معركة طلال الاولى عام 1247 هجري

طي
X
 
  • التوقيت
  • إظهار
مسح الكل
المشاركات الجديدة
  • عبيد الروقي
    عضو
    • Mar 2005
    • 6

    #16
    الأخ نقال هم مطير

    عتيبة إن لم ينصفها التاريخ تنصفها الجغرافيا

    راح تقول مطير من الحرة إلى المجرة

    أقولك دياركم على شكل شريط ضيق يمتد من الغرب إلى الشرق

    قفارة نجد وهضابها عشقت العتبان

    ويلي عتيبة في كبر الديار النجدية(وسط نجد) قبيلة حرب

    في كون الرشاوية استعانت بكم حرب تريدون مرابعنا

    لكن هيهات من دونها العتبان

    وادي الرشا محتمينه من قديم..حنا نسوق الجمل ثم نحماه

    عنه الدويش محدرينه للقصيم..ما هوب حربي نفخ ذربه يباه

    شف أغلب فخوذكم

    على أطراف المملكة ومعلقين في الحفر والكويت

    وبالاخص انتم يا ميمون دياركم قليلة في نجد تكاد لا تذكر

    العبدلية,الفرضخية(صغيرة),

    الحسو (في طرف نجد تابع لمحافظة الحناكية)

    نترك في أمان الله

    تعليق

    • طلال الروقي
      سفير النوايا الحسنه
      • Apr 2004
      • 968

      #17
      عين العقل مرحباًبك
      من طول الغيبات جاب الغنايم [align=justify][align=right]من اليوم أنا أحب المطران يوم رجعوك لنا [/align][/align]

      تعليق

      • نقال هم مطير
        عضو نشيط
        • Mar 2005
        • 83

        #18
        هلا بعين العقل ، والله يا خوك لو تهرب منيه ومناك منت مفتك مني ، أما الطلاسم اللي تقول عنها فأنا أمشي معاك بأسلوبك وجاريك ، وشوفك قمت أتحوص وأخر شيء تنشد عن القصيدة ، القصيدة هاذي وغيرها من القصائد التي تحكي وتعد مفاخر مطير ، وأن كان تبي مثلها وحليها تراها واجد ، حاضر يا عين العقل بس أبنشدك بالله منهو اللي يندس وجيه المشارية! ، أن كان اللي يندس يجيه مشاريه أجل اللي ينير ويش يجيه!

        عبيد الروقي ، أمش هاذي والله الفزعة يا ولد روق ، سجلت وجيت تفزع لكن ضيعت يا طويل العمر ، صرت تتكلم بالجغرافيا اللي أنصفتكم أكثر من التاريخ كما تقول ، الميدان يا حميدان ، ديار مطير معروفة مثل ما قلت من الحرة الى المجرة ، أما سالفة الشريط الضيق الله يقطع سوالف ذكرتني بالبلادي! ، أما عن نجد وسوالف نجد ، أنصحك لها تجيبها لآنها ما هي بصالحك ، ولي موضوع عن نجد راح أتكلم فيه بعدين ، بس أبعطيك شين تحت الحساب ، مناخ العرمة بين مطير وبني لام في عام 1022 هجري الموافق 1613 ميلادي في نجد ! ، أما كلامك عن ميمون مردود عليه فالديار اللي عديتها وغيرها واجد لميمون منتشرة ، أصبر علي يا ولد روق.

        الاخ المحب الصريح ، تقول أنا من اليوم أحب المطران يوم رجعم عين العقل ، والله المطران مطولين مع عين العقل عاد مدري بعدين الظاهر بتغير رايك! .

        تعليق

        • عبيد الروقي
          عضو
          • Mar 2005
          • 6

          #19
          الأخ نقال هم مطير

          إيه أفزع مثل ما تشيل هم مطير

          إيه الجغرافيا واقع ملموس ما هي خزعبلات منتدى مطير وحمران النواظر

          مالكم يا ميمون موطئ قدم يكاد يذكر في وسط نجد غير العبدلية

          البلادي كاتب وباحث تاريخي وكتبه منتشرة أفضل من أساطيركم الخيالية


          أما عن نجد

          قال الشاعر القثامي:

          حنا أهل نجد وبسيوفنا ملكناه....وغابت شموس أهله الأوليني(مطير, قحطان)

          بالنسبة لمناخ العرمة

          كنتوا في نجد صحيح وجلوكم قحطان وجت الهيلا وجلت قحطان وعجزت حمران النواظر أن ترجع لوسط نجد

          ابن بليهد: (( أن اواسط نجد لبني نمير في الجاهلية وفي صدر الاسلام ، ثم حلته بنو لام ، ثم عنزة ومن الادلة الحناكية لابن هذال والحائط لابن مجلاد وعقلة الصقور للصقور ، والبحيرة من آبار ضرية لابن بحير العنزي ، ثم جاءت مطير فأخرجتهم ، ثم جاءت قحطان فأخرجتهم ، ثم جاءت عتيبة فأخرجتهم))

          الله يرحم الشيخ جهز بن شرار اللي ما حافطتوا على دياره في وسط نجد

          تعليق

          • نقال هم مطير
            عضو نشيط
            • Mar 2005
            • 83

            #20
            يا ولد روق ، ترى الكذب مالك في صالح وأنا أخوك ، وكلامك هذا كله مردود عليه ، وعلى فكرة العبدلية ليست لميمون!!!!!!!!!!!! ، وديار ميمون سواء في عالية نجد أو وسط نجد أو الصمان معروفة وأنا خوك مير دور غيرها!!!!!!!! ، أما البلادي يا حليلك حليلاه ، يا ليتك ما طريته ، على العموم روح شوف شكتب عنا وعنكم عشان تعرف! ، أما كلامك عن نجد حاضر بس أصبر علي هذا موضوعي القادم ، أما كلامك عن الامير جهز بن شرار وتقول ما حافظتم على ديارة! ، يا كبرها عند الله كبرها ، الرد فيها فوق ، ذكرتني بتركي بن حميد الله يرحمه! .

            تعليق

            • النيروز
              عضو نشيط
              • Mar 2005
              • 54

              #21
              نجد وماادراك عن نجد

              اخرجت قحطان مطير منها وكانت مويضي البرازيه المطيريه تلوم قومها لاتخاذلهم وانخضاعهم وترك بلادهم تقول

              نجد حميناه من اولاد وايل
              .....................واليوم عدونا سكن وادي الراك
              فماحميناه بحد السلايل
              ....................ولاعطينا الشاه ذولا وذولاك

              وبعد فتره جائت عتيبة واخرجت قحطان من نجد

              يقول الخروعة الثبيتي:

              الاد الكريزي مكرمين الخطاطير
              ...................كم شيخ قوم جاء ولدوه عنا
              منه القليب اللي حيوده نواعير
              .....................( من ملك ابن هادي غدا ملكه النا )

              ويقول ضيف الله العفار:

              يانجد والله مانزلناك بسلوم
              .................ولانته بورث اجدودنا فالقدايم
              ويانجد اخذنا منك حق ومرسوم
              ..................وصفى جنابك عقب نطل العمايم
              خذناك عقب مدارك العمر بالسوم
              .................سوم يخسر لابسات اللثام
              حتى سكنا نجد من غير معلوم
              .................بصولات تلقى به صفا الجو عايم

              فتوسعت عتيبه على حساب مطير

              تقول مويضي البرازية تمتدح مخلف الدغيلبي وتتوجد على ديارها التي رحلو:

              ( وديرتي ) عنها مخلف حداني
              .................حدي الضوامي عن بيار بها جم
              اذا انتخى من فوق بنت الحصاني
              .................الخيل من خوفه تفرق وتلتم
              خلا شيوخ ( مطير ) مثل السماني
              ..................اهل السيوف اللي لاعافيضها دم

              ويقول احد المطران يتوجد على دياره:

              وديرتي فيها العتيبي ينادي
              ...................عقب الوزا فيها بيوت مبناه
              يامطير ياسقم الحريب المعادي
              ..................خيل تقود وادهم الجيش يقفاه

              ..............................................

              يقول ابالجلاد العصيمي

              واد الرشا مهوب ورث من قديم
              ...................الالمن ساق الجمل ثم احتماه
              خلوه من بعد القسابني مضيم
              .................راحت شرايدهم بصبحا والحصاة
              وعنه الدويش منزحينه للقصيم
              ..................واليوم حربي نافخ ذربه يباه

              تم تحرير المشاركة ........
              عين ..!!!

              تعليق

              • عين العقل
                ناقد ومحلل
                • Jun 2003
                • 1968

                #22
                هلا نقال .....
                مالقيت في كلامك شيء يستاهل الرد ....
                على كل حال كنت عارف انك مستحيل تجاهر بمناسبة القصيدة لكن يالله ... حبينا نتونس ...!!
                وخذ راحتك اخوي واكتب الي يعجبك بدون ماتسيء لأحد ... ومن غير تميلح ...!!
                عاد وصلتك الرسالة وانت بكيفك ...
                وحياك وبياك ....


                الاخ المحب الصريح .....
                جزاك الله خير والمنتدى متابعينه بشكل دوري لكن تخبر مشاغل الدنيا ....!!
                وتقبل شكري وتقديري وكامل أحترامي ..

                عين .....!!

                تعليق

                • نقال هم مطير
                  عضو نشيط
                  • Mar 2005
                  • 83

                  #23
                  ..........................

                  لاتسمح قوانيين منتدى الهيلا بسب وشتم حتى غير عتيبة , ولذالك حررت المشاركة

                  الإدارة

                  تعليق

                  • نقال هم مطير
                    عضو نشيط
                    • Mar 2005
                    • 83

                    #24
                    أخواني الهيلا ، أظن أن موضوع طلال الاولى قد حسمها التاريخ وقد ذكرها أبن مشيب المشرف العام ، هنا أنتهى الموضوع .

                    تعليق

                    • عين العقل
                      ناقد ومحلل
                      • Jun 2003
                      • 1968

                      #25
                      هلا أخوي نقال هم مطير ......
                      بصراحة الموضوع قلب 180% ... وأختلط الحابل فيه بالنابل ......
                      وشخصيا لاتعليق لدي سوى إنتظار رد الأخ النيروز بخصوص ماذكرته أخي الكريم ....
                      وبعدها ........((( لكل حادث حديث ))) ..!!
                      وأنت أخوي نقال طيب وفالك طيب ... ومن قبيلة عريقة نقدرها ولها عندنا مكانة كبيرة ....
                      وثق ثقة عمياء ماجيت الا عند أهلك ولك كامل التقدير والمحبة والحشمة ...

                      تعليق

                      • نقال هم مطير
                        عضو نشيط
                        • Mar 2005
                        • 83

                        #26
                        جزاك الله خير يا عين العقل وما قصرت ، لكن طال عمرك الظلم شين وكلن كلامه مردود عليه ومحاسبن عند الله بكل كلمة قالها ، وما ني ما يدبل تسبدي الا أصحاب المشاركات من عشر وأنت نازل ، على العموم عتيبة أجل وأعظم من هذا كله ، تحياتي .

                        تعليق

                        • الرديف
                          عضو
                          • Jun 2004
                          • 17

                          #27
                          ونعم بمطير ونعم بعنزة ............
                          تم تحرير المشاركة والرجاء أن لاتجبرنا أخي الرديف على مانكره ...!!
                          عين العقل .......

                          تعليق

                          • نقال هم مطير
                            عضو نشيط
                            • Mar 2005
                            • 83

                            #28
                            تم تحرير المشاركة أخي نقال هم مطير.....
                            والرجاء من الجميع الألتزام بضوابط المنتدى ........
                            عين ........!!

                            تعليق

                            • نقال هم مطير
                              عضو نشيط
                              • Mar 2005
                              • 83

                              #29
                              الى أدارة المنتدى ، الشخص هذا خالف قوانين المنتدى ، وأنتم حذفتوا ردي قبل ، أحذفوا ردة اللي يسب فيه حمران النواظر ، تحياتي .

                              تعليق

                              • نقال هم مطير
                                عضو نشيط
                                • Mar 2005
                                • 83

                                #30
                                شكرا أخي عين العقل على حذفك العبارات المسيئة في هذا المنتدى المحترم.

                                تعليق

                                العمل...