ماهي احداث القصه والابيات ؟

طي
X
 
  • التوقيت
  • إظهار
مسح الكل
المشاركات الجديدة
  • اداوي الجروح
    العمري الحربي
    • Dec 2008
    • 160

    #1

    ماهي احداث القصه والابيات ؟

    اخواني الاعزاء في ملتقى او منبر الهيلا


    من يأتي بالنور حول تلك الابيات والمناسبه التي قيلت فيه ...وشكرا

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



    ياضـيـقـةٍ صـكــت عـلــي الضـلاعـيـني =ـالـيـتـنـي يـــــم الـشــفــا فـاالـبـيـانـي

    ياكـثـر دمـعــن فـــاح يـــزي قطيـعـيـن=والقـلـب مــن بـيـن الضمـايـر كـوانــي

    يااهـل النضـا خـوذوا عليهـن تـزاريـن=ثــم انـحـروا بظـهـورهـن يـــم ابـانــي

    تلفـي بيـوت اللـي لـه الظـيـف ناصـيـن=وبــيــوت ربــعــي بـيـنــه بـالـمـبـانـي

    بصحونـهـم يـرمـون حـيــل وخـرافـيـني=ـامـا شـبـع بصحونـهـم مـــن هـدانــي

    وصح للعمـور ان جيـت قضايـت الديـن=الـلــي يـخـلـون الـصـعـب مـطـوعـانـي

    واستـفـزع البيــــضـان وإلإ الغـيـاديـن=الـلــي يـشــدون الـشــوش بااليـمـانـي [/poem]




    منقوووول بتصرف ..
  • اداوي الجروح
    العمري الحربي
    • Dec 2008
    • 160

    #2
    للرفع فقط ...

    تعليق

    • خالد بن مورق

      رابطة محبي الهيلا

      • Dec 2008
      • 1059

      #3
      حياك الله يالعمري الحربي وقصة هذه الابيات هي عندما طلب ناهس الذويبي من شيخ الحزمان من طلحه من الروقه حمدان بن رازان أن يعطيه العاني حتى يربع في أطراف ديار الروقه الشماليه ولاكن لم يسمح لهم ابن رازان شيخ الحزمان بالرعي الى بعد اذن شلهوب الضيط لان العضيان وبني عمرو كانت بينهم معارك داميه فوافق شلهوب الضيط اكراما لبن رازان فسمح ابن رازان لناهس الذويبي ولاكن حط له حد بأن لايتعدى هذا الحد وبعد مده تعدى ناهس الذويبي الحد المسموح له بالرعي فغزو العضيان ناهس الذويبي واخذو ابله وبيته وحلاله فغضب الحزمان على غزو العضيان لجارهم الذويبي وردو الحزمان حلال جارهم من العضيان واخذو بعض حلال العضيان وعطوهم للذويبي لانه في وجههم فأخذ الذويبي حلاله وحلال العضيانفي اخر المرباع ورجع الى دياره وعندما علمو الحزمان بأن الذويبي تجنى على ديار العضيان وعدى الحد المسموح له بالرعي اسرو الحزمان عويد الذويبي ورحلو به الى جنوب ديار عتيبه المحاديه لقحطان وطلبو من ناهس الذويبي ان يرجع حلال العضيان وقال شجاع الذويبي

      غدوبي الحزمان هم والغضابين..... لاوالله ألا رحت يم قحطاني


      وطال اسر الذويبي فأرسل قصيده للحميدي بن سقيان من شيوخ مطير يقول


      ياليت أبويه عانين للسقايين .... اللي يشدون الشوش بالبماني


      وعندما سمعو ابناء عمومة الذويبي في قصيدته ارسلو ابل العضيان مع الحميدي بن سقيان فذهب المطيري الى الحزمان وارجع حلال العضيان الى ابن رازان وفك ابن رازان اسر عويد الذويبي والقصيده اطول من ذالك
      تم التعديل الأخير بواسطة خالد بن مورق؛ 19-Sep-2010, 02:30 AM.

      تعليق

      • خالد بن مورق

        رابطة محبي الهيلا

        • Dec 2008
        • 1059

        #4
        وقيل انه عويد الذويبي قد نخى جميع شيوخ قبيلة حرب في قصيدته تلك ولم يحركو ساكنن لكي يفكو اسره لم يفك اسره ويسعى في فك اسره الى الحميدي بن سقيان

        تعليق

        • أخو جوزا
          إدارة أقسام القبيلة
          • Jul 2003
          • 4189

          #5
          [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

          ياضيقتن صكت علي الضلاعين = ياليتني يم الشفا فاالبياني
          ياكثر دمعن فاح يزي قطيعين = والقلب من بين الضماير كواني
          يااهل النضا خوذوا عليهن تزارين =ثم انحروا بظهورهن يم اباني
          تلفي بيوت اللي له الظيف ناصين = وبيوت ربعي بينه بالمباني
          بصحونهم يرمون حيل وخرافين=ياما شبع بصحونهم من هداني
          وصح للعمور ان جيت قضايت الدين = اللي يخلون الصعب مطوعاني
          واستفزع البيضان هم والغيادين = اللي يشدون الشوش بااليماني
          وعلم ترانا من وراالعرض مقفين=لاوالله اللي رحت يم قحطاني
          اقفوبي الحزمان هم والغضابين =وتل قلبي تل حبل السواني
          بالحبس مربوط ثمان وثلاثين=مامنهم اللي عادني في مكاني
          مير ياليت ابوي دنوتن للسقايين = وعلوش زبن مكاظمات العناني
          والا ليته دنوتن لابن جبرين = اللي يروي مرهفات السناني
          والا الصعوب اللي علي الهوش جاسين = والا بعد ميمون ماني بكاني
          والا امتني ياليت ربعي مضايين =اللى يخلون اشقر الدم جاني
          والا النواحل شوفهم يطرب العين =اللي يدقون البن بالهندواني
          والا حجاب اللى يضد المعادين = قطعانهم مارتعت بالعواني
          والالابن سعده زبون المتلين = وكم قطيعن يودعه شعثراني
          واولاد راشد يتعبون المناحين =رجالهم يوم الملاقى ضماني
          وسعيد الذكري ربوعه متاجين = ياما انقطع مع جرته من عماني
          والله لونه من حديهم قريبين = انه لياصلني من البعد عاني
          والا اهل العرفا لجو صفيفين = وبار العميل ونفضن العواني
          ياطير يم ابوي صف الجناحين =والزم جوابي لين ياصل اخواني
          وان كان ربعه ماعطوه البعارين = يرخي السلاح ويظهر العلم ثاني
          والله لوني عندهم لااقضي الدين = وحلفت ماارحم واحن مابغاني [/poem]
          قال الله تعالى:

          ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

          تعليق

          • اداوي الجروح
            العمري الحربي
            • Dec 2008
            • 160

            #6
            ياليت أبويه عانين للسقايين .... اللي يشدون الشوش بالبماني


            صحح القصيدة /

            واستفزع البيضـان وإلإ الغياديـن=اللـي يشـدون الشـوش بااليمانـي


            الذويبي طلب الفزعه من رؤوساء القبائل المذكورين في الابيات التي ذكرها اخو جوزاء مشكورا َ


            واما عن القصه فلا اعلم عنه شيء فقط الابيات ..



            والموووووووووووووووووضوع منقوووووووووووووول بتصرررررررررف


            ومشكور يابن مورق على الاضافة
            تم التعديل الأخير بواسطة اداوي الجروح؛ 19-Sep-2010, 08:08 PM.

            تعليق

            • خلف المطيري
              موقوف لمخالفة الأنظمة
              • Aug 2010
              • 2849

              #7
              انا اشوف الذويبي اخطأ

              ذكر بعض شيوخ مطير قدام شيوخ قبيلته

              وهذا لايجوز مهما كان

              يقدم الاجناب علي ربعه

              والله لو ربعي ياكلون حقي اني ماقدم احد عليهم

              تعليق

              • اداوي الجروح
                العمري الحربي
                • Dec 2008
                • 160

                #8
                تم النشر في الأصل بواسطة خلف المطيري عرض المشاركة
                انا اشوف الذويبي اخطأ

                ذكر بعض شيوخ مطير قدام شيوخ قبيلته

                وهذا لايجوز مهما كان

                يقدم الاجناب علي ربعه

                والله لو ربعي ياكلون حقي اني ماقدم احد عليهم
                ياخلف !!!

                هذا وانت شاعر تقووووول هالكلام !!


                اقراء القصيدة من اوله بتمعن واعرف من روؤساء القبائل الي ذكرهم الذويبي شجاع بن عواد :



                ياضـيـقـةٍ صـكــت عـلــي الضـلاعـيـن=يـالـيـتـنـي يـــــم الـشــفــا فـاالـبـيـانـي

                ياكـثـر دمـعــن فـــاح يـــزي قطيـعـيـن=والقـلـب مــن بـيـن الضمـايـر كـوانــي

                يااهـل النضـا خـوذوا عليهـن تـزاريـن=ثــم انـحـروا بظـهـورهـن يـــم ابـانــي

                تلفـي بيـوت اللـي لـه الظـيـف ناصـيـن=وبــيــوت ربــعــي بـيـنــه بـالـمـبـانـي

                بصحونـهـم يـرمـون حـيــل وخـرافـيـن=يـامـا شـبـع بصحونـهـم مـــن هـدانــي

                وصح للعمـور ان جيـت قضايـت الديـن=الـلــي يـخـلـون الـصـعـب مـطـوعـانـي

                واستـفـزع البيـضـــــان وإلــا الغـيـاديـن=الـلــي يـشــدون الـشــوش بااليـمـانـي

                وعلـم ترانـا مــن وراالـعـرض مقفـيـن=لاوالله الـلــي رحــــت يــــم قـحـطـانـي

                اقفـوبـي الـحـزمـان هـــم والغضـابـيـن=وتـــل قـلـبـي تــــل حــبــل الـسـوانــي

                بالـحـبـس مـربــوط ثـمــان وثـلاثـيــن=مامنـهـم الـلــي عـادنــي فـــي مـكـانـي

                ميـر يالـيـت ابــوي دنـوتـن للسقايـيـن=وعـلــوش زبـــن مكـاظـمـات العـنـانـي

                والا لـيـتـه دنــوتــن لابــــن جـبـريــن=الـلــي يــــروي مـرهـفــات الـسـنـانـي

                والا الصعوب اللي علي الهوش جاسين=والا بــعــد مـيـمــون مــانــي بـكــانــي

                والا امتـنـي يالـيـت ربـعــي مضـايـيـن=الـلــى يـخـلـون اشـقــر الـــدم جــانــي

                والا النـواحـل شوفـهـم يعـجـب الـعـيـن=قطعانـهـم تـرعـى الخـطـر دون عـانــي
                والا حـجــاب الـلــى يـضــد المـعـاديـن=قـطـعـانـهــم مــارتــعــت بـالــعــوانــي

                والالابـــن ســعــده زبــــون المـتـلـيـن=وكــــم قـطـيـعـن يــودعــه شـعـثـرانـي

                واولاد راشــــد يـتـعـبـون الـمـنـاحـيـن=رجـالـهــم يــــوم الـمـلاقــى ضـمـانــي

                وسـعـيـد الـذكــري ربـوعــه متـاجـيـن=يامـا انقـطـع مــع جـرتـه مــن عمـانـي

                والله لـونــه مــــن حـديـهــم قـريـبـيـن=انـــه لياصـلـنـي مـــن الـبـعـد عــانــي

                والا اهـــل الـعـرفــا لــجــو صفـيـفـيـن=وبـــار الـعـمـيـل ونـفـضــن الـعـوانــي

                ياطـيـر يــم ابــوي صـــف الجنـاحـيـن=والــزم جـوابـي لـيـن يـاصـل اخـوانـي

                وان كــان ربـعـه مـاعـطـوه البـعـاريـن=يـرخـي الـسـلاح ويظـهـر العـلـم ثـانـي

                والله لـونـي عنـدهـم لااقـضــي الـديــن=وحـلـفـت مـاارحــم واحـــدن مابـغـانـي




                للمعلوميه :


                شجاع بن عواد الذويبي هو اول شيوخ الذوبة قبل ناهس وضيف الله ومحمد عقاب وفيحان الذويبي

                والمذكورين في القصيدة موضح بللون الاحمر ولايحتاج اعيد ذكر هم الا اوضح لك ابن سعده


                وهو زعيم قبيلة الوهوب ابن سعدي ....وعيال راشد هم الفرده

                وسعيد الذكري امير قبيلة عوف
                تم التعديل الأخير بواسطة اداوي الجروح؛ 19-Sep-2010, 10:23 PM.

                تعليق

                • اداوي الجروح
                  العمري الحربي
                  • Dec 2008
                  • 160

                  #9
                  تم النشر في الأصل بواسطة خالد بن مورق عرض المشاركة
                  حياك الله يالعمري الحربي وقصة هذه الابيات هي عندما طلب ناهس الذويبي من شيخ الحزمان من طلحه من الروقه حمدان بن رازان أن يعطيه العاني حتى يربع في أطراف ديار الروقه الشماليه ولاكن لم يسمح لهم ابن رازان شيخ الحزمان بالرعي الى بعد اذن شلهوب الضيط لان العضيان وبني عمرو كانت بينهم معارك داميه فوافق شلهوب الضيط اكراما لبن رازان فسمح ابن رازان لناهس الذويبي ولاكن حط له حد بأن لايتعدى هذا الحد وبعد مده تعدى ناهس الذويبي الحد المسموح له بالرعي فغزو العضيان ناهس الذويبي واخذو ابله وبيته وحلاله فغضب الحزمان على غزو العضيان لجارهم الذويبي وردو الحزمان حلال جارهم من العضيان واخذو بعض حلال العضيان وعطوهم للذويبي لانه في وجههم فأخذ الذويبي حلاله وحلال العضيانفي اخر المرباع ورجع الى دياره وعندما علمو الحزمان بأن الذويبي تجنى على ديار العضيان وعدى الحد المسموح له بالرعي اسرو الحزمان عويد الذويبي ورحلو به الى جنوب ديار عتيبه المحاديه لقحطان وطلبو من ناهس الذويبي ان يرجع حلال العضيان وقال شجاع الذويبي

                  غدوبي الحزمان هم والغضابين..... لاوالله ألا رحت يم قحطاني


                  وطال اسر الذويبي فأرسل قصيده للحميدي بن سقيان من شيوخ مطير يقول


                  ياليت أبويه عانين للسقايين .... اللي يشدون الشوش بالبماني


                  وعندما سمعو ابناء عمومة الذويبي في قصيدته ارسلو ابل العضيان مع الحميدي بن سقيان فذهب المطيري الى الحزمان وارجع حلال العضيان الى ابن رازان وفك ابن رازان اسر عويد الذويبي والقصيده اطول من ذالك


                  ابن مورق القصة مافيه ناهس الذويبي


                  للأحاطه فقط

                  القصة تدور بين العضيان شجاع بن عواد الذويبي فقط

                  ناهس 1336هـ لم يعاصر شجاع بن عواد المتوفي في آوخر المنتصف الثاني من 1288

                  وهو اول من ترئس امارة الذوبه ومن قال :

                  ذويبيه وكلن يضرب له نيه


                  و رد عليه حبيتر بن عواد من زعماء قبيلة البيضان :

                  حبيتريه ...ولا كلن يضرب له نيه ..

                  وبعده عزل في الامارة على قبائل العطور فقط ...

                  تعليق

                  • خالد بن مورق

                    رابطة محبي الهيلا

                    • Dec 2008
                    • 1059

                    #10
                    تم النشر في الأصل بواسطة اداوي الجروح عرض المشاركة
                    ابن مورق القصة مافيه ناهس الذويبي


                    للأحاطه فقط

                    القصة تدور بين العضيان شجاع بن عواد الذويبي فقط

                    ناهس 1336هـ لم يعاصر شجاع بن عواد المتوفي في آوخر المنتصف الثاني من 1288

                    وهو اول من ترئس امارة الذوبه ومن قال :

                    ذويبيه وكلن يضرب له نيه


                    و رد عليه حبيتر بن عواد من زعماء قبيلة البيضان :

                    حبيتريه ...ولا كلن يضرب له نيه ..

                    وبعده عزل في الامارة على قبائل العطور فقط ...


                    القصه بين عويد الذويبي وبين الحزمان والغضابين والقصيده كامله توضح هالشي بقول الشاعر

                    اقفوبي الحزمان هم والغضابين



                    الحزمان والغضابين هم من طلحه من الروقه نزلو عندهم الذوبه من حرب كما قلت لك في الربيع وكانت المعارك شرسه بين العضيان والذوبه قال ابن رازان من الذوبه ان يستأذن من العضيان حشمه لهم لان الديار الي بينزلون فيها مجاوره لديار العضيان واستأذن ابن رزان من العضيان بأن يجاورو الذوبه العضيان فسمح لهم شلهوب الضيط بالرعي وحدد لهم مكان لايتعدوه ان تعدوه سوف يغزيهم وفي اخر الربيع تعدو عبيد وخدم ورعاة الذوبه الحد المسموح لهم فاغار عليهم شلهوب الضيط واخذ ابلهم فغضب ابن رازان شيخ الحزمان من فعل شلهوب الضيط وذهب وارجع حلال ضيفه الذويبي ومعه ايضا بعض من حلال العضيان وارجعهم للذويبي وكان لايعلم بأن الذويبي قد تعدى الحد المسموح له بالرعي وفي نهاية الربيع حينما كان الذويبي راجع الى دياره علم ابن رازان شيخ الحزمان بأن العضيان غزو الذويبي لانهم تعدى الحد المسموح له بالرعي غضب من الذويبي وذهب لرد حلال العضيان من الذويبي فاغار على الذويبي وهو في طريق عودته فأسره واخذ حلال العضيان وارجعه للعضيان واخذ الحزمان شجاع الذويبي الى الجهه الجنوبيه من نجد تجاه ديار قحطان وبذالك يقول الشاعر شجاع الذويبي

                    اقفوبي الحزمان هم والغضابين..... لاوالله ألا رحت يم قحطاني



                    ونخى الحميدي وفعلن ذهب الحميدي وجاب الحلال واعطاه الحزمان وفكو الحزمان اسر الذويبي
                    تم التعديل الأخير بواسطة خالد بن مورق؛ 20-Sep-2010, 11:46 AM. السبب: خطا

                    تعليق

                    • خالد بن مورق

                      رابطة محبي الهيلا

                      • Dec 2008
                      • 1059

                      #11
                      تم النشر في الأصل بواسطة اداوي الجروح عرض المشاركة
                      ياليت أبويه عانين للسقايين .... اللي يشدون الشوش بالبماني


                      صحح القصيدة /

                      واستفزع البيضـان وإلإ الغياديـن=اللـي يشـدون الشـوش بااليمانـي


                      الذويبي طلب الفزعه من رؤوساء القبائل المذكورين في الابيات التي ذكرها اخو جوزاء مشكورا َ


                      واما عن القصه فلا اعلم عنه شيء فقط الابيات ..



                      والموووووووووووووووووضوع منقوووووووووووووول بتصرررررررررف


                      ومشكور يابن مورق على الاضافة


                      القصيده ملعوب فيها ومزود عليها ابيات وذكرو فيها شيوخ حرب لكي يخفو قصة القصيده ماهي معقوله بأن شيخ من مشائخ حرب يقدم شيوخ مطير على شيوخ قبيلته والصحيح هو انه نخى فقط شيوخ مطير بعد ان خذلوه ابناء عمومته حرب انا لا اعلم عن القصيده سواء البيتين التي نقلتها وماقصر اخو جوزاء نقل القصيده كامله حينما قرأتها مزوده عليها ابيات كثيره سئلت احد الاشخاص عن القصيده وقصتها والقصه مثل مانقلتها انا ولاكن الابيات مزوده عليها كثيرن الابيات الصحيح بأن ابن رازان شيخ الحزمان طلب من الذوبه من حرب ان يرجعو باقي حلال العضيان لكي يفك اسر ابن عمهم شجاع الذويبي الحربي ولاكنهم رفضو فغضب شجاع الذويبي من ابناء عمومته لانهم لم يسعو في الافراج عنه وهو بالاسر فأرسل قصيده ينخى الحميدي بن سقيان احد مشائخ مطير بأن يذهب الى قبيلة حرب وربعه الذوبه من حرب ويطلب منهم ان يرجعو باقي الحلال لكي يفك اسره واذا لم يرجعو الحلال نخى الحميدي بن سقيان بأن يغزي الذوبه من حرب ويرجع ويرجع حلال العضيان فهو يقول في اخر القصيده

                      وان كــان ربـعـي مـاعـطـوه البـعـاريـني........ـ يرخـي الـسـلاح ويظـهـر العـلـم ثـانـي

                      والله لـونـي عنـدهـم لااقـضــي الـديــن.............وحـلـفـت مـاارحــم واحـــدن مابـغـانـي


                      في هذه الابيات يقول شجاع الذويبي للحميدي ابن سقيان اذا لم يعطوك بعارين وحلال العضيان ياليت انه يرخى السلاح ويعطيهم العلم الثاني يغزييي ويغنم الحلال من الذوبه من حرب ويتوعد شجاع الذويبي ابناء عمه الذوبه بأن والله لو اني عندهم لاقضي الدين وفي اخر شطر يقول حلفت مارحمهم دامهم مابغوني والقصيده الصحيحه انه لم ينخى سواء قبيلة مطير وشيوخها يقول الشاعر


                      ياضـيـقـةٍ صـكــت عـلــي الضـلاعـيـن........يـالـيـتـنـي يـــــم الـشــفــا فـاالـبـيـانـي

                      ياكـثـر دمـعــن فـــاح يـــزي قطيـعـيـن...........والقـلـب مــن بـيـن الضمـايـر كـوانــي

                      اقفوبي الحزمان هم والغضابين.................... لاوالله ألا رحت يم قحطاني

                      ياليت أبويه عانين للسقايين ............................. اللي يشدون الشوش بالبماني

                      والا لـيـتـه دنــوتــن لابــــن جـبـريــن..............الـلــي يــــروي مـرهـفــات الـسـنـانـي

                      والا الصعوب اللي علي الهوش جاسين...............والا بــعــد مـيـمــون مــانــي بـكــانــي

                      والله لـونــي مــــن حـديـهــم قـريـبـيـن..................... انـــه لياصـلـنـي مـــن الـبـعـد عــانــي

                      وان كــان ربـعـي مـاعـطـوه البـعـاريـن.................يـرخـي الـسـلاح ويظـهـر العـلـم ثـانـي

                      والله لـونـي عنـدهـم لااقـضــي الـديــن...................وحـلـفـت مـاارحــم واحـــدن مابـغـانـي




                      وما يحتاج شرح القصيده ابن جبرين هو شيخ بني عبدالله من مطير والصعوب المذكورين بالقصيده ايضا من بني عبدالله من مطير وميمون ايضا احد افخاذ مطير يقول شجاع عويد الذويبي والله لو اني من احد هذه القبائل انه ليوصلني ويفك اسري في اخر الابيات يحرض الحميدي بن سقيان مشائخ مطير على ابناء عمومته ويطلب منه اذا لم يردو حلال العضيان ويفكو اسري اغزيهم يالحميدي ويتوعد الذويبي ابناء عمومته
                      تم التعديل الأخير بواسطة خالد بن مورق؛ 20-Sep-2010, 12:17 PM. السبب: خطا

                      تعليق

                      • اداوي الجروح
                        العمري الحربي
                        • Dec 2008
                        • 160

                        #12
                        ياليت أبويه عانين للسقايين ............................. اللي يشدون الشوش بالبماني



                        خالد ابن مورق انت رجال تعد الحق !


                        الذويبي طلب الفزعه وقال / ابمتني بالبيضان وطلب الفزعه منهم ...


                        والبيت الجديد الي تقول عانين للسايين مكسور !


                        والقصيدة هي /

                        واستفزاع البيضان وإلا الغيادين .................ززالي يشدون الشوش باليماني


                        ولعلمك في وقته كافة قبايل بين عمرو ومنهم العطور والعيينات بأستثناء البلاديه وبني عبد الله


                        كان بينهم خلافات واحداث تاريخيه مع قبيلة البيضان بسبب امارة بني عمرو


                        والحين الذويبي امير شمل العيينات والعطور فقط


                        وقصة العزل والشدائد معروفه عند حرب وبني عمرو ..



                        وبالنسبه للقصة الي ذكرته صحيحه وماني مكذبك ولا ينكر ذلك الا جاحد او جاهل ..


                        تحياتي يابن مورق

                        تعليق

                        • خالد بن مورق

                          رابطة محبي الهيلا

                          • Dec 2008
                          • 1059

                          #13
                          تم النشر في الأصل بواسطة اداوي الجروح عرض المشاركة
                          ياليت أبويه عانين للسقايين ............................. اللي يشدون الشوش بالبماني



                          خالد ابن مورق انت رجال تعد الحق !


                          الذويبي طلب الفزعه وقال / ابمتني بالبيضان وطلب الفزعه منهم ...


                          والبيت الجديد الي تقول عانين للسايين مكسور !


                          والقصيدة هي /

                          واستفزاع البيضان وإلا الغيادين .................ززالي يشدون الشوش باليماني


                          ولعلمك في وقته كافة قبايل بين عمرو ومنهم العطور والعيينات بأستثناء البلاديه وبني عبد الله


                          كان بينهم خلافات واحداث تاريخيه مع قبيلة البيضان بسبب امارة بني عمرو


                          والحين الذويبي امير شمل العيينات والعطور فقط


                          وقصة العزل والشدائد معروفه عند حرب وبني عمرو ..



                          وبالنسبه للقصة الي ذكرته صحيحه وماني مكذبك ولا ينكر ذلك الا جاحد او جاهل ..


                          تحياتي يابن مورق


                          هلا ومرحبا اخوي اداوي الجروح القصيده انت ناقلها من احد الرواه او سامعها من احد الاشخاص ام ناقلها من احد المنتديات ؟؟؟ وتريد معرفة قصتها البيت كما نقلته انه وصحيح ومافيه كسر والقصيده مافيها بعض الابيات التي غيرت معنى القصه والقصيده
                          تم التعديل الأخير بواسطة خالد بن مورق؛ 20-Sep-2010, 07:04 PM. السبب: خطا

                          تعليق

                          • أخو جوزا
                            إدارة أقسام القبيلة
                            • Jul 2003
                            • 4189

                            #14
                            ياالعمري انت وش تبغى تاصله من ها القصة؟


                            تبغا تقول ان امارة الذويبي انحصرت وما تكف بن عمرو

                            وانا امارة عوف مهيب على ابن موقد على سعيد الذكري



                            والذويبي طلب الفزعه ولاحد فزع له وقاموا اخوانه وعيال عمه القريب على ناهس وبغت تصير بينهم وقالو له رد اباعر العضيان مااخذتها كسب معركة رجعها للحزمان يفكون اسيرنا

                            واذعن لهم ناهس
                            قال الله تعالى:

                            ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

                            تعليق

                            • خالد بن مورق

                              رابطة محبي الهيلا

                              • Dec 2008
                              • 1059

                              #15
                              ولعلمك في وقته كافة قبايل بين عمرو ومنهم العطور والعيينات بأستثناء البلاديه وبني عبد الله


                              كان بينهم خلافات واحداث تاريخيه مع قبيلة البيضان بسبب امارة بني عمرو


                              والحين الذويبي امير شمل العيينات والعطور فقط


                              وقصة العزل والشدائد معروفه عند حرب وبني عمرو ..

                              مشيخة الذويبي على بني عمرو ماسمعنا فيها الى في زمن النت
                              تم التعديل الأخير بواسطة خالد بن مورق؛ 20-Sep-2010, 07:15 PM.

                              تعليق

                              العمل...