير و شجاع و كريم و طيب ‏‏
                  ‏
                  لاهنت ياطيب عالنقل

                  تعليق

                  • متعب الند
                    عضو ماسي
                    • May 2011
                    • 643

                    #10
                    شكراُ لك ياخي ...........والعرفا عرب اهل نخوه وجيره وخوهملا قايد وشيخ وتاريخه محببنا فيه وحنا ماعاصرناه .............الله يرحمه رحمة واسعه...........وموات المسلميين

                    تعليق

                    • سقم المعادين
                      عضو نشيط
                      • Nov 2010
                      • 99

                      #11
                      الله يرحم الشيخ : هَذال بن فهيـد !
                      كان يضرب بالقبائل يساراً ويميناً لـ مصلحة توسّع أراضي الهيـــــــلا #



                      أبـو ، دريع : شُكراً لك

                      تعليق

                      العمل...