كون غال بين عتيبة وقحطان

طي
X
 
  • التوقيت
  • إظهار
مسح الكل
المشاركات الجديدة
  • ولد حبرود
    عضو فعال
    • Feb 2007
    • 142

    #1

    كون غال بين عتيبة وقحطان

    [align=center]بسم الله الرحمن الرحيم

    الحمد لله وكفى ، والصلاة والسلام على النبي المصطفى ، وعلى آله وصحبه ومن بهداه اقتفى : وبعد :

    قبيلة قحطان هي من إحدى قبائل العرب العريقة الكبيرة . لها ثقلها ووزنها المعروف في تاريخ نجد , ولا يكاد يحدث شيء في تلك المنطقة إلا ولتك القبيلة يد فيه . لذلك تجد تاريخها حافل بالمفاخر والأمجاد التي سطرها أبناء القبيلة بكل أبهة وسمو . فأنعم بهم وأكرم .

    ولقد جرت أحداث وأكوان عظيمة بين تلك القبيلة وبين قبائل نجد العظام . كانت كفتهم أحيانا فيها راجحة , وأحيانا أخرى مرجوحه . فما وهن لهم عزم ولا لانة لهم قناة , ومن تلك الايام هو ما جرى بينها وبين قبيلة عتيبة في المكان المعروف بغال بين عامي 1290هـ - 1298هـ على سبيل التقريب وهو بين عدة قبائل من قبائل عبيدة قحطان بقيادة الشيخ زيد بن سالم بن شفلوت شيخ الفهر خاصة وشيخ شمل عبيدة عامة ويعضدة أيضا مجموعة من شيخان القبيلة ، وكان الطرف الثاني هم قبائل عتيبة ولا أعلم لمن كانت القيادة فيهم وأغلب الظن أنها لعقاب بن شبنان بن حميد وكان يعضدة الشيخ خزام المهري رئيس قبيلة الدغالبة والشيخ سلطان أبا العلا رئيس قبيلة العصمة , وكان يوم غال يوم مشهودا ، تطاردت فيه الفرسان وتلاحمت فيه الجموع حتى علم كل قدره ومقامه ، فدارت الدائرة على قبيلة قحطان ، وهزموا . فأنشد بهذه المناسبة الفارس تني بن هضال أبو عبية هذه الأبيات :




    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


    كون ٍ جرى في غـال مثـل الوقيـدة= في سوق يرخص بين بايـع وسـوام
    كل (ن) ظهر جمعه يناطـح ضديـده = ومن لا يوالـي اهـل الخيـل ينـلام
    بأمر مـن المولـى عليهـم مريـده = من اول في سعـادات واسـلام
    ها عاد ذوقـوا حربنـا يـا عبيـده = تسعين لحيه في نحى الجمـع ماقـام
    يا ذيب عرجـا نـاد ذيـب الفريـده = دوك العشا من جمع سلطان 1وخزام2
    رحتوا نحايـا مـا سويتـو جديـده = ولا راح زيد بالسعه مثل اهـل العـام
    يا راكب اللي مـا رحـت بالحصيـده = ترعى الحيا ما بين حسله والاكـوام
    اليا صفـت نطـرق حنكهـا مسيـده = من كل ما يلدي بهـا حـث الاقـدام
    تلف الامـام اللـي علومـه وكيـده= عبـدالله3 اللـي للمعاديـن لـطـام
    قلـه ترانـا مـا نسينـا الوعـيـده = ولو كـان حنـا ورى نقـرة الشـام
    [/poem]


    فلما وصلت تلك الابيات لمسامع قبيلة قحطان ، تمثل الشاعر سالم بن فتنان آل روق القحطاني بهذه الابيات فقال :



    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


    يالله ياللـي رايـة الملـك بايـده =ياللي يعاون راعي الحـق لا قـام
    وآ ونتي وآ كنـه معيـده رديـده = غير الطوى جاها سواميح وهيـام
    من عقب قفت عنا ضعاين عبيده4= قفـوا وخلـوا مناعيرنـا شــام
    وحنا لهـم درع رصيـف حديـده = يضفي على حد المناكب والاكـوام
    وانتم لنا يا زيـد مثـل القصيـدة = يا مزبن اللي ضـاوي الـى قـام
    يا طارشـي وقـف بليـا عبيـده = وعقب اللحية شاعر عقب ذا نـام
    جاوزتنـي يـا ضياغـم بكـيـده= (.....)5 شاف الجفا عنه شوام
    يقول ما تسوون صرف الجديـده6= وانتم هل الطلات من قبل الاسـلام
    (.....)7 جهام ( .......) 7 بجيده = والخيل راحـت بالمناعيـر قـدام
    [/poem]


    تعليق : ذكر الأخ الباحث عبدالعزيز بن عواض الوذيناني في كتاب الحمدة الجزء الثاني ان هذه القصيدة قيلت في مناخ عرجا وهذا ليس بصحيح على الاطلاق , لان الامام عبدالله الفيصل المذكور في القصيدة توفي عام 1307هـ ومناخ عرجا حدث عام 1313هـ . فكيف يخاطب أبو عبية ويؤكد بوعوده لرجل مات قبل الوقعة بست سنين ؟!.

    __________________________

    1. سلطان : هو الشيخ سلطان ابا العلا .
    2. خزام : هو الشيخ خزام المهري .
    3. عبدالله : هو الامام عبدالله الفيصل .
    4. عبيدة : هي احدى فروع قحطان الكبيرة .
    5. ( ......) : كلمة مفقودة .
    6. جديدة : هي عملة قديمة .
    7. (......) : كلمة مفقودة .


    (منقول)

    [/align]
  • غـشَّـامـ
    عضو فعال
    • Aug 2010
    • 125

    #2
    الله يعافيك على الموضوع



    والمعركه بقيادة الامير عقاب بن شبنان بن حميد ـ امير عتيبه بعد تركي
    ويعضدونه الامير سلطان ابالعلا ـ امير شمل العصمه ـ والامير خزام المهري ـ امير الدغالبه
    لاكن فيه تعديل كما ورد من الرواه البيت الخامس من القصيده الاولى

    يا ذيب عرجا نـاد ذيـب الفريـده دوك العشا من فعل سلطان 1وخزام2
    فعل وليس جمع


    ونعم بقحطان عوال الشايب وهذاء دليل انهم هم وعتيبه فرسان نجد والحرب يوم لك ويوم عليكـ




    شكرا لك وبارك الله فيك تسلم يمينكـ

    شكرا لك

    تعليق

    • مشاري الحبردي
      ذيـب الـهـيـلا
      • Aug 2006
      • 4888

      #3
      من طوّل الغيبات جاب الغنايم


      وونعم بربعي وبعوال الشايب



      لاهنت

      تعليق

      • احمد منير الواصل
        عضو ماسي
        • Mar 2009
        • 945

        #4
        السلام عليكم ورحمة الله وبركاته
        الله لا يهينك اخوي ابن حبرود على هذا القصه والابيات الجميله
        وانعم واكرم بلابتي الهيلا من غير قصور في قحطان

        تعليق

        • اسير الروح
          عضو فضي
          • Sep 2010
          • 264

          #5
          ونعم بعتيبه الهيــــلا

          ونعم بقحطان

          تعليق

          • ابو شوق الازوري
            عضو ماسي
            • Aug 2010
            • 501

            #6
            السلام عليكم ورحمة الله وبركاته
            الله لا يهينك اخوي ابن حبرود على هذا القصه والابيات الجميله
            وانعم واكرم بلابتي الهيلا من غير قصور في قحطان

            تعليق

            • ولد حبرود
              عضو فعال
              • Feb 2007
              • 142

              #7
              بسم الله الرحمن الرحيم

              نشكر الاعضاء الذين شرفوا هذا الموضوع
              غشام
              مشاري الحبردي
              احمد منير
              اسير الروح
              ابوشوق

              لاعدمناكم

              تعليق

              • ابوزيدالعيسى
                عضو نشيط
                • Oct 2011
                • 68

                #8
                يا راكب اللي ما رعـت بالحصيـده = = ترعى الحيا ما بين حسلـه والاكـوام

                تعليق

                • ابو سلامة الاسعدي
                  عضو فعال
                  • Aug 2010
                  • 124

                  #9
                  رحمهم الله جميعا

                  تعليق

                  • محمد الذيابـــي

                    مشرف منتدى قصائد الاعضاء

                    • Mar 2011
                    • 12133

                    #10
                    ,,

                    لا هنت يالغالي .

                    ,,,,,,
                    التوقيع

                    محمد الذيابـــي

                    تعليق

                    • (مہودع دنہيأهہ)

                      رابطة محبي الهيلا

                      • Mar 2011
                      • 1026

                      #11
                      والله ونعم بعتيبه وقطحاااان.وبيض الله وجهك يالحبردي على الطرح ولاهنت.

                      تعليق

                      • الحباب
                        عضو نشيط
                        • May 2011
                        • 60

                        #12
                        ونعم بالجميع والايام يوم لك ويوم عليك

                        تعليق

                        العمل...