جمجمة الشيخ تركي بن حميد تحفظ حق حربي وتودي بحياة مطيري

طي
X
 
  • التوقيت
  • إظهار
مسح الكل
المشاركات الجديدة
  • عكاش
    عضو ذهبي
    • Sep 2003
    • 332

    #1

    جمجمة الشيخ تركي بن حميد تحفظ حق حربي وتودي بحياة مطيري

    حيالله كلن بسمة

    هاذي سالفة معروفة حصلت مع جمجمة الشيخ تركي بن حميد
    والسالفة على اثنيين واحد حربي وواحد مطيري

    كان الحربي يرعى بباعرة عند قبر الشيخ تركي وواحدتن من نياقة قامت تعض جمجمة الشيخ تركي ويوم درى الحربي وعرف انها جمجمة الشيخ تركي بن حميد

    شيمة الحربي وعزة نفسة حثتة على ان يكرم جمجمة الشيخ
    قام الحربي وحلب في الجمجمة من حليب الناقة ورجع الجمجمة محلها وسكر عليها بالحصى حتى ماتجيها البل الثانية

    وبعد فترة غزو العتبان على حرب ورجعو لهلهم بالكسب
    وكان من ظمن الكسب نياق الحربي الي كرم جمجمة الشيخ تركي بن حميد
    راح الحربي لشيخ عقاب بن شبنان وعلمة بسالفتة مع جمجمة الشيخ تركي
    ويوم عرف مدى طيبة وشهامة هالحربي رجع اباعر الحربي لة وشكرة على عملة



    بعدها بفترة جاء مطيري من الملاعبة ومر على قبر تركي بن حميد وقرب من القبر وشاف جمجمتة

    ويوم درى انها جمجمة الشيخ تركي بن حميد تذكر ربعة الي ذبحهم وتصبيحة الهم وتشريدهم من ديرهم

    قام المطيري الملعبي وقام يكسر جمجمة الشيخ
    الملعبي داري انة ميت مهوب مسويبة شي
    المطيري راح لربعة وقام يتفاخر بهالشي وانة كسرة جمجمة الشيخ تركي

    وصل الخبر الشيخ عقاب بن شبنان وغزو على الملعبي وربعة وذبح الملعبي وناس من جماعتة وكسبو من حلالهم


    ويقول الشاعر:

    وليتك نشدت ( الملعبـي ) عـن بكـارة...........شرشوح ذودن كلبوهن مغاتير
    و( الملعبي ) فالرمـح مثـل الصهـارة...........الي عمـل لـروس الامـوات تكسيـر
    هـذا دليلـن انـة يعـانـي حــرارة................يحـز فـي كبـدة سـوات المناشـيـر

    .................................................. .....
    ...............................................



    عكاش|4|
  • ابن مشيب
    إدارة أقسام القبيلة
    • Nov 2002
    • 9791

    #2
    اخي عكاش اشكرك على جهودك وحرصك على تاريخ عتيبة.............

    وحاولت جاهداً ارسل لك رسالة عبر الخاص , ولكن دون جدوى , اتمنى منك تفعيل خاصية الرسائل الخاصة.......

    كما اتمنى ان تكون مشاركتك متسمة بالروح الاخوية , والابتعاد عن الجفائة وغلاضة الاسلوب , وتمنيت ان يكون ذالك في رسالة خاصة , ولكن خاصية الرسائل الخاصة لديك غير موجودة..........


    وبخصوص الثأر للشيخ تركي ومقتل الملعبي , يقول تني ابوعبية المقاطي:

    [poem=font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياراكباً من فوق حمراً معناه=ترعى الزهر لين اشمخن الاباهير
    ملفاك اخوشرعا زبون المخلاه=سلام علية وفسر العلم تفسير
    موجات اخذناها ومبلش ذبحناه=والملعبي سعر البكار المعاشير
    ذباح اخوشرعا بيدينا ويلاناه=خلي عشى لمعكفات الدناقير[/poem]


    رحم الله الجميع....

    تعليق

    • العزيزي
      عضو
      • Sep 2004
      • 13

      #3
      الله يعين

      السلام على الجميع
      وسلمنا من شرك ياعكاش الدعوة مهي بالقوة ترها طرح سالفة ماهي هوشة الله
      يصلحك خلك ديمقراطي


      وسلام يابن مشيب ياخال الله يخليك ويسعد مساك ومسا الجميع

      ومشكور ياعكاش على طرح الموضوع حلوة يونس الحرارة|4| |4|
      |3|




      الــــــــــعـــــــزيـــــــزي|4|

      تعليق

      • ابن زيدان
        عضو نشيط
        • Aug 2003
        • 55

        #4
        ابك والله ان هذي السالفة ماهي بزينه في منتدى منصوف من مطار وعتابه كود تبونها جاهليه وياليت المشرف
        ابن مشيب يعدل السالفة والا يحذفها لانها ماهي بزينه بيننا

        تعليق

        • ابن مشيب
          إدارة أقسام القبيلة
          • Nov 2002
          • 9791

          #5
          هلا بإخي ابن زيدان

          قلت يارعاك الله مانصة: ( وياليت المشرف ابن مشيب يعدل السالفة والا يحذفها لانها ماهي بزينه بيننا ) , فهمت المقصود بالحذف , ولكن تعديل السالفة لم افهم المقصود بة...



          ولك خالص تحياتي

          تعليق

          • راس الشلفا
            عضو نشيط
            • Apr 2005
            • 47

            #6
            [align=center]اولا واضح كل الوضووووووووووووح
            انها ملفقه تلفيق

            ابك انا كل ماتصفحت في معارك عتيبه
            القى العتبان يغيرون على حرب ومطير في وقت واحد
            ليكون حرب والا مطير
            من بعضهم

            ياعتيبه سيبوا كلام العوام
            واللي ماله داعي
            حنا لو بنجيب كلام العوام جبناه

            وش حلب في راس ابن حميد
            المسلم ماله كرامه؟؟
            يعني ابن حميد
            دفن الا راسه؟؟
            وش هالعلوم
            والله بالعقل ماتجي
            وتقولون غاروا على حرب
            ورد الحربي وكان انه حلب في راس الشيخ اكراما له!!
            والله ولا الجاهليه الاولى

            ياعتيبه انصفوا ولاتبخسوا الناس اشياؤهم

            _________

            وياليتنا ماتصفحنا معارك عتيبه
            لقينا الهوايل
            من سب للبدراني
            الى كذب ودجل

            انا اقول عتيبه ونعم والف نعم مافيها شك
            وكل قبيله لها انتصاراتها وهزائمها
            اما انكم تقارونو كل غزواتكم بأن حرب مع مطير
            فهذا لا والف لا
            وكل حروبكم في وقت واحد على مطير ثمن تغيرون على حرب
            والا على حرب ثمن تغيرون على مطير
            ماجااااااااااااات ياعتيبه




            سلام للمشرفين على الموقع



            فمان الله ياعتيبه فمان الله

            :
            :
            :
            [/align]

            تعليق

            • العكام
              عضو فضي
              • Jan 2004
              • 213

              #7
              ياراس الشلفا هالقصة معروفة ومشهورة واطرف شايب من حرب وعتيبة يحفظ السوالف اسئله عنها ويعلمك بتفصيلها

              لكن تحكم عليها من الباب لطاقة من غير توثيق تجيبه مالك حق


              والاولين قبورهم مهو مثل اليوم يشيلونه على كفن ويحطون له لحد في قبره
              إذا مات بعضهم يترك فوق الارض وبعضهم يحفر ويدفنه وبعضهم يحطه في غار ويسكر عليه

              والشيخ تركي بن حميد رحمه الله بعد موته حطوه في غار وسكرو عليه بحصاة
              وطاحت الحصاة والضواري قامت تاكل من جثته وتسحب عظامه وطلعت الجمجمة من ضمن العضام

              والسالفة كامله ذكرها عكاش الله يعطيه العافية


              وبالنسبة لتاريخنا المكتوب في هالمنتدى ماهو مع حرب ومطير فقط

              شمر وقحطان والحكام وغيرها موجوده ومؤثقة بإمهات الكتب المحايدة
              وتاريخنا نبي نكتبه ونفاخر به لانه مشرف وموثق
              من غير قصور في احد

              تعليق

              • فيصل المسعودي
                مشرف عام
                • May 2005
                • 8296

                #8
                مشكور ياعكش على هالقصه وتحياتي لك وبالنسبه للعزيزي حنا اخوان يالغالي وهذا تاريخ ويذكر والاخ عكاش قصده توثيق تاريخ بس والا مطير معروفه وحرب معروفه وعتيبه كذلك وتحياتي للجميع.

                تعليق

                • عاشق علوى
                  عضو
                  • Jun 2005
                  • 18

                  #9
                  تم النشر في الأصل بواسطة عكاش
                  حيالله كلن بسمة

                  هاذي سالفة معروفة حصلت مع جمجمة الشيخ تركي بن حميد
                  والسالفة على اثنيين واحد حربي وواحد مطيري

                  كان الحربي يرعى بباعرة عند قبر الشيخ تركي وواحدتن من نياقة قامت تعض جمجمة الشيخ تركي ويوم درى الحربي وعرف انها جمجمة الشيخ تركي بن حميد

                  شيمة الحربي وعزة نفسة حثتة على ان يكرم جمجمة الشيخ
                  قام الحربي وحلب في الجمجمة من حليب الناقة ورجع الجمجمة محلها وسكر عليها بالحصى حتى ماتجيها البل الثانية

                  وبعد فترة غزو العتبان على حرب ورجعو لهلهم بالكسب
                  وكان من ظمن الكسب نياق الحربي الي كرم جمجمة الشيخ تركي بن حميد
                  راح الحربي لشيخ عقاب بن شبنان وعلمة بسالفتة مع جمجمة الشيخ تركي
                  ويوم عرف مدى طيبة وشهامة هالحربي رجع اباعر الحربي لة وشكرة على عملة



                  بعدها بفترة جاء مطيري من الملاعبة ومر على قبر تركي بن حميد وقرب من القبر وشاف جمجمتة

                  ويوم درى انها جمجمة الشيخ تركي بن حميد تذكر ربعة الي ذبحهم وتصبيحة الهم وتشريدهم من ديرهم

                  قام المطيري الملعبي وقام يكسر جمجمة الشيخ
                  الملعبي داري انة ميت مهوب مسويبة شي
                  المطيري راح لربعة وقام يتفاخر بهالشي وانة كسرة جمجمة الشيخ تركي

                  وصل الخبر الشيخ عقاب بن شبنان وغزو على الملعبي وربعة وذبح الملعبي وناس من جماعتة وكسبو من حلالهم


                  ويقول الشاعر:

                  وليتك نشدت ( الملعبـي ) عـن بكـارة...........شرشوح ذودن كلبوهن مغاتير
                  و( الملعبي ) فالرمـح مثـل الصهـارة...........الي عمـل لـروس الامـوات تكسيـر
                  هـذا دليلـن انـة يعـانـي حــرارة................يحـز فـي كبـدة سـوات المناشـيـر

                  .................................................. .....
                  ...............................................



                  عكاش|4|
                  عكاش ودك تصير راوي ولاانت عارف يالغالي تجيبهن شاميات(ن)
                  عاميات الله يصلحك
                  على العموم السالفه ماذكرها وصححها المشرف بعد مقتل تركي
                  بن حميد على يد مطير اللي تغير على كيفك عليهم وتذبح وتكسب
                  صحيح العقل نعمه اذكرك بهذا البيت ياعكاش ودي تسأل عنه

                  (.................................................. ...)

                  والسلام




                  تم تحرير الالفاظ الساقطة , ونتمنى من المشارك الالتزام بالكلمات المحترمه

                  الإدارة

                  تعليق

                  • متيم عتيبه
                    عضو نشيط
                    • Mar 2005
                    • 50

                    #10
                    الأخوة المشاركين القصه مذكوره في من أدابنا الشعبية في الجزيره العربية للكاتب منديل الفهيد.

                    بالنسبه للاخوة المعترضين علي القصه هذا التاريخ و ما ذكره عن أسلافنا لذلك كونوا عقلانين ودعوا عنكم المهاترات . وهذه ليست من تأليف العوام كما يدعون.

                    المصادر هي الفيصل يا أحبائي المعارضين

                    تعليق

                    • ماجدالعتيبي
                      عضو
                      • May 2003
                      • 23

                      #11
                      الله يهديكم وشفيكم على الرجال السالفه كلاً يعرفها
                      بعدين يا بن زيدان شف وش يكتبون المطران في منتدى حمران النواظر من تحريف للتاريخ يقولون مطير فزعة مع عتيبه يوم طلال والدويش غازيهم مع بن سعود

                      تعليق

                      • عكاش
                        عضو ذهبي
                        • Sep 2003
                        • 332

                        #12
                        الله يعطيك العافية يامتيم عتيبة يوم حجيته بالمصدر

                        والجميع الله لايهينهم

                        تعليق

                        • الصل
                          موقوف لمخالفة الأنظمة
                          • May 2005
                          • 282

                          #13
                          الاخ الكريم عكاش


                          بيظ الله وجهك وكثر الله من امثالك على هذه القصخ المعروفه لدى الجميع

                          تقبل تحياتي

                          تعليق

                          • ابو قلبً عطيب
                            عضو فعال
                            • Jul 2005
                            • 157

                            #14
                            [align=center] بسم الله الرحمن الرحيم [/align]
                            [align=center] السلام عليكم ورحمة الله وبركاته [/align]

                            [align=center]الأخ عكاش لك كل الشكر والتقدير على هذه القصه الرائعة والتي كثير مانسمعها في المجالس وايضاً مؤرخه في كتاب الشيخ منديل الفهيد . وخل اللي يهرج يهرج وحنا وش علينا نحن لانتفوه الا بالصدق وكما ذكر بالكتب وكما ذكر أجدادنا ............[/align]

                            وعلى قول الشاعر / ملفي المورقي الله يعطيه ويمده من العافية يومه يقول

                            هاذي وأنا ملفي فعايل عتيبة ...................... اللي ليا جات المعضلات ارتكولها


                            وأنت لم تذكر الا فعايل عتيبة كما قيلت وكما حصلت وهذا البيت ينطبق مع قصتك انت والاخوه هنا .....

                            وتقبلو فائق تحياتي
                            أخوكم /
                            ابو قلبً عطيب

                            تعليق

                            • النووي
                              عضو فضي
                              • Sep 2004
                              • 236

                              #15
                              مشكور يا عكاش يعطيك العافيه

                              تعليق

                              العمل...